Woman commits suicide after being harassed for demanding money back
Connect with us [email protected]

ਪੰਜਾਬੀ ਖ਼ਬਰਾਂ

ਪੈਸੇ ਵਾਪਸ ਮੰਗਣ ਅਤੇ ਧਮਕੀ ਤੋਂ ਪਰੇਸ਼ਾਨ ਮਹਿਲਾ ਵੱਲੋਂ ਖੁਦਕੁਸ਼ੀ

Published

on

dead body

ਬਠਿੰਡਾ, 6 ਜਨਵਰੀ – ਬਾਬਾ ਦੀਪ ਸਿੰਘ ਨਗਰ ਦੀ ਇੱਕ ਮਹਿਲਾ ਨੇ ਰਜਬਾਹੇ ਵਿੱਚ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ ਹੈ। ਉਸ ਦੀ ਪਛਾਣ ਬਿਮਲਾ ਦੇਵੀ ਵਜੋਂ ਹੋਈ ਹੈ।
ਸੁਸਾਈਡ ਨੋਟ ਵਿੱਚ ਬਿਮਲਾ ਦੇਵੀ ਨੇ ਦੋਸ਼ ਲਾਇਆ ਕਿ ਉਸਨੇ ਕੁਝ ਲੋਕਾਂ ਤੋਂ ਪੈਸੇ ਹੁਦਾਰ ਲਏ ਸਨ, ਜੋ ਉਸ ਨੂੰ ਪੈਸੇ ਵਾਪਸ ਕਰਨ ਦੇ ਦਬਾਅ ਵਿੱਚ ਕੋਰਟ ਵਿੱਚ ਚੈਕ ਲਾਉਣ ਦੀਆਂ ਧਮਕੀਆਂ ਦੇਂਦੇ ਸਨ। ਪੁਲਸ ਨੇ ਸੁਸਾਈਡ ਨੋਟ ਦੇ ਆਧਾਰ ‘ਤੇ ਮ੍ਰਿਤਕਾ ਦੇ ਬੇਟੇ ਦੇ ਬਿਆਨਾਂ ‘ਤੇ ਤਿੰਨ ਔਰਤਾਂ ਸਮੇਤ ਛੇ ਦੇ ਖਿਲਾਫ ਕੇਸ ਦਰਜ ਕੀਤਾ ਹੈ। ਦੋਸ਼ੀਆਂ ਦੀ ਪਛਾਣ ਬਿੱਟੂ ਵਾਸੀ ਗੁਰੂ ਕੀ ਨਗਰੀ ਬਠਿੰਡਾ, ਸੁਖਜੀਤ ਕੌਰ, ਮਨਜੀਤ ਕੌਰ ਵਾਸੀ ਦੰਗਾ ਪੀੜਤ ਕਾਲੋਨੀ, ਅਮਨ ਵਾਸੀ ਬਾਬਾ ਦੀਪ ਸਿੰਘ ਨਗਰ, ਭੋਲੀ ਕੌਰ ਵਾਸੀ ਊਧਮ ਸਿੰਘ ਨਗਰ, ਪਟਵਾਰੀ ਵਾਸੀ ਦੰਗਾ ਪੀੜਤ ਕਾਲੋਨੀ ਬਠਿੰਡਾ ਦੇ ਤੌਰ ‘ਤੇ ਹੋਈ ਹੈ। ਥਾਣਾ ਕੈਨਾਲ ਕਾਲੋਨੀ ਪੁਲਸ ਨੂੰ ਬਿਆਨ ਦੇ ਕੇ ਰਾਕੇਸ਼ ਕੁਮਾਰ ਵਾਸੀ ਬਾਬਾ ਦੀਪ ਸਿੰਘ ਨਗਰ ਬਠਿੰਡਾ ਨੇ ਦੱਸਿਆ ਕਿ ਉਸ ਦੀ ਮਾਂ ਬਿਮਲਾ ਦੇਵੀ ਨੇ ਲੋਕਾਂ ਤੋਂ ਕੁਝ ਪੈਸੇ ਉਧਾਰ ਲਏ ਸਨ ਤੇ ਉਧਾਰ ਲੈਂਦੇ ਸਮੇਂ ਖਾਲੀ ਚੈਕ ਦਿੱਤੇ ਸਨ। ਕਈ ਦਿਨਾਂ ਤੋਂ ਦੋਸ਼ੀ ਉਸ ਦੀ ਮਾਂ ਨੂੰ ਪੈਸੇ ਵਾਪਸ ਕਰਨ ਦਾ ਦਬਾਅ ਬਣਾ ਰਹੇ ਸਨ ਅਤੇ ਚੈਕ ਬਾਊਂਸ ਕਰਵਾ ਕੇ ਕੋਰਟ ਵਿੱਚ ਚੈਕ ਲਾਉਣ ਦੀਆਂ ਧਮਕੀਆਂ ਦੇਂਦੇ ਸਨ ਜਿਸ ਕਾਰਨ ਉਸ ਦੀ ਮਾਂ ਮਾਨਸਿਕ ਤੌਰ ‘ਤੇ ਪ੍ਰੇਸ਼ਾਨ ਵੀ ਸੀ। ਇਸ ਕਾਰਨ ਮਾਂ ਬਿਮਲਾ ਦੇਵੀ ਨੇ ਬਠਿੰਡਾ-ਮਾਨਸਾ ਰੋਡ ‘ਤੇ ਰਜਬਾਹੇ ਵਿੱਚ ਛਾਲ ਮਾਰ ਕੇ ਖੁਦਕੁਸ਼ੀ ਕਰ ਲਈ। ਪੁਲਸ ਨੇ ਦੱਸਿਆ ਕਿ ਸਾਰੇ ਦੋਸ਼ੀ ਫਰਾਰ ਹਨ, ਉਨ੍ਹਾਂ ਦੀ ਗ੍ਰਿਫਤਾਰੀ ਦੇ ਲਈ ਪੁਲਸ ਛਾਪੇਮਾਰੀ ਕਰ ਰਹੀ ਹੈ।

ਪੰਜਾਬੀ ਖ਼ਬਰਾਂ

ਨਸ਼ਾ ਸਮੱਗਲਰ ਨੋਨੀ ਬਾਕਸਰ ਦੀ ਜਾਇਦਾਦ ਜ਼ਬਤ

Published

on

property

ਅੰਮ੍ਰਿਤਸਰ, 30 ਜੁਲਾਈ – ਡੀ ਸੀ ਪੀ ਡਿਟੈਕਟਿਵ ਮੁਖਵਿੰਦਰ ਸਿੰਘ ਭੁੱਲਰ ਅਤੇ ਏ ਸੀ ਪੀ ਪੱਛਮੀ ਦੇਵ ਦੱਤ ਸ਼ਰਮਾ ਨੇ ਨਸ਼ਾ ਸਮੱਗਲਰਾਂ ਦੇ ਖ਼ਿਲਾਫ਼ ਵੱਡੀ ਕਾਰਵਾਈ ਕਰਦੇ ਹੋਏ ਸਮੱਗਲਰ ਸੁਨੀਲ ਕੁਮਾਰ ਉਰਫ਼ ਨੋਨੀ ਬਾਕਸਰ, ਕਪਿਲ ਕੁਮਾਰ ਪੱਪਲ ਦੋਨੋਂ ਪੁੱਤਰ ਸਤਪਾਲ ਵਾਸੀ ਗਵਾਲਮੰਡੀ ਰਾਮ ਤੀਰਥ ਰੋਡ ਦੀ ਨਸ਼ੇ ਵੇਚ ਬਣਾਈ ਲੱਖਾਂ ਰੁਪਏ ਦੀ ਜਾਇਦਾਦ ਨੂੰ ਜਬਤ ਕਰਵਾਉਣ ਦੀ ਕਾਰਵਾਈ ਕਰ ਦਿੱਤੀ ਹੈ।
ਪਿਛਲੇ ਸਮੇਂ ਵਿੱਚ ਸੁਨੀਲ ਕੁਮਾਰ ਨੋਨੀ ਬਾਕਸਰ ਅਤੇ ਉਸ ਦੇ ਭਰਾ ਕਪਿਲ ਕੁਮਾਰ ਖ਼ਿਲਾਫ਼ ਕੇਸ ਥਾਣਾ ਕੈਂਟ ਵਿੱਚ ਦਰਜ ਕਰਕੇ 500 ਗ੍ਰਾਮ ਹੈਰੋਇਨ, ਦੋ ਪਿਸਟਲ 32 ਬੋਰ, ਵਰਨਾ ਕਾਰ, 35 ਹਜ਼ਾਰ ਰੁਪਏ ਡਰੱਗ ਮਨੀ ਬਰਾਮਦ ਕੀਤੀ ਗਈ ਸੀ। ਕੰਟੋਨਮੈਂਟ ਪੁਲਸ ਵੱਲੋਂ ਇਨ੍ਹਾਂ ਸਮੱਗਲਰ ਭਰਾਵਾਂ ਵੱਲੋਂ ਨਸ਼ੇੇ ਵੇਚ ਕੇ ਬਣਾਈ ਗਈ ਜਾਇਦਾਦ ਦਾ ਪਤਾ ਲਾਉਣ ਪਿਛੋਂ ਸਬੰਧਤ ਵਿਭਾਗ ਤੋਂ ਤਸਦੀਕ ਕਰਵਾ ਕੇਂ ਕੇਸ ਨਵੀਂ ਦਿੱਲੀ ਭੇਜਿਆ ਸੀ। ਐਡਮਨਿਸਟਰੇਟਰ ਐਨ ਡੀ ਪੀ ਐਸ ਐਕਟ ਤਹਿਤ ਕਾਰਵਾਈ ਕਰਦਿਆਂ ਇਨ੍ਹਾਂ ਦੋਵਾਂ ਸਮੱਗਲਰ ਭਰਾਵਾਂ ਦੀ ਕਰੀਬ 25 ਲੱਖ ਰੁਪਏ ਦੀ ਜਾਇਦਾਦ ਨੂੰ ਜ਼ਬਤ ਕੀਤਾ ਗਿਆ ਹੈ। ਕਮਿਸ਼ਨਰ ਪੁਲਸ ਡਾ. ਸੁਖਚੈਨ ਸਿੰਘ ਗਿੱਲ ਨੇ ਦੱਸਿਆ ਕਿ ਨਸ਼ਾ ਸਮੱਗਲਰਾਂ ਵੱਲੋਂ ਬਣਾਈਆਂ ਗਈਆਂ ਬੇਨਾਮੀ ਜਾਇਦਾਦਾਂ ਨੂੰ ਬੇਪਰਦ ਕਰ ਕੇ ਇਸੇ ਤਰ੍ਹਾਂ ਜਬਤ ਕਰਵਾਉਣ ਦੀ ਲੜੀ ਜਾਰੀ ਰਹੇਗੀ।

Continue Reading

ਪੰਜਾਬੀ ਖ਼ਬਰਾਂ

ਹਾਈ ਕੋਰਟ ਨੇ ਕਿਹਾ:ਸਹਿਮਤੀ ਨਾਲ ਸੰਬੰਧ ਬਣਾਉਣ `ਤੇ ਇਕੱਲੇ ਮਰਦ ਦੋਸ਼ੀ ਨਹੀਂ ਹੁੰਦੇ

Published

on

high court chandighar

ਚੰਡੀਗੜ੍ਹ, 30 ਜੁਲਾਈ – ਪੰਜਾਬ ਹਰਿਆਣਾ ਹਾਈ ਕੋਰਟ ਨੇ ਇੱਕ ਕੇਸ ਵਿੱਚ ਫੈਸਲਾ ਸੁਣਾਉਂਦੇ ਹੋਏ ਕਿਹਾ ਕਿ ਵਿਆਹ ਦੇ ਬਹਾਨੇ ਸਹਿਮਤੀ ਨਾਲ ਸਰੀਰਕ ਸੰਬੰਧ ਬਣਾਉਣ ਦਾ ਸਿਰਫ ਮਰਦ ਦੋਸ਼ੀ ਨਹੀਂ।
ਜਸਟਿਸ ਸੁਦੀਪ ਆਹਲੂਵਾਲੀਆ ਨੇ ਇਸ ਕੇਸ ਵਿੱਚ ਅਨੁਸੂਚਿਤ ਜਾਤੀ ਅਤੇ ਅਨੁਸੂਚਿਤ ਕਬੀਲੇ ਐਕਟ ਦੀਆਂ ਮੱਦਾਂ ਦੇ ਤਹਿਤ ਕੇਸ ਦਰਜ ਕਰਨ ਉੱਤੇ ਵੀ ਸਵਾਲ ਉਠਾਇਆ ਤੇ ਦੋਸ਼ੀ ਮਰਦ ਨੂੰ ਜ਼ਮਾਨਤ ਦੇ ਦਿੱਤੀ ਹੈ। ਇਸ ਦੋਸ਼ੀ ਦੇ ਖਿਲਾਫ ਕੁਰੂਕਸ਼ੇਤਰ ਜ਼ਿਲ੍ਹੇ ਦੇ ਬਾਬੈਨ ਥਾਣੇ ਵਿੱਚ 17 ਮਾਰਚ ਨੂੰ ਕੇਸ ਦਰਜ ਹੋਇਆ ਸੀ। ਜਸਟਿਸ ਆਹਲੂਵਾਲੀਆ ਨੇ ਕਿਹਾ ਕਿ ਅਜਿਹਾ ਕੋਈ ਦੋਸ਼ ਨਹੀਂ ਕਿ ਮਰਦ ਨੇ ਔਰਤ ਨਾਲ ਜ਼ਬਰਦਸਤੀ ਸੰਬੰਧ ਬਣਾਏ। ਉਸ ਨੇ ਔਰਤ ਦੇ ਨਾਲ ਵਿਆਹ ਦਾ ਵਾਅਦਾ ਕੀਤਾ ਸੀ, ਕਿਉਂਕਿ ਔਰਤ ਦੇ ਆਪਣੇ ਪਤੀ ਨਾਲ ਸੰਬੰਧ ਠੀਕ ਨਹੀਂ ਸਨ। ਇੱਕ ਕਾਲਮ ਵਿੱਚ ਪਤਾ ਲੱਗਾ ਕਿ ਔਰਤ ਦਾ ਜਨਮ 1991 ਦਾ ਸੀ, ਇਸ ਤਰ੍ਹਾਂ ਉਸ ਨੇ ਬਹੁਤ ਪਹਿਲਾਂ ਬਾਲਗ ਹੋਣ ਦੀ ਉਮਰ ਪਾਰ ਕਰ ਲਈ ਸੀ। ਕੋਰਟ ਮੁਤਾਬਕ ਇਹ ਦੋ ਧਿਰਾਂ ਦੀ ਸਹਿਮਤੀ ਨਾਲ ਸੰਬੰਧ ਦਾ ਕੇਸ ਲੱਗਦਾ ਹੈ ਤੇ ਦੋਵਾਂ ਵਿਚਾਲੇ ਵਿਆਹ ਉਦੋਂ ਤਕ ਸੰਭਵ ਨਹੀਂ, ਜਦੋਂ ਤਕ ਸ਼ਿਕਾਇਤ ਕਰਤਾ ਦਾ ਪਹਿਲਾ ਵਿਆਹ ਖਤਮ ਨਹੀਂ ਹੁੰਦਾ। ਉਸ ਦਾ ਪਹਿਲਾ ਵਿਆਹ ਚੱਲ ਰਿਹਾ ਹੈ। ਅਜਿਹੇ ਹਾਲਾਤ ਵਿੱਚ ਮਰਦ ਨੂੰ ਪੂਰੀ ਤਰ੍ਹਾਂ ਦੋਸ਼ੀ ਨਹੀਂ ਮੰਨਿਆ ਜਾ ਸਕਦਾ, ਭਾਵੇਂ ਉਸ ਦੇ ਖਿਲਾਫ ਦੋਸ਼ ਲੱਗੇ ਹੋਣ। ਕੋਰਟ ਨੇ ਐਸ ਸੀ, ਐਸ ਟੀ ਐਕਟ ਦੇ ਤਹਿਤ ਕੇਸ ਦਰਜ ਕਰਨ ਵਿੱਚ ਵੀ ਸਵਾਲ ਉਠਾ ਕੇ ਕਿਹਾ ਕਿ ਅਜਿਹਾ ਕੋਈ ਦੋਸ਼ ਨਹੀਂ ਸੀ ਕਿ ਮਰਦ ਨੇ ਅਨੁਸੂਚਿਤ ਜਾਤੀ ਨਾਲ ਸਬੰਧਤ ਹੋਣ ਕਾਰਨ ਔਰਤ ਦਾ ਅਪਮਾਨ ਕੀਤਾ ਜਾਂ ਉਸ ਨੂੰ ਪੀੜਤ ਕੀਤਾ। ਅਜਿਹੇ ਵਿੱਚ ਐਸ ਸੀ, ਐਸ ਟੀ ਐਕਟ ਜੋੜਨਾ ਹੈਰਾਨੀ ਤੋਂ ਘੱਟ ਨਹੀਂ ਹੈ।

Read More Latest Punjabi News

Continue Reading

ਪੰਜਾਬੀ ਖ਼ਬਰਾਂ

ਸਕਾਲਰਸ਼ਿਪ ਘੁਟਾਲਾ :ਸੀ ਬੀ ਆਈ ਵੱਲੋਂ ਰਿਕਾਰਡ ਮੰਗਣ ਉੱਤੇ ਪੰਜਾਬ ਸਰਕਾਰ ਦੇ ਅੰਦਰ ਤਰਥੱਲੀ

Published

on

CBI

ਚੰਡੀਗ਼ੜ੍ਹ, 30 ਜੁਲਾਈ – ਪੰਜਾਬ ਵਿੱਚ ਪੋਸਟ ਮੈਟਰਿਕ ਸਕਾਲਰਸ਼ਿਪ ਦੀ ਵੰਡ ਵਿੱਚ 63.91 ਕਰੋੜ ਰੁਪਏ ਦੇ ਘੁਟਾਲੇ ਦੀ ਜਾਂਚ ਸੀ ਬੀ ਆਈ ਵੱਲੋਂ ਆਪਣੇ ਹੱਥਾਂ ਲਏ ਜਾਣ ਨਾਲ ਸਰਕਾਰੀ ਹਲਕੇ ਘਬਰਾਹਟ ਵਿੱਚ ਹਨ। ਇਹ ਘੁਟਾਲਾ ਐਡੀਸ਼ਨਲ ਚੀਫ ਸੈਕਟਰੀ ਕਿਰਪਾ ਸ਼ੰਕਰ ਸਰੋਜ ਦੀ ਰਿਪੋਰਟ ਨਾਲ ਵੱਡਾ ਮੁੱਦਾ ਬਣਿਆ ਸੀ, ਜਿਸ ਵਿੱਚ ਉਨ੍ਹਾਂ ਕਿਹਾ ਸੀ ਕੋਈ 39 ਕਰੋੜ ਰੁਪਏ ਉਨ੍ਹਾਂ ਸੰਸਥਾਵਾਂ ਨੂੰ ਦਿੱਤੇ ਗਏ, ਜਿਨ੍ਹਾਂ ਦਾ ਕੋਈ ਰਿਕਾਰਡ ਨਹੀਂ ਜਾਂ ਰਿਕਾਰਡ ਮਿਲ ਨਹੀਂ ਰਿਹਾ ਅਤੇ 16.71 ਕਰੋੜ ਕੁਝ ਸੰਸਥਾਵਾਂ ਨੂੰ ਗ਼ਲਤ ਦਿੱਤਾ ਗਿਆ ਸੀ। ਕੇਂਦਰੀ ਫ਼ੰਡਾਂ ਵਾਲੀ ਇਸ ਸਕੀਮ ਬਾਰੇ ਰਾਜ ਸਰਕਾਰ ਵੱਲੋਂ ਪੈਸੇ ਦੀ ਵਰਤੋਂ ਸਬੰਧੀ ਰਿਪੋਰਟਾਂ ਵੀ ਕਾਫ਼ੀ ਪਛੜ ਕੇ ਦਿੱਤੀਆਂ।
ਕ੍ਰਿਪਾ ਸ਼ੰਕਰ ਸਰੋਜ ਨੇ ਆਪਣੀ ਰਿਪੋਰਟ ਵਿੱਚ ਵਿਭਾਗ ਦੇ ਇੱਕ ਅਧਿਕਾਰੀ ਨੂੰ ਮੁੱਖ ਦੋਸ਼ੀ ਦੱਸਿਆ ਸੀ, ਜਿਹੜਾ ਮੰਤਰੀ ਸਾਧੂ ਸਿੰਘ ਧਰਮਸੋਤ ਦੇ ਕਰੀਬ ਦੱਸਿਆ ਜਾਂਦਾ ਸੀ। ਸੀ ਬੀ ਆਈ ਨੇ ਇਸ ਘੁਟਾਲੇ ਦਾ ਸਾਰਾ ਰਿਕਾਰਡ ਪੰਜਾਬ ਸਰਕਾਰ ਤੋਂ ਮੰਗ ਲਿਆ ਹੈ ਅਤੇ ਇਹ ਰਿਕਾਰਡ ਸਰਕਾਰੀ ਦਸਤਖ਼ਤਾਂ ਹੇਠ ਸੀ ਬੀ ਆਈ ਦੇ ਚੰਡੀਗ਼ੜ੍ਹ ਦਫ਼ਤਰ 24 ਅਗਸਤ ਤਕ ਪੁੱਜਦਾ ਕਰਨ ਦਾ ਪੱਤਰ ਮਿਲਣ ਪਿੱਛੋਂ ਰਾਜ ਸਰਕਾਰ ਵਿੱਚ ਕਾਫ਼ੀ ਘਬਰਾਹਟ ਹੈ ਅਤੇ ਕੱਲ੍ਹ ਮੁੱਖ ਮੰਤਰੀ ਵੱਲੋਂ ਅਨੁਸੂਚਿਤ ਜਾਤਾਂ ਬਾਰੇ ਮੁੱਦਿਆਂ ਉੱਤੇ ਬੈਠਕ ਤੋਂ ਬਾਅਦ ਮੁੱਖ ਮੰਤਰੀ ਨਾਲ ਵੀ ਵਿਚਾਰਿਆ ਗਿਆ ਹੈ। ਸਰਕਾਰੀ ਹਲਕਿਆਂ ਮੁਤਾਬਕ ਸਰਕਾਰ ਲਈ ਵੱਡੀ ਚਿੰਤਾ ਵਾਲੀ ਗੱਲ ਇਹ ਹੈ ਕਿ ਇਸ ਨਾਲ ਸਬੰਧਤ ਕੁਝ ਰਿਕਾਡਰ ਸਰਕਾਰੀ ਫਾਈਲਾਂ ਵਿੱਚੋਂ ਲਾਪਤਾ ਹੈ। ਇਸ ਤੋਂ ਇਲਾਵਾ ਸਰਕਾਰ ਦੇਸੀਨੀਅਰ ਤਿੰਨ ਆਈ ਏ ਐਸ ਅਫਸਰਾਂ ਜਸਪਾਲ ਸਿੰਘ, ਕੇ ਏ ਪੀ ਸਿਨਹਾ ਅਤੇ ਵਿਵੇਕ ਪ੍ਰਤਾਪ ਸਿੰਘ ਉੱਤੇ ਆਧਾਰਤ ਕਮੇਟੀ ਨੇ ਜਿਵੇਂ ਇਹ ਕਹਿ ਕੇ ਸਾਰੇ ਕੇਸ ਨੂੰ ਨਿਬੇੜ ਦਿੱਤਾ ਸੀ ਕਿ ਕੇਵਲ 13-14 ਸੰਸਥਾਵਾਂ ਨੂੰ ਕੋਈ ਸੱਤ ਕਰੋੜ ਦੀ ਰਾਸ਼ੀ ਵਾਧੂ ਦਿੱਤੀ ਗਈ, ਜੋ ਵਾਪਸ ਵਸੂਲ ਕੀਤੀ ਜਾਵੇ ਪਰ ਕਮੇਟੀ ਨੇ ਕਿਹਾ ਸੀ ਉਨ੍ਹਾਂ 39 ਕਰੋੜ ਦੇ ਉਨ੍ਹਾਂ ਸਕਾਲਰਸ਼ਿਪਾਂ ਦਾ ਪਤਾ ਲਾ ਲਿਆ ਹੈ ਜਿਨ੍ਹਾਂ ਬਾਰੇ ਪਹਿਲਾਂ ਰਿਕਾਰਡ ਨਾ ਹੋਣ ਦੀ ਗੱਲ ਕੀਤੀ ਗਈ ਸੀ। ਜੇ ਇਸ ਕਮੇਟੀ ਦੇ ਕੰਮ ਵਿੱਚ ਕੋਈ ਤਰੁੱਟੀ ਪਾਈ ਗਈ ਤਾਂਸੀ ਬੀ ਆਈ ਵੱਲੋਂ ਉਕਤ ਅਧਿਕਾਰੀਆਂ ਦੀ ਵੀ ਜਵਾਬ ਤਲਬੀ ਕੀਤੀ ਜਾ ਸਕਦੀ ਹੈ।
ਸੀ ਬੀ ਆਈ ਵੱਲੋਂ ਇਹ ਕੇਸ ਸਿੱਧਾ ਆਪਣੇ ਹੱਥ ਲਏ ਜਾਣ ਬਾਰੇ ਰਾਜ ਸਰਕਾਰ ਨੂੰ ਸਪੱਸ਼ਟ ਕੀਤਾ ਹੈ ਕਿ ਇਸ ਕੇਸ ਦਾ ਸਬੰਧ ਕੇਂਦਰੀ ਫ਼ੰਡਾਂ ਨਾਲ ਹੈ, ਇਸ ਲਈ ਸੀ ਬੀ ਆਈ ਕੇਂਦਰ ਦੇ ਆਦੇਸ਼ਾਂ ਉੱਤੇ ਸਿੱਧੀ ਜਾਂਚ ਕਰ ਸਕਦੀ ਹੈ। ਰਾਜ ਸਰਕਾਰ ਦੇ ਸੂਤਰਾਂ ਦਾ ਕਹਿਣਾ ਹੈ ਕਿ ਹੋਰ ਵੀ ਬਹੁਤ ਸਾਰੇ ਦੂਜੇ ਵਿਭਾਗਾਂ ਵਿੱਚ ਜਿੱਥੇ ਕੇਂਦਰੀ ਫ਼ੰਡਾਂ ਨਾਲ ਕੰਮ ਹੋ ਰਹੇ ਹਨ, ਉਨ੍ਹਾਂ ਸਬੰਧੀ ਵੀ ਕੇਂਦਰ ਲਈ ਸਿੱਧੀ ਜਾਂਚ ਦੇ ਆਦੇਸ਼ ਦੇਣ ਦਾ ਰਾਹ ਖੁੱਲ੍ਹ ਗਿਆ ਹੈ।

Read More Latest Punjabi News

Continue Reading

ਰੁਝਾਨ


Copyright by IK Soch News powered by InstantWebsites.ca