Two injured in nominations at Bhikhiwind | Latest Crime News in Punjabi
Connect with us [email protected]

ਅਪਰਾਧ

ਭਿੱਖੀਵਿੰਡ ਵਿਖੇ ਨਾਮਜ਼ਦਗੀਆਂ ਮੌਕੇ ਚੱਲੀਆਂ ਗੋਲੀਆਂ ਵਿੱਚ ਦੋ ਜ਼ਖਮੀ

Published

on

pistal

ਤਰਨਤਾਰਨ, 3 ਫਰਵਰੀ – ਨਗਰ ਪੰਚਾਇਤ ਭਿੱਖੀਵਿੰਡ ਦੀਆਂ ਚੋਣਾਂ ਦੇ ਸਬੰਧ ਵਿੱਚ ਆਮ ਆਦਮੀ ਪਾਰਟੀ ਦੇ ਹਲਕਾ ਇੰਚਾਰਜ ਜਸਬੀਰ ਸਿੰਘ ਸੁਰਸਿੰਘ ਦੀ ਅਗਵਾਈ ਹੇਠ ਕੱਲ੍ਹ ਜਦੋਂ ਉਨ੍ਹਾਂ ਦੇ ਉਮੀਦਵਾਰ ਆਪਣੇ ਨਾਮਜ਼ਦਗੀ ਪੱਤਰ ਦਾਖ਼ਲ ਕਰਾਉਣ ਆਏ ਤਾਂ ਉਥੇ ਮੌਜੂਦ ਕਾਂਗਰਸੀ ਵਰਕਰਾਂ ਵੱਲੋਂ ਉਨ੍ਹਾਂ ਦੀ ਕੁੱਟਮਾਰ ਕੀਤੀ ਅਤੇ ਇਸ ਦੇ ਬਾਅਦ ਨਾਮਜ਼ਦਗੀ ਫ਼ਾਈਲਾਂ ਖੋਹ ਕੇ ਪਾੜ ਦਿੱਤੀਆਂ ਗਈਆਂ।
ਇਸ ਸਬੰਧੀ ਆਮ ਆਦਮੀ ਪਾਰਟੀ ਦੇ ਹਲਕਾ ਭਿੱਖੀਵਿੰਡ ਦੇ ਆਗੂ ਗੁਰਦੇਵ ਸਿੰਘ ਲਾਖਣਾ ਨੇ ਕਿਹਾ ਕਿ ਹਲਕਾ ਵਿਧਾਇਕ ਸੁਖਪਾਲ ਸਿੰਘ ਭੁੱਲਰ ਨੇ ਪੁਲਸ ਦੀ ਹਾਜ਼ਰੀ ਵਿੱਚ ਆਪਣੇ ਵਰਕਰਾਂ ਤੋਂ ਗੋਲੀਆਂ ਚਲਵਾਈਆਂ ਪਰ ਪੁਲਸ ਵੀ ਮੂਕ ਦਰਸ਼ਕ ਬਣ ਕੇ ਵੇਖਦੀ ਰਹੀ। ਕਾਂਗਰਸੀ ਵਰਕਰਾਂ ਨੇ ਅਕਾਲੀ ਦਲ ਦੇ ਉਮੀਦਵਾਰਾਂ ਨੂੰ ਵੀ ਫ਼ਾਈਲਾਂ ਜਮ੍ਹਾਂ ਨਹੀਂ ਕਰਾਉਣ ਦਿੱਤੀਆਂ, ਜਿਸ ਦੇ ਵਿਰੋਧ ਵਿੱਚ ਅਕਾਲੀ ਦਲ ਨੇ ਨਾਹਰੇਬਾਜ਼ੀ ਕੀਤੀ ਤਾਂ ਪੁਲਸ ਦੀ ਹਾਜ਼ਰੀ ਵਿੱਚਕਾਂਗਰਸੀ ਵਰਕਰਾਂ ਨੇ ਗੋਲੀਆਂ ਚਲਾ ਦਿੱਤੀਆਂ। ਇਸ ਘਟਨਾਦੀ ਹਲਕਾ ਖੇਮਕਰਨ ਤੋਂ ਸਾਬਕਾ ਵਿਧਾਇਕ ਵਿਰਸਾ ਸਿੰਘ ਵਲਟੋਹਾ ਨੇ ਸਖ਼ਤ ਸ਼ਬਦਾਂ ਵਿੱਚ ਨਿਖੇਧੀ ਕੀਤੀ ਤੇ ਪੁਲਸ ਉੱਤੇ ਵੀ ਦੋਸ਼ ਲਾਏ। ਪਤਾ ਲੱਗਾ ਹੈ ਕਿ ਇਸ ਹੁਲੜਬਾਜ਼ੀ ਵਿੱਚ 33 ਫ਼ਾਇਰ ਹੋਏ, ਜਿਸ ਦੌਰਾਨ ਦੋ ਵਿਅਕਤੀ ਜ਼ਖ਼ਮੀ ਹੋਏ ਅਤੇ ਉਨ੍ਹਾਂ ਨੂੰ ਇਲਾਜ ਲਈ ਸਰਕਾਰੀ ਹਸਪਤਾਲ ਸੁਰਸਿੰਘ ਵਿਖੇ ਭਰਤੀ ਕਰਾਇਆ ਗਿਆ।ਡੀ ਐਸ ਪੀ ਭਿੱਖੀਵਿੰਡ ਰਾਜਬੀਰ ਸਿੰਘ ਨੇ ਕਿਹਾ ਕਿ ਇਸ ਘਟਨਾ ਦੀ ਬਾਰੀਕੀ ਨਾਲ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਜੋ ਵੀ ਦੋਸ਼ੀ ਪਾਇਆ ਗਿਆ, ਉਸ ਵਿਰੁੱਧ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।

ਅਪਰਾਧ

ਬਾਹ ਉੱਤੇ ਲਿਖ ਕੇ ਖੁਦਕੁਸ਼ੀ: ‘ਮੇਰੀ ਮੌਤ ਦੇ ਜ਼ਿੰਮੇਵਾਰ ਪਤਨੀ ਅਤੇ ਉਸ ਦੇ ਘਰਵਾਲੇ

Published

on

ਚੰਡੀਗੜ੍ਹ, 26 ਫਰਵਰੀ – ਬੁੜੈਲ ਵਿੱਚ 43 ਸਾਲਾ ਵਿਅਕਤੀ ਨੇ ਫਾਹਾ ਲਾ ਕੇ ਸੁਸਾਈਡ ਕਰ ਲਿਆ ਹੈ। ਉਸ ਦੀ ਪਛਾਣ ਕੁਲਬੀਰ ਸਿੰਘ ਵਜੋਂ ਹੋਈ ਹੈ। ਮਰਨ ਤੋਂ ਪਹਿਲਾਂ ਉਸ ਨੇ ਆਪਣੀ ਬਾਂਹ ਉੱਤੇ ਲਿਖਿਆ ਕਿ ਮੇਰੀ ਮੌਤ ਦੀ ਜ਼ਿੰਮੇਵਾਰ ਮੇਰੀ ਪਤਨੀ ਅਤੇ ਉਸ ਦੇ ਘਰਵਾਲੇ ਹਨ।
ਕੁਲਬੀਰ ਦਾ ਪਰਵਾਰ ਸੈਕਟਰ ਚਾਲੀ ਵਿੱਚ ਰਹਿੰਦਾ ਹੈ, ਪਰ ਪਤਨੀ ਨਾਲ ਝਗੜੇ ਕਾਰਨ ਕੁਲਬੀਰ ਬੁੜੈਲ ਵਿੱਚ ਕਿਰਾਏ ਉੱਤੇ ਰਹਿੰਦਾ ਸੀ। ਉਹ ਵਾਟਰ ਵਰਕਸ ਵਿੱਚ ਤੈਨਾਤ ਸੀ। ਉਸ ਦਾ ਪਤਨੀ ਨਾਲ ਝਗੜਾ ਚੱਲ ਰਿਹਾ ਸੀ। ਇਸ ਕਾਰਨ ਉਸ ਦੀ ਪਤਨੀ ਆਪਣੇ ਪੇਕੇ ਰਹਿ ਰਹੀ ਸੀ। ਬੁੱਧਵਾਰ ਨੂੰ ਲੋਕਾਂ ਨੇ ਦੇਖਿਆ ਕਿ ਕੁਲਬੀਰ ਨੇ ਆਪਣੇ ਕਮਰੇ ਵਿੱਚ ਫਾਂਸੀ ਲਾਈ ਹੋਈ ਹੈ। ਸੂਚਨਾ ਦੇ ਬਾਅਦ ਪਹੁੰਚੀ ਪੁਲਸ ਕੁਲਬੀਰ ਨੂੰ ਇਲਾਜ ਦੇ ਲਈ ਸੈਕਟਰ 32 ਦੇ ਹਸਪਤਾਲ ਵਿੱਚ ਲੈ ਗਈ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਕਰ ਦਿੱਤਾ। ਪੁਲਸ ਨੇ ਜਾਂਚ ਸ਼ੁਰੂ ਕੀਤੀ ਅਤੇ ਕੁਲਬੀਰ ਦੇ ਭਰਾ ਦਾ ਫੋਨ ਨੰਬਰ ਹਾਸਲ ਕਰ ਕੇ ਉਨ੍ਹਾਂ ਨੂੰ ਫੋਨ ਕੀਤਾ।

Read More Punjab Crime News

Continue Reading

ਅਪਰਾਧ

ਸਹੁਰਾ ਪਰਵਾਰ ਤੋਂ ਦੁਖੀ ਇੱਕ ਹੋਰ ਵਿਆਹੁਤਾ ਵੱਲੋਂ ਖ਼ੁਦਕੁਸ਼ੀ

Published

on

ਲਾਂਬੜਾ, 26 ਫਰਵਰੀ – ਥਾਣਾ ਲਾਂਬੜਾ ਦੇ ਪਿੰਡ ਮਲਕੋ ਤਰਾੜ ਵਿਖੇ ਸਹੁਰਾ ਪਰਵਾਰ ਤੋਂ ਦੁਖੀ ਇੱਕ ਵਿਆਹੁਤਾ ਵੱਲੋਂ ਜ਼ਹਿਰ ਖਾ ਕੇ ਆਤਮ ਹੱਤਿਆ ਕਰ ਲੈਣ ਦੀ ਸੂਚਨਾ ਹੈ। ਮ੍ਰਿਤਕਾ ਦੇ ਵਿਆਹ ਨੂੰ ਅਜੇ ਤਿੰਨ ਸਾਲ ਹੀ ਹੋਏ ਸਨ। ਪੁਲਸ ਨੇ ਇਸ ਬਾਰੇ ਕੇਸ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਇਸ ਬਾਰੇ ਥਾਣਾ ਮੁਖੀ ਇੰਸਪੈਕਟਰ ਕਸ਼ਮੀਰ ਸਿੰਘ ਨੇ ਦੱਸਿਆ ਕਿ ਬਲਵਿੰਦਰ ਸਿੰਘ ਵਾਸੀ ਮਸਤੀਵਾਲ ਥਾਣਾ ਗੜ੍ਹਦੀਵਾਲ ਹੁਸ਼ਿਆਰਪੁਰ ਨੇ ਕੱਲ੍ਹ ਪੁਲਸ ਨੂੰ ਬਿਆਨ ਲਿਖਵਾਏ ਕਿ ਉਸ ਦੀ ਬੇਟੀ ਰਾਜਦੀਪ ਕੌਰ (27) ਦਾ ਕਰੀਬ ਤਿੰਨ ਸਾਲ ਪਹਿਲਾਂ ਜੁਗਿੰਦਰ ਕੁਮਾਰ ਪਿੰਡ ਮਲਕੋ ਤਰਾੜ ਥਾਣਾ ਲਾਂਬੜਾ ਨਾਲ ਵਿਆਹ ਹੋਇਆ ਸੀ। ਲੜਕੀ ਦੇ ਪਿਤਾ ਨੇ ਦੱਸਿਆ ਕਿ ਜਦੋਂ ਦਾ ਵਿਆਹ ਹੋਇਆ ਸੀ, ਉਸਦੀ ਲੜਕੀ ਬਹੁਤ ਦੁਖੀ ਸੀ। ਲੜਕੀ ਦਾ ਪਤੀ ਅਤੇ ਸੱਸ ਰਾਣੋ ਉਸਦੀ ਲੜਕੀ ਨੂੰ ਦਾਜ ਲਿਆਉਣ ਲਈ ਤੰਗ ਕਰਦੇ ਤੇ ਕੁੱਟਮਾਰ ਕਰਦੇ ਸਨ। ਆਪਣੇ ਪਤੀ ਅਤੇ ਸੱਸ ਤੋਂ ਦੁਖੀ ਹੋ ਕੇ ਰਾਜਦੀਪ ਕੌਰ ਕਈ ਵਾਰ ਆਪਣੇ ਪੇਕੇ ਘਰ ਆ ਕੇ ਰਹਿੰਦੀ ਰਹੀ ਸੀ।ਇਸ ਬਾਰੇ ਸਹੁਰਾ ਪਰਵਾਰ ਨਾਲ ਕਈ ਵਾਰ ਰਾਜ਼ੀਨਾਮੇ ਵੀ ਹੋਏ, ਪਰ ਉਹ ਉਨ੍ਹਾਂ ਦੀ ਲੜਕੀ ਨੂੰ ਤੰਗ ਕਰਨੋਂ ਨਹੀਂ ਹਟੇ। ਆਖ਼ਰ ਉਨ੍ਹਾਂ ਦੀ ਲੜਕੀ ਰਾਜਦੀਪ ਕੌਰ ਨੇ ਆਪਣੇ ਪਤੀ ਅਤੇ ਸੱਸ ਤੋਂ ਤੰਗ ਹੋ ਕੇ ਘਰ ਵਿੱਚ ਸਲਫਾਸ ਖਾ ਲਈ ਅਤੇ ਇਲਾਜ ਦੌਰਾਨ ਰਾਜਦੀਪ ਕੌਰ ਦੀ ਮੌਤ ਹੋ ਗਈ। ਮ੍ਰਿਤਕਾ ਆਪਣੇ ਪਿੱਛੇ ਇੱਕ ਕਰੀਬ ਦੋ ਸਾਲ ਦਾ ਅਤੇ ਦੂਜਾ ਕਰੀਬ ਢਾਈ ਮਹੀਨੇ ਦਾ ਬੇਟਾ ਛੱਡ ਗਈ ਹੈ। ਪੁਲਸ ਵੱਲੋਂ ਮ੍ਰਿਤਕਾ ਦੇ ਪਤੀ ਅਤੇ ਸੱਸ ਖ਼ਿਲਾਫ਼ ਕੇਸ ਦਰਜ ਕਰਕੇ ਉਨ੍ਹਾਂ ਦਾ ਗ਼੍ਰਿਫ਼ਤਾਰੀ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਸੀ।

Read More Punjab Crime News

Continue Reading

ਅਪਰਾਧ

ਏ ਟੀ ਐਮ ਕਾਰਡ ਬਦਲ ਕੇ ਖਾਤੇ ਵਿੱਚੋਂ 1.16 ਲੱਖ ਰੁਪਏ ਕਢਵਾਏ

Published

on

ਜਲੰਧਰ, 26 ਫਰਵਰੀ – ਰਾਮਾਮੰਡੀ ਦੇ ਅਸ਼ੀਰਵਾਦ ਹਸਪਤਾਲ ਨੇੜੇ ਏ ਟੀ ਐਮ ਵਿੱਚ ਪੈਸੇ ਲੈਣ ਆਏ ਫਗਵਾੜੇ ਦੇ ਕੁਲਵਿੰਦਰ ਸਿੰਘ ਦਾ ਏ ਟੀ ਐਮ ਕਾਰਡ ਠੱਗ ਨੇ ਬਦਲ ਲਿਆ। ਫਿਰ ਉਸ ਕਾਰਡ ਨਾਲ ਵੱਖ-ਵੱਖ ਪੈਟਰੋਲ ਪੰਪਾਂ ਤੋਂ 1.16 ਲੱਖ ਕਢਵਾ ਲਏ। ਥਾਣਾ ਰਾਮਾਮੰਡੀ ਦੀ ਪੁਲਸ ਨੇ ਦੋਸ਼ੀ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਉਸ ਦੀ ਪਛਾਣ ਲੰਮਾ ਪਿੰਡ ਦੇ ਅਜੈ ਕੁਮਾਰ ਉਰਫ ਦਾਨਾ ਵਜੋਂ ਹੋਈ ਹੈ। ਉਹ ਏ ਟੀ ਐਮ ਵਿੱਚ ਲੱਗੇ ਸੀ ਸੀ ਟੀ ਵੀ ਕੈਮਰੇ ਵਿੱਚ ਕੈਦ ਹੋ ਗਿਆ ਸੀ ਅਤੇ ਜਿਸ ਪੈਟਰੋਲ ਪੰਪ ਤੋਂ ਉਸਨੇ ਪੈਸੇ ਕਢਵਾਏ, ਉਥੇ ਲੱਗੇ ਸੀ ਸੀ ਟੀ ਵੀ ਕੈਮਰੇ ਵਿੱਚ ਵੀ ਉਸ ਦੀ ਤਸਵੀਰ ਆ ਗਈ ਸੀ, ਜਿਸ ਕਾਰਨ ਉਹ ਜਲਦੀ ਫੜਿਆ ਗਿਆ ਹੈ।
ਕੁਲਵਿੰਦਰ ਸਿੰਘ ਨੇ ਦੱਸਿਆ ਕਿ ਉਸ ਦੀ ਪਤਨੀ ਸੁਸ਼ਮਾ ਰਾਣੀ ਦਾ ਬੈਂਕ ਅਕਾਊਂਟ ਜਲੰਧਰ ਦੇ ਐਸ ਬੀ ਆਈ ਦੀ ਮੇਨ ਬ੍ਰਾਂਚ ਵਿੱਚ ਹੈ। ਬੀਤੇ ਦਿਨੀਂ ਉਹ ਪਤਨੀ ਦਾ ਏ ਟੀ ਐਮ ਕਾਰਡ ਲੈ ਕੇ ਰਾਮਾਮੰਡੀ ਵਿੱਚ ਏ ਟੀ ਐਮ ਤੋਂ ਪੈਸੇ ਕਢਵਾਉਣ ਆਇਆ ਤਾਂ ਇੱਕ ਨੌਜਵਾਨ ਉਸ ਕੋਲ ਆਇਆ ਤੇ ਗੱਲਾਂ-ਗੱਲਾਂ ਵਿੱਚ ਉਸ ਨੇ ਏ ਟੀ ਐਮ ਕਾਰਡ ਬਦਲ ਦਿੱਤਾ ਅਤੇ ਪਿਨ ਵੀ ਦੇਖ ਲਿਆ। ਉਸੇ ਸ਼ਾਮ ਕੁਲਵਿੰਦਰ ਸਿੰਘ ਦੇ ਮੋਬਾਈਲ ਉੱਤੇ ਮੈਸੇਜ ਆਉਣ ਲੱਗੇ ਕਿ ਜਲੰਧਰ ਦੇ ਵੱਖ-ਵੱਖ ਪੈਟਰੋਲਪੰਪਾਂ ਤੋਂ ਪੈਸੇ ਕਢਵਾਏ ਗਏ ਹਨ। ਕਿਤਿਓਂ ਪੰਦਰਾਂ ਹਜ਼ਾਰ ਰੁਪਏ, ਕਤਿਓਂ ਬਾਰ੍ਹਾਂ ਹਜ਼ਾਰ ਰੁਪਏ, ਕਿਤਿਓਂ ਚਾਲੀ ਹਜ਼ਾਰ ਰੁਪਏ। ਪੁਲਸ ਨੂੰ ਸਿ਼ਕਾਇਤ ਕੀਤੀ ਤਾਂ ਦੋਸ਼ੀ ਫੜਿਆ ਗਿਆ ਹੈ।

Read More Punjab Crime News

Continue Reading

ਰੁਝਾਨ


Copyright by IK Soch News powered by InstantWebsites.ca