ਮੁੰਬਈ, 19 ਫਰਵਰੀ – ਭਾਰਤੀ ਸਮੁੰਦਰੀ ਫੌਜ ਦੇ ਸੇਲਰ ਦੀ 12 ਸਾਲਾ ਬੇਟੀ ਨੇ ਆਟਿਜਮ ਸਪੈਕਟ੍ਰਮ ਬੀਮਾਰੀ (ਏ ਐਸ ਡੀ) ਦੇ ਬਾਰੇ ਜਾਗਰੂਕਤਾ ਪੈਦਾ ਕਰਨ ਦੇ ਉਦੇਸ਼ ਨਾਲ ਅਰਬ ਸਾਗਰ ਵਿੱਚ 36 ਕਿਲੋਮੀਟਰ ਤਰ ਕੇ ਵਿਸ਼ਵ ਰਿਕਾਰਡ ਬਣਾਇਆ ਹੈ। ਅਧਿਕਾਰੀਆਂ ਨੇ ਕੱਲ੍ਹ ਇਸ ਬਾਰੇ ਜਾਣਕਾਰੀ ਦਿੱਤੀ।
ਸਮੁੰਦਰ ਫੌਜ ਦੇ ਸੇਲਰ ਮਦਨ ਰਾਏ ਦੀ ਪੁੱਤਰੀ ਜਿਆ ਰਾਏ ਖੁਦ ਏ ਐਸ ਡੀ ਦੀ ਸ਼ਿਕਾਰ ਹੈ। ਉਸ ਨੇ ਬਾਂਦਰਾ-ਵਰਲੀ ਸੀ-ਲਿੰਕ ਤੋਂ ਗੇਟਵੇ ਆਫ ਇੰਡੀਆ ਤੱਕ ਦੂਰੀ ਅੱਠ ਘੰਟੇ 40 ਮਿੰਟ ਵਿੱਚ ਪੂਰੀ ਕੀਤੀ।ਅਧਿਕਾਰੀਆਂ ਨੇ ਕਿਹਾ ਕਿ ਇਹ ਪਿਛਲੇ ਸਾਲ ਵਾਂਗਇੱਕ ਨਵਾਂ ਵਿਸ਼ਵ ਰਿਕਾਰਡ ਹੈ। ਤੈਰਾਕੀ ਪੂਰੀ ਕਰਨ ਪਿੱਛੋਂ ਗ੍ਰੇਟਰ ਮੁੰਬਈ ਏਮੇਚਿਓਰ ਐਕਾਟਿਕ ਐਸੋਸੀਏਸ਼ਨ ਦੇ ਆਗੂ ਜਾਰਿਰ ਐਨ ਬਾਲੀਵਾਲਾ ਅਤੇ ਹੋਰਨਾਂ ਨੇ ਗੇਟਵੇ ਆਫ ਇੰਡੀਆ ਕੋਲ ਇੱਕ ਸਮਾਗਮ ਵਿੱਚ ਟਰਾਫੀ ਦੇ ਕੇ ਜਿ਼ਆ ਨੂੰ ਸਮਾਨਤ ਕੀਤਾ। ਇਸ ਤੋਂ ਪਹਿਲਾਂ ਪਿੱਛਲੇ ਸਾਲ ਫਰਵਰੀ ਵਿੱਚ ਜਿ਼ਆ ਨੇ ਗੇਟਵੇ ਆਫ ਇੰਡੀਆ ਤੋਂ ਐਲੀਫੈਂਟਾ ਦੀਪ ਤੱਕ ਤਿੰਨ ਘੰਟੇ 27 ਮਿੰਟ ਤਰ ਕੇ 14 ਕਿਲੋਮੀਟਰ ਦੂਰੀ ਤਹਿ ਕੀਤੀ ਸੀ।