Uttarakhand accident: When a phone call saved many lives
Connect with us [email protected]

ਤਕਨੀਕ

ਉਤਰਾਖੰਡ ਹਾਦਸਾ : ਜਦੋਂ ਇੱਕ ਫੋਨ ਕਾਲ ਨੇ ਕਈਆਂ ਦੀ ਜਾਨ ਬਚਾਈ

Published

on

ਜੋਸ਼ੀਮੱਠ, 9 ਫਰਵਰੀ – ਉਤਰਾਖੰਡ ਦੇ ਚਮੋਲੀ ਜ਼ਿਲ੍ਹੇ ਵਿੱਚ ਤਪੋਬਨ ‘ਚ ਅੰਡਰ ਗਰਾਉਂਡ ਸੁਰੰਗ ਵਿੱਚ ਫਸੇ ਕੁਝ ਕਾਮਿਆਂ ਦੀ ਇੱਕ ਫੋਨ ਕਾਲ ਨਾਲ ਜਾਨ ਬਚ ਗਈ।
ਪਤਾ ਲੱਗਾ ਹੈ ਕਿ ਸੁਰੰਗ ਵਿੱਚ ਫਸੇ ਇਨ੍ਹਾਂ ਕਾਮਿਆਂ ਵਿੱਚੋਂ ਇੱਕ ਦੇ ਮੋਬਾਈਲ ਫੋਨ ‘ਤੇ ਨੈਟਵਰਕ ਆਇਆ ਤਾਂ ਉਨ੍ਹਾਂ ਨੂੰ ਇੱਕ ਆਸ ਦੀ ਕਿਰਨ ਨਜ਼ਰ ਆਈ। ਉਨ੍ਹਾਂ ਸਬੰਧਤ ਅਥਾਰਟੀਜ਼ ਨੂੰ ਫੋਨ ਕੀਤਾ ਤਾਂ ਉਨ੍ਹਾਂ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ ਗਿਆ। ਤਪੋਬਨ ਪਾਵਰ ਪ੍ਰੋਜੈਕਟ ਵਿੱਚ ਕੰਮ ਕਰਦੇ ਤੇ ਸੁਰੱਖਿਅਤ ਬਾਹਰ ਕੱਢੇ ਗਏ ਕਾਮੇ ਲਾਲ ਬਹਾਦਰ ਨੇ ਦੱਸਿਆ, ‘‘ਸਾਨੂੰ ਕੁਝ ਲੋਕਾਂ ਦੀ ਆਵਾਜ਼ ਸੁਣੀ ਕਿ ਸੁਰੰਗ ‘ਚੋਂ ਬਾਹਰ ਆ ਜਾਓ, ਪਰ ਅਸੀਂ ਜਿੰਨੀ ਦੇਰ ਨੂੰ ਕੁਝ ਕਰਦੇ, ਪਾਣੀ ਦੀ ਜ਼ੋਰਦਾਰ ਛੱਲ ਆਈ ਤੇ ਚਿੱਕੜ ਤੇ ਗਾਰ ਸਾਡੇ `ਤੇ ਡਿੱਗ ਗਈ।” ਲਾਲ ਬਹਾਦਰ ਤੇ ਉਸ ਦੇ 11 ਹੋਰ ਸਾਥੀਆਂ ਨੂੰ ਆਈ ਟੀ ਬੀ ਪੀ ਦੀ ਟੀਮ ਨੇ ਕੱਲ੍ਹ ਸ਼ਾਮ ਅੰਡਰ ਗਰਾਉਂਡ ਸੁਰੰਗ ‘ਚੋਂ ਸੁਰੱਖਿਅਤ ਕੱਢਿਆ ਸੀ। ਅਧਿਕਾਰੀਆਂ ਮੁਤਾਬਕ ਇਹ ਸਾਰੇ ਕਾਮੇ ਸੱਤ ਘੰਟਿਆਂ ਤੱਕ (ਸਵੇਰੇ ਦਸ ਤੋਂ ਸ਼ਾਮ ਪੰਜ ਵਜੇ ਤੱਕ) ਸੁਰੰਗ ਵਿੱਚ ਫਸੇ ਰਹੇ। ਆਈ ਟੀ ਬੀ ਪੀ ਨੇ ਮੀਡੀਆ ਨੂੰ ਉਨ੍ਹਾਂ ਦੀਆਂ ਰਿਕਾਰਡ ਕੀਤੀਆਂ ਵੀਡੀਓਜਦਿੱਤੀਆਂ ਹਨ। ਇਨ੍ਹਾਂ ਸਾਰਿਆਂ ਨੂੰ ਪ੍ਰੋਜੈਕਟ ਸਾਈਟ ਤੋਂ 25 ਕਿਲੋਮੀਟਰ ਦੂਰ ਜੋਸ਼ੀ ਮੱਠ ਦੇ ਹਸਪਤਾਲ ਵਿੱਚ ਭੇਜਿਆ ਗਿਆ ਹੈ। ਇਹ ਆਈ ਟੀ ਬੀ ਪੀ ਬਟਾਲੀਅਨ ਨੰਬਰ ਇੱਕ ਦਾ ਬੇਸ ਵੀ ਹੈ, ਜੋ ਚੀਨ ਨਾਲ ਲੱਗਦੀ ਅਸਲ ਕੰਟਰੋਲ ਰੇਖਾ ਦੀ ਸੁਰੱਖਿਆ ਲਈ ਤੈਨਾਤ ਹੈ।
ਨੇਪਾਲ ਦੇ ਰਹਿਣ ਵਾਲੇ ਬਸੰਤ ਨੇ ਦੱਸਿਆ, ‘‘ਜਦੋਂ ਸੁਰੰਗ ਵਿੱਚ ਪਾਣੀ ਦਾਖਲ ਹੋਇਆ, ਅਸੀਂ ਸੁਰੰਗ ਵਿੱਚੋਂ 300 ਮੀਟਰ ਦੇ ਕਰੀਬ ਅੰਦਰ ਸੀ। ਅਸੀਂ ਉਥੇ ਫਸ ਗਏ ਅਤੇ ਆਈ ਟੀ ਬੀ ਪੀ ਨੇ ਸਾਨੂੰ ਸੁਰੱਖਿਅਤ ਕੱਢਿਆ।” ਤਪੋਬਨ ਪ੍ਰੋਜੈਕਟ ਵਿੱਚ ਕੰਮ ਕਰਦੇ ਇੱਕ ਹੋਰ ਕਾਮੇ, ਜੋ ਚਮੋਲੀ ਦੇ ਢਾਕ ਪਿੰਡ ਦਾ ਵਸਨੀਕ ਹੈ, ਨੇ ਕਿਹਾ, ‘‘ਅਸੀਂ ਤਾਂ ਆਖਰੀ ਆਸ ਵੀ ਗੁਆ ਬੈਠੇ ਸੀ, ਫਿਰ ਸਾਨੂੰ ਥੋੜ੍ਹੀ ਰੋਸ਼ਨੀ ਨਜ਼ਰ ਆਈ ਤੇ ਸਾਹ ਲੈਣ ਨੂੰ ਹਵਾ ਦਾ ਅਹਿਸਾਸ ਹੋਇਆ, ਅਚਾਨਕ ਸਾਡੇ ‘ਚੋਂ ਇੱਕ ਨੂੰ ਪਤਾ ਲੱਗਾ ਕਿ ਉਸ ਦੇ ਮੋਬਾਈਲ ਦਾ ਨੈਟਵਰਕ ਹੈ। ਉਸ ਨੇ ਸਾਡੇ ਜਨਰਲ ਮੈਨੇਜਰ ਨੂੰ ਫੋਨ ਕਰ ਕੇ ਸਾਰੇ ਹਾਲਾਤ ਬਾਰੇ ਦੱਸਿਆ।” ਰੱਸਿਆਂ, ਪੁਲੀ ਤੇ ਹੋਰ ਸਾਜ਼ੋ ਸਾਮਾਨ ਨਾਲ ਲੈਸ ਆਈ ਟੀ ਬੀ ਪੀ ਦੀ ਟੀਮ ਨੇ ਐਤਵਾਰ ਸ਼ਾਮ ਨੂੰ ਬੜੀ ਮੁਸ਼ੱਕਤ ਮਗਰੋਂ ਇਨ੍ਹਾਂ ਸਾਰੇ ਕਾਮਿਆਂ ਨੂੰ ਸੁਰੰਗ ਦੇ ਭੀੜੇ ਜਿਹੇ ਮੂੰਹ ‘ਚੋਂ ਬਾਹਰ ਕੱਢਿਆ।

Read More Trending Tech News

ਤਕਨੀਕ

ਭਾਰਤ ਚਾਬਹਾਰ ਪੋਰਟ ਦਾ ਕੰਮ ਤੇਜ਼ ਕਰੇਗਾ

Published

on

ਨਵੀਂ ਦਿੱਲੀ, 1 ਮਾਰਚ – ਈਰਾਨ ਨੂੰ ਲੈ ਕੇ ਅਮਰੀਕਾ ਦੇ ਨਵੇਂ ਪ੍ਰਸ਼ਾਸਨ ਦੇ ਰੁਖ਼ ਦੇ ਇੰਤਜ਼ਾਰ ਵਿੱਚ ਭਾਰਤ ਨੇ ਚਾਬਹਾਰ ਪੋਰਟ ਦਾ ਕੰਮ ਹੋਰ ਤੇਜ਼ ਕਰਨ ਦਾ ਫੈਸਲਾ ਕੀਤਾ ਹੈ।
ਪਤਾ ਲੱਗਾ ਹੈ ਕਿ ਜੂਨ ਤੱਕ ਭਾਰਤ ਵੱਲੋਂ ਈਰਾਨ ਦੀ ਚਾਬਹਾਰ ਬੰਦਰਗਾਹ ‘ਤੇ ਚਾਰ ਨਵੇਂ ਕ੍ਰੇਨ ਲਾਏ ਜਾਣਗੇ, ਜਿਸ ਤੋਂ ਇਸ ਦੀ ਮਾਲ ਢੁਆਈ ਦੀ ਸਮਰੱਥਾ ਵਧੇਗੀ। ਇਹੀ ਨਹੀਂ, ਚਾਬਹਾਰ ਤੋਂ ਅਫਨਾਨਿਸਤਾਨ ਵਿੱਚ ਰੇਲ ਯੋਜਨਾ ਦਾ ਕੰਮ ਵੀ ਤੇਜ਼ ਕਰਨ ਬਾਰੇ ਭਾਰਤ ਸੰਪਰਕ ਵਿੱਚ ਹੈ। ਚਾਰ ਮਾਰਚ ਨੂੰ ਚਾਬਹਾਰ ਨਾਲ ਸਬੰਧਤ ਇੱਕ ਅਹਿਮ ਬੈਠਕ ਵਿੱਚ ਅੱਗੇ ਦੀ ਵਿਕਾਸ ਯੋਜਨਾ ਦਾ ਐਲਾਨ ਹੋ ਸਕਦਾ ਹੈ।ਸੂਤਰਾਂ ਮੁਤਾਬਕ ਚਾਬਹਾਰ ਪੋਰਟ ਦੇ ਵਿਕਾਸ ਬਾਰੇ ਦੁਚਿੱਤੀ ਖਤਮ ਹੋ ਚੁੱਕੀ ਹੈ। ਪਿਛਲੇ ਸਾਲ ਵਿਦੇਸ਼ ਮੰਤਰੀ ਐਸ ਜੈਸ਼ੰਕਰ ਤੇ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਦੀ ਇਰਾਨ ਯਾਤਰਾ ਨੇ ਈਰਾਨ ਨਾਲ ਰਿਸ਼ਤਿਆਂ ਵਿੱਚ ਆਈ ਕੁੜੱਤਣ ਨੂੰ ਕਾਫੀ ਹੱਦ ਤੱਕ ਖਤਮ ਕਰ ਦਿੱਤਾ ਹੈ। ਭਾਰਤ ਨੂੰ ਭਰੋਸਾ ਹੈ ਕਿ ਚਾਬਹਾਰ ਪੋਰਟ ਦੇ ਵਿਕਾਸ ਬਾਰੇ ਅਮਰੀਕਾ ਦੇ ਰਾਸ਼ਟਰਪਤੀ ਜੋਅ ਬਾਇਡੇਨ ਪ੍ਰਸ਼ਾਸਨ ਦਾ ਰਵੱਈਆ ਵੀ ਸਕਾਰਾਤਮਕ ਰਹੇਗਾ। ਏਸੇ ਲਈ ਭਾਰਤ ਚਾਬਹਾਰ ਬੰਦਰਗਾਹ ਦੇ ਵਿਕਾਸ ਦਾ ਦੂਸਰਾ ਪੜਾਅ ਸ਼ੁਰੂ ਕਰਨ ਲੱਗਾ ਹੈ।
ਜਹਾਜ਼ਰਾਨੀ ਮੰਤਰਾਲੇ ਦੇ ਸੀਨੀਅਰ ਅਧਿਕਾਰੀਆਂ ਮੁਤਾਬਕ 2016 ਤੋਂ ਜਨਵਰੀ 2021 ਤੱਕ 123 ਜਹਾਜ਼ਾਂ ਨੇ ਚਾਬਹਾਰ ਪੋਰਟ ‘ਤੇ ਭਾਰਤੀ ਟਰਮੀਨਲ ਦਾ ਇਸਤੇਮਾਲ ਕੀਤਾ ਹੈ। ਜੂਨ 2021 ਦੇ ਬਾਅਦ ਤੋਂ ਇਹ ਗਿਣਤੀ ਤੇਜ਼ੀ ਨਾਲ ਵਧਣ ਦਾ ਅੰਦਾਜ਼ਾ ਹੈ। ਇਸ ਬੰਦਰਗਾਹ ਤੋਂ ਭਾਰਤ ਨੇ ਅਫਗਾਨਿਸਤਾਨ ਨੂੰ 1.1 ਲੱਖ ਟਨ ਚੌਲ, ਕਣਕ ਅਤੇ ਹੋਰ ਖੁਰਾਕ ਸਮੱਗਰੀਆਂ ਦੀ ਸਪਲਾਈ ਕੀਤੀ ਹੈ। ਇਹ ਅੰਕੜਾ ਵੀ ਤੇਜ਼ੀ ਨਾਲ ਵਧਣ ਦੀ ਉਮੀਦ ਹੈ। ਭਾਰਤ ਭਵਿੱਖ ਵਿੱਚ ਚਾਬਹਾਰ ‘ਤੇ ਇੱਕ ਵਿਸ਼ੇਸ਼ ਆਰਥਿਕ ਖੇਤਰ ਬਣਾਉਣ ਦੀ ਯੋਜਨਾ ‘ਤੇ ਵੀ ਵਿਚਾਰ ਕਰ ਰਿਹਾ ਹੈ। ਇਸ ਬਾਰੇ ਵਿੱਚ ਭਾਰਤ ਦੀ ਯੋਜਨਾ ਮੌਜੂਦਾ ਅਮਰੀਕੀ ਪਾਬੰਦੀਆਂ ਦੀ ਵਜ੍ਹਾ ਨਾਲ ਪ੍ਰਭਾਵਤ ਹੋ ਰਹੀ ਹੈ।
ਚਾਬਹਾਰ ਪੋਰਟ ਦੀਆਂਕੁਨੈਕਟੀਵਿਟੀ ਯੋਜਨਾਵਾਂ ਨੂੰ ਤੇਜ਼ ਕਰਨ ਲਈ ਭਾਰਤ ਜਾਪਾਨ ਨਾਲ ਗੱਲ ਕਰ ਰਿਹਾ ਹੈ। ਭਾਰਤ ਖਾਸ ਤੌਰ ‘ਤੇ ਚਾਬਹਾਰ ਨੂੰ ਰੇਲ ਮਾਰਗ ਤੋਂ ਜਾਹੇਦਨ (ਈਰਾਨ-ਅਫਗਾਨਿਸਤਾਨ ਸਰਹੱਦ) ਅਤੇ ਅੱਗੇ ਅਫਗਾਨੀ ਸ਼ਹਿਰ ਜਾਰੰਜ ਨਾਲ ਜੋੜਨ ਦੇ ਲਈ ਜਾਪਾਨ ਦੀ ਮਦਦ ਚਾਹੁੰਦਾ ਹੈ। ਜਾਣਕਾਰਾਂ ਦਾ ਕਹਿਣਾ ਹੈ ਕਿ ਭਾਰਤ ਅਤੇ ਜਾਪਾਨ ਦੇ ਵਿੱਚ ਦੂਸਰੇ ਦੇਸ਼ਾਂ ਵਿੱਚ ਜਿਨ੍ਹਾਂ ਕੁਨੈਕਟੀਵਿਟੀ ਯੋਜਨਾਵਾਂ ਨੂੰ ਇਕੱਠੇ ਮਿਲਾ ਕੇ ਸ਼ੁਰੂ ਕਰਨ ‘ਤੇ ਗੱਲ ਹੋ ਰਹੀ ਹੈ, ਉਨ੍ਹਾਂ ਵਿੱਚ ਚਾਬਹਾਰ ਤੋਂ ਜਾਰੰਜ ਤੱਕ ਦੀ ਰੇਲ ਯੋਜਨਾ ਸਭ ਤੋਂ ਅਹਿਮ ਹੈ।

Continue Reading

ਤਕਨੀਕ

ਭਾਰਤੀ ਮਾਨਸੂਨ ਸਿਸਟਮ 270 ਲੱਖ ਸਾਲ ਪੁਰਾਣਾ ਨਿਕਲਿਆ

Published

on

ਲਖਨਊ, 26 ਫਰਵਰੀ – ਵਿਗਿਆਨ ਸੰਸਥਾ (ਬੀ ਐਸ ਆਈ ਪੀ) ਦੇ ਵਿਗਿਆਨਕ ਖੋਜ ਅਧਿਐਨ ਨਾਲ ਭਾਰਤੀ ਮਾਨਸੂਨ ਸਿਸਟਮ ਦੀ ਉਮਰ ਨਾਲ ਜੁੜੇ ਕਿਆਸਿਆਂ ਉੱਤੇਰੋਕ ਲੱਗ ਗਈ ਹੈ। ਅੱਠ ਸਾਲਾਂ ਦੀ ਮਿਹਨਤ ਦੇ ਬਾਅਦ ਵਿਗਿਆਨੀਆਂ ਨੇ ਪਹਿਲੀ ਵਾਰ ਭਾਰਤੀ ਮਾਨਸੂਨ ਸਿਸਟਮ ਨਾਲ ਜੁੜੀ ਇਸ ਗੁੱਥੀ ਨੂੰ ਸੁਲਝਾਉਂਣ ਵਿੱਚ ਸਫਲਤਾ ਪ੍ਰਾਪਤ ਕੀਤੀ ਹੈ। ਆਈਸੋਟੋਪਿਕ ਤਕਨੀਕ ਉੱਤੇ ਆਧਾਰਤ ਖੋਜ ਵਿੱਚ ਭਾਰਤੀ ਮਾਨਸੂਨ ਸਿਸਟਮ ਦੀ ਉਮਰ ਨੂੰ 270 ਲੱਖ ਸਾਲ ਪੁਰਾਣੀ ਦੱਸੀ ਗਈ ਹੈ।
ਹਾਲੇ ਤੱਕ ਦੇ ਸਰਵੇ ਵਿੱਚ ਤਿੱਬਤ ਦੇ ਹੋਂਦ ਵਿੱਚ ਆਉਣ ਅਤੇ ਭੂ-ਵਿਗਿਆਨਕ ਉਮਰ (ਜਿਓਲਾਜੀਕਲ ਏਜ਼) ਦੇ ਆਧਾਰ ਉੱਤੇ ਭਾਰਤੀ ਮਾਨਸੂਨ ਸਿਸਟਮ ਦੀ ਉਮਰ ਨੂੰ 120 ਲੱੱਖ ਸਾਲ ਪੁਰਾਣਾ ਮੰਨਿਆ ਜਾਂਦਾ ਸੀ, ਪਰ ਸੰਸਥਾ ਦੇ ਵਿਗਿਆਨੀ ਡਾਕਟਰ ਸਾਜਿਦ ਅਲੀ ਦੇ 17 ਫਰਵਰੀ ਨੂੰ ਅੰਤਰਰਾਸ਼ਟਰੀ ਜਰਨਲ ਵਿੱਚ ਛਪੇ ਖੋਜ ਪੱਤਰ ਦੇ ਅਨੁਸਾਰ ਮੌਜੂਦਾ ਭਾਰਤੀ ਮਾਨਸੂਨ ਸਿਸਟਮ 270 ਲੱੱਖ ਸਾਲ ਪਹਿਲਾਂ ਹੋਂਦ ਵਿੱਚ ਆ ਗਿਆ ਸੀ। ਇਹ ਤਸਵੀਰ ਬੰਗਾਲ ਦੀ ਖਾੜੀ ਵਿੱਚ ਜਮ੍ਹਾ ਹੋਏ ਸੈਡੀਮੈਂਟਸ ਦੇ ਸਰਵੇ ਨਾਲ ਸਾਫ ਹੋਈ ਹੈ। ਡਾਕਟਰ ਅਲੀ ਦੱਸਦੇ ਹਨ ਕਿ ਭਾਰਤੀ ਮਾਨਸੂਨ ਦੀ ਤੀਬਰਤਾ ਦੇ ਸਮੇਂ ਨੂੰ ਅੱਜ ਤੱਕ ਵਿਵਾਦਪੂਰਨ ਮੰਨਿਆ ਜਾਂਦਾ ਰਿਹਾ ਹੈ। ਇਸ ਖੋਜ ਤੋਂ ਸਾਫ ਹੋ ਗਿਆ ਹੈ ਕਿ ਭਾਰਤੀ ਮਾਨਸੂਨ ਸਿਸਟਮ 270 ਲੱਖ ਸਾਲ ਪਹਿਲਾਂ ਹੋਂਦ ਵਿੱਚ ਆ ਗਿਆ ਸੀ। ਅਲੀ ਦੱਸਦੇ ਹਨ ਕਿ ਭੂ-ਮੱਧ ਰੇਖਾ ਅਤੇ ਬੰਗਾਲ ਦੀਖਾੜੀ ਵਿੱਚ 235 ਮੀਟਰ ਲੰਬੀ ਤਲਛਟ ਦੇ ਸਰਵੇ ਦੇ ਆਧਾਰ ਉੱਤੇ ਦੱਖਣੀ ਏਸ਼ਿਆਈ ਮਾਨਸੂਨ ਇਤਿਹਾਸ ਨੂੰ ਪਰਖਿਆ ਗਿਆ। ਬੰਗਾਲ ਦੀ ਖਾੜੀ ਵਿੱਚ ਉਚ ਹਿਮਾਲਿਆ ਦੇ ਕ੍ਰਿਸਟਲਾਈਨ ਪਹਾੜੀਆਂ ਦੇ ਖੁਰਨ ਨਾਲ ਸੈਡੀਮੈਂਟਸ ਬੰਗਾਲ ਦੀ ਖਾੜੀ ਵਿੱਚ ਪਹੁੰਚੇ ਸਨ। ਅਲੀ ਦਾ ਮੰਨਣਾ ਹੈ ਕਿ ਪੁਰਾ-ਜਲਵਾਯੂ ਖਾਸ ਕਰ ਕੇ ਭਾਰਤੀ ਮਾਨਸੂਨ ਪ੍ਰਣਾਲੀ ਨਾਲ ਜੁੜੇ ਇਸ ਖੋਜ ਨਤੀਜਿਆਂ ਨਾਲ ਭਵਿੱਖ ਵਿੱਚ ਜਲਵਾਯੂ ਤਬਦੀਲੀ ਅਤੇ ਮਾਨਸੂਨ ਸਬੰਧੀ ਸਰਵੇਖਣਾਂ ਨੂੰ ਨਵਾਂ ਦਿਸ਼ਾ ਮਿਲ ਸਕੇਗੀ ਅਤੇ ਹੋਰ ਵੀ ਜਿ਼ਆਦਾ ਖੋਜ ਹੋ ਸਕੇਗੀ।

Read More Today Exclusive Breaking News

Continue Reading

ਤਕਨੀਕ

ਬੱਚਿਆਂ ਦੇ ਸ਼ੋਸ਼ਣ ਬਾਰੇ ਕੰਟੈਂਟ ਉਤੇ ਫੇਸਬੁਕ ਨੇ ਨਿਯਮ ਸਖਤ ਕੀਤੇ

Published

on

ਨਵੀਂ ਦਿੱਲੀ, 25 ਫਰਵਰੀ – ਫੇਸਬੁਕ ਨੇ ਆਪਣੇ ਪਲੇਟਫਾਰਮ ਉੱਤੇ ਬੱਚਿਆਂ ਦਾ ਸ਼ੋਸ਼ਣ ਰੋਕਣ ਲਈ ਨਿਯਮ ਸਖਤ ਕੀਤੇ ਹਨ ਅਤੇ ਅਜਿਹੇ ਕੰਟੈਂਟ ਦਾ ਪਤਾ ਲਾਉਣ ਦੀ ਸਮਰੱਥਾ ਵਿੱਚ ਸੁਧਾਰ ਕਰਨ ਅਤੇ ਇਨ੍ਹਾਂ ਦੇ ਪ੍ਰਸਾਰ ਨੂੰ ਰੋਕਣ ਦੇ ਲਈ ਟੂਲਸ ਅਪਡੇਟ ਕੀਤੇ ਗਏ ਹਨ।
ਪਤਾ ਲੱਗਾ ਹੈ ਕਿ ਫੇਸਬੁਕ ਨੇ ਆਪਣੇ ਪਲੇਟਫਾਰਮ ਉੱਤੇ ਬੱਚਿਆਂ ਦੇ ਸ਼ੋਸ਼ਣ ਬਾਰੇ ਕੰਟੈਂਟ ਦੇ ਪ੍ਰਸਾਰ ਬਾਰੇ ‘ਜ਼ੀਰੋ ਟਾਲਰੈਂਸ’ ਦੀ ਨੀਤੀ ਅਪਣਾਈ ਹੈ। ਫੇਸਬੁਕ ਨੇ ਕਿਹਾ ਕਿ ਬੱਚਿਆਂ ਨੂੰ ਨੁਕਸਾਨ ਪੁਚਾਉਣ ਲਈ ਪਲੇਟਫਾਰਮ ਦੀ ਵਰਤੋਂ ਹਰ ਹਾਲ ਵਿੱਚ ਨਾ ਮਨਜ਼ੂਰ ਹੈ, ਅਸੀਂ ਆਪਣੇ ਡਿਟੈਕਸ਼ਨ ਅਤੇ ਰਿਪੋਰਟਿੰਗ ਟੂਲਸ ਅਪਡੇਟ ਕੀਤੇ ਹਨ। ਇਸ ਸਬੰਧ ਵਿੱਚ ਫੇਸਬੁਕ ਦੋ ਟੂਲਸ ਉਤੇ ਕੰਮ ਕਰ ਰਿਹਾ ਹੈ। ਪਹਿਲੇ ਟੂਲ ਤੋਂ ਅਜਿਹਾ ਕੁਝ ਸਰਚ ਕਰਨ ਉਤੇ ਯੂਜ਼ਰ ਨੂੰ ਚਿਤਾਵਨੀ ਵਾਲਾ ਟਾਪ-ਅਪ ਮੈਸੇਜ ਮਿਲੇਗਾ। ਦੂਸਰੇ ਟੂਲ ਦੀ ਮਦਦ ਨਾਲ ਏਦਾਂ ਦਾ ਕੰਟੈਂਟ ਸ਼ੇਅਰ ਕਰਨ ਵਾਲਿਆਂ ਨੂੰ ਚਿਤਾਵਨੀ ਮਿਲੇਗੀ ਕਿ ਇਹ ਪਾਲਿਸੀ ਦੇ ਖਿਲਾਫ ਹੈ ਅਤੇ ਇਸ ਤੋਂ ਉਨ੍ਹਾਂ ਲਈ ਕਾਨੂੰਨੀ ਸਮੱਸਿਆਵਾਂ ਹੋ ਸਕਦੀਆਂ ਹਨ। ਅਜਿਹੇ ਕੰਟੈਂਟ ਨੂੰ ਉਤਸ਼ਾਹ ਦੇਣ ਵਾਲੇ ਫੇਸਬੁਕ ਪ੍ਰੋਫਾਈਲ, ਪੇਜ਼, ਗਰੁੱਪ ਅਤੇ ਇੰਸਟਾਗ੍ਰਾਮ ਅਕਾਊਂਟ ਹਟਾ ਦਿੱਤੇ ਜਾਣਗੇ।
ਫੇਸਬੁਕ ਨੇ ਵਾਅਦਾ ਕੀਤਾ ਹੈ ਕਿ ਉਹ ਅਗਲੇ ਤਿੰਨ ਸਾਲਾਂ ਵਿੱਚ ਨਿਊਜ਼ ਇੰਡਸਟਰੀ ਵਿੱਚ ਇੱਕ ਅਰਬ ਡਾਲਰ ਦਾ ਨਿਵੇਸ਼ ਕਰੇਗਾ। ਖਬਰਾਂ ਦੇ ਭੁਗਤਾਨ ਨੂੰ ਲੈ ਕੇ ਆਸਟਰੇਲੀਆ ਦੇ ਨਾਲ ਪੈਦਾ ਹੋਏ ਵਿਵਾਦ ਦੇ ਬਾਅਦ ਇਸ ਅਮਰੀਕੀ ਇੰਟਰਨੈਟ ਮੀਡੀਆ ਨੇ ਇਹ ਐਲਾਨ ਕੀਤਾ ਹੈ। ਫੇਸਬੁਕ ਨੇ ਦੱਸਿਆ ਕਿ ਉਹ 2018 ਤੋਂ ਨਿਊਜ਼ ਇੰਡਸਟਰੀ ਵਿੱਚ 60 ਕਰੋੜ ਡਾਲਰ ਦਾ ਨਿਵੇਸ਼ ਕਰ ਚੁੱਕਾ ਹੈ।

Read More Internet and Other Technology Updates

Continue Reading

ਰੁਝਾਨ


Copyright by IK Soch News powered by InstantWebsites.ca