Three thugs arrested, including gangster Ghudda
Connect with us [email protected]

ਅਪਰਾਧ

ਗੈਂਗਸਟਰ ਘੁੱਦਾ ਸਮੇਤ ਤਿੰਨ ਬਦਮਾਸ਼ ਗ਼੍ਰਿਫ਼ਤਾਰ

Published

on

gangster Ghudda arrest

ਅੰਮ੍ਰਿਤਸਰ, 27 ਅਕਤੂਬਰ – ਇੰਟਰ ਜ਼ਿਲ੍ਹਾ ਗੈਂਗਸਟਰ ਸੁਖਦੀਪ ਸਿੰਘ ਘੁੱਦਾ ਤੇ ਉਸ ਦੇ ਦੋ ਸਾਥੀਆਂ ਨੂੰ ਗੁਰਦਾਸਪੁਰ ਪੁਲਸ ਨੇ ਗ਼੍ਰਿਫ਼ਤਾਰ ਕੀਤਾ ਹੈ, ਜਿਨ੍ਹਾਂ ਤੋਂ ਪੁਲਸ ਨੇ 2 ਕਾਰਾਂ, ਤਿੰਨ ਪਿਸਤੌਲਾਂ ਸਮੇਤ ਕਾਰਤੂਸ ਅਤੇ ਲੁੱਟੀ ਗਈ 40 ਹਜ਼ਾਰ ਰੁਪਏ ਦੀ ਰਾਸ਼ੀ ਵੀ ਬਰਾਮਦ ਕੀਤੀ ਹੈ। ਇਨ੍ਹਾਂ ਤਿੰਨਾਂ ਦੀ ਗ਼੍ਰਿਫ਼ਤਾਰੀ ਨਾਲ 22 ਕਿੱਲੋ ਹੈਰੋਇਨ, ਰੁਡਿਆਣਾ ਬੈਂਕ ਡਕੈਤੀ ਸਣੇ ਕਈ ਮਾਮਲੇ ਹੱਲ ਹੋ ਗਏ ਹਨ।
ਸਰਹੱਦੀ ਰੇਂਜ ਦੇ ਆਈ ਜੀ ਸੁਰਿੰਦਰਪਾਲ ਸਿੰਘ ਪਰਮਾਰ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਕਲਾਨੌਰ ਖੇਤਰ ਤੋਂ ਗ਼੍ਰਿਫ਼ਤਾਰ ਕੀਤੇ ਤਿੰਨੇ ਗੈਂਗਸਟਰ ਜ਼ਿਲ੍ਹਾ ਗੁਰਦਾਸਪੁਰ ‘ਚ ਜ਼ਿਆਦਾਤਰ ਵਿਚਰਦੇ ਅਤੇ ਵਾਰਦਾਤਾਂ ਕਰਦੇ ਸਨ, ਜਿਨ੍ਹਾਂ ਦੀ ਪਛਾਣ ਸੁਖਦੀਪ ਸਿੰਘ ਉਰਫ ਘੁੱਦਾ ਪਿੰਡ ਰੁਡਿਆਣਾ, ਹਰਵਿੰਦਰ ਸਿੰਘ ਦੋਧੀ ਪਿੰਡ ਮੁਰਾਦਪੁਰਾ ਜ਼ਿਲ੍ਹਾ ਅੰਮ੍ਰਿਤਸਰ ਦਿਹਾਤੀ, ਹਰਜੀਤ ਸਿੰਘ ਉਰਫ ਜੀਤਾ ਪਿੰਡ ਸ਼ਹੂਰਾ ਕਲਾਂ ਦੋਰਾਂਗਲਾ ਜ਼ਿਲ੍ਹਾ ਗੁਰਦਾਸਪੁਰ ਵਜੋਂ ਹੋਈ ਹੈ। ਉਨ੍ਹਾਂ ਦੱਸਿਆ ਕਿ ਗੁਰਦਾਸਪੁਰ ਜ਼ਿਲ੍ਹੇ ਦੇ ਪਾਕਿਸਤਾਨ ਨਾਲ ਲਗਦੇ ਸਰਹੱਦੀ ਖੇਤਰ ਦੋਰਾਂਗਲਾ ਵਿਖੇ ਇਸੇ ਸਾਲ 17 ਜਨਵਰੀ ਨੂੰ ਬੀ ਐਸ ਐਫ ਦੀ ਚੌਂਤਰਾ ਪੋਸਟ ਤੋਂ ਅਰਬਾਂ ਰੁਪਏ ਦੇ ਮੁੱਲ ਦੀ 22 ਕਿੱਲੋਗ੍ਰਾਮ ਹੈਰੋਇਨ ਦੀ ਤਸਕਰੀ ਹੋਈ ਸੀ, ਜਿਸ ‘ਚ ਉਕਤ ਘੁੱਦਾ ਅਤੇ ਉਸ ਦੇ ਸਾਥੀਆਂ ਦੀ ਸ਼ਮੂਲੀਅਤ ਪਤਾ ਲੱਗੀ ਸੀ।ਇਸੇ ਤਰ੍ਹਾਂ ਪਿੰਡ ਰੁਡਿਆਣਾ ਦੇ ਕੋਅਪ੍ਰੇਟਿਵ ਬੈਂਕ ‘ਚੋਂ ਸਾਢੇ ਪੰਜ ਲੱਖ ਦੀ ਡਕੈਤੀ ਤੇ ਕਣਕ ਮੰਡੀ ਹਰਦੋਛੰਨੀ ਵਿਖੇ ਹਰਪ੍ਰੀਤ ਸਿੰਘ ਵਾਸੀ ਬਥਵਾਲਾ ਨੂੰ ਗੋਲੀ ਮਾਰੀ ਗਈ ਸੀ।ਇਨ੍ਹਾਂ ਵਾਰਦਾਤਾਂ ਸਮੇਤ ਕਈ ਹੋਰ ਕੇਸਾਂ ਵਿੱਚ ਇਸ ਗੈਂਗ ਦੀ ਸ਼ਮੁਲੀਅਤ ਪਤਾ ਲੱਗੀ ਹੈ। ਉਨ੍ਹਾਂ ਦੱਸਿਆ ਕਿ ਜ਼ਿਲ੍ਹਾ ਪੁਲਸ ਮੁਖੀ ਡਾæ ਰਜਿੰਦਰ ਸਿੰਘ ਸੋਹਲ ਅਤੇ ਉਨ੍ਹਾਂ ਦੀ ਟੀਮ ਨੇ ਇਸ ਗੈਂਗ ਨੂੰ ਫੜਨ ਵਿੱਚ ਸਫਲਤਾ ਹਾਸਲ ਕੀਤੀ ਹੈ।
ਪੁਲਸ ਨੂੰ ਘੁੱਦਾ ਨੇ ਦੱਸਿਆ ਕਿ ਉਸ ਨਾਲ ਹਰਜੀਤ ਸਿੰਘ ਉਰਫ ਜੀਤਾ ਵੀ ਹੈਰੋਇਨ ਤਸਕਰੀ ‘ਚ ਸ਼ਾਮਲ ਸੀ। ਇਨ੍ਹਾਂਨੇ ਬੈਂਕ ਡਕੈਤੀ ਦੇ ਸਾਢੇ ਪੰਜ ਲੱਖ ਰੁਪਏ ਦੀ ਸਾਰੀ ਰਕਮ ਐਸ਼ੋ ਵਿੱਚ ਲੁਟਾ ਦਿੱਤੀ ਤੇ ਇਸ ਵੇਲੇ ਇਨ੍ਹਾਂ ਕੋਲ ਕੇਵਲ 40 ਹਜ਼ਾਰ ਰੁਪਏ ਬਚੇ ਸਨ। ਦਿਲਚਸਪ ਗੱਲ ਇਹ ਹੈ ਕਿ ਇਹ ਲੋਕ ਵਾਰਦਾਤ ਪਿੱਛੋਂ ਮੈਕਲੋਡਗੰਜ ਚਲੇ ਜਾਂਦੇ ਅਤੇ ਮੌਜ ਮਸਤੀ ਕਰਦੇ ਸਨ। ਇਹ ਕਲੱਕਤਾ ਤੇ ਗੁਜਰਾਤ ‘ਚ ਵੀ ਲੁਕ ਕੇ ਰਹਿੰਦੇ ਰਹੇ ਹਨ।

Click Here To Read Punjab Crime Latest breaking news

ਅਪਰਾਧ

ਮਾਂ-ਬਾਪ ਦੀਆਂ ਲਾਸ਼ਾਂ ਦੇ ਨਾਲ ਮਾਨਸਿਕ ਰੋਗੀ ਧੀ 6 ਦਿਨ ਕਮਰੇ ਵਿੱਚ ਪਈ ਰਹੀ

Published

on

dead body

ਕੋਲਕਾਤਾ, 1 ਦਸੰਬਰ – ਇੱਕ ਡਾਕਟਰੀ ਜੋੜੇ ਦੀਆਂ ਲਾਸ਼ਾਂ ਨਾਲ ਪਿਛਲੇ ਛੇ ਦਿਨਾਂ ਤੋਂ ਉਨ੍ਹਾਂ ਦੀ ਧੀ ਉਨ੍ਹਾਂ ਦੇ ਫਲੈਟ ਦੇ ਕਮਰੇ ਵਿੱਚ ਪਈ ਹੋਈ ਸੀ। ਲਾਸ਼ਾਂ ਦੇ ਸੜਨ ਨਾਲ ਫੈਲੀ ਬਦਬੂ ਨਾਲ ਭੇਦ ਖੁੱਲ੍ਹਾ ਹੈ।
ਉਤਰੀ 24 ਪਰਗਨਾ ਜ਼ਿਲ੍ਹੇ ਦੇ ਬੜਾ ਨਗਰ ‘ਚ ਸਾਹਮਣੇ ਆਈ ਇਸ ਖੌਫਨਾਕ ਘਟਨਾ ਨੇ ਫਿਰ ਰਾਬਿਨਸਨ ਸਟਰੀਟ ਕਾਂਡ ਦੀਆਂ ਯਾਦਾਂ ਤਾਜ਼ਾ ਕਰ ਦਿੱਤੀਆਂ ਹਨ। ਮ੍ਰਿਤਕਾਂ ਦੇ ਨਾਂਅ ਡਾæ ਏ ਕੇ ਚੌਧਰੀ ਅਤੇ ਡਾæ ਐਸ ਚੌਧਰੀ ਹਨ। ਦੋਵਾਂ ਦੀ ਉਮਰ ਸੱਤਰ ਤੋਂ ਪਾਰ ਸੀ। ਉਨ੍ਹਾਂ ਦੀ ਧੀ ਦੇਵੀ ਮਾਨਸਿਕ ਰੋਗੀ ਦੱਸੀ ਗਈ ਹੈ।ਇਸ ਪਰਵਾਰ ਦਾ ਇਲਾਕੇ ਦੇ ਲੋਕਾਂ ਨਾਲ ਮੇਲ ਜੋਲ ਕਾਫੀ ਘੱਟ ਸੀ। ਡਾਕਟਰ ਜੋੜੇ ਦੀ ਸੁਭਾਵਿਕ ਮੌਤ ਹੋਈ ਜਾਂ ਉਨ੍ਹਾਂ ਨੇ ਖੁਦਕੁਸ਼ੀ ਕੀਤੀ ਜਾਂ ਉਨ੍ਹਾਂ ਦੀ ਹੱਤਿਆ ਕੀਤੀ ਗਈ, ਪੁਲਸ ਇਸ ਬਾਰੇ ਉਲਝਣ ਵਿੱਚ ਹੈ।
ਮਾਨਸਕਿ ਰੋਗੀ ਦੀ ਦੇਵੀ ਤੋਂ ਇਸ ਬਾਰੇ ਪੁੱਛਗਿੱਛ ਕੀਤੀ ਜਾ ਰਹੀ ਹੈ, ਪਰ ਮਨੋਰੋਗੀ ਹੋਣ ਕਾਰਨ ਉਹ ਕਿਸੇ ਵੀ ਸਵਾਲ ਦਾ ਸਹੀ ਢੰਗ ਨਾਲ ਜਵਾਬ ਨਹੀਂ ਦੇ ਰਹੀ। ਗੁਆਂਢੀਆਂ ਤੋਂ ਪਤਾ ਲੱਗਾ ਕਿ ਦੇਵੀ ਤਲਾਕਸ਼ੁਦਾ ਹੈ ਅਤੇ ਪਿਛਲੇ ਕਈ ਸਾਲਾਂ ਤੋਂ ਆਪਣੇ ਮਾਤਾ-ਪਿਤਾ ਨਾਲ ਉਨ੍ਹਾਂ ਦੇ ਫਲੈਟ ਵਿੱਚ ਰਹਿ ਰਹੀ ਸੀ। ਪੁਲਸ ਇਸ ਨੂੰ ਸੁਭਾਵਿਕ ਮੌਤ ਦਾ ਕੇਸਨਹੀਂ ਮੰਨ ਰਹੀ, ਕਿਉਂਕਿ ਇੱਕੋ ਸਮੇਂ ਦੋ ਜਣਿਆਂ ਦੀ ਮੌਤ ਕਿਵੇਂ ਹੋ ਸਕਦੀ ਹੈ।
ਕੁਝ ਸਾਲ ਪਹਿਲਾਂ ਰਾਬਿਨਸਨ ਸਟਰੀਟ ‘ਚ ਅਜਿਹੀ ਘਟਨਾ ਵਿੱਚ ਇੱਕ ਵਿਅਕਤੀ ਸਾਲਾਂ ਤੋਂ ਆਪਣੀ ਭੈਣ ਦੇ ਪਿੰਜਰ ਨਾਲ ਰਹਿ ਰਿਹਾ ਸੀ। ਬੇਹਲਾ ‘ਚ ਵੀ ਇੱਕ ਅਜਿਹੀ ਘਟਨਾ ਵਿੱਚ ਇੱਕ ਵਿਅਕਤੀ ਨੇ ਆਪਣੀ ਮਾਂ ਦੀ ਲਾਸ਼ ਨੂੰ ਫਰਿੱਜ ਵਿੱਚ ਰੱਖ ਦਿੱਤਾ ਸੀ ਤੇ ਪੈਨਸ਼ਨ ਲੈਣ ਲਈ ਉਨ੍ਹਾਂ ਦੇ ਅੰਗੂਠੇ ਦੇ ਨਿਸ਼ਾਨ ਦੀ ਵਰਤੋਂ ਕਰਦਾ ਰਿਹਾ ਸੀ।

Click Here To Read Punjab Crime News

Continue Reading

ਅਪਰਾਧ

ਪ੍ਰੇਮ ਸੰਬੰਧਾਂ ਦੇ ਸ਼ੱਕ ‘ਚ ਚਚੇਰੇ ਭਰਾਵਾਂ ਨੂੰ ਗੱਡੀ ਨਾਲ ਕੁਚਲਿਆ

Published

on

murder

ਤਰਨ ਤਾਰਨ, 1 ਦਸੰਬਰ – ਪਿੰਡ ਭੂਰਾ ਕੋਹਨਾ ਦੇ ਬੱਸ ਅੱਡੇ ਨੇੜੇ ਮੇਨ ਸੜਕ ‘ਤੇ ਪ੍ਰੇਮ ਸੰਬੰਧਾਂ ਦੇ ਸ਼ੱਕ ਵਿੱਚ ਮੋਟਰ ਸਾਈਕਲ ਸਵਾਰ ਦੋ ਨੌਜਵਾਨਾਂ ਨੂੰ ਇਨੋਵਾ ਕਾਰ ਨਾਲ ਕੁਚਲ ਦਿੱਤਾ। ਇਸ ਦੌਰਾਨ ਇੱਕ ਨੌਜਵਾਨ ਦੀ ਮੌਤ ਹੋ ਗਈ, ਦੂਸਰਾ ਜ਼ਖਮੀ ਹੋ ਗਿਆ। ਹਾਦਸੇ ਦਾ ਸ਼ਿਕਾਰ ਹੋਏ ਨੌਜਵਾਨ ਚਚੇਰੇ ਭਰਾ ਦੱਸੇ ਜਾ ਰਹੇ ਹਨ। ਥਾਣਾ ਖੇਮਕਰਨ ਪੁਲਸ ਨੇ ਦੋ ਔਰਤਾਂ ਸਮੇਤ ਸੱਤ ਜਣਿਆਂ ਦੇ ਖਿਲਾਫ ਕਤਲ ਦਾ ਕੇਸ ਦਰਜ ਕਰ ਲਿਆ ਹੈ।
ਜ਼ਖਮੀ ਲੜਕੇ ਗੁਰਪਿੰਦਰ ਸਿੰਘ ਪਿੰਡ ਮਹਿਮੂਦਪੁਰਾ ਨੇ ਪੁਲਸ ਨੂੰ ਦੱਸਿਆ ਕਿ ਪਿੰਡ ਭੂਰਾ ਕੋਹਨਾ ਦੀਆਂ ਦੋ ਔਰਤਾਂ ਮਾਣੋ ਉਰਫ ਨਿੰਦਰ ਕੌਰ, ਜਿਸ ਦਾ ਵਿਆਹ ਪਿੰਡ ਮਨਾਵਾਂ ਵਿੱਚ ਹੋਇਆ ਹੈ ਤੇ ਉਸ ਦੀ ਭੈਣ ਅਮਰਜੀਤ ਕੌਰ, ਜੋ ਪੱਟੀ ਵਿੱਚ ਰਹਿੰਦੀ ਹੈ, ਨੇ ਉਨ੍ਹਾਂ ਦੋਵਾਂ ਨੌਜਵਾਨਾਂ ਨੂੰ ਮਿਲਣ ਲਈ ਆਪਣੇ ਪੇਕੇ ਪਿੰਡ ਭੂਰਾ ਕੋਹਨਾ ਅੱਡੇ ਉਤੇ ਧੋਖੇ ਨਾਲ ਬੁਲਾਇਆ ਅਤੇ ਆਪਣੇ ਰਿਸ਼ਤੇਦਾਰਾਂ ਨੂੰ ਵੀ ਬੁਲਾ ਲਿਆ। ਜਦ ਉਹ ਮੋਟਰ ਸਾਈਕਲ ‘ਤੇ ਭੱਜਣ ਲੱਗੇ ਤਾਂ ਉਨ੍ਹਾਂ ਨੇ ਪਿੱਛੇ ਗੱਡੀ ਲਾ ਕੇ ਮੋਟਰ ਸਾਈਕਲ ਨੂੰ ਟੱਕਰ ਮਾਰ ਦਿੱਤੀ ਜਿਸ ਕਾਰਨ ਉਹ ਦੋਵੇਂ ਗੰਭੀਰ ਜ਼ਖਮੀ ਹੋ ਗਏ। ਘਟਨਾ ਦਾ ਪਤਾ ਲੱਗਣ ‘ਤੇ ਲੋਕਾਂ ਨੇ ਜ਼ਖਮੀਆਂ ਨੂੰ ਹਸਪਤਾਲ ਪਹੁੰਚਾਇਆ ਤਾਂ ਅਨਮੋਲ ਪ੍ਰੀਤ ਸਿੰਘ (17) ਦੀ ਰਾਹ ਵਿੱਚ ਮੌਤ ਹੋ ਗਈ।ਡੀ ਐਸ ਪੀ ਭਿਖੀਵਿੰਡ ਰਾਜਬੀਰ ਸਿੰਘ ਨੇ ਦੱਸਿਆ ਕਿ ਦੋ ਔਰਤਾਂ ਸਮੇਤ ਲਵਪ੍ਰੀਤ ਸਿੰਘ ਲੱਭਾ, ਅਮਨ ਉਰਫ ਮਨੀ, ਗੁਰਪ੍ਰੀਤ ਸਿੰਘ ਗੋਪੀ ਅਤੇ ਦੋ ਅਣਪਛਾਤੇ ਲੋਕਾਂ ਦੇ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਦੋਸ਼ੀਆਂ ਦੀ ਗ੍ਰਿਫਤਾਰੀ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਗਈ ਹੈ।

Click Here To Read Punjab Crime News

Continue Reading

ਅਪਰਾਧ

ਥਾਣੇ ਦੇ ਮਾਲ ਖਾਨੇ ਵਿੱਚੋਂ 20 ਲੱਖ ਗਾਇਬ ਹੋਣ ‘ਤੇ ਮੁੱਖ ਮੁਨਸ਼ੀ ਗ੍ਰਿਫਤਾਰ

Published

on

arrest

ਜੰਡਿਆਲਾ ਗੁਰੂ, 1 ਦਸੰਬਰ – ਸਥਾਨਕ ਥਾਣੇ ਦੇ ਮਾਲ ਖਾਨੇ ਵਿੱਚੋਂ ਵੀਹ ਲੱਖ ਰੁਪਏ ਗਾਇਬ ਹੋਣ ‘ਤੇ ਮੁੱਖ ਮੁਨਸ਼ੀ ਦੇ ਖਿਲਾਫ ਮਾਮਲਾ ਦਰਜ ਕਰਕੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ।
ਇਸ ਬਾਰੇ ਡੀ ਐਸ ਪੀ ਜੰਡਿਆਲਾ ਗੁਰੂ ਸੁਖਵਿੰਦਰਪਾਲ ਸਿੰਘ ਨੇ ਦੱਸਿਆ ਕਿ ਜੰਡਿਆਲਾ ਗੁਰੂ ਥਾਣੇ ਦੇ ਮੁੱਖ ਮੁਨਸ਼ੀ ਕਿਸ਼ਨ ਚੰਦ ਨੇ 28 ਨਵੰਬਰ ਨੂੰ ਐਸ ਆਈ ਚਰਨ ਸਿੰਘ ਨੂੰ ਦੱਸਿਆ ਕਿ ਥਾਣੇ ਦੇ ਮਾਲ ਖਾਨੇ ਦੇ ਬਾਹਰ ਲੱਗਿਆ ਤਾਲਾ ਚੈਕ ਕਰਨ ‘ਤੇ ਢਿੱਲਾ ਪਾਇਆ ਗਿਆ ਸੀ, ਜਿਸ ਨੂੰ 26 ਨਵੰਬਰ ਨੂੰ ਬਦਲ ਦਿੱਤਾ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ ਮਾਲ ਖਾਨੇ ਦੇ ਤਾਲੇ ਦੀਆਂ ਚਾਬੀਆਂ ਥਾਣੇ ਦੇ ਮੁੱਖ ਮੁਨਸ਼ੀ ਕੋਲ ਹੁੰਦੀਆਂ ਹਨ ਅਤੇ ਇਹ ਉਸ ਦੀ ਜ਼ਿੰਮੇਵਾਰੀ ਹੁੰਦੀ ਹੈ। ਇਸ ਮਾਲ ਖਾਨੇ ਵਿੱਚ 20 ਲੱਖ ਰੁਪਏ ਬਤੌਰ ਮਾਲ ਮੁਕੱਦਮਾ ਅਤੇ ਹੋਰ ਕੀਮਤੀ ਸਾਮਾਨ ਰੱਖਿਆ ਹੋਇਆ ਸੀ। ਡੀ ਐਸ ਪੀ ਨੇ ਦੱਸਿਆ ਕਿ 28 ਨਵੰਬਰ ਨੂੰ ਥਾਣੇ ਦੇ ਸਹਾਇਕ ਮੁਨਸ਼ੀ ਸਿਪਾਹੀ ਹਰਪ੍ਰੀਤ ਸਿੰਘ ਨੇ ਮਾਲ ਖਾਨੇ ਅੰਦਰ ਪਿਆ ਬਕਸਾ ਚੈਕ ਕੀਤਾ ਤਾਂ ਉਸ ਵਿੱਚੋਂ ਵੀਹ ਲੱਖ ਰੁਪਏ ਗਾਇਬ ਮਿਲੇ। ਐਸ ਆਈ ਚਰਨ ਸਿੰਘ, ਕਿਸ਼ਨ ਚੰਦ ਮੁੱਖ ਮੁਨਸ਼ੀ, ਏ ਐਸ ਆਈ ਬਲਕਾਰ ਸਿੰਘ, ਸਿਪਾਹੀ ਹਰਪ੍ਰੀਤ ਸਿੰਘ ਤੇ ਸਿਪਾਹੀ ਸੰਦੀਪ ਸਿੰਘ ਨੇ ਮਾਲ ਖਾਨਾ ਦੁਬਾਰਾ ਚੈਕ ਕੀਤਾ ਤੇ ਦੇਖਿਆ ਕਿ ਮਾਲ ਖਾਨੇ ਅੰਦਰਲੇ ਬਕਸੇ ਦੇ ਕੁੰਡੇ ਟੁੱਟੇ ਹੋਏ ਸਨ। ਜਾਂਚ ਤੋਂ ਪਤਾ ਲੱਗਾ ਕਿ ਮਾਲ ਖਾਨੇ ਵਿੱਚੋਂ ਵੀਹ ਲੱਖ ਰੁਪਏ ਗਾਇਬ ਹਨ। ਜੰਡਿਆਲਾ ਗੁਰੂ ਪੁਲਸ ਨੇ ਥਾਣੇ ਦੇ ਮੁੱਖ ਮੁਨਸ਼ੀ ਕ੍ਰਿਸ਼ਨ ਚੰਦ ਦੇ ਖਿਲਾਫ ਕੇਸ ਦਰਜ ਕਰਕੇ ਉਸ ਨੂੰ ਗ੍ਰਿਫਤਾਰ ਕਰ ਲਿਆ ਹੈ। ਡੀ ਐਸ ਪੀ ਨੇ ਦੱਸਿਆ ਕਿ ਇਸ ਮਾਮਲੇ ਦੀ ਬਰੀਕੀ ਨਾਲ ਜਾਂਚ ਚੱਲ ਰਹੀ ਹੈ ਤੇ ਜੇ ਕੋਈ ਹੋਰ ਵੀ ਮੁਲਜ਼ਮ ਪਾਇਆ ਗਿਆ ਤਾਂ ਸਖਤ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।

Click Here To Read Latest crime news

Continue Reading

ਰੁਝਾਨ