The Punjab Markfed also started emitting scam smoke
Connect with us [email protected]

ਪੰਜਾਬੀ ਖ਼ਬਰਾਂ

ਪੰਜਾਬ ਮਾਰਕਫੈਡ ਵਿੱਚੋਂ ਵੀ ਘਪਲੇ ਦਾ ਧੂੰਆਂ ਨਿਕਲਣ ਲੱਗਾ

Published

on

ਚੰਡੀਗੜ੍ਹ, 8 ਜਨਵਰੀ – ਪੰਜਾਬ ਦੇ ਇੱਕ ਪ੍ਰਮੁੱਖ ਕੋਆਪਰੇਟਿਵ ਅਦਾਰੇ ਮਾਰਕਫੈਡ ਵਿੱਚੋਂ ਘਪਲੇ ਦਾ ਧੂੰਆਂ ਉੱਠਣ ਲੱਗ ਪਿਆ ਹੈ। ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਗੁਪਤ ਪੱਤਰ ਮਿਲਣ ਪਿੱਛੋਂ ਇਸ ਦੀ ਜਾਂਚ ਦੇ ਹੁਕਮ ਜਾਰੀ ਕੀਤੇ ਹਨ। ਮਾਰਕਫੈਡ ਦੇ ਮੌਜੂਦਾ ਚੇਅਰਮੈਨ ਨੇ ਹੀ ਸਹਿਕਾਰੀ ਅਦਾਰੇ ‘ਚ ਘਪਲਾ ਹੋਣ ਦਾ ਦੋਸ਼ ਲਾਇਆ ਹੈ, ਜਿਸ ਦੀ ਗੁਪਤ ਰਿਪੋਰਟ ਉਨ੍ਹਾਂ ਨੇ ਮੁੱਖ ਮੰਤਰੀ ਨੂੰ ਭੇਜੀ ਸੀ।
ਮਿਲੀ ਸੂਚਨਾ ਮੁਤਾਬਕ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ 28 ਦਸੰਬਰ 2020 ਨੂੰ ਵਿੱਤ ਕਮਿਸ਼ਨਰ (ਕੋਆਪਰੇਟਿਵ) ਨੂੰ ਇਸ ਕੇਸ ਦੀ ਜਾਂਚ ਕਰਨ ਦੇ ਹੁਕਮ ਦਿੱਤੇ ਕੀਤੇ ਅਤੇ ਹਫਤੇ ਵਿੱਚ ਰਿਪੋਰਟ ਦੇਣ ਨੂੰ ਆਖਿਆ ਹੈ। ਅਸਲ ਵਿੱਚ ਇਸ ਬਾਰੇ ਮਾਰਕਫੈਡ ਦੇ ਚੇਅਰਮੈਨ ਅਮਰਜੀਤ ਸਿੰਘ ਸਮਰਾ ਨੇ ਤੀਹ ਜੁਲਾਈ 2020 ਨੂੰ ਗੁਪਤ ਨੋਟ ਵੀ ਲਿਖਿਆ ਸੀ।ਚੇਅਰਮੈਨ ਸਮਰਾ ਵੱਲੋਂ ਭੇਜੀ ਗੁਪਤ ਰਿਪੋਰਟ ਅਨੁਸਾਰ ਮਾਰਕਫੈਡ ਐਗਰੋ ਕੈਮੀਕਲਜ਼ ਮੁਹਾਲੀ ਦੇ ਇੱਕ ਸਾਬਕਾ ਡਿਪਟੀ ਜਨਰਲ ਮੈਨੇਜਰ ਨੇ ਮਾਰਕੀਟ ਤੋਂ ਵੱਧ ਭਾਅ ‘ਤੇ ਕੀਟਨਾਸ਼ਕ ਦਵਾਈ ਖਰੀਦਣ ਦੀ ਗੱਲ ਕਹੀ ਹੈ। ਇਸ ਕੀਟਨਾਸ਼ਕ ਦਵਾਈ ‘ਮੀਤਰੀਬੁਜ਼ਿਨ’ ਦੇ ਚਾਲੀ ਹਜ਼ਾਰ ਪੈਕੇਟਖਰੀਦੇ ਗਏ ਸਨ, ਜਿਸ ਦਾ ਬਾਜ਼ਾਰੀ ਭਾਅ ਚਾਲੀ ਰੁਪਏ ਪੈਕੇਟ ਸੀ, ਪਰ ਇਹ 72 ਰੁਪਏ ਪ੍ਰਤੀ ਪੈਕੇਟ ਖਰੀਦੀ ਗਈ। ਇਸੇ ਤਰ੍ਹਾਂ ‘ਮਾਰਕਗੋਲਡ ਮਾਰਕਫੋਸ’ ਨਾਮ ਦੀ ਦਵਾਈ ਨੂੰ ਇਸ ਅਧਿਕਾਰੀ ਨੇ 9.30 ਲੱਖ ਵਿੱਚ ਵੇਚਿਆ ਸੀ, ਜਦ ਕਿ ਇਸ ਦੀ ਕੀਮਤ 41.50 ਲੱਖ ਰੁਪਏ ਸੀ।
ਮਾਰਕਫੈਡ ਦੇ ਇੱਕ ਅਫਸਰ ਵੱਲੋਂ ਗਲਤ ਟੀ ਏ ਬਿੱਲ ਵਸੂਲਣ ਦਾ ਮਸਲਾ ਵੀ ਬੜਾ ਹੈਰਾਨੀ ਵਾਲਾ ਹੈ। ਰਿਪੋਰਟ ਅਨੁਸਾਰ ਇਸ ਅਧਿਕਾਰੀ ਨੇ 29 ਜੁਲਾਈ 2017 ਤੋਂ 31 ਜੁਲਾਈ 2017 ਤੱਕ ਡਲਹੌਜੀ ਯਾਤਰਾ ਕਰਨ ਲਈ ਟੈਕਸੀ ਦਾ ਬਿੱਲ 13,430 ਰੁਪਏ ਕਲੇਮ ਕੀਤਾ, ਜਦ ਕਿ ਇਸ ਅਧਿਕਾਰੀ ਨੇ ਅਸਲ ਵਿੱਚ ਅਦਾਰੇ ਦੇ ਇੱਕ ਕਲਰਕ ਦੀ ਗੱਡੀ ਵਿੱਚ ਸਫਰ ਕੀਤਾ ਸੀ। ਇਸੇ ਤਰ੍ਹਾਂ ਇਸ ਅਫਸਰ ਨੇ 25 ਸਤੰਬਰ 2017 ਨੂੰ ਉਤਰ ਪ੍ਰਦੇਸ਼ ਦੀ ਯਾਤਰਾ ਲਈ ਕਾਰ ਦਾ 19,600 ਰੁਪਏ ਕਲੇਮ ਵਸੂਲ ਕੀਤਾ, ਪਰ ਇਸ ਟੈਕਸੀ ਦੇ ਮਾਲਕ ਨੇ ਆਪਣੀ ਕਾਰ ਪਹਿਲਾਂ ਹੀ ਹੁਸ਼ਿਆਰਪੁਰ ਦੇ ਇੱਕ ਵਿਅਕਤੀ ਨੂੰ ਵੇਚ ਦਿੱਤੀ ਸੀ। ਚੇਅਰਮੈਨ ਨੇ ਇਸ ਅਧਿਕਾਰੀ ਵੱਲੋਂ ਵਸੀਲਿਆਂ ਤੋਂ ਵੱਧ ਜਾਇਦਾਦ ਬਣਾਏ ਜਾਣ ‘ਤੇ ਵੀ ਉਂਗਲ ਧਰੀ ਹੈ। ਇਸ ਗੁਪਤ ਪੱਤਰ ਵਿੱਚ ਮਾਰਕਫੈਡ ਵਿੱਚ ਸੀਨੀਅਰ ਸਹਾਇਕਾਂ ਦੀ ਭਰਤੀ ਵਿੱਚ ਵੀ ਘਪਲਾ ਹੋਣ ਦੀ ਗੱਲ ਆਖੀ ਗਈ ਅਤੇ ਮਾਰਕਫੈਡ ਦਾ ਇੱਕ ਕਰਮਚਾਰੀ ਇਸ ਦੇ ਲਈ ਸਸਪੈਂਡ ਕੀਤਾ ਗਿਆ ਹੈ। ਮਾਰਕਫੈਡ ਵਿੱਚ ਪੰਜਾਬ ਐਗਰੋ ਦੇ ਕਰੀਬ 50 ਅਧਿਕਾਰੀ ਡੈਪੂਟੇਸ਼ਨ ‘ਤੇ ਕੰਮ ਕਰਦੇ ਹਨ। ਚੇਅਰਮੈਨ ਨੇ ਕਿਹਾ ਕਿ ਡੈਪੂਟੇਸ਼ਨ ਵਾਲਿਆਂ ‘ਚੋਂ ਦੋ ਅਧਿਕਾਰੀਆਂ ਨੂੰ ਜ਼ਿਲ੍ਹਾ ਮੈਨੇਜਰ ਲਾਇਆ ਗਿਆ ਹੈ, ਜਿਸ ਕਰਕੇ ਮਾਰਕਫੈਡ ਦੇ ਆਪਣੇ ਅਧਿਕਾਰੀਆਂ ‘ਚ ਰੋਸ ਹੈ, ਜਿਸ ਦਾ ਗੁੱਸਾ ਭੜਕਣ ਤੋਂ ਪਹਿਲਾਂ ਐਮ ਡੀ ਨੂੰ ਲੋੜੀਂਦੀਆਂ ਹਦਾਇਤਾਂ ਵੀ ਕੀਤੀਆਂ ਜਾਣ।
ਜਾਣਕਾਰ ਸੂਤਰ ਆਖਦੇ ਹਨ ਕਿ ਅਸਲ ਵਿੱਚ ਅੰਦਰਖਾਤੇ ਮਾਰਕਫੈਡ ਦੇ ਚੇਅਰਮੈਨ ਅਤੇ ਕੋਆਪਰੇਟਿਵ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਦੀ ਆਪਸੀ ਕੌੜ ਦੇ ਕਾਰਨ ਇਹ ਸ਼ਿਕਾਇਤ ਮੁੱਖ ਮੰਤਰੀ ਤੱਕ ਜਾ ਪੁੱਜੀ ਹੈ। ਮਾਰਕਫੈਡ ਦੇ ਅਧਿਕਾਰੀ ਮੁੱਖ ਮੰਤਰੀ ਵੱਲੋਂ ਮੰਗੀ ਰਿਪੋਰਟ ਦਾ ਜੁਆਬ ਦੇਣ ਲਈ ਉਲਝੇ ਹੋਏ ਹਨ।

ਪੰਜਾਬੀ ਖ਼ਬਰਾਂ

ਦਿੱਲੀ ਹਿੰਸਾ ਬਾਰੇ ਸੰਯੁਕਤ ਕਿਸਾਨ ਮੋਰਚੇ ਨੇ ਕਿਹਾ: ਇਨ੍ਹਾਂ ਘਟਨਾਵਾਂ ਵਿੱਚ ਸ਼ਾਮਲ ਲੋਕ ਸਾਡੇ ਨਹੀਂ

Published

on

farmers protest
  • ਅਮਰਿੰਦਰ ਵੱਲੋਂ ਨਿਖੇਧੀ, ਪੰਜਾਬ ਵਿੱਚ ਹਾਈ ਅਲਰਟ ਜਾਰੀ
    ਨਵੀਂ ਦਿੱਲੀ, 26 ਜਨਵਰੀ, – ਕਿਸਾਨਾਂ ਦੀ ਟਰੈਕਟਰ ਪਰੇਡ ਮੌਕੇ ਅੱਜ ਦਿੱਲੀ ਵਿਚ ਲਾਲ ਕਿਲ੍ਹੇ ਉੱਤੇ ਵਾਪਰੀ ਘਟਨਾ, ਜਿਸ ਵਿੱਚ ਓਥੇ ਕੇਸਰੀ ਨਿਸ਼ਾਨ ਲਹਿਰਾਇਆ ਗਿਆ ਹੈ, ਬਾਰੇ ਸੰਯੁਕਤ ਕਿਸਾਨ ਮੋਰਚੇ ਨੇ ਆਖਿਆ ਹੈ ਕਿ ਏਦਾਂ ਦੀਆਂ ਘਟਨਾਵਾਂ ਵਿਚ ਸ਼ਾਮਲ ਹੋਏ ਲੋਕ ਸੰਯੁਕਤ ਕਿਸਾਨ ਮੋਰਚੇ ਦੇ ਸਹਿਯੋਗੀ ਨਹੀਂ ਸਨ।ਸੰਯੁਕਤ ਮੋਰਚੇ ਨੇ ਕਿਸਾਨ ਗਣਤੰਤਰ ਦਿਵਸ ਪਰੇਡ ਵਿਚ ਬੇਮਿਸਾਲ ਭਾਈਵਾਲੀ ਦੇ ਲਈ ਕਿਸਾਨਾਂ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਅਸੀਂ ਅੱਜ ਵਾਪਰੀਆਂ ਅਣਚਾਹੀਆਂ ਅਤੇ ਪ੍ਰਵਾਨ ਨਾ ਹੋਣ ਵਾਲੀਆਂ ਘਟਨਾਵਾਂ ਦੀ ਨਿੰਦਾ ਕਰਦੇ ਹਾਂ।
    ਅੱਜ ਸ਼ਾਮ ਜਾਰੀ ਕੀਤੇ ਬਿਆਨ ਵਿੱਚ ਸੰਯੁਕਤ ਕਿਸਾਨ ਮੋਰਚੇ ਨੇ ਕਿਹਾ ਕਿ ਸਾਡੀਆਂ ਸਭ ਕੋਸਿ਼ਸ਼ਾਂ ਦੇ ਬਾਵਜੂਦ ਕੁਝ ਸੰਗਠਨਾਂ ਅਤੇ ਵਿਅਕਤੀਆਂ ਨੇ ਮਿਥੇ ਹੋਏ ਰੂਟ ਦੀ ਉਲੰਘਣਾ ਕਰ ਕੇ ਗਲਤ ਕੰਮ ਕੀਤਾ ਹੈ। ਉਨ੍ਹਾ ਕਿਹਾ ਕਿ ਸਾਡੇ ਸ਼ਾਂਤਮਈ ਅੰਦੋਲਨ ਵਿਚ ਸਮਾਜ ਵਿਰੋਧੀ ਅਨਸਰਾਂ ਨੇ ਘੁਸਪੈਠ ਕੀਤੀ ਹੈ। ਸੰਯੁਕਤ ਕਿਸਾਨ ਮੋਰਚੇ ਨੇ ਕਿਹਾ ਕਿ ਅਸੀਂ ਹਮੇਸ਼ਾਂ ਕਿਹਾ ਹੈ ਕਿ ਸ਼ਾਂਤੀ ਸਾਡੀ ਸਭ ਤੋਂ ਵੱਡੀ ਤਾਕਤ ਹੈ ਅਤੇ ਇਸ ਦੀ ਉਲੰਘਣਾ ਅੰਦੋਲਨ ਨੂੰ ਨੁਕਸਾਨ ਪੁਚਾਏਗੀ।
    ਵਰਨਣ ਯੋਗ ਹੈ ਕਿ ਖੇਤੀ ਕਾਨੂੰਨਾਂ ਦੇ ਮੱਦੇ ਉੱਤੇ ਕਿਸਾਨ ਜਥੇਬੰਦੀਆਂ ਤੇ ਭਾਰਤ ਸਰਕਾਰ ਨਾਲਵਿਚਾਲੇ 11ਵੇਂ ਗੇੜ ਦੀਬੈਠਕ ਦੇ ਬਾਅਦ ਵੀ ਕੋਈ ਸਿੱਟਾ ਨਹੀਂ ਸੀ ਨਿਕਲ ਸਕਿਆ ਅਤੇ ਉਸ ਦੇ ਬਾਅਦ ਸਰਕਾਰ ਵਲੋਂ ਕਿਸਾਨਾਂ ਦੀ ਮੰਗ ਅਨੁਸਾਰ ਕਾਨੂੰਨ ਰੱਦ ਕਰਨ ਤੋਂ ਸਾਫ਼ ਇਨਕਾਰ ਕਰ ਦੇਣ ਨਾਲ ਕਿਸਾਨਾਂ ਨੇ ਪਹਿਲਾਂ ਤੋਂ ਮਿਥੇ ਪ੍ਰੋਗਰਾਮ ਅਨੁਸਾਰ ਅੱਜ ਰਾਜਧਾਨੀ ਦਿੱਲੀ ਦੀਆਂ ਸੜਕਾਂ ਉੱਤੇ ਟਰੈਕਟਰ ਪਰੇਡ ਕਰਕੇ ਗਣਤੰਤਰ ਦਿਵਸ ਮਨਾਉਣਾ ਸੀ।
    ਅੱਜ ਦੀ ਟਰੈਕਟਰ ਰੈਲੀ ਮੌਕੇ ਕੁਝ ਅਨਸਰਾਂ ਵੱਲੋਂ ਕੀਤੀ ਹਿੰਸਾ ਨੂੰ ਅਸਹਿਣ-ਯੋਗ ਕਹਿੰਦੇ ਹੋਏ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਆਪਣੀਆਂ ਹੱਕੀ ਮੰਗਾਂ ਲਈ ਲੜ ਰਹੇ ਕਿਸਾਨਾਂ ਨੂੰ ਤੁਰੰਤ ਦਿੱਲੀ ਛੱਡਣ ਤੇ ਵਾਪਸ ਬਾਰਡਰਾਂ ਉੱਤੇ ਪੁੱਜਣ ਦੀ ਅਪੀਲ ਕੀਤੀ, ਜਿੱਥੇ ਉਹ ਬੀਤੇ ਦੋ ਮਹੀਨਿਆਂ ਤੋਂ ਸਾਂਤਮਈ ਸੰਘਰਸ਼ ਕਰ ਰਹੇ ਹਨ। ਉਨ੍ਹਾ ਨੇ ਦਿੱਲੀਵਿੱਚ ਹਿੰਸਾ ਅਤੇ ਤਨਾਅ ਦੇ ਕਾਰਨ ਪੰਜਾਬ ਵਿੱਚ ਹਾਈ ਅਲਰਟ ਦੇ ਹੁਕਮ ਦਿੱਤੇ ਅਤੇ ਪੰਜਾਬ ਪੁਲਸ ਦੇ ਮੁਖੀ ਦਿਨਕਰ ਗੁਪਤਾ ਨੂੰ ਇਸ ਰਾਜਵਿੱਚ ਅਮਨ ਕਾਨੂੰਨ ਹਰ ਹਾਲਤ ਕਾਇਮ ਰੱਖਣ ਲਈ ਕਿਹਾ ਹੈ। ਤਾਜ਼ਾ ਸਥਿਤੀ ਉੱਤੇ ਚਿੰਤਾ ਕਰਦਿਆਂ ਮੁੱਖ ਮੰਤਰੀ ਨੇ ਕਿਹਾ ਕਿ ਹਿੰਸਾ ਕੁਝ ਲੋਕਾਂ ਨੇ ਕੀਤੀ ਸੀ, ਜਿਨ੍ਹਾਂ ਨੇ ਦਿੱਲੀ ਪੁਲਸ ਤੇ ਕਿਸਾਨ ਯੂਨੀਅਨਾਂ ਵਿਚਾਲੇ ਸਮਝੌਤੇ ਰਾਹੀਂ ਟਰੈਕਟਰ ਮਾਰਚ ਲਈ ਮਿੱਥੇ ਨਿਯਮਾਂ ਦੀ ਉਲੰਘਣਾ ਕਰ ਕੇ ਗੜਬੜ ਕੀਤੀ ਹੈ।
    ਇਸ ਦੌਰਾਨ ਸ਼੍ਰੋਮਣੀ ਅਕਾਲੀ ਦਲ ਨੇ ਦਿੱਲੀ ਵਿੱਚ ਹੋਈ ਹਿੰਸਾ ਦੀਆਂ ਘਟਨਾਵਾਂ ਦੀ ਨਿਖੇਧੀ ਕੀਤੀ ਤੇਕਿਹਾ ਕਿ ਸਾਡੀ ਪਾਰਟੀ ਸ਼ਾਂਤੀ, ਫਿਰਕੂ ਸਦਭਾਵਨਾ ਅਤੇ ਜਮਹੂਰੀ ਕਦਰਾਂ ਕੀਮਤਾਂ ਵਿੱਚ ਵਿਸ਼ਵਾਸ ਰੱਖਦੀ ਹੈ। ਅਕਾਲੀ ਦਲ ਨੇ ਲੋਕਾਂ ਨੂੰ ਹਰ ਕੀਮਤ ਉੱਤੇ ਸ਼ਾਂਤੀ ਬਣਾਏ ਰੱਖਣ ਦੀ ਅਪੀਲ ਕੀਤੀ ਹੈ।
    ਪੰਜਾਬ ਦੇ ਸਾਬਕਾ ਲੋਕਲ ਬਾਡੀਜ਼ ਮੰਤਰੀ ਨਵਜੋਤ ਸਿੰਘ ਸਿੱਧੂਨੇ ਕਿਹਾ ਹੈ ਕਿ ਅੱਜ ਦੀਆਂ ਘਟਨਾਵਾਂ ਨੇ ਕੇਂਦਰ ਸਰਕਾਰ ਨੂੰ ਹਲੂਣਾ ਦਿੱਤਾ ਹੈ। ਉਨ੍ਹਾਂ ਟਵੀਟ ਕਰ ਕੇ ਕਿਹਾ ਕਿ ਜੇ ਤੁਸੀਂ ਇਤਿਹਾਸ ਤੋਂ ਸਬਕ ਨਹੀਂ ਲੈਂਦੇ ਤਾਂ ਇਹ ਮੁੜ ਆਪਣੇ ਆਪ ਨੂੰ ਦੁਹਰਾਉਂਦਾ ਤੇ ਸਾਨੂੰ ਦੱਸਦਾ ਹੈ ਕਿ ਕੋਈ ਵੀ ਸਰਕਾਰ ਕਿਸਾਨਾਂ ਦੇ ਖ਼ਿਲਾਫ਼ ਜਾ ਕੇ ਜਿੱਤ ਨਹੀਂ ਸਕੀ। ਨਵਜੋਤ ਸਿੱਧੂ ਦਾ ਟਵੀਟ ਸਿੱਧਾ ਇਸ਼ਾਰਾ ਕਰਦਾ ਹੈ ਕਿ ਜੇ ਅਜੇ ਵੀ ਸਰਕਾਰ ਨੇ ਕਿਸਾਨਾਂ ਦੀ ਗੱਲ ਨਾ ਮੰਨੀ ਅਤੇ ਤਿੰਨ ਖੇਤੀ ਕਾਨੂੰਨ ਵਾਪਸ ਨਾ ਲਏ ਤਾਂ ਇਸ ਦੇ ਨਤੀਜੇ ਹੋਰ ਗੰਭੀਰ ਦੇਖਣ ਨੂੰ ਮਿਲ ਸਕਦੇ ਹਨ।

Read More Daily Punjab Times

Continue Reading

ਪੰਜਾਬੀ ਖ਼ਬਰਾਂ

ਕਿਸਾਨ ਟਰੈਕਟਰ ਪਰੇਡ ਦੌਰਾਨ ਇੱਕ ਜਥਾ ਲਾਲ ਕਿਲ੍ਹੇ ਉੱਤੇ ਕੇਸਰੀ ਨਿਸ਼ਾਨ ਝੁਲਾਉਣ ਪੁੱਜ ਗਿਆ

Published

on

  • ਬੱਸਾਂ, ਗੱਡੀਆਂ, ਕੰਟੇਨਰ ਅਤੇ 300 ਤੋਂ ਵੱਧਬੈਰੀਕੇਡ ਭੰਨੇ
    ਨਵੀਂ ਦਿੱਲੀ, 26 ਜਨਵਰੀ, – ਭਾਰਤ ਸਰਕਾਰ ਦੇ ਤਿੰਨ ਨਵੇਂ ਖੇਤੀਬਾੜੀ ਕਾਨੂੰਨਾਂ ਦੇ ਵਿਰੁੱਧ ਸੰਘਰਸ਼ ਦੀ ਅਗਵਾਈ ਕਰ ਰਹੀਆਂ ਕਿਸਾਨ ਜਥੇਬੰਦੀਆਂ ਦੇ ਫੈਸਲੇ ਮੁਤਾਬਕ ਅੱਜ ਦਿੱਲੀ ਵਿੱਚ ਕਿਸਾਨਾਂ ਵਲੋਂ ਟਰੈਕਟਰ ਪਰੇਡ ਕੱਢੇ ਜਾਣਮੌਕੇ ਕੁਝ ਲੋਕ ਮਿਥੇ ਰਾਹਾਂ ਨੂੰ ਛੱਡ ਕੇ ਲਾਲ ਕਿਲ੍ਹੇ ਤੱਕ ਜਾ ਪਹੁੰਚੇ ਅਤੇ ਪੁਲਸ ਰੋਕਾਂ ਦੇ ਬਾਵਜੂਦ ਕਿਲ੍ਹੇ ਉੱਤੇ ਕੇਸਰੀ ਝੰਡਾ ਜਾ ਲਹਿਰਾਇਆ, ਜਿਹੜਾ ਬਾਅਦ ਵਿੱਚ ਪੁਲਸ ਨੇ ਲਾਹ ਦਿੱਤਾ। ਇਹ ਝੰਡਾ ਉਸ ਥਾਂ ਲਹਿਰਾਇਆ ਗਿਆ, ਜਿੱਥੇ 15 ਅਗਸਤ ਆਜ਼ਾਦੀ ਦਿਨ ਮੌਕੇ ਦੇਸ਼ ਦੇ ਪ੍ਰਧਾਨ ਮੰਤਰੀ ਵੱਲੋਂ ਤਿਰੰਗਾ ਲਹਿਰਾਇਆ ਜਾਂਦਾ ਹੈ।
    ਵਰਨਣ ਯੋਗ ਹੈ ਕਿ ਅੱਜ ਜਦੋਂ ਕਿਸਾਨ ਆਪਣੀ ਟਰੈਕਟਰ ਪਰੇਡ ਚਲਾ ਰਹੇ ਸਨ ਤਾਂ ਉਨ੍ਹਾਂ ਵਿੱਚੋਂ ਇੱਕ ਜਥੇ ਨੇ ਇੱਕ ਰਾਤ ਪਹਿਲਾਂ ਕੀਤੇ ਹੋਏ ਆਪਣੇ ਐਲਾਨ ਦੇ ਮੁਤਾਬਕ ਸਵੇਰੇ ਕਿਸਾਨ ਆਗੂਆਂ ਦੇ ਪੁੱਜਣ ਤੋਂ ਪਹਿਲਾਂ ਹੀ ਪੁਲਸ ਦੇ ਬੈਰੀਕੇਡ ਜਬਰਦਸਤੀ ਹਟਾ ਕੇ ਸ਼ਹਿਰ ਵਿੱਚ ਤੈਅ ਰੂਟਾਂ ਦੀ ਬਜਾਏ ਹੋਰ ਪਾਸਿਆਂ ਵੱਲ ਮਾਰਚ ਕਰਨਾ ਸ਼ੁਰੂ ਕਰ ਦਿੱਤਾ ਸੀ। ਇਹ ਜਥਾ ਪਹਿਲਾਂ ਦਿੱਲੀ ਪੁਲਸ ਦੇ ਹੈੱਡਕੁਆਰਟਰ ਆਈ ਟੀ ਓ ਵੱਲ ਵਧਿਆ ਤੇ ਫਿਰ ਪੁਲਸ ਨਾਲ ਟੱਕਰਾਂ ਲੈਂਦਾ ਹੋਇਆ ਲਾਲ ਕਿਲ੍ਹਾ ਕੰਪਲੈਕਸ ਤੱਕ ਟਰੈਕਟਰਾਂ ਸਮੇਤ ਪੁੱਜ ਗਿਆ। ਇਸ ਦੌਰਾਨ ਦਿੱਲੀ ਪੁਲਸ ਦੇ ਸਖਤ ਸੁਰੱਖਿਆ ਤੇ ਲਾਲ ਕਿਲ੍ਹਾ ਸਮੇਤ ਸਭ ਖਾਸ ਥਾਂਵਾਂ ਦੇ ਪੱਕੇ ਪ੍ਰਬੰਧਾਂ ਦੇ ਦਾਅਵਿਆਂ ਦੇ ਬਾਵਜੂਦ ਇਸ ਜਥੇ ਨੂੰ ਜਾਣ ਤੋਂ ਰੋਕਣ ਦੇ ਲਈ ਕਿਸੇ ਕਿਸਮ ਦੀ ਫੋਰਸ ਦਿਖਾਈ ਨਹੀਂ ਦਿੱਤੀ ਅਤੇ ਜਦੋਂ ਇਸ ਜਥੇ ਨੇ ਕੇਸਰੀ ਨਿਸ਼ਾਨ ਲਾਲ ਕਿਲ੍ਹੇ ਉੱਤੇ ਲਹਿਰਾ ਦਿੱਤਾ, ਉਸ ਦੇ ਬਾਅਦ ਵੀ ਦਿੱਲੀ ਪੁਲਸ ਅਤੇ ਹੋਰ ਫੋਰਸਾਂ ਦੇ ਅਧਿਕਾਰੀ ਕੋਈ ਸਖਤ ਕਦਮ ਚੁੱਕਣ ਦੀ ਬਜਾਏ ਉਨ੍ਹਾਂ ਨੂੰ ਚਲੇ ਜਾਣ ਦਾ ਤਰਲਾ ਕਰਦੇ ਵੇਖੇ ਗਏ ਤੇ ਲਾਲ ਕਿਲ੍ਹੇ ਦੀ ਫਸੀਲ ਉੱਤੇ ਸਿੱਖ ਧਰਮ ਦੇ ਕੇਸਰੀ ਨਿਸ਼ਾਨ, ਕਿਸਾਨ ਜਥੇਬੰਦੀਆਂ ਦੇ ਕੁਝ ਝੰਡੇ ਤੇ ਦੇਸ਼ ਦਾ ਤਿਰੰਗਾ ਝੰਡਾ ਲਹਿਰਾ ਕੇ ਕੁਝ ਲੋਕ ਨੱਚਦੇ ਜਾਂ ਗਤਕਾ ਖੇਡਦੇ ਵੀ ਨਜ਼ਰ ਆਉਂਦੇ ਰਹੇ। ਬਹੁਤ ਦੇਰ ਬਾਅਦ ਗ੍ਰਹਿ ਮੰਤਰਾਲੇ ਤੋਂ ਆਏ ਹੁਕਮਾਂ ਉੱਤੇ ਦਿੱਲੀ ਪੁਲਸ ਨੇ ਲਾਲ ਕਿਲ੍ਹੇ ਤੋਂ ਕੇਸਰੀ ਨਿਸ਼ਾਨ ਲਾਹਿਆ ਤੇ ਭੀੜ ਤੋਂ ਇਹ ਇਲਾਕਾ ਖਾਲੀ ਕਰਵਾਇਆ। ਇਸ ਦੌਰਾਨ ਕਿਸੇ ਵਕਤ ਭਾਜਪਾ ਪਾਰਲੀਮੈਂਟ ਮੈਂਬਰ ਸਨੀ ਦਿਓਲ ਦਾ ਨੇੜਲਾ ਸਾਥੀ ਰਹਿ ਚੁੱਕਾ ਗਰਮ ਮਿਜ਼ਾਜ਼ ਫਿਲਮ ਕਲਾਕਾਰ ਦੀਪ ਸਿੱਧੂ ਸਭ ਤੋਂ ਮੂਹਰੇ ਦਿਖਾਈ ਦੇਂਦਾ ਰਿਹਾ, ਜਿਸ ਕਾਰਨ ਕਈ ਤਰ੍ਹਾਂ ਦੇ ਸਿਆਸੀ ਵਿਵਾਦਾਂ ਨੂੰ ਜਨਮ ਦੇਣ ਵਾਲੇ ਬਿਆਨ ਵੀ ਆਉਣ ਲੱਗ ਪਏ।
    ਅੱਜ ਭੜਕੇ ਹੋਏ ਕੁਝ ਕਿਸਾਨ ਜਥਿਆਂ ਵੱਲੋਂ ਦਿੱਲੀ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਹੋਈ ਹਿੰਸਾ ਦੇ ਸੰਬੰਧਵਿੱਚਦਿੱਲੀ ਪੁਲਸ ਨੇ ਸੱਤ ਕੇਸ ਦਰਜ ਕੀਤੇ ਹਨ। ਇੱਕ ਕੇਸਦੁਆਰਕਾ ਦੇ ਥਾਣਾ ਹਰਿਦਾਸ ਨਗਰ, ਇੱਕ ਨਜ਼ਫਗੜ੍ਹ, ਇੱਕ ਉੱਤਮ ਨਗਰ ਵਿੱਚ, ਇੱਕ ਕੇਸ ਪਾਂਡਵ ਨਗਰ, ਦੋ ਗਾਜ਼ੀਪੁਰ ਥਾਣਾ ਤੇ ਇੱਕ ਸੀਮਾਪੁਰੀ ਥਾਣੇ ਵਿੱਚ ਦਰਜ ਕੀਤਾਗਿਆ ਹੈ। ਪ੍ਰਦਰਸ਼ਨ ਕਰਦੇ ਲੋਕਾਂ ਉੱਤੇ 8 ਬੱਸਾਂ, 17 ਹੋਰ ਗੱਡੀਆਂ, 4 ਕੰਟੇਨਰ ਅਤੇ 300 ਤੋਂ ਵੱਧ ਬੈਰੀਕੇਡ ਤੋੜਨ ਦੇ ਦੋਸ਼ ਲਾਏ ਗਏ ਹਨ। ਇਸ ਦੌਰਾਨ ਦੱਸਿਆਗਿਆ ਹੈ ਕਿ ਟਰੈਕਟਰ ਪਰੇਡ ਵਾਲੀ ਹਿੰਸਾ ਵਿੱਚ86 ਪੁਲਸ ਮੁਲਾਜ਼ਮ ਜ਼ਖ਼ਮੀ ਹੋਏ ਹਨ, ਜਿਨ੍ਹਾਂ ਵਿਚੋਂ ਕਈਆਂ ਦੀ ਹਾਲਤ ਗੰਭੀਰ ਹੈ। 45 ਪੁਲਸ ਮੁਲਾਜ਼ਮਾਂ ਨੂੰ ਸਿਵਲ ਲਾਈਨ ਹਸਪਤਾਲ ਦੇ ਟਰਾਮਾ ਸੈਂਟਰ ਵਿੱਚ ਦਾਖਲ ਕਰਵਾਇਆ ਗਿਆ ਹੈ।ਇਸ ਤੋਂ ਇਲਾਵਾ ਕੁਝ ਕਿਸਾਨਾਂ ਸਮੇਤ ਦੂਸਰੇ ਲੋਕ ਵੀ ਜ਼ਖਮੀ ਹੋਏ ਹਨ, ਜਿਨ੍ਹਾਂ ਵਿੱਚੋਂ ਇੱਕ ਦੀ ਮੌਤ ਹੋਣ ਦੀ ਖਬਰ ਹੈ, ਪਰ ਪੁਸ਼ਟੀ ਨਹੀਂ ਹੋ ਸਕੀ।

Click Here To Read Punjabi News Today

Continue Reading

ਪੰਜਾਬੀ ਖ਼ਬਰਾਂ

ਹੀਰਾ ਨਗਰ ਸੈਕਟਰ `ਚ ਮਿਲੀ ਸੁਰੰਗ ਤੇ ਪਠਾਨਕੋਟ ਏਅਰਪੋਰਟ `ਤੇ ਹਮਲੇ ਦੇ ਤਾਰ ਜੁੜਨ ਲੱਗੇ

Published

on

Haqqani University

ਸ੍ਰੀਨਗਰ, 26 ਜਨਵਰੀ – ਭਾਰਤੀ ਹਵਾਈ ਸੈਨਾ ਦੇ ਪਠਾਨਕੋਟ ਹਵਾਈ ਅੱਡੇ ਤੇ ਜਨਵਰੀ 2016ਚ ਅੱਤਵਾਦੀ ਸੰਗਠਨ ਜੈਸ਼-ਏ-ਮੁਹੰਮਦ ਦੇ ਅਤੱਵਾਦੀਆਂ ਵੱਲੋਂ ਕੀਤੇ ਹਮਲੇ ਦੇ ਤਾਰ ਬੀਤੇ ਦਿਨੀਂ ਬੀ ਐਸ ਐਫ ਵੱਲੋਂ ਹੀਰਾ ਨਗਰ ਦੀ ਪੈਂਸਰ ਕੌਂਮਾਂਤਰੀ ਸਰਹੱਦ ਨੇੜੇ ਲੱਭੀ ਸੁਰੰਗ ਨਾਲ ਜੁੜਦੇ ਨਜ਼ਰ ਆ ਰਹੇ ਹਨ।
ਪਠਾਨਕੋਟ ਹਵਾਈ ਅੱਡੇ ਸਮੇਤ ਜੰਮੂ ਅਤੇ ਕਸ਼ਮੀਰ ਚ ਕਈ ਵੱਡੇ ਹਮਲਿਆਂ ਦਾ ਪ੍ਰਮੁੱਖ ਸਾਜ਼ਿਸਕਾਰ ਜੈਸ਼ ਦਾ ਆਪ੍ਰੇਸ਼ਨਲ ਕਮਾਂਡਰ ਕਾਸਿਮ ਜਾਨ ਇਸ ਸੁਰੰਗ ਦੇ ਪਾਰ ਸ਼ੰਕਰਗੜ੍ਹ ਇਲਾਕੇਚ ਵੇਖਿਆ ਗਿਆ ਸੀ। ਜਾਣਕਾਰ ਸੂਤਰਾਂ ਅਨੁਸਾਰ ਅੱਠ ਸਾਲ ਪੁਰਾਣੀ ਦੱਸੀ ਜਾਂਦੀ ਪੈਂਸਰ ਨੇੜੇ ਦੀ ਇਸ ਸੁਰੰਗ ਦੇ ਤਾਰ ਪਠਾਨਕੋਟ ਜਾਂ ਜੰਮੂ-ਕਸ਼ਮੀਰ ਚ ਹੋਏ ਕਈ ਹਮਲਿਆਂ ਨਾਲ ਹੀ ਨਹੀਂ, ਨਗਰੋਟਾ ਟੋਲ ਪਲਾਜ਼ਾ ਤੇ ਸ੍ਰੀਨਗਰ-ਜੰਮੂ ਕੌਮੀ ਮਾਰਗਤੇ ਝੱਜਰ ਕੋਟਲੀ ਵਿੱਚ ਹੋਏ ਹਮਲਿਆਂ ਨਾਲ ਵੀ ਜੁੜ ਰਹੇ ਹਨ, ਜਿੱਥੋਂ ਅੱਤਵਾਦੀ ਘੁਸਪੈਠ ਅਤੇ ਹਥਿਆਰਾਂ ਦੀ ਤਸਕਰੀ ਕਰਦੇ ਸਨ। ਕੌਮੀ ਜਾਂਚ ਏਜੰਸੀ (ਐਨ ਆਈ ਏ) ਨੇ ਜੰਮੂ ਚ ਹੋਏ ਕਈ ਹਮਲਿਆਂ ਦੀ ਜਾਂਚ ਆਪਣੇ ਹੱਥਚ ਲਈ ਹੋਈ ਹੈ ਅਤੇ ਇਸ ਮਾਮਲੇ ਨੂੰ ਵੀ ਆਪਣੇ ਹੱਥ ਚ ਲੈ ਸਕਦੀ ਹੈ। ਬੀਤੇ ਦਿਨੀਂ ਪੰਜਾਬ ਪੁਲਸ ਦੀ ਇੱਕ ਟੀਮ ਵੀ ਇਸ ਸੁਰੰਗ ਦਾ ਜਾਇਜ਼ਾ ਲੈਣ ਲਈ ਹੀਰਾ ਨਗਰ ਦੀ ਕੌਮਾਂਤਰੀ ਸਰਹੱਦ ਦਾ ਦੌਰਾ ਕਰ ਚੁੱਕੀ ਹੈ। ਪਠਾਨਕੋਟ ਹਮਲੇ ਦੀ ਜਾਂਚ ਐਨ ਆਈ ਏ ਨੂੰ ਸੌਂਪਣ ਤੋਂ ਪਹਿਲਾਂ ਇਸ ਮਾਮਲੇ ਦੀ ਜਾਂਚ ਵੀ ਪੰਜਾਬ ਪੁਲਸ ਨੇ ਕੀਤੀ ਸੀ। ਹੀਰਾ ਨਗਰ ਤੇ ਸਾਂਬਾ ਸੈਕਟਰਾਂ ਤੋਂ ਜੰਮੂ-ਪਠਾਨਕੋਟ ਹਾਈਵੇਅ ਬਹੁਤ ਨੇੜੇ ਹੈ ਅਤੇ ਅੱਤਵਾਦੀ ਘੁਸਪੈਠ ਕਰਨ ਤੋਂ ਬਾਅਦ ਆਸਾਨੀ ਨਾਲ ਹਾਈਵੇਅਤੇ ਪਹੁੰਚ ਜਾਂਦੇ ਹਨ।

Continue Reading

ਰੁਝਾਨ


Copyright by IK Soch News powered by InstantWebsites.ca