Vaishnu is constantly becoming alcohol in a woman's body
Connect with us [email protected]

ਸਿਹਤ

ਵੈਸ਼ਨੂ ਔਰਤ ਦੇ ਸਰੀਰ ਵਿੱਚ ਲਗਾਤਾਰ ਅਲਕੋਹਲ ਬਣ ਰਿਹੈ

Published

on

alcohal

ਵਾਸ਼ਿੰਗਟਨ, 5 ਫਰਵਰੀ – ਸ਼ਰਾਬ ਵੱਧ ਪੀਣ ਵਾਲਿਆਂ ਵਿੱਚ ਲਿਵਰ ਟਰਾਂਸਪਲਾਂਟ ਦੀ ਨੌਬਤ ਆਉਂਦੀ ਹੈ, ਪਰ ਅਮਰੀਕਾ ਵਿੱਚ ਇੱਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ।
38 ਸਾਲ ਦੀ ਸਾਰਾ ਲਿਫੇਬਰ ਸ਼ਰਾਬ ਨਹੀਂ ਪੀਂਦੀ, ਪਰ ਉਹ ਨਸ਼ੇ ਵਿੱਚ ਰਹਿੰਦੀ ਹੈ। ਇਸ ਕਾਰਨ ਉਹ ਬਿਮਾਰੀ ਨਾਲ ਜੂਝ ਰਹੀ ਹੈ। ਸਾਰਾ ਨੂੰ ਪਿਛਲੇ ਸਾਲ ਫਰਵਰੀ ਵਿੱਚ ਪਤਾ ਲੱਗਾ ਕਿ ਉਹ ਆਟੋ-ਬ੍ਰੀਵਰੀ ਸਿੰਡਰੋਮ ਨਾਲ ਜੂਝ ਰਹੀ ਹੈ। ਐਕਸਪਰਟ ਮੁਤਾਬਕ ਅਜਿਹਾ ਸਿੰਡਰੋਮ ਹੋਣ ‘ਤੇ ਸਰੀਰ ਵਿੱਚ ਯੀਸਟ ਐਥੇਨਾਲ ਬਣਨ ਲੱਗਦਾ ਹੈ, ਜੋ ਇੱਕ ਤਰ੍ਹਾਂ ਦਾ ਅਲਕੋਹਲ ਹੈ। ਇਹ ਅਲਕੋਹਲ ਬਣਨ ਦੇ ਬਾਅਦ ਸਿੱਧੇ ਬਲੱਡ ਵਿੱਚ ਮਿਲ ਕੇ ਪੂਰੇ ਸਰੀਰ ਵਿੱਚ ਪਹੁੰਚ ਜਾਂਦਾ ਹੈ ਅਤੇ ਮਰੀਜ਼ ਹਰ ਸਮੇਂ ਨਸ਼ੇ ਵਿੱਚ ਰਹਿੰਦਾ ਹੈ। ਦੋ ਬੱਚਿਆਂ ਦੀ ਮਾਂ ਸਾਰਾ ਕਹਿੰਦੀ ਹੈ, ਇਸ ਦੀ ਸ਼ੁਰੂਆਤ 20 ਸਾਲ ਦੀ ਉਮਰ ਵਿੱਚ ਹੋਈ ਸੀ। ਮੈਂ ਕਾਫੀ ਪ੍ਰੇਸ਼ਾਨ ਹਾਂ, ਕਿਉਂਕਿ ਕਈ ਵਾਰ ਡਾਕਟਰ ਮੇਰੀ ਬਿਮਾਰੀ ਨੂੰ ਮੰਨਣ ਤੋਂ ਇਨਕਾਰ ਕਰ ਦਿੰਦੇ ਹਨ ਅਤੇ ਲਿਵਰ ਟਰਾਂਸਪਲਾਂਟ ਦੀ ਨੌਬਤ ਆ ਚੁੱਕੀ ਹੈ। ਸਾਰਾ ਨੂੰ ਫਿਲਹਾਲ ਅਜੇ ਐਂਟੀ-ਫੰਗਲ ਦਵਾਈਆਂ ਦਿੱਤੀਆਂ ਜਾ ਰਹੀਆਂ ਹਨ ਤਾਂ ਕਿ ਹਾਲਤ ਨਾ ਵਿਗੜਣ ਅਤੇ ਲਿਵਰ ਟਰਾਂਸਪਲਾਂਟ ਕੀਤਾ ਜਾ ਸਕੇ।
ਲਿਵਰ ਸਿਰੋਸਿਸ ਹੋਣ ਦੇ ਬਾਅਦ ਪਿਛਲੇ ਸਾਲ 20 ਅਕਤੂਬਰ ਨੂੰ ਜਦ ਟੈਸਟ ਕੀਤਾ ਗਿਆ ਤਾਂ ਜਾਂਚ ਵਿੱਚ ਅਲਕੋਹਲ ਦਾ ਲੈਵਲ ਕਾਫੀ ਜ਼ਿਆਦਾ ਮਾਤਰਾ ਵਿੱਚ ਸੀ। ਰਿਪੋਰਟ ਮੁਤਾਬਕ ਇਹ ਡਰਿੰਕ ਐਂਡ ਡਰਾਈਵ ਦੇ ਮਾਪਕ ਤੋਂ ਵੀ ਇਹ ਛੇ ਗੁਣਾ ਜ਼ਿਆਦਾ ਹੈ। ਸਾਰਾ ਕਹਿੰਦੀ ਹੈ, ਬਿਮਾਰੀ ਦਾ ਪਤਾ ਚੱਲਣ ਤੋਂ ਪਹਿਲਾਂ ਮੈਂ ਕਾਫੀ ਮਿੱਠੀਆਂ ਚੀਜ਼ਾਂ ਖਾਂਦੀ ਸੀ। ਮੈਨੂੰ ਨਹੀਂ ਪਤਾ ਸੀ ਕਿ ਮੈਂ ਖੁਦ ਨੂੰ ਹੋਰ ਬਿਮਾਰ ਬਣਾ ਰਹੀ ਹਾਂ। ਸਿਰਫ ਮੈਂ ਹੀ ਨਹੀਂ ਪੂਰਾ ਪਰਵਾਰ ਬਿਮਾਰੀ ਦੇ ਦਬਾਅ ਨਾਲ ਜੂਝ ਰਿਹਾ ਹੈ।

Read More Latest Medical News

ਪੰਜਾਬੀ ਖ਼ਬਰਾਂ

ਭਾਰਤ ਵਿੱਚ ਕੋਰੋਨਾ ਰੋਗੀਆਂ ਨੂੰ ਸਪੂਤਨਿਕ-ਵੀ ਵੈਕਸੀਨ ਲੱਗਣੀ ਸ਼ੁਰੂ

Published

on

vaccine

ਨਵੀਂ ਦਿੱਲੀ, 15 ਮਈ – ਕੋਰੋਨਾ ਮਹਾਂਮਾਰੀ ਦੇ ਦੌਰਾਨ ਚੰਗੀ ਖ਼ਬਰ ਹੈ ਕਿ ਰੂਸੀ ਵੈਕਸੀਨ ਸਪੂਤਨਿਕ ਵੀ. ਭਾਰਤ ਵਿੱਚ ਲੱਗਣੀ ਸ਼ੁਰੂ ਹੋ ਗਈ ਹੈ। ਦਵਾਈ ਕੰਪਨੀ ਡਾ. ਰੈਡੀਜ਼ ਲੈਬ ਨੇ ਕਿਹਾ ਹੈ ਕਿ ਸੀਮਤ ਸ਼ੁਰੂਆਤ ਦੇ ਤੌਰ ਉੱਤੇ ਕੱਲ੍ਹ ਸਪੂਤਨਿਕ ਵੀ ਦਾ ਪਹਿਲਾ ਟੀਕਾ ਹੈਦਰਾਬਾਦ ਵਿਖੇ ਕੰਪਨੀ ਦੇ ਗਲੋਬਲ ਹੈਡ ਦੀਪਕ ਸਾਪਰਾ ਨੂੰ ਲਾਇਆ ਗਿਆ ਹੈ ਅਤੇ ਇਸ ਦੇ ਬਾਅਦ ਸਾਰੇ ਦੇਸ਼ ਵਿੱਚ ਲਾਉਣਾ ਸ਼ੁਰੂ ਕੀਤਾ ਗਿਆ ਹੈ।
ਇਸ ਸੰਬੰਧ ਵਿੱਚ ਕੰਪਨੀ ਨੇ ਕਿਹਾ ਕਿ ਇਸ ਵੈਕਸੀਨ ਦੀ ਹੋਰ ਖੇਪ ਅਗਲੇ ਮਹੀਨਿਆਂ ਵਿੱਚ ਭਾਰਤ ਪਹੁੰਚਣ ਵਾਲੀ ਹੈ, ਜਿਸ ਪਿੱਛੋਂ ਭਾਰਤੀ ਕੰਪਨੀਆਂ ਨੂੰ ਇਸਦੀ ਸਪਲਾਈ ਸ਼ੁਰੂ ਕਰ ਦਿੱਤੀ ਜਾਵੇਗੀ। ਵੈਕਸੀਨ ਦੀ ਲਗਾਤਾਰ ਅਤੇ ਸਮੇਂ ਸਿਰ ਸਪਲਾਈ ਯਕੀਨੀ ਬਣਾਉਣ ਲਈ ਕੰਪਨੀ ਆਪਣੇ ਛੇ ਉਤਪਾਦਕ ਭਾਈਵਾਲਾਂ ਨਾਲ ਮਿਲ ਕੇ ਕੰਮ ਕਰ ਰਹੀ ਹੈ। ਇਹ ਕੰਪਨੀ ਰਾਸ਼ਟਰੀ ਟੀਕਾਕਰਨ ਮੁਹਿੰਮ ਦੇ ਹਿੱਸੇ ਵੱਡੋਂ ਸਪੂਤਨਿਕ ਵੀ. ਦੀ ਵੱਧ ਤੋਂ ਵੱਧ ਸੰਭਵ ਪਹੁੰਚ ਯਕੀਨੀ ਕਰਨ ਲਈ ਭਾਰਤ ਵਿੱਚ ਸਰਕਾਰੀ ਅਤੇ ਨਿੱਜੀ ਖੇਤਰ ਦੇ ਭਾਈਵਾਲਾ ਨਾਲ ਮਿਲ ਕੇ ਕੰਮ ਕਰੇਗੀ।
ਭਾਰਤ ਵਿੱਚਇਸ ਰੂਸੀ ਵੈਕਸੀਨ ਦਾ ਉਤਪਾਦਨ ਕਰਨ ਵਾਲੀ ਡਾ. ਰੈਡੀਜ਼ ਲੇਬਾਰਟਰੀਜ਼ ਨੇਦੱਸਿਆ ਕਿ ਇਸ ਵੈਕਸੀਨ ਦੀ ਕੀਮਤ 995.40 ਰੁਪਏ ਰੱਖੀ ਹੈ। ਡਾ. ਰੈਡੀਜ਼ ਵੱਲੋਂ ਹਾਲੇ ਇਹ ਵੈਕਸੀਨ 948 ਰੁਪਏ ਪ੍ਰਤੀ ਖ਼ੁਰਾਕ ਦੀ ਦਰ ਨਾਲ ਇੰਪੋਰਟ ਕੀਤੀ ਜਾ ਰਹੀ ਹੈ, ਜਿਸ ਉੱਤੇ 5 ਫ਼ੀਸਦੀ ਜੀ ਐਸ ਟੀ ਲੱਗ ਕੇ ਇਸ ਦੀ ਕੀਮਤ 995.4 ਰੁਪਏ ਪ੍ਰਤੀ ਖ਼ੁਰਾਕ ਹੋ ਜਾਂਦੀ ਹੈ। ਹਾਲੇ ਇਹ ਵੈਕਸੀਨ ਹੈਦਰਾਬਾਦ ਵਿੱਚ ਪਾਇਲਟ ਪ੍ਰੋਜੈਕਟ ਵਜੋਂ ਸੀਮਤ ਸਮੇਂ ਲਈ ਹਾਸਲ ਕਰਵਾਈ ਜਾ ਰਹੀ ਹੈ। ਡਾ. ਰੈਡੀਜ਼ ਮੁਤਾਬਿਕ ‘ਸਪੂਤਨਿਕ ਵੀ’ ਦੀ ਪਹਿਲੀ ਖੇਪ 1 ਮਈ ਨੂੰ ਭਾਰਤ ਪਹੁੰਚੀ ਸੀ, ਜਿਸ ਨੂੰ 13 ਮਈ ਨੂੰ ਸੈਂਟਰਲ ਡਰੱਗ ਲੈਬਾਰਟਰੀ ਕਸੌਲੀ ਤੋਂ ਰੈਗੂਲੇਟਰੀ ਕਲੀਅਰੈਂਸ ਮਿਲੀ ਹੈ।

Read More Latest Punjabi News

Continue Reading

ਅੰਤਰਰਾਸ਼ਟਰੀ

ਆਮ ਲੋਕਾਂ ਦੇ ਮੁਕਾਬਲੇ ਐਚ ਆਈ ਵੀ ਪੀੜਤ ਨੂੰ ਕੋਰੋਨਾ ਤੋਂ ਜ਼ਿਆਦਾ ਖਤਰਾ

Published

on

HIV test

ਨਿਊ ਯਾਰਕ, 13 ਮਈ – ਨਵੀਂ ਖੋਜ ਤੋਂ ਪਤਾ ਲੱਗਾ ਹੈ ਕਿ ਮਨੁੱਖੀ ਇਮਿਊਨੋਡੈਫਿਸ਼ੀਏਂਸੀ ਵਾਇਰਸ (ਐਚ ਆਈ ਵੀ) ਅਤੇ ਅਧਿਕਾਰਤ ਬਚਾਅ ਦੀ ਕਮੀ ਸਿੰਡਰੋਮ (ਏਡਜ਼) ਤੋਂ ਪੀੜਤ ਲੋਕਾਂ ਵਿੱਚ ਕੋਵਿਡ ਇਨਫੈਕਸ਼ਨ ਖਤਰਨਾਕ ਸਾਬਤ ਹੋ ਸਕਦਾ ਹੈ, ਜਿਸ ਬਾਰੇ ਸਾਵਧਾਨ ਰਹਿਣ ਦੀ ਲੋੜ ਹੈ।
ਪੈਨਸਿਲਵੇਨੀਆ ਸਟੇਟ ਯੂਨੀਵਰਸਿਟੀ ਦੇ ਖੋਜਕਾਰਾਂ ਦੀ ਅਗਵਾਈ ਵਿੱਚ ਕੀਤੀ ਖੋਜ ਵਿੱਚ ਪਤਾ ਲੱਗਾ ਕਿ ਐਚ ਆਈ ਵੀ ਪੀੜਤ ਲੋਕਾਂ ਵਿੱਚ ਕੋਵਿਡ ਇਨਫੈਕਸ਼ਨ ਦਾ 24 ਫੀਸਦੀ ਵੱਧ ਖਤਰਾ ਹੁੰਦਾ ਹੈ ਅਤੇ ਆਮ ਲੋਕਾਂ ਦੇ ਮੁਕਾਬਲੇੇ ਵਿੱਚ ਐਚ ਆਈ ਵੀ ਪੀੜਤ ਲੋਕਾਂ ਨੂੰ ਕੋਵਿਡ ਤੋਂ ਮੌਤ ਦਾ 78 ਫੀਸਦੀ ਵੱਧ ਖਤਰਾ ਹੈ। ਐਚ ਆਈ ਵੀ ਪਾਜ਼ੀਟਿਵ ਆਬਾਦੀ ਦੇ ਵਿਚ ਸਭ ਤੋਂ ਆਮ ਹਾਈ ਬਲੱਡ ਪ੍ਰੈਸ਼ਰ, ਸ਼ੂਗਰ, ਕ੍ਰੋਨਿਕ ਪ੍ਰਤੀਰੋਧੀ ਫੁਫਸੀਆ ਰੋਗ ਅਤੇ ਕ੍ਰੋਨਿਕ ਕਿਡਨੀ ਰੋਗ ਤੋਂ ਪੀੜਤ ਲੋਕ ਵੀ ਸਨ।ਐਚ ਆਈ ਵੀ ਏਡਜ਼ ਦੇ ਨਾਲ ਰਹਿਣ ਵਾਲੇ ਲੋਕਾਂ ਵਿੱਚ ਉਨ੍ਹਾਂ ਦੀ ਸਰੀਰਕ ਸਥਿਤੀ ਕੋਵਿਡ ਮਾਮਲਿਆਂ ਦੀ ਗੰਭੀਰਤਾ ਵਿੱਚ ਯੋਗਦਾਨ ਕਰ ਸਕਦੀ ਹੈ। ਖੋਜਕਾਰਾਂ ਅਨੁਸਾਰ ਐਂਟੀ ਵਾਇਰਲ ਡਰੱਗਸ ਨਾਲ ਐਸਟ੍ਰੋਨਾਫਿਰ ਅਤੇ ਪ੍ਰੋਟੀਜ਼ ਇਨਹਿਬੀਟਰ, ਐਸ ਏ ਆਰ ਐਸ, ਕੋਵਿਡ ਇਨਫੈਕਸ਼ਨ ਦੇ ਖਤਰੇ ਨੂੰ ਘੱਟ ਕਰ ਸਕਦੇ ਹਨ ਅਤੇ ਐਚ ਆਈ ਵੀ ਏਡਜ਼ ਪੀੜਤ ਲੋਕਾਂ ਵਿੱਚ ਕੋਵਿਡ ਨਾਲ ਮੌਤ ਦੇ ਖਤਰੇ ਨੂੰ ਵੀ ਘੱਟ ਕੀਤਾ ਜਾ ਸਕਦਾ ਹੈ। ਇਸ ਦੇ ਨਤੀਜੇ ਸਾਇੰਟਫਿਕ ਰਿਪੋਰਟਸ ਵਿੱਚ ਪ੍ਰਕਾਸ਼ਿਤ ਹੋਏ ਹਨ।
ਪੇਨ ਸਟੇਟ ਡਿਪਾਰਟਮੈਂਟ ਆਫ ਪਬਲਿਕ ਹੈਲਥ ਸਾਇੰਸਿਜ਼ ਤੋਂ ਵਰਨੋਨ ਚਿੰਚਿੱਲੀ ਨੇ ਕਿਹਾ, ਜਿਵੇਂ ਮਹਾਮਾਰੀ ਪੈਦਾ ਹੋਈ ਹੈ, ਅਸੀਂ ਐਚ ਆਈ ਵੀ, ਕੋਵਿਡ ਨੂੰ ਕੈਟੇਗਰੀ ਵਾਈਜ਼ ਕਰਨ ਲਈ ਲੋੜੀਂਦੀ ਜਾਣਕਾਰੀ ਪ੍ਰਾਪਤ ਕੀਤੀ ਹੈ, ਜੋ ਡੈਟੇ ਦੀ ਕਮੀ ਕਾਰਨ ਮਹਾਮਾਰੀ ਦੀ ਸ਼ੁਰੂ ਵਿੱਚ ਨਹੀਂ ਕੀਤਾ ਜਾ ਸਕਿਆ ਸੀ। ਚਿਨਚਿੱਲੀ ਨੇ ਕਿਹਾ, ਸਾਡੇ ਨਤੀਜਿਆਂ ਨੂੰ ਰੋਗ ਕੰਟਰੋਲ ਅਤੇ ਰੋਕਥਾਮ ਲਈ ਮੌਜੂਦਾ ਕੇਂਦਰਾਂ ਦਾ ਸਮਰਥਨ ਹੈ, ਜੋ ਐਚ ਆਈ ਵੀ ਦੇ ਨਾਲ ਰਹਿਣ ਵਾਲੇ ਕੋਰੋਨਾ ਪਾਜ਼ੀਟਿਵ ਵਿਅਕਤੀਆਂ ਨੂੰ ਪਹਿਲ ਦੇ ਆਧਾਰ ਉੱਤੇ ਵੈਕਸੀਨ ਪ੍ਰਾਪਤ ਕਰਾਉਂਦੇ ਹਨ। ਉਨ੍ਹਾਂ ਨੇ ਪਿਛਲੇ 22 ਸਰਵਿਆਂ ਦੇ ਅੰਕੜਿਆਂ ਦਾ ਮੁਲਾਂਕਣ ਕੀਤਾ, ਜਿਸ ਵਿੱਚ ਉਤਰੀ ਅਮਰੀਕਾ, ਅਫਰੀਕਾ, ਯੂਰਪ ਅਤੇ ਏਸ਼ੀਆ ਦੇ ਲਗਭਗ 21 ਮਿਲੀਅਨ ਪ੍ਰਤੀਭਾਗੀਆਂ ਨੂੰ ਨਿਰਧਾਰਤ ਕੀਤਾ ਸੀ। ਇਹ ਪਤਾ ਲਾਇਆ ਗਿਆ ਸੀ ਕਿ ਐਚ ਆਈ ਵੀ ਏਡਜ਼ ਦੇ ਨਾਲ ਰਹਿਣ ਵਾਲੇ ਲੋਕ ਅਤੇ ਕੋਵਿਡ ਇਨਫੈਕਸ਼ਨ ਵਾਲੇ ਲੋਕਾਂ ਵਿੱਚ ਕਿੰਨੇ ਖਤਰਨਾਕ ਸਾਬਤ ਹੋ ਸਕਦੇ ਹਨ।
ਪਿਛਲੇ ਇੱਕ ਸਾਲ ਵਿੱਚ ਸਰਵਿਆਂ ਤੋਂ ਪਤਾ ਲੱਗਾ ਹੈ ਕਿ ਕੁਝ ਪਹਿਲਾਂ ਮੌਜੂਦ ਹਾਲਾਤਾਂ ਜਿਵੇਂ ਕਿ ਕੈਂਸਰ, ਸ਼ੂਗਰ ਅਤੇ ਹਾਈ ਬਲੱਡ ਪ੍ਰੈਸ਼ਰ ਵਾਲੇ ਕਿਸੇ ਵਿਅਕਤੀ ਵਿੱਚ ਕੋਵਿਡ ਨਾਲ ਮਰਨ ਦਾ ਖਤਰਾ ਵਧਾ ਸਕਦਾ ਹੈ। ਵਿਸ਼ਵ ਸਿਹਤ ਸੰਗਠਨ ਦੇ ਅਨੁਸਾਰ ਸਾਰੀ ਦੁਨੀਆ ਵਿੱਚ ਅਨੁਮਾਨਤ 3.80 ਕਰੋੜ ਲੋਕ ਐਚ ਆਈ ਵੀ ਪਾਜ਼ੀਟਿਵ ਹਨ।
ਚੀਨੀ ਅਰਬਪਤੀ ਦੀ ਜਾਇਦਾਦ 18 ਹਜ਼ਾਰ ਕਰੋੜ ਰੁਪਏ ਘਟੀ
ਕੋਕੋ ਲਿਊ, 13 ਮਈ – ਸੋਸ਼ਲ ਮੀਡੀਆ ਉੱਤੇ ਇੱਕ ਪੋਸਟ ਕਿੰਨੀ ਮਹਿੰਗੀ ਪੈ ਸਕਦੀ ਹੈ, ਚੀਨ ਦੇ ਅਰਬਪਤੀ ਅਤੇ ਆਨਲਾਈਨ-ਟੂ ਆਫਲਾਈਨ ਲੋਕਲ ਲਾਈਫ ਸਰਵਿਸ ਪਲੇਟਫਾਰਮ ਮਿਤੁਆਨ ਦੇ ਸੀ ਈ ਓ ਵਾਂਗ ਜਿੰਗ ਤੋਂ ਬਿਹਤਰ ਭਲਾ ਕੌਣ ਜਾਣੇਗਾ। ਉਨ੍ਹਾਂ ਨੇ ਪਿੱਛੇਜਿਹੇ ਵਿੱਚ 1100 ਸਾਲ ਪੁਰਾਣੀ ਇੱਕ ਕਵਿਤਾ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕੀਤੀ ਸੀ। ਇਸ ਪੋਸਟ ਨਾਲ ਉਨ੍ਹਾਂ ਦੀ ਜਾਇਦਾਦ ਕਰੀਬ 2.5 ਅਰਬ ਡਾਲਰ ਘੱਟ ਗਈ।
ਦਰਅਸਲ ਵਾਂਗ (42) ਨੇ ਜੋ ਕਵਿਤਾ ਸ਼ੇਅਰ ਕੀਤੀ ਸੀ, ਉਹ ਚੀਨ ਦੇ ਪਹਿਲੇ ਸਮਰਾਟ ਦੀਆਂ ਦਮਨਕਾਰੀ ਨੀਤੀਆਂ ਉੱਤੇ ਲਿਖੀ ਗਈ ਸੀ। ਜਦ ਵਾਂਗ ਨੇ ਇਸ ਨੂੰ ਪੋਸਟ ਕੀਤਾ ਤਾਂ ਲੋਕਾਂ ਨੇ ਮੰਨਿਆ ਕਿ ਉਹ ਚੀਨ ਦੀ ਮੌਜੂਦਾ ਸ਼ੀ ਜਿਨਪਿੰਗ ਸਰਕਾਰ ਦੀ ਆਲੋਚਨਾ ਕਰ ਰਹੇ ਹਨ। ਬਾਅਦ ਵਿੱਚ ਵਾਂਗ ਨੇ ਇਹ ਪੋਸਟ ਡਿਲੀਟ ਕਰ ਕੇ ਆਪਣੀ ਸਫਾਈ ਵਿੱਚ ਕਿਹਾ ਕਿ ਉਨ੍ਹਾਂ ਦਾ ਮਕਸਦ ਸਰਕਾਰ ਦੀ ਆਲੋਚਨਾ ਨਹੀਂ ਸੀ। ਉਹ ਇਸ ਕਵਿਤਾ ਨਾਲ ਇਤਿਹਾਸ ਵਿੱਚ ਆਪਣੇ ਦੇਸ਼ ਦੀ ਦੂਰਦਰਸ਼ਿਤਾ ਵੱਲ ਆਮ ਲੋਕਾਂ ਦਾ ਧਿਆਨ ਖਿੱਚਣਾ ਚਾਹੁੰਦੇ ਸਨ। ਹਾਂਗਕਾਂਗ ਦੀ ਨਿਊਜ਼ ਇਕੀਵਿਟੀ ਫਰਮ ਕਾਇਯੁਆਨ ਕੈਪੀਟਲ ਦੇ ਮੁੱਖ ਨਿਵੇਸ਼ ਅਧਿਕਾਰੀ ਬ੍ਰਾਕ ਸਿਲਵਰਸ ਨੇ ਇਸ ਬਾਰੇ ਕਿਹਾ ਕਿ ਕਵਿਤਾ ਪੋਸਟ ਕਰਨ ਨਾਲ ਉਨ੍ਹਾਂ (ਵਾਂਗ ਨੂੰ) ਬਾਜ਼ਾਰ ਰੈਗੂਲੇਟਰੀਆਂ ਤੋਂ ਕੁਝ ਹਾਸਲ ਨਹੀਂ ਹੋਇਆ, ਬਲਕਿ ਕਾਰੋਬਾਰੀ ਵਾਤਾਵਰਣ ਦੇ ਕੁਝ ਅਹਿਮ ਚਿਹਰੇ ਉਨ੍ਹਾਂ ਦੇ ਖਿਲਾਫ ਹੋ ਗਏ ਹਨ। ਇਹ ਭੁਲਾ ਦਿੱਤੀ ਗਈ ਕਵਿਤਾ ਦਾ ਅਸਰ ਹੋ ਸਕਦਾ ਹੈ।

Read More Latest News about Health

Continue Reading

ਸਿਹਤ

ਕੋਰੋਨਾ ਟੀਕਾ : ਸੀਰਮ ਤੇ ਭਾਰਤ ਬਾਇਓਟੈਕ ਵੱਲੋਂ ਹਰ ਮਹੀਨੇ 17.8 ਕਰੋੜ ਖੁਰਾਕਾਂ ਬਣਾਉਣ ਦਾ ਵਾਅਦਾ

Published

on

covid-vaccine

ਨਵੀਂ ਦਿੱਲੀ, 12 ਮਈ, – ਭਾਰਤ ਸਰਕਾਰ ਦੇ ਅਧਿਕਾਰਿਕ ਸੂਤਰਾਂਮੁਤਾਬਕ ਸੀਰਮ ਇੰਸਟੀਚਿਊਟ ਅਤੇ ਭਾਰਤ ਬਾਇਓਟੈਕ ਕੰਪਨੀ ਅਗਸਤ ਤੱਕ 10 ਕਰੋੜ ਅਤੇ 7.8 ਕਰੋੜ ਖੁਰਾਕਾਂ ਤੱਕ ਆਪਣਾ ਉਤਪਾਦਨ ਵਧਾਉਣ ਲਈ ਸਹਿਮਤ ਹਨ। ਜਾਣਕਾਰ ਸੂਤਰਾਂਨੇ ਕਿਹਾ ਕਿ ਕੇਂਦਰੀ ਸਿਹਤ ਮੰਤਰਾਲਾ ਤੇ ਭਾਰਤ ਦੇ ਡਰੱਗ ਕੰਟਰੋਲਰ ਜਨਰਲ ਦਫ਼ਤਰ ਨੇ ਦੋਵਾਂ ਕੰਪਨੀਆਂ ਤੋਂ ਜੂਨ, ਜੁਲਾਈ, ਅਗਸਤ ਅਤੇ ਸਤੰਬਰ ਦੀ ਉਤਪਾਦਨ ਯੋਜਨਾ ਮੰਗੀ ਸੀ।
ਹੈਦਰਾਬਾਦ ਵਾਲੀ ਭਾਰਤ ਬਾਇਓਟੈਕ ਆਪਣੇ ਦੇਸ਼ ਵਿੱਚ ਵਿਕਸਿਤ ਕੀਤੇ ਕੋਵਾਕਸੀਨ ਦਾ ਉਤਪਾਦਨ ਕਰਦੀ ਹੈ ਅਤੇ ਆਕਸਫੋਰਡ-ਐਸਟਰਾਜ਼ੇਨੇਕਾ ਦੀ ਦਵਾਈ ਕੋਵਿਸ਼ੀਲਡ ਦਾ ਉਤਪਾਦਨ ਦਾ ਕੰਮ ਪੁਣੇ ਦੀ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਕਰਦੀ ਹੈ। ਕੋਰੋਨਾ ਵਾਇਰਸ ਵਿਰੁੱਧ ਭਾਰਤ ਦੀ ਟੀਕਾਕਰਨ ਮੁਹਿੰਮ ਵਿੱਚਅਜੇ ਇਨ੍ਹਾਂ ਦੋ ਟੀਕਿਆਂ ਦੀ ਵਰਤੋਂ ਹੋ ਰਹੀ ਹੈ। ਸਮਝਿਆ ਜਾਂਦਾ ਹੈ ਕਿ ਭਾਰਤ ਬਾਇਓਟੈਕ ਦੇ ਡਾਇਰੈਕਟਰ ਡਾ. ਵੀ. ਕ੍ਰਿਸ਼ਨ ਮੋਹਨ ਨੇ ਸਰਕਾਰ ਨੂੰ ਕੋਵਾਕਸੀਨ ਦਾ ਉਤਪਾਦਨ ਜੁਲਾਈ ਵਿੱਚ 3.32 ਕਰੋੜ ਤੇ ਅਗਸਤ ਵਿੱਚ 7.82 ਕਰੋੜ ਤੱਕ ਵਧਾਉਣ ਬਾਰੇ ਦੱਸਿਆ ਹੈ, ਜੋ ਸਤੰਬਰ ਵਿੱਚ ਅਗਸਤ ਦੇ ਬਰਾਬਰਰਹੇਗਾ। ਇਸੇ ਤਰ੍ਹਾਂ ਸੀਰਮ ਇੰਸਟੀਚਿਊਟ ਵਿੱਚ ਸਰਕਾਰੀ ਅਤੇ ਰੈਗੂਲੇਟਰ ਮਾਮਲਿਆਂ ਦੇ ਡਾਇਰੈਕਟਰ ਪ੍ਰਕਾਸ਼ ਕੁਮਾਰ ਸਿੰਘ ਨੇ ਦੱਸਿਆ ਹੈ ਕਿ ਅਗਸਤ ਤੱਕ ਕੋਵਿਸ਼ੀਲਡ ਉਤਪਾਦਨ 10 ਕਰੋੜ ਖੁਰਾਕਾਂ ਤੱਕ ਵਧਾਇਆ ਜਾਵੇਗਾ ਅਤੇ ਸਤੰਬਰ ਵਿੱਚ ਵੀ ਏਨਾ ਰਹੇਗਾ।ਉਨ੍ਹਾ ਨੇ ਸਿਹਤ ਮੰਤਰਾਲਾ ਨੂੰ ਭੇਜੇ ਪੱਤਰ ਵਿੱਚ ਕਿਹਾ ਕਿ ਅਸੀਂ ਪੁਸ਼ਟੀ ਕਰਦੇ ਹਾਂ ਕਿ ਹਰ ਹਾਲਤ ਵਿੱਚ ਦੱਸੀ ਗਈ ਮਾਤਰਾ ਪੂਰੀ ਕੀਤੀ ਜਾਵੇਗੀ।

Read More Latest Science and Health News

Continue Reading

ਰੁਝਾਨ


Copyright by IK Soch News powered by InstantWebsites.ca