ਲਾਹੌਰ, 3 ਫਰਵਰੀ – ਪਾਕਿਸਤਾਨ ਦੀ ਭਗਤ ਸਿੰਘ ਮੈਮੋਰੀਅਲ ਫਾਊਂਡੇਸ਼ਨ ਨੇ ਜ਼ਿਲ੍ਹਾ ਫ਼ੈਸਲਾਬਾਦ ਚ ਮੌਜੂਦ ਸ਼ਹੀਦ-ਏ-ਆਜ਼ਮ ਭਗਤ ਸਿੰਘ ਦੇ ਜਨਮ ਸਥਾਨ ਨੂੰ ਖਰੀਦ ਕੇ ਉਸਚ ਸਾਂਝੀ ਕੌਮਾਂਤਰੀ ਯਾਦਗਾਰ ਬਣਾਉਣ ਦਾ ਐਲਾਨ ਕੀਤਾ ਹੈ। ਜ਼ਿਲ੍ਹਾ ਫ਼ੈਸਲਾਬਾਦ ਦੇ ਪਿੰਡ ਬੰਗਾ ਦੇ ਚੱਕ ਨੰਬਰ 105 ਚ ਮੌਜੂਦ ਸ਼ਹੀਦ ਭਗਤ ਸਿੰਘ ਦਾ ਘਰ ਲੱਗਭਗ ਡੇਢ ਕਨਾਲਚ ਮੌਜੂਦ ਹੈ। ਉਨ੍ਹਾਂ ਦਾ ਜੱਦੀ ਪਿੰਡ ਭਾਰਤੀ ਪੰਜਾਬ ਵਿੱਚ ਖਟਕੜ ਕਲਾਂ ਸੀ।
ਫਾਊਂਡੇਸ਼ਨ ਦੇ ਚੇਅਰਮੈਨ ਇਮਤਿਆਜ਼ ਰਾਸ਼ਿਦ ਕੁਰੈਸ਼ੀ ਨੇ ਕੱਲ੍ਹ ਲਾਹੌਰ ਤੋਂ ਮੀਡੀਆ ਨਾਲ ਗੱਲਬਾਤ ਕਰਦਿਆਂ ਦੱਸਿਆ ਕਿ ਸ਼ਹੀਦ ਭਗਤ ਸਿੰਘ ਦਾ ਉਕਤ ਘਰ ਦੇਸ਼ ਦੀ ਵੰਡ ਵੇਲੇ ਭਾਰਤ ਤੋਂ ਆਏ ਸੁਲਤਾਨ ਮੁਲਕ ਨੰਬਰਦਾਰ ਨੂੰ ਮਿਲਿਆ ਅਤੇ ਇਸ ਸਮੇਂ ਇਹ ਘਰ ਉਨ੍ਹਾਂ ਦੇ ਵਾਰਸਾਂ ਜਮਾਤ ਅਲੀ ਵਿਰਕ, ਐਡਵੋਕੇਟ ਸਾਕਿਬ ਵਿਰਕ ਤੇ ਹੋਰਨਾਂ ਦੀ ਮਾਲਕੀ ਹੈ। ਸਾਕਿਬ ਵਿਰਕ ਨੇ ਆਪਣੇ ਹਿੱਸੇ ਵਾਲੇ ਘਰ ਦੇ ਕੁਝ ਕਮਰਿਆਂ ਚ ਪਹਿਲਾਂ ਹੀ ਅਜਾਇਬ-ਘਰ ਬਣਾ ਲਿਆ ਹੈ, ਜਦ ਕਿ ਅਲੀ ਵਿਰਕ ਨੇ ਵੀ ਆਪਣੇ ਹਿੱਸੇ ਵਾਲੇ ਘਰ ਦੇ ਉਸ ਸਥਾਨ ਨੂੰ ਭਗਤ ਸਿੰਘ ਮੈਮੋਰੀਅਲ ਫਾਊਂਡੇਸ਼ਨ ਨੂੰ ਵੇਚਣ ਦਾ ਫ਼ੈਸਲਾ ਕਰ ਲਿਆ ਹੈ, ਜਿਸਚ ਭਗਤ ਸਿੰਘ ਦਾ ਜਨਮ ਹੋਣ ਦਾ ਦਾਅਵਾ ਕੀਤਾ ਜਾਂਦਾ ਹੈ।
ਲਾਹੌਰ ਹਾਈ ਕੋਰਟ ਵਿਖੇ ਵਕੀਲ ਕਾਸਿਫ਼ ਮਹਿਸੂਸ ਸਲੇਮਾਰੀ ਦੀ ਅਗਵਾਈ ਚ ਹੋਈ ਬੈਠਕ ਪਿੱਛੋਂ ਵਕੀਲ ਇਮਤਿਆਜ਼ ਰਾਸ਼ਿਦ ਕੁਰੈਸ਼ੀ ਅਤੇ ਜਮਾਤ ਅਲੀ ਵਿਰਕ ਨੇ ਦੱਸਿਆ ਕਿ ਫ਼ੈਸਲਾਬਾਦ (ਪੁਰਾਣਾ ਨਾਂਅ ਲਾਇਲਪੁਰ) ਦੀ ਜੜ੍ਹਾਂਵਾਲਾ-ਫ਼ੈਸਲਾਬਾਦ ਰੋਡਤੇ ਪਿੰਡ ਬੰਗਾ ਨੂੰ ਜਾਂਦੀ ਸੜਕ ਤੇ ਚੱਕ ਨੰਬਰ 105 ਦੇ ਜਿਸ ਘਰਚ ਭਗਤ ਸਿੰਘ ਦਾ ਜਨਮ ਹੋਇਆ, ੳਸ ਦੇ ਵੱਡੇ ਹਿੱਸੇ ਨੂੰ ਯਾਦਗਾਰ ਵਜੋਂ ਸੰਭਾਲ ਕੇ ਰੱਖਿਆ ਗਿਆ ਹੈ ਅਤੇ ਪਿੰਡ ਨੂੰ ਜਾਂਦੀ ਸੜਕ ਉਤੇ ਸ਼ਹੀਦ ਭਗਤ ਸਿੰਘ ਦੀ ਜੱਦੀ ਹਵੇਲੀ ਬਾਰੇ ਗੁਰਮੁਖੀ, ਸ਼ਾਹਮੁਖੀ ਅਤੇ ਅੰਗਰੇਜ਼ੀ `ਚ ਇਤਿਹਾਸਕ ਹਵੇਲੀ ਸਰਦਾਰ ਭਗਤ ਸਿੰਘ’ ਲਿਖਿਆ ਇੱਕ ਸਾਈਨ ਬੋਰਡ ਵੀ ਲਗਵਾਇਆ ਗਿਆ ਹੈ।