State governments take action against those spreading rumors against
Connect with us [email protected]

ਸਿਹਤ

ਭਾਰਤ ਸਰਕਾਰ ਨੇ ਕਿਹਾ- ਰਾਜ ਸਰਕਾਰਾਂ ਕੋਰੋਨਾ ਦੇ ਟੀਕਿਆਂ ਵਿਰੁੱਧ ਅਫਵਾਹਾਂ ਫੈਲਾ ਰਹੇ ਲੋਕਾਂ `ਤੇ ਕਾਰਵਾਈ ਕਰਨ

Published

on

vaccine

ਨਵੀਂ ਦਿੱਲੀ, 26 ਜਨਵਰੀ – ਕੋਵਿਡ-19 ਦੀ ਮਹਾਮਾਰੀ ਦੇ ਖਿਲਾਫ ਬਣੀ ਵੈਕਸੀਨ ਦੀ ਪ੍ਰਭਾਵਸ਼ੀਲਤਾ ਬਾਰੇ ਅਫਵਾਹਾਂ ਵੇਖ ਕੇ ਭਾਰਤ ਸਰਕਾਰ ਨੇ ਰਾਜਾਂ ਨੂੰ ਇਸ ਵਿਰੁੱਧ ਕਾਰਵਾਈ ਲਈ ਕਿਹਾ ਹੈ।
ਭਾਰਤ ਸਰਕਾਰ ਵੱਲੋਂ ਕੇਂਦਰੀ ਹੋਮ ਸੈਕਟਰੀ ਅਜੇ ਭੁੱਲਾ ਨੇ ਸਾਰੇ ਰਾਜਾਂ ਦੇ ਚੀਫ ਸੈਕਟਰੀਆਂ ਨੂੰ ਲਿਖੇ ਪੱਤਰ ਜ਼ੋਰ ਦਿੱਤਾ ਹੈ ਕਿ ਦੇਸ਼ ਦੀ ਰੈਗੂਲੇਟਰੀ ਅਥਾਰਟੀ ਨੂੰ ਪਤਾ ਲੱਗਾ ਹੈ ਕਿ ਟੀਕੇ ਸੀਰਮ ਇੰਸਟੀਚਿਊਟ ਆਫ ਇੰਡੀਆ ਦਾ ਕੋਵੀਸ਼ੀਲਡ ਅਤੇ ਭਾਰਤ ਬਾਇਓਟੈਕ ਵੱਲੋਂ ਬਣਾਇਆ ਕੋਵੈਕਸੀਨ ਸੁਰੱਖਿਅਤ ਹੈ ਅਤੇ ਰੋਗ ਨਾਲ ਲੜਨ ਦੀ ਸਮੱਰਥਾ ਵਿੱਚ ਵਾਧਾ ਕਰਦੇ ਹਨ। ਇਸ ਚਿੱਠੀ ਵਿੱਚ ਕਿਹਾ ਗਿਆ ਹੈ ਕਿ ਇਹ ਰਿਪੋਰਟ ਮਿਲੀ ਹੈ ਕਿ ਗੁੰਮਰਾਹਕੁੰਨ ਅਫਵਾਹਾਂ ਸੋਸ਼ਲ ਮੀਡੀਆ ਤੇ ਪ੍ਰਚਾਰੀਆਂ ਜਾ ਰਹੀਆਂ ਹਨ, ਜਿਨ੍ਹਾਂ ਵਿੱਚ ਇਨ੍ਹਾਂ ਟੀਕਿਆਂ ਦੀ ਸੁਰੱਖਿਆ ਅਤੇ ਪ੍ਰਭਾਵਸ਼ੀਲਤਾ ਬਾਰੇ ਸ਼ੱਕ ਪੈਦਾ ਕੀਤਾ ਜਾ ਰਿਹਾ ਹੈ। ਚਿੱਠੀ ਵਿੱਚ ਕਿਹਾ ਗਿਆ ਹੈ ਕਿ ਟੀਕਿਆਂ ਬਾਰੇ ਗਲਤ ਸੂਚਨਾ ਰੋਕਣ ਦੇ ਨਾਲ ਹੀ ਤੱਥਾਂਤੇ ਆਧਾਰਤ ਸੰਦੇਸ਼ਾਂ ਨੂੰ ਤੁਰੰਤ ਪ੍ਰਸਾਰਿਤ ਕਰਨ ਲਈ ਜ਼ਰੂਰੀ ਉਪਾਅ ਕੀਤੇ ਜਾਣ।

ਸਿਹਤ

ਯਾਤਰੀ ਦੀ ਸਿਹਤ ਵਿਗੜਨ ਕਾਰਨ ਇੰਡੀਗੋ ਦੀ ਉਡਾਣ ਨੂੰ ਕਰਾਚੀ ਉਤਾਰਨਾ ਪਿਆ

Published

on

ਮਰੀਜ਼ ਦੀ ਜਾਨ ਫਿਰ ਵੀ ਨਹੀਂ ਬਚਾਈ ਜਾ ਸਕੀ
ਕਰਾਚੀ, 3 ਮਾਰਚ – ਸ਼ਾਰਜਾਹ ਤੋਂ ਲਖਨਊ ਆ ਰਹੇ ਇੰਡੀਗੋ ਦੇ ਜਹਾਜ਼ ਵਿੱਚ ਸਵਾਰ ਯਾਤਰੀ ਦੀ ਸਿਹਤ ਵਿਗੜਨ ਕਾਰਨ ਜਹਾਜ਼ ਨੂੰ ਹੰਗਾਮੀ ਹਾਲਤ ਵਿੱਚ ਪਾਕਿਸਤਾਨ ਦੇ ਕਰਾਚੀ ਹਵਾਈ ਅੱਡੇ ਉੱਤੇ ਉਤਾਰਨਾ ਪਿਆ, ਪਰ ਉਸ ਯਾਤਰੀ ਜਾਨ ਫਿਰ ਵੀ ਨਹੀਂ ਬਚਾਈ ਜਾ ਸਕੀ।
ਪਾਕਿਸਤਾਨ ਏਅਰਪੋਰਟ ਅਥਾਰਟੀ ਅਨੁਸਾਰ ਇੰਡੀਗੋ ਦੀ ਉਡਾਣ ਵਿੱਚ ਇੱਕ ਬਜ਼ੁਰਗ ਯਾਤਰੀ ਹਬੀਬ ਉਰ ਰਹਿਮਾਨ (67) ਦੀ ਸਿਹਤ ਵਿਗੜਨ ਕਾਰਨ ਜਹਾਜ਼ ਦੇ ਕਪਤਾਨ ਨੂੰ ਕਰਾਚੀ ਹਵਾਈ ਅੱਡੇ ਉੱਤੇ ਜਹਾਜ਼ ਉਤਾਰਨ ਦੀ ਇਜਾਜ਼ਤ ਦਿੱਤੀ ਗਈ ਸੀ। ਇੰਡੀਗੋ ਅਨੁਸਾਰ ਯਾਤਰੀ ਨੂੰ ਸਮੇਂ ਸਿਰ ਮੈਡੀਕਲ ਮਦਦ ਨਹੀਂ ਮਿਲ ਸਕੀ ਅਤੇ ਹਵਾਈ ਅੱਡੇ ਦੀ ਟੀਮ ਦੇ ਪਹੁੰਚਣ ਤੱਕ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ ਗਿਆ। ਏਅਰਲਾਈਨ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ‘ਇਸ ਖਬਰ ਨਾਲ ਅਸੀਂ ਬਹੁਤ ਦੁਖੀ ਹਾਂ ਅਤੇ ਸਾਡੀਆਂ ਦੁਆਵਾਂ ਪੀੜਤ ਪਰਵਾਰ ਨਾਲ ਹਨ।’ ਏਅਰਲਾਈਨ ਅਨੁਸਾਰ ਸ਼ਾਹਜਾਹ ਤੋਂ ਲਖਨਊ ਆ ਰਹੀ ਉਡਾਣ ਦਾ ਰਸਤਾ ਬਦਲ ਕੇ ਇਸ ਨੂੰ ਕਰਾਚੀ ਲਿਜਾਇਆ ਗਿਆ। ਪਾਕਿਸਤਾਨ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਜਦੋਂ ਜਹਾਜ਼ ਇਰਾਨ ਤੋਂ ਹੁੰਦਾ ਸਵੇਰੇ ਚਾਰ ਵਜੇ ਪਾਕਿਸਤਾਨ ਦੇ ਹਵਾਈ ਖੇਤਰ ਵਿੱਚ ਪੁੱਜਿਆ ਤਾਂ ਇਸ ਦੇ ਕਪਤਾਨ ਨੇ ਹੰਗਾਮੀ ਹਾਲਤ ਵਿੱਚ ਜਹਾਜ਼ ਉਤਾਰਨ ਦੀ ਇਜਾਜ਼ਤ ਮੰਗੀ ਸੀ। ਉਨ੍ਹਾਂ ਨੂੰ ਇਜਾਜ਼ਤ ਦੇ ਦਿੱਤੀ ਗਈ ਤੇ ਪੰਜ ਵਜੇ ਦੇ ਕਰੀਬ ਜਹਾਜ਼ ਨੂੰ ਉਤਾਰਿਆ ਗਿਆ, ਪਰ ਯਾਤਰੀ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਸਾਰੀ ਕਾਰਵਾਈ ਮਗਰੋਂ ਜਹਾਜ਼ ਨੂੰ ਅਹਿਮਦਾਬਾਦ ਲਈ ਰਵਾਨਾ ਹੋਣ ਦੀ ਇਜਾਜ਼ਤ ਦੇ ਦਿੱਤੀ ਗਈ।

Read More Latest News about Health

Continue Reading

ਸਿਹਤ

30 ਫੀਸਦੀ ਲੋਕਾਂ ਨੇ ਜੀਵਨ ਬੀਮਾ ਪਹਿਲੀ ਵਾਰ ਖਰੀਦਿਆ

Published

on

ਨਵੀਂ ਦਿੱਲੀ, 1 ਮਾਰਚ – ‘ਕੋਵਿਡ-19′ ਮਹਾਮਾਰੀ ਪਿੱਛੋਂ ਪਰਿਵਾਰਾਂ ਨੂੰ ਸਿਹਤ ਨਾਲ ਜੁੜੇ ਐਮਰਜੈਂਸੀ ਹਾਲਾਤ ਤੋਂ ਰਾਹਤ ਲਈ ਬੀਮਾ ਸਭ ਤੋਂ ਪੰਸਦੀਦਾ ਵਿੱਤੀ ਉਤਪਾਦ ਬਣ ਗਿਆ ਹੈ।
ਟਾਟਾ ਏ ਆਈ ਏ ਲਾਈਫ ਇੰਸ਼ੋਰੈਂਸ ਦੇ ਸਰਵੇ ਅਨੁਸਾਰ ਅੱਜਕੱਲ੍ਹ ਬਹੁਤ ਜ਼ਿਆਦਾ ਗਿਣਤੀ ਵਿੱਚ ਲੋਕ ਅਗਲੇ ਛੇ ਮਹੀਨਿਆਂ ਵਿੱਚ ਬੀਮਾ ਵਿੱਚ ਨਿਵੇਸ਼ ਲਈ ਤਿਆਰ ਹਨ। ਇਹ ਖਪਤਕਾਰ ਵਿਸ਼ਵਾਸ ਸਰਵੇ ਖੋਜ ਏਜੰਸੀ ਨੀਲਸਨ ਨੇ ਕਰਵਾਇਆ ਹੈ।ਇਸ ਨਾਲ ਇਹ ਜਾਨਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ‘ਕੋਵਿਡ-19′ ਦਾ ਲੋਕਾਂ ਦੇ ਵਿਸ਼ਵਾਸ ਉੱਤੇ ਕੀ ਪ੍ਰਭਾਵ ਪਿਆ ਹੈ। ਸਰਵੇ ਵਿੱਚ ਜੀਵਨ ਬੀਮਾ ਸਭ ਤੋਂ ਪਸੰਦੀਦਾ ਵਿੱਤੀ ਉਤਪਾਦ ਬਣ ਗਿਆ ਹੈ। ਇਸ ਤੋਂ ਨਾ ਸਿਰਫ ਪਰਵਾਰਾਂ ਨੂੰ ਵਿੱਤੀ ਸੁਰੱਖਿਆ ਮਿਲਦੀ ਹੈ, ਸਗੋਂ ਐਮਰਜੈਂਸੀ ਮੈਡੀਕਲ ਖਰਚ ਬਾਰੇ ਵੀ ਉਨ੍ਹਾਂ ਦਾ ਚਿੰਤਾ ਦੂਰ ਹੁੰਦੀ ਹੈ। ਸਰਵੇ ਅਨੁਸਾਰ ਬਹੁਤੇ ਖਪਤਕਾਰ ਆਪਣੀ ਨਿਵੇਸ਼ ਯੋਜਨਾ ਤਹਿਤ ਅਗਲੇ ਛੇ ਮਹੀਨਿਆਂ ਦੌਰਾਨ ਜੀਵਨ ਬੀਮਾ ਕਰਾਉਣ ਦੀ ਯੋਜਨਾ ਬਣਾ ਰਹੇ ਹਨ। ਇਹ ਸਰਵੇ ਨੌਂ ਕੇਂਦਰਾਂ ਵਿੱਚ 1,369 ਲੋਕਾਂ ਉੱਤੇ ਕੀਤਾ ਗਿਆ।ਸਰਵੇ ਤੋਂ ਇਹ ਪਤਾ ਲੱਗਾ ਹੈ ਕਿ ਮਹਾਮਾਰੀ ਦੌਰਾਨ 51 ਫੀਸਦੀ ਲੋਕਾਂ ਨੇ ਬੀਮੇ ਵਿੱਚ ਨਿਵੇਸ਼ ਕੀਤਾ ਅਤੇ 48 ਫੀਸਦੀ ਲੋਕਾਂ ਨੇ ਸਿਹਤ ਬੀਮਾ ਪਾਲਿਸੀ ਵਿੱਚ ਪੈਸਾ ਲਾਇਆ ਹੈ। ਇਹ ਹੋਰ ਵਿੱਤੀ ਜਾਇਦਾਦ ਵਰਗ ਦੀ ਤੁਲਣਾ ਵਿੱਚ ਕਿਤੇ ਜ਼ਿਆਦਾ ਹੈ। ਸਰਵੇ ਵਿੱਚ ਸ਼ਾਮਲ 50 ਫੀਸਦੀ ਲੋਕਾਂ ਨੇ ਕਿਹਾ ਕਿ ਮਹਾਮਾਰੀ ਦੌਰਾਨ ਜੀਵਨ ਬੀਮਾ ਬਾਰੇ ਉਨ੍ਹਾਂ ਦੇ ਵਿਚਾਰ ਵਿੱਚ ਸਾਕਾਰਾਤਮਕ ਬਦਲਾਓ ਆਇਆ ਹੈ। 49 ਫੀਸਦੀ ਨੇ ਕਿਹਾ ਕਿ ਉਹ ਅਗਲੇ ਛੇ ਮਹੀਨਿਆਂ ਦੌਰਾਨ ਜੀਵਨ ਬੀਮਾ ਕਰਾਉਣਾ ਚਾਹੁਣਗੇ, ਉਥੇ ਹੀ 40 ਫੀਸਦੀ ਨੇ ਸਿਹਤ ਬੀਮਾ ਵਿੱਚ ਨਿਵੇਸ਼ ਦਾ ਇਰਾਦਾ ਜਤਾਇਆ। ਸਰਵੇ ਵਿੱਚ ਇਹ ਸੱਚਾਈ ਵੀ ਸਾਹਮਣੇ ਆਈ ਕਿ ਮਹਾਮਾਰੀ ਦੌਰਾਨ 30 ਫੀਸਦੀ ਲੋਕਾਂ ਨੇ ਪਹਿਲੀ ਵਾਰ ਜੀਵਨ ਬੀਮਾ ਕਰਾਇਆ ਹੈ।

Read More Current health news

Continue Reading

ਸਿਹਤ

ਲੁਧਿਆਣਾ ਸਿਵਲ ਹਸਪਤਾਲ ਵਿਚ ਫਰਸ਼ ਉਤੇ ਡਿਲਿਵਰੀ

Published

on

ਲੁਧਿਆਣਾ, 28 ਫਰਵਰੀ – ਸਿਵਲ ਹਸਪਤਾਲ ਲੁਧਿਆਣਾ ਵਿੱਚ ਇੱਕ ਗਰਭਵਤੀ ਔਰਤ ਨੂੰ ਸਮੇਂ ਉੱਤੇ ਭਰਤੀ ਨਾ ਕਰਨ ਉੱਤੇ ਉਸ ਦੀ ਡਿਲਿਵਰੀ ਟਾਇਲੈਟ ਨੇੜੇ ਲੇਬਰ ਰੂਮ ਦੇ ਗੇਟ ਉੱਤੇ ਹੋ ਗਈ। ਬੱਚਾ ਫਰਸ਼ ਉੱਤੇ ਡਿੱਗਣ ਤੇ ਔਰਤ ਦੀ ਚੀਕ ਸੁਣ ਕੇ ਲੇਬਰ ਰੂਮ ਦਾ ਸਟਾਫ ਉਥੇ ਪਹੁੰਚਿਆ ਅਤੇ ਜੱਚਾ-ਬੱਚਾ ਨੂੰ ਸੰਭਾਲਿਆ।
ਛੋਟੀ ਢੰਡਾਰੀ ਦੇ ਵਸਨੀਕ ਸਾਹਿਲ ਯਾਦਵ ਨੇ ਦੱਸਿਆ ਕਿ ਸਵੇਰੇ ਨੌਂ ਵਜੇ ਉਸ ਦੀ ਪਤਨੀ ਕਿਰਨ ਨੂੰ ਲੇਬਰ ਪੇਨ ਸ਼ੁਰੂ ਹੋਈ ਤੇ ਸਵਾ ਦਸ ਵਜੇ ਉਹ ਐਂਬੂਲੈਂਸ ਰਾਹੀਂ ਸਿਵਲ ਹਸਪਤਾਲ ਪਹੁੰਚੇ। ਉਥੋਂ ਪੈਦਲ ਮਦਰ ਐਂਡ ਚਾਈਲਡ ਹਸਪਤਾਲ ਦੇ ਗਰਾਊਂਡ ਫਲੋਰ ਉੱਤੇ ਲੇਬਰ ਰੂਮ ਤੱਕ ਪਹੁੰਚੇ ਤਾਂ ਓਥੇ ਗਰਭਵਤੀ ਔਰਤਾਂ ਦੀ ਗਿਣਤੀ ਜ਼ਿਆਦਾ ਸੀ, ਪਰ ਡਿਊਟੀ ਉੱਤੇ ਸਿਰਫ ਦੋ ਸਟਾਫ ਨਰਸਾਂ ਸਨ, ਜਿਨ੍ਹਾਂ ਨੇ ਉਨ੍ਹਾਂ ਨੂੰ ਸਾਈਡ ਵਿੱਚ ਖੜ੍ਹੇ ਹੋ ਕੇ ਉਡੀਕ ਕਰਨ ਨੂੰ ਕਿਹਾ। ਡਿਊਟੀ ਉੱਤੇ ਤੈਨਾਤ ਨਰਸ ਦਾ ਕਹਿਣਾ ਹੈ ਕਿ ਡਿਲਿਵਰੀ ਲੇਬਰ ਰੂਮ ਵਿੱਚ ਸਟਰੈਚਰ ਉੱਤੇ ਹੋਈ ਹੈ। ਗਰਭਵਤੀ ਦੇ ਹਸਪਤਾਲ ਆਉਣ ਉੱਤੇ ਉਸ ਦੀ ਜਾਂਚ ਕਰ ਕੇ ਭਰਤੀ ਦੀ ਫਾਈਲ ਬਣਾਈ ਗਈ ਤਾਂ ਉਹ ਇਕੱਲੀ ਆਈ ਸੀ। ਭਰਤੀ ਕਰਨ ਦੇ ਸਮੇਂ ਕੁਝ ਟੈਸਟ ਕਰਵਾਏ ਜਾਂਦੇ ਹਨ। ਔਰਤ ਦੇ ਪਤੀ ਨੂੰ ਆਵਾਜ਼ ਦਿੱਤੀ ਤਾਂ ਉਹ ਮੌਕੇ ਉੱਤੇ ਨਹੀਂ ਸੀ। ਇਸ ਦੌਰਾਨ ਗਰਭਵਤੀ ਟਾਇਲਟ ਚਲੀ ਗਈ। ਵਾਪਸ ਆਉਣ ਉੱਤੇ ਉਸ ਨੂੰ ਦਰਦ ਸ਼ੁਰੂ ਹੋ ਗਈ। ਉਸ ਨੂੰ ਸਟ੍ਰੈਚਰ ਉੱਤੇ ਲਿਟਾ ਕੇ ਲੇਬਰ ਰੂਮ ਲਿਜਾਇਆ ਗਿਆ, ਪਰ ਤਦ ਤੱਕ ਡਿਲਿਵਰੀ ਹੋ ਗਈ।

Read More Today Exclusive Breaking News

Continue Reading

ਰੁਝਾਨ


Copyright by IK Soch News powered by InstantWebsites.ca