ਮੋਗਾ, 9 ਫਰਵਰੀ, -ਏਥੋਂ ਦੇ ਕੱਚਾ ਦੁਸਾਂਝ ਰੋਡ ਉੱਤੇ ਵੋਟਰਾਂ ਨੂੰ ਸ਼ਰਾਬ ਵੰਡਦੇ ਤੇ ਹੁੱਲੜਬਾਜ਼ੀ ਕਰਦੇ ਵਾਰਡ ਨੰਬਰ 9 ਦੀ ਕਾਂਗਰਸੀ ਉਮੀਦਵਾਰ ਹਰਵਿੰਦਰ ਕੌਰ ਦੇ ਪਤੀ ਨਰਿੰਦਰ ਪਾਲ ਸਿੰਘ ਅਤੇ ਅਕਾਲੀ ਉਮੀਦਵਾਰ ਕੁਲਵਿੰਦਰ ਕੌਰ ਦੇ ਪਰਿਵਾਰ ਵਾਲੇ ਜਗਦੀਪ ਸਿੰਘ ਤੇ ਬੱਬੂ ਗਿੱਲ ਵਿਚਾਲੇ ਹਿੰਸਕ ਝੜਪ ਹੋ ਗਈ ਹੈ, ਜਿਸ ਵਿਚ ਬੱਬੂਗਿੱਲ ਦੀ ਮੌਤ ਹੋ ਗਈ ਅਤੇ ਜਗਦੀਪ ਸਿੰਘ ਗੰਭੀਰ ਜ਼ਖ਼ਮੀ ਹੋ ਗਿਆ ਹੈ।
ਮੌਕੇ ਉੱਤੇ ਮੌਜੂਦ ਲੋਕਾਂ ਦੇ ਦੱਸਣ ਅਨੁਸਾਰ ਦੇਰ ਰਾਤ ਵਾਰਡ ਨੰਬਰ 9 ਵਿਚ ਕਾਂਗਰਸੀ ਉਮੀਦਵਾਰ ਹਰਵਿੰਦਰ ਕੌਰ ਦੇ ਪਤੀ ਕਾਂਗਰਸੀ ਆਗੂ ਨਰਿੰਦਰਪਾਲ ਸਿੰਘ, ਉਨ੍ਹਾਂ ਦਾ ਪੁੱਤਰ ਅਤੇ ਕੁਝ ਹੋਰ ਲੋਕ ਚਾਰ-ਪੰਜ ਗੱਡੀਆਂ ਵਿਚ ਤੇਜ਼ ਹੂਟਰ ਮਾਰਦੇ ਹੋਏ ਘੁੰਮ ਰਹੇ ਸਨ ਤਾਂ ਕੱਚਾ ਦੁਸਾਂਝ ਰੋਡ ਉੱਤੇਕੁਝ ਲੋਕਾਂ ਨੇ ਵਿਰੋਧ ਕੀਤਾ। ਇਨ੍ਹਾਂ ਵਿਚ ਵਾਰਡ ਨੰਬਰ 9 ਤੋਂ ਅਕਾਲੀ ਉਮੀਦਵਾਰ ਕੁਲਵਿੰਦਰ ਕੌਰ ਦੇ ਸਮਰਥਕ ਜਗਦੀਪ ਸਿੰਘ ਅਤੇ ਬੱਬੂਗਿੱਲਵੀ ਸਨ। ਪਤਾ ਲੱਗਾ ਹੈ ਕਿ ਇਸ ਗੱਲਤੋਂ ਕਾਂਗਰਸ ਦੇ ਲੋਕਾਂ ਨੇ ਜਗਦੀਪ ਸਿੰਘ ਦੀ ਗੱਡੀ ਉੱਤੇ ਡਾਂਗਾਂ ਮਾਰਨੀਆਂਸ਼ੁਰੂ ਕਰ ਦਿੱਤੀਆਂ। ਓਥੇਮੌਜੂਦ ਕੁਝ ਮੀਡੀਆ ਵਾਲਿਆਂ ਨੇ ਜਦੋਂ ਰਿਕਾਰਡ ਕਰਨ ਦੀ ਕੋਸ਼ਿਸ਼ ਕੀਤੀ ਤਾਂ ਕਾਂਗਰਸੀ ਆਗੂ ਨਰਿੰਦਰਪਾਲ ਸਿੰਘ ਤੇ ਉਸ ਦੇ ਕੁਝ ਸਮਰਥਕਾਂ ਨੇ ਭੀੜ ਵਿਚੋਂ ਤੇਜ਼ੀ ਨਾਲ ਆਪਣੀ ਗੱਡੀ ਭਜਾਈ ਅਤੇ ਜਗਦੀਪ ਸਿੰਘ ਤੇ ਬੱਬੂਗਿੱਲ ਦੋਵਾਂ ਨੂੰ ਕੁਚਲਦੇ ਹੋਏ ਨਿਕਲ ਗਏ। ਹਾਦਸੇ ਪਿੱਛੋਂ ਗੰਭੀਰ ਜ਼ਖ਼ਮੀ ਹੋਏ ਬੱਬੂ ਗਿੱਲ ਤੇ ਜਗਦੀਪ ਸਿੰਘ ਦੇ ਸਮਰਥਕ ਮਥੁਰਾਦਾਸ ਸਿਵਲ ਹਸਪਤਾਲ ਵਿਚ ਲੈ ਕੇ ਆਏ, ਜਿੱਥੇ ਬੱਬੀ ਗਿੱਲ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ ਤੇ ਜਗਦੀਪ ਸਿੰਘ ਦੀ ਗੰਭੀਰ ਹਾਲਤ ਦੇ ਕਾਰਨ ਉਨ੍ਹਾਂ ਨੂੰ ਫ਼ਰੀਦਕੋਟ ਰੈਫਰ ਕਰ ਦਿੱਤਾ ਗਿਆ।