ਜਲੰਧਰ, 20 ਮਾਰਚ – ਗੁਰੂ ਨਾਨਕ ਨਗਰ ਨਾਗਰਾ ਵਿੱਚ ਬਿਲਡਰ ਦੇ ਦਫ਼ਤਰ ਵਿੱਚ ਇੱਕ ਦਰਜਨ ਤੋਂ ਵੱਧ ਨਸ਼ੇੜੀਆਂ ਨੇ ਦਫ਼ਤਰ ਵਿੱਚ ਹੰਗਾਮਾ ਕੀਤਾ ਤੇ ਢਾਈ ਲੱਖ ਰੁਪਏ ਲੁਟ ਕੇ ਲੈ ਗਏ।
ਦੱਸਿਆ ਗਿਆ ਹੈ ਕਿ ਕੁਝ ਨਸ਼ੇੜੀਆਂ ਨੇ ਬਿਲਡਰ ਵੱਲੋਂ ਹਫ਼ਤਾ ਨਾ ਦੇਣ ਤੋਂ ਨਾਰਾਜ਼ ਹੋ ਕੇ ਪਹਿਲਾਂ ਤਾਂ ਦਫ਼ਤਰ ਵਿੱਚ ਆ ਕੇ ਭੰਨ-ਫੋੜ ਕੀਤੀ ਅਤੇ ਜਾਂਦੇ ਹੋਏ ਰਜਿਸਟਰੀਆਂ ਲਈ ਰੱਖੇ ਢਾਈ ਲੱਖ ਰੁਪਏ ਲੁੱਟ ਕੇ ਲੈ ਗਏ। ਘਟਨਾ ਦੀ ਸੂਚਨਾ ਮਿਲਣ ਪਿੱਛੋਂ ਮੌਕੇ ਉੱਤੇ ਪਹੁੰਚੀ ਥਾਣਾ ਨੰਬਰ 1 ਦੀ ਪੁਲਸ ਜਾਂਚ ਕਰ ਰਹੀ ਹੈ। ਇਸ ਬਾਰੇ ਹਰਵਿੰਦਰ ਸਿੰਘ ਭਿੰਦਾ ਪੁੱਤਰ ਤੇਜਿੰਦਰ ਸਿੰਘ ਵਾਸੀ ਪਟੇਲ ਨਗਰ ਨੇ ਦੱਸਿਆ ਕਿ ਕੱਲ੍ਹ ਦੋਪਹਿਰ ਉਹ ਆਪਣੇ ਕਰਮਚਾਰੀਆਂ ਨਾਲ ਗੁਰੂ ਨਾਨਕ ਨਗਰ ਵਿੱਚ ਗੁਰੂ ਨਾਨਕ ਬਿਲਡਰ ਦਫ਼ਤਰ ਬੈਠੇ ਸਨ ਕਿ ਇੱਕ ਦਰਜਨ ਤੋਂ ਵੱਧ ਹਥਿਆਰਬੰਦ ਨੌਜਵਾਨ ਆਏ ਤੇ ਆਉਂਦੇ ਹੀ ਦਫ਼ਤਰ ਦੇ ਕਰਮਚਾਰੀਆਂ ਨਾਲ ਮਾਰਕੁਟਾਈ ਕਰ ਕੇ ਤੋੜ-ਭੰਨ ਕੀਤੀ ਤੇ ਜਾਂਦੇ ਹੋਏ ਢਾਈ ਲੱਖ ਰੁਪਏ ਲੈ ਗਏ। ਹਰਵਿੰਦਰ ਸਿੰਘ ਨੇ ਦੋਸ਼ ਲਾਇਆ ਹੈ ਕਿ ਇਸ ਖੇਤਰ ਵਿੱਚ ਕੁਝ ਨਸ਼ੇੜੀ ਨੌਜਵਾਨ ਹਫ਼ਤਾ ਵਸੂਲੀ ਕਰਦੇ ਹਨ ਤੇ ਕਈ ਵਾਰ ਉਨ੍ਹਾਂ ਨੇ ਉਨ੍ਹਾਂ ਨੌਜਵਾਨਾਂ ਨੂੰ ਹਫ਼ਤਾ ਵੀ ਦਿੱਤਾ, ਪਰ ਕੁਝ ਸਮੇਂ ਤੋਂ ਉਨ੍ਹਾਂ ਨੇ ਹਫ਼ਤਾ ਦੇਣ ਤੋਂ ਇਨਕਾਰ ਕਰ ਦਿੱਤਾ ਸੀ, ਜਿਸ ਕਾਰਨ ਉਨ੍ਹਾਂ ਨੇ ਕਈ ਵਾਰ ਦੇਖ ਲੈਣ ਦੀ ਧਮਕੀਆਂ ਵੀ ਦਿੱਤੀਆਂ ਸਨ।

Read More Latest Crime News in Punjabi