Tiktak artist rapes daughter of late police officer
Connect with us [email protected]

ਅਪਰਾਧ

ਟਿਕਟਾਕ ਕਲਾਕਾਰ ਵੱਲੋਂ ਮਹਰੂਮ ਪੁਲਸ ਅਫਸਰ ਦੀ ਧੀ ਨਾਲ ਜਬਰ ਜਨਾਹ

Published

on

Rape

ਲੁਧਿਆਣਾ, 22 ਮਾਰਚ – ਅੰਮ੍ਰਿਤਸਰ ਦੀ ਲਾਰੈਂਸ ਰੋਡ ਉਤੇ ਰਹਿੰਦੇ ਸਾਗਰ ਸਿਢੋਰੀਆ ਉਰਫ ਸਾਹਿਲ ਨੇ ਮਰਹੂਮ ਪੁਲਸ ਅਫਸਰ ਦੀ ਨਾਬਾਲਗ ਧੀ ਨੂੰ ਹਵਸ ਦਾ ਸ਼ਿਕਾਰ ਬਣਾ ਲਿਆ ਹੈ।
ਇਸ ਬਾਰੇ ਕੁੜੀ ਨੇ ਦੋਸ਼ ਲਾਇਆ ਹੈ ਕਿ ਖੁਦ ਨੂੰ ਟਿਕਟਾਕ ਕਲਾਕਾਰ ਦੱਸਣ ਵਾਲੇ ਸਿਢੋਰੀਆ ਨੇ ਉਸ ਨੂੰ ਤਿੰਨ ਦਿਨ ਚੰਡੀਗੜ੍ਹ ਵਿੱਚ ਤੇ ਫਿਰ ਬੀਤੇ ਸ਼ਨੀਵਾਰ ਅੰਮ੍ਰਿਤਸਰ ਦੇ ਹੋਟਲ ਵਿੱਚ ਰੱਖਿਆ ਅਤੇ ਬਲਾਤਕਾਰ ਕੀਤਾ। ਥਾਣਾ ਕੈਂਟ ਦੇ ਇੰਚਾਰਜ ਇੰਸਪੈਕਟਰ ਜਸਪਾਲ ਸਿੰਘ ਨੇ ਦੱਸਿਆ ਕਿ ਇਸ ਦੀ ਜਾਂਚ ਜਾਰੀ ਹੈ। ਪੀੜਤ ਕੁੜੀ ਨੇ ਦੱਸਿਆ ਕਿ ਉਹ ਲੁਧਿਆਣੇ ਰਹਿੰਦੀ ਹੈ ਤੇ ਉਸ ਦੇ ਪਿਤਾ ਪੁਲਸ ਵਿਭਾਗ ਵਿੱਚ ਐਸ ਐਚ ਓ ਸਨ, ਪਰ ਕੁਝ ਅਰਸਾ ਪਹਿਲਾਂ ਉਨ੍ਹਾਂ ਦੀ ਮੌਤ ਹੋ ਚੁੱਕੀ ਹੈ। ਕਰੀਬ ਛੇ ਮਹੀਨੇ ਪਹਿਲਾਂ ਚੰਡੀਗੜ੍ਹ ਵਿੱਚ ਸਿਢੋਰੀਆ ਉਸ ਨੂੰ ਮਿਲਿਆ ਸੀ। ਉਹ ਮਾਡਲਿੰਗ ਕਰਦੀ ਹੈ ਅਤੇ ਸਿਢੋਰੀਆ ਦੱਸਦਾ ਸੀ ਕਿ ਉਹ ਟਿਕਟਾਕ ਵੀਡੀਓ ਬਣਾਉਂਦਾ ਹੈ। ਫਿਰ ਫਰਵਰੀ 2021 ਵਿੱਚ ਉਸ ਨੇ ਦੱਸਿਆ ਕਿ ਉਹ ਚੰਡੀਗੜ੍ਹ ਵਿੱਚ ਹੋਰ ਟਿਕਟਾਕ ਕਲਾਕਾਰਾਂ ਨੂੰ ਮਿਲਣ ਆ ਰਿਹਾ ਹੈ, ਇਸ ਲਈ ਜੇ ਉਹ ਚਾਹੁੰਦੀ ਹੈ ਤਾਂ ਉਹ ਟਿਕਟਾਕ ਕਲਾਕਾਰਾਂ ਨਾਲ ਮਿਲਾ ਸਕਦਾ ਹੈ। 27 ਫਰਵਰੀ ਨੂੰ ਮਿਲਦੇ ਸਾਰ ਸਿਡੋਰੀਆ ਨੇ ਵਿਆਹ ਦੀ ਪੇਸ਼ਕਸ਼ ਕਰ ਦਿੱਤੀ। ਇਸ ਪਿੱਛੋਂ ਉਹ ਵਿਆਹ ਦਾ ਲਾਰਾ ਲਾ ਕੇ ਚੰਡੀਗੜ੍ਹ ਵਿੱਚ ਟੀ ਡੀ ਆਈ ਫਲੈਟ ਵਿੱਚ ਲੈ ਗਿਆ। 28 ਫਰਵਰੀ ਤੋਂ ਤਿੰਨ ਮਾਰਚ ਤੱਕ ਉਸ ਨੂੰ ਉਥੇ ਰੱਖਿਆ ਤੇ ਸੰਬੰਧ ਬਣਾਉਂਦਾ ਰਿਹਾ। ਸੱਤ ਮਾਰਚ ਨੂੰ ਮੁਲਜ਼ਮ ਸਿਢੋਰੀਆ ਨੇ ਉਸ ਨੰ ਫੋਨ ਕਰ ਕੇ ਅੰਮ੍ਰਿਤਸਰ ਸੱਦ ਲਿਆ। ਇਸ ਮਗਰੋਂ ਉਹ ਮਸਾਂ ਉਥੋਂ ਭੱਜ ਕੇ ਵਾਪਸ ਆਈ, ਪਰ ਸਿਢੋਰੀਆ ਵਿਆਹ ਤੋਂ ਮੁੱਕਰ ਰਿਹਾ ਹੈ। ਕੁੜੀ ਨੇ ਦੋਸ਼ ਲਾਏ ਕਿ ਸਿ਼ਕਾਇਤ ਦਰਜ ਕਰਨ ਮਗਰੋਂ ਵੀ ਪੁਲਸ ਸਿਢੋਰੀਆ ਨੂੰ ਗ੍ਰਿਫਤਾਰ ਨਹੀਂ ਕਰ ਰਹੀ, ਜਦ ਕਿ ਉਹ ਖੁਦਪੁਲਸ ਨੂੰ ਦੋਸ਼ੀ ਦੇ ਘਰ ਲੈ ਕੇ ਗਈ ਸੀ। ਕੁੜੀ ਮੁਤਾਬਕ ਸਿਢੋਰੀਆ ਕਲਾਕਾਰੀ ਦੇ ਨਾਲ ਨਾਲ ਗਹਿਣਿਆਂ ਦਾ ਵਪਾਰ ਕਰਦਾ ਹੈ ਤੇ ਕਈ ਪੁਲਸ ਅਫਸਰਾਂ ਦਾ ਨੇੜੂ ਹੈ। ਪੰਜਾਬ ਇਸਤਰੀ ਕਮਿਸ਼ਨ ਦੀ ਚੇਅਰਪਰਸਨ ਮਨੀਸ਼ਾ ਗੁਲਾਟੀ ਨੇ ਕਿਹਾ ਹੈ ਕਿ ਤਿੰਨ ਦਿਨਾਂ ਵਿੱਚ ਪੁਲਸ ਸਟੇਟਸ ਰਿਪੋਰਟ ਦੇਵੇ, ਜੇ ਕੋਤਾਹੀ ਹੋਈ ਤਾਂ ਪੁਲਸ ਅਫਸਰ ਬਖਸ਼ੇ ਨਹੀਂ ਜਾਣਗੇ। ਪੀੜਤਾ ਉਨ੍ਹਾਂ ਨਾਲ ਸੰਪਰਕ ਕਰ ਸਕਦੀ ਹੈ।
ਪਤਾ ਲੱਗਾ ਹੈ ਕਿ ਕੇਸ ਦਰਜ ਹੋਣ ਮਗਰੋਂ ਸ਼ਹਿਰ ਦੇ ਕੁਝ ਦਲਾਲਨੁਮਾ ਲੋਕ ਕੁੜੀ ਨਾਲ ਸੰਪਰਕ ਕਰ ਰਹੇ ਹਨ। ਪੱਤਰਕਾਰਾਂ ਨੇ ਜਦੋਂ ਥਾਣੇ ਦੇ ਬਾਹਰ ਪੀੜਤਾ ਨਾਲ ਸੰਪਰਕ ਕੀਤਾ ਤਾਂ ਉਸ ਨੇ ਦੱਸਿਆ ਕਿ ਦੋ ਜਣੇ ਸਮਝੌਤਾ ਕਰਾਉਣ ਲਈ ਆਖ ਰਹੇ ਹਨ ਕਿ ਖਬਰ ਨਾ ਛਾਪਣਾ। ਇਸ ਦੌਰਾਨ ਕੁੜੀ ਡਰੀ ਹੋਈ ਸੀ।

Read More Latest Crime News

ਅਪਰਾਧ

ਲਾਪਤਾ ਹੋਇਆ ਬੱਚਾ ਦੋ ਸਾਲ ਬਾਅਦ ਨੌਕਰ ਕੋਲੋਂ ਮਿਲਿਆ

Published

on

missing-child

ਪਟਿਆਲਾ, 13 ਅਪ੍ਰੈਲ – ਰਾਘੋਮਾਜਰਾ ਵਿਖੇ ਇੱਕ ਘਰ ਵਿੱਚ ਕੰਮ ਕਰਦਾ ਨੌਕਰ ਬੱਚੇ ਨੂੰ ਵਰਗਲਾ ਕੇ ਲੈ ਗਿਆ। ਬੱਚੇ ਦਾ ਪਰਵਾਰ ਉਸ ਨੂੰ ਲੱਭਦਾ ਰਿਹਾ, ਪਰ ਘਰ ਵਿੱਚ ਕੰਮ ਕਰਦੇ ਨੌਕਰ ਨੇ ਇਸ ਦੀ ਕਿਸੇ ਨੂੰ ਸੂਹ ਨਹੀਂ ਲੱਗਣ ਦਿੱਤੀ। ਦੋ ਸਾਲ ਬਾਅਦ ਬੱਚਾ ਨੌਕਰ ਦੀ ਪਤਨੀ ਤੋਂ ਮਿਲਿਆ। ਡਵੀਜ਼ਨ ਨੰਬਰ ਦੋ ਦੀ ਪੁਲਸ ਨੇ ਨੌਕਰ ਸ਼ਸ਼ੀ ਕਪੂਰ ਤੇ ਉਸ ਦੀ ਪਤਨੀ ਬਲਜੀਤ ਕੌਰ ਨੂੰ ਗ੍ਰਿਫਤਾਰ ਕਰ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਮਿਲੀ ਜਾਣਕਾਰੀ ਮੁਤਾਬਕ ਬਰਨਾਲਾ ਦੇ ਗੁਰਵਿੰਦਰ ਸਿੰਘ ਦਾ 10 ਸਾਲਾਂ ਦਾ ਬੱਚਾ ਪਟਿਆਲਾ ਵਿਖੇ ਰਿਸ਼ਤੇਦਾਰ ਸੁਰਿੰਦਰ ਸਿੰਘ ਦੇ ਘਰ ਰਹਿ ਰਿਹਾ ਸੀ। ਸੱਤ ਜਨਵਰੀ 2019 ਸਵੇਰੇ ਬੱਚਾ ਘਰ ਤੋਂ ਲਾਪਤਾ ਹੋ ਗਿਆ ਤਾਂ ਡਵੀਜ਼ਨ ਨੰਬਰ ਦੋ ਦੀ ਪੁਲਸ ਨੂੰ ਸੂਚਨਾ ਦਿੱਤੀ ਗਈ। ਬੀਤੀ 12 ਅਪ੍ਰੈਲ 2021 ਦੀ ਸਵੇਰ ਨੂੰ ਸੁਰਿੰਦਰ ਸਿੰਘ ਨੇ ਆਪਣੇ ਨੌਕਰ ਸ਼ਸ਼ੀ ਕਪੂਰ ਦੀ ਪਤਨੀ ਬਲਜੀਤ ਕੌਰ ਨੂੰ ਆਪਣੇ ਬੱਚੇ ਨਾਲ ਦੇਖਿਆ ਤੇ ਪੁਲਸ ਨੂੰ ਦੱਸਿਆ। ਪੁਲਸ ਨੇ ਬਲਜੀਤ ਕੌਰ ਨੂੰ ਫੜ ਕੇ ਬੱਚਾ ਬਰਾਮਦ ਕਰ ਕੇ ਉਸ ਦੇ ਮਾਪਿਆਂ ਨੂੰ ਸੌਂਪ ਦਿੱਤਾ ਹੈ।
ਚੌਕੀ ਇੰਚਾਰਜ ਐਸ ਆਈ ਪ੍ਰਿਆਂਸ਼ੂ ਸਿੰਘ ਨੇ ਦੱਸਿਆ ਕਿ ਨੌਕਰ ਹੀ ਮੁੱਖਦੋਸ਼ੀ ਨਿਕਲਿਆ ਜਿਸ ਨੇ ਘਰ ਵਿੱਚੋਂ ਬੱਚਾ ਗਾਇਬ ਕਰ ਕੇ ਆਪਣੀ ਪਤਨੀ ਬਲਜੀਤ ਕੌਰ ਨੂੰ ਦੇ ਦਿੱਤਾ ਸੀ। ਦੋ ਸਾਲ ਸ਼ਸ਼ੀ ਕਪੂਰ ਇਸੇ ਘਰ ਦਾ ਕੰਮ ਕਰਦਾ ਰਿਹਾ ਤਾਂ ਜੋ ਕਿਸੇ ਨੂੰ ਸ਼ੱਕ ਨਾ ਹੋਵੇ ਅਤੇ ਉਸ ਦੀ ਪਤਨੀ ਬਲਜੀਤ ਕੌਰ ਬੱਚਾ ਲੈ ਕੇ ਸੰਗਰੂਰ ਜਾਂ ਹੋਰ ਸ਼ਹਿਰਾਂ ਵਿੱਚ ਰਹਿੰਦੀ ਰਹੀ ਅਤੇ ਇਨ੍ਹਾਂ ਦੋ ਸਾਲਾਂ ਦੌਰਾਨ ਬੱਚੇ ਤੋਂ ਵੱਖ-ਵੱਖ ਥਾਈਂ ਨੌਕਰੀ ਵੀ ਕਰਾਉਂਦੀ ਰਹੀ। ਬੀਤੇ ਦਿਨ ਬਲਜੀਤ ਕੌਰ ਬੱਚੇ ਨੂੰ ਲੈ ਕੇ ਪਟਿਆਲਾ ਵਿਖੇ ਆਪਣੇ ਪੇਕੇ ਆਈ ਤਾਂ ਸੁਰਿੰਦਰ ਸਿੰਘ ਨੇ ਦੇਖ ਕੇ ਪੁਲਸ ਨੂੰ ਜਾਣਕਾਰੀ ਦਿੱਤੀ।

Read More Latest Crime News

Continue Reading

ਅਪਰਾਧ

ਰਾਜਸਥਾਨ ਵਿੱਚ ਤਸਕਰਾਂ ਵੱਲੋਂ ਪੁਲਸ ਉੱਤੇ ਫਾਇਰਿੰਗ ਦੇ ਕਾਰਨ ਦੋ ਪੁਲਸ ਮੁਲਾਜ਼ਮਾਂ ਦੀ ਮੌਤ

Published

on

Police-man-dead

ਉਦੈਪੁਰ, 12 ਅਪ੍ਰੈਲ – ਰਾਜਸਥਾਨ ਦੇ ਭੀਲਵਾੜਾ ਵਿੱਚ ਸ਼ਨੀਵਾਰ ਰਾਤ ਨਸ਼ਾ ਤਸਕਰਾਂ ਨੇ ਦੋ ਜਗ੍ਹਾ ਉੱਤੇ ਨਾਕਾਬੰਦੀ ਕਰ ਰਹੀ ਪੁਲਸ ਉੱਤੇ ਫਾਇਰਿੰਗ ਕਰ ਦਿੱਤੀ। ਇਸ ਕਾਰਨ ਦੋਵੇਂ ਜਗ੍ਹਾ ਇੱਕ-ਇੱਕ ਪੁਲਸ ਮੁਲਾਜ਼ਮ ਮਾਰਿਆ ਗਿਆ, ਜਿਸ ਬਾਰੇ ਪੁਲਸ ਅਗਲੀ ਕਾਰਵਾਈ ਕਰ ਰਹੀ ਹੈ।
ਕੱਲ੍ਹ ਸਵੇਰੇ ਅਜਮੇਰ ਪੁਲਸ ਦੇ ਡਿਪਟੀ ਕਮਿਸ਼ਨਰ ਪੁਲਸ (ਡੀ ਸੀ ਪੀ) ਅਤੇ ਭੀਲਵਾੜਾ ਦੇ ਪੁਲਸ ਸੁਪਰਡੈਂਟ ਨੇ ਘਟਨਾ ਵਾਲੀ ਥਾਂ ਦਾ ਦੌਰਾ ਕੀਤਾ। ਸੀ ਸੀ ਟੀ ਵੀ ਫੁਟੇਜ ਵਿੱਚ ਤਸਕਰਾਂ ਦੀ ਗੱਡੀ ਦਿਖਾਈ ਦਿੱਤੀ ਹੈ ਅਤੇ ਉਨ੍ਹਾਂ ਦੇ ਨੰਬਰਾਂ ਦੇ ਆਧਾਰ ਉੱਤੇ ਤਸਕਰਾਂ ਦਾ ਪਤਾ ਲਾਉਣ ਦੇ ਯਤਨ ਜਾਰੀ ਹਨ। ਪਹਿਲੀ ਘਟਨਾ ਕੋਟੜੀ ਦੀ ਹੈ, ਜਿੱਥੇ ਪੁਲਸ ਨੇ ਤਸਕਰਾਂ ਦੇ ਆਉਣ ਦੀ ਸੂਚਨਾ ਉੱਤੇ ਚਾਰਭੁਜਾ ਨਾਥ ਮੰਦਰ ਦੇ ਨੇੜੇ ਬਾਈਪਾਸ ਉੱਤੇ ਨਾਕਾਬੰਦੀ ਕੀਤੀ ਸੀ। ਰਾਤ ਲਗਭਗ 11 ਵਜੇ ਦੋ ਪਿਕਅਪ ਤੇ ਦੋ ਜੀਪਾਂ ਨੂੰ ਪੁਲਸ ਨੇ ਰੋਕਣ ਦਾ ਇਸ਼ਾਰਾ ਕੀਤਾ। ਪੁਲਸ ਵਾਲੇ ਪਿਕਅਪ ਵਿੱਚ ਸਵਾਰ ਲੋਕਾਂ ਨਾਲ ਗੱਲ ਕਰ ਰਹੇ ਸਨ ਕਿ ਉਨ੍ਹਾਂ ਦੇ ਸਾਥੀਆਂ ਨੇ ਫਾਇਰਿੰਗ ਕਰ ਦਿੱਤੀ। ਅਚਾਨਕ ਹਮਲੇ ਵਿੱਚ ਪੁਲਸ ਮੁਲਾਜ਼ਮਾਂ ਨੂੰ ਸੰਭਲਣ ਦਾ ਮੌਕਾ ਨਹੀਂ ਮਿਲਿਆ। ਰੁੱਖ ਅਤੇ ਜੀਪ ਦੇ ਪਿੱਛੇ ਲੁਕ ਕੇ ਪੁਲਸ ਵਾਲਿਆਂ ਨੇ ਆਪਣੀ ਜਾਨ ਬਚਾਈ, ਪਰ ਇਸੇ ਦੌਰਾ ਸਿਪਾਹੀ ਓਂਕਾਰ ਸਿੰਘ ਦੀ ਗੋਲੀ ਲੱਗਣ ਨਾਲ ਮੌਤ ਹੋ ਗਈ।
ਇਸ ਦੌਰਾਨ ਫਰਾਰ ਤਸਕਰਾਂ ਦੀ ਸੂਚਨਾ ਜ਼ਿਲਾ ਪੁਲਸ ਨੂੰ ਮਿਲ ਗਈ ਤੇ ਘੇਰਾਬੰਦੀ ਦੀ ਕੋਸ਼ਿਸ਼ ਜਾਰੀ ਸੀ। ਦੇਰ ਰਾਤ ਢਾਈ ਵਜੇ ਇਹੀ ਤਸਕਰ ਰਾਇਲਾ ਥਾਣਾ ਖੇਤਰ ਵਿੱਚ ਪਹੁੰਚੇ, ਜਿੱਥੇ ਥਾਣੇ ਦੇ ਬਾਹਰ ਸਖਤ ਨਾਕਾਬੰਦੀ ਸੀ। ਪੁਲਸ ਨੇ ਰੋਕਣ ਦੀ ਕੋਸ਼ਿਸ਼ ਕੀਤੀ ਤਾਂ ਤਸਕਰਾਂ ਨੇ ਰਸਤਾ ਬਦਲ ਲਿਆ। ਪਿੱਛਾ ਕਰਨ ਉੱਤੇ ਖੇੜਾ ਪਿੰਡ ਵਿੱਚ ਉਨ੍ਹਾਂ ਨੇ ਫਿਰ ਪੁਲਸ ਉੱਤੇ ਫਾਇਰਿੰਗ ਕਰ ਦਿੱਤੀ। ਇਸ ਵਿੱਚ ਰਾਇਲਾ ਥਾਣੇ ਵਿੱਚ ਤੈਨਾਤ ਪਵਨ ਚੌਧਰੀ ਦੇ ਸਿਰ ਵਿੱਚ ਗੋਲੀ ਲੱਗਣ ਨਾਲ ਉਸ ਦੀ ਮੌਤ ਹੋ ਗਈ ਅਤੇ ਤਸਕਰ ਇੱਕ ਵਾਰ ਫਿਰ ਫਾਇਰਿੰਗ ਦੇ ਬਾਅਦ ਭੱਜਣ ਵਿੱਚ ਸਫਲ ਹੋ ਰਹੇ।
ਰਾਇਲਾ, ਗੁਲਾਬਪੁਰਾ, ਬਦਨੌਰ, ਸ਼ੰਭੂਗੜ੍ਹ ਅਤੇ ਆਸੀਂਦ ਥਾਣਾ ਖੇਤਰ ਵਿੱਚ ਤਸਕਰਾਂ ਦੀ ਤਲਾਸ਼ੀ ਮੁਹਿੰਮ ਜਾਰੀ ਹੈ, ਪਰ ਅਜੇ ਤੱਕ ਉਨ੍ਹਾਂ ਦਾ ਪਤਾ ਨਹੀਂ ਲੱਗਾ। ਪੁਲਸ ਤਸਕਰਾਂ ਦੀ ਤਲਾਸ਼ ਵਿੱਚ ਕਈ ਥਾਈਂ ਸੀ ਸੀ ਟੀ ਵੀ ਫੁਟੇਜ ਨੂੰ ਫੋਲ ਰਹੀ ਹੈ, ਜਿਸ ਵਿੱਚ ਪੁਲਸ ਨੂੰ ਤਸਕਰਾਂ ਦੀਆਂ ਗੱਡੀਆਂ ਦੀ ਫੁਟੇਜ ਮਿਲੀ ਹੈ। ਇਸੇ ਦੇ ਆਸਰੇ ਉਨ੍ਹਾਂ ਦੇ ਮਾਲਕਾਂ ਦੀ ਤਲਾਸ਼ ਕੀਤੀ ਜਾ ਰਹੀ ਹੈ, ਪਰ ਦੋ ਪੁਲਸ ਮੁਲਾਜ਼ਮਾਂ ਦੇ ਮੌਤ ਨਾਲ ਪੁਲਸ ਮਹਿਕਮੇ ਵਿੱਚ ਤਰਥੱਲੀ ਮਚ ਗਈ ਹੈ।
ਇਸ ਦੌਰਾਨ ਨਸ਼ਾ ਤਸਕਰਾਂ ਦੀ ਗੱਡੀ ਕੱਲ੍ਹ ਪੁਲਸ ਨੂੰ ਮਿਲ ਗਈ ਹੈ। ਡੋਡਾ-ਚੂਰਾ ਨਾਲ ਭਰਿਆ ਪਿਕਅਪ ਜਿੱਥੇ ਰਾਇਲਾ ਥਾਣਾ ਖੇਤਰ ਤੋਂ ਬਰਾਮਦ ਹੋਇਆ, ਉਥੇ ਹੀ ਉਨ੍ਹਾਂ ਦੀ ਕਾਰ ਰਾਜਸਮੰਦ ਜ਼ਿਲੇ ਤੋਂ ਬਰਾਮਦ ਹੋਈ ਹੈ।

Read More Latest Crime News

Continue Reading

ਅਪਰਾਧ

ਸਮਝੌਤਾ ਕਰਾਉਣ ਦੇ ਨਾਂਅ ਉਤੇ ਭਾਜਪਾ ਨੇਤਾ ਨੇ 60 ਹਜ਼ਾਰ ਠੱਗੇ

Published

on

money looted

ਜਲੰਧਰ, 12 ਅਪ੍ਰੈਲ – ਬੀਤੇ ਦਿਨੀਂ ਹਾਦਸੇ ਵਿੱਚ ਮਾਰੀ ਗਈ ਇੱਕ ਔਰਤ ਦੇੇ ਪਰਵਾਰ ਨਾਲ ਸਮਝੌਤਾ ਕਰਾਉਣ ਦੇ ਨਾਂਅ ਉਤੇ ਭਾਜਪਾ ਨੇਤਾ ਨੇ ਸੱਠ ਹਜ਼ਾਰ ਰੁਪਏ ਦੋਸ਼ੀ ਟਰੱਕ ਡਰਾਈਵਰ ਤੋਂ ਠੱਗ ਲਏ। ਪੁਲਸ ਨੇ ਜਾਂਚ ਦੇ ਬਾਅਦ ਖੁਦ ਨੂੰ ਭਾਜਪਾ ਨੇਤਾ ਕਹਿਣ ਵਾਲੇ ਕੁਲਦੀਪ ਕੈਲਾਸ਼ ਤੇ ਸ਼ਿਵਮ ਉੱਤੇ ਕੇਸ ਦਰਜ ਕੀਤਾ ਹੈ।ਟਰੱਕ ਡਰਾਈਵਰ ਨੂੰ ਇਹ ਵੀ ਨਹੀਂ ਪਤਾ ਸੀ ਕਿ ਉਹ ਜਿਨ੍ਹਾਂ ਨੂੰ ਪੈਸੇ ਦੇ ਰਿਹਾ ਹੈ, ਉਹ ਮ੍ਰਿਤਕ ਔਰਤ ਦੇ ਰਿਸ਼ਤੇਦਾਰ ਨਹੀਂ।
ਮਲਕਾ ਮੁਹੱਲਾ ਵਿੱਚ ਰਹਿਣ ਵਾਲੀ ਔਰਤ ਕੱਲ੍ਹ ਟਰੱਕ ਦੀ ਲਪੇਟ ਵਿੱਚ ਆ ਗਈ ਤੇ ਉਸ ਦੀ ਮੌਤ ਹੋ ਗਈ ਸੀ। ਇਸ ਦੌਰਾਨ ਉਥੋਂ ਨਿਕਲ ਰਹੇ ਭਾਜਪਾ ਨੇਤਾ ਕੁਲਦੀਪ ਤੇ ਉਸ ਦੇ ਸਾਥੀਆਂ ਨੇ ਟਰੱਕ ਡਰਾਈਵਰ ਦਾ ਪਿੱਛਾ ਕੀਤਾ ਅਤੇ ਉਸ ਨੂੰ ਥੋੜ੍ਹੀ ਦੂਰ ਰੋਕ ਲਿਆ ਅਤੇ ਡਰਾ ਧਮਕਾ ਕੇ ਉਸ ਨਾਲ ਰਾਜ਼ੀਨਾਮਾ ਕਰਨ ਦੇ ਨਾਂਅ ਉਤੇ ਇੱਕ ਲੱਖ ਰੁਪਏ ਮੰਗੇ। ਮਾਮਲਾ 60 ਹਜ਼ਾਰ ਵਿੱਚ ਤੈਅ ਹੋਇਆ। ਇਸ ਦੀ ਜਾਣਕਾਰੀ ਜਦ ਔਰਤ ਦੇ ਪਰਵਾਰ ਨੂੰ ਮਿਲੀ ਤਾਂ ਉਨ੍ਹਾਂ ਨੇ ਭਾਜਪਾ ਦੇ ਨੇਤਾਵਾਂ ਨਾਲ ਗੱਲ ਕੀਤੀ। ਭਾਜਪਾ ਨੇਤਾਵਾਂ ਦੇ ਦਖਲ ਪਿੱਛੋਂ ਪੁਲਸ ਨੇ ਜਾਂਚ ਦੇ ਬਾਅਦ ਟਰੱਕ ਡਰਾਈਵਰ ਨੂੰ ਕਾਬੂ ਕਰ ਲਿਆ। ਫਿਰ ਟਰੱਕ ਡਰਾਈਵਰ ਦੇ ਖਿਲਾਫ ਕੇਸ ਦਰਜ ਕੀਤਾ ਗਿਆ ਤਾਂ ਉਸ ਨੇ ਦੱਸਿਆ ਕਿ ਉਸ ਦਾ ਰਾਜ਼ੀਨਾਮਾ ਹੋ ਚੁੱਕਾ ਹੈ। ਉਸਨੇ ਪੁਲਸ ਦੀ ਇੱਕ ਰਿਕਾਰਡਿੰਗ ਵੀ ਦਿੱਤੀ, ਜਿਸ ਵਿੱਚ ਉਕਤ ਭਾਜਪਾ ਨੇਤਾ ਸਮਝੌਤੇ ਵਾਸਤੇ ਇੱਕ ਲੱਖ ਰੁਪਏ ਮੰਗ ਰਿਹਾ ਹੈ ਅਤੇ ਮਾਮਲਾ ਸੱਠ ਹਜ਼ਾਰ ਰੁਪਏ ਵਿੱਚ ਨਿਬੇੜ ਦਿੱਤਾ। ਪੁਲਸ ਨੇ ਜਾਂਚ ਕੀਤੀ ਤਾਂ ਭਾਜਪਾ ਨੇਤਾ ਤੇੇ ਉਸ ਦੇ ਸਾਥੀਆਂ ਖਿਲਾਫ ਕੇਸ ਦਰਜ ਕਰ ਲਿਆ। ਥਾਣਾ ਭਾਰਗੋ ਕੈਂਪ ਦੀ ਪੁਲਸ ਦੋਸ਼ੀਆਂ ਦੀ ਤਲਾਸ਼ ਕਰ ਰਹੀ ਹੈ।

Read More Latest Crime News

Continue Reading

ਰੁਝਾਨ


Copyright by IK Soch News powered by InstantWebsites.ca