Punjab Di Mitti- Seema Kaur Gill | Latest Punjabi Poetry
Connect with us apnews@iksoch.com

ਰਚਨਾਵਾਂ ਜਨਵਰੀ 2021

ਪੰਜਾਬ ਦੀ ਮਿੱਟੀ

Published

on

punjabi poetry

ਕੀ ਕਰਾਂ ਤਾਰੀਫ ਤੇਰੀ ਮਿੱਟੀਏ ਨੀਂ,
ਤੂੰ ਜਾਨ ਪਾਈ ਇਸ ਬੁੱਤ ਅੰਦਰ,
ਯੋਧੇ ਜੰਮਦੀ ਸਦਾ ਪੰਜਾਬ ਚ’ ਤੂੰ,
ਹਰ ਇੱਕ ਯੁੱਗ ਤੇ ਹਰ ਇੱਕ ਰੁੱਤ ਅੰਦਰ,
ਆਪਣੇ ਢਿੱਡ ਚੋਂ’ ਕੱਢ ਸਾਡੇ ਮੂੰਹ ਪਾਉਂਦੀ,
ਸਾਨੂੰ ਸਹਾਰਦੀ ਆਪਣੀ ਹਿੱਕ ਉੱਤੇ,
ਤੇਰੀ ਹੋਂਦ ਨਾਲ ਹੁੰਦੀ ਪਛਾਣ ਸਾਡੀ,
ਵੈਰੀ ਰਹਿੰਦੇ ਨਾ ਪੰਜਾਬ ਦੇ ਟਿਕ ਉੱਤੇ,
ਗੁਰੂਆਂ,ਪੀਰਾਂ,ਯੋਧਿਆਂ ਤੇ ਸੰਤ ਸਿਪਾਹੀਆਂ ਦੇ,
ਗੁਣ ਗਾਏ ਅਜੇ ਵੀ ਜਾਂਦੇ ਨੇ,
ਤੇਰੇ ਹੀਰੇ ਪੁੱਤ ਲੋੜ ਪੈਣ ਤੇ ਮਾਂ,
ਕਤਰਾ-ਕਤਰਾ ਲਹੂ ਦਾ ਵਹਾਉਂਦੇ ਨੇ,
ਵੇਖ ਅੱਜ ਵੀ ਸਮਾਂ ਨਾ ਓਹ ਬਦਲਿਆ ਏ,
ਕਰ ਕੂਚ ਜਹਾਨੋਂ ਕਈ ਗਏ,
ਤੇਰਾ ਦਿੱਤਾ ਸਬਕ ਨਾ ਭੁੱਲੇ ਅਸੀਂ,
ਤੇਰੇ ਵਾਂਗੂ ਹੀ ਜਖਮ ਵੀ ਸਹੀ ਗਏ,
ਹੁਣ ਰਿਹਾ ਨਾ ਸਹਿਣ ਦੇ ਯੋਗ ਕੁਝ ਵੀ,
ਕਹਾਣੀ ਜ਼ੁਲਮ ਦੀ ਇਹੋ ਸਲਾਹ ਦਿੰਦੀ,
ਜਿਵੇਂ ਆਉਂਦਾ ਤੂਫਾਨ ਤੇਰੇ ਅੰਦਰ ਮਾਂ,
ਤਾਂ ਤੂੰ ਸਭ ਕੁਝ ਕਰ ਤਬਾਹ ਦਿੰਦੀ,
ਨਵਾਂ ਸਿਰਜਦੀ ਨਵੀਂ ਧਰਤੀ ਤੇ,
ਫਿਰ ਕਰਦੀ ਫੌਜ਼ ਤਿਆਰ ਨਵੀਂ,
ਇੰਝ ਬੈਠੇ ਤਿਆਰ ਤੇਰੇ ਪੁੱਤ ਵੀ ਨੇ,
ਹੁੰਦਾ ਫਸਲਾਂ ਦਾ ਰੋਕ ਵਪਾਰ ਲਵੀਂ,
ਤੇਰੀ ਦੇਹ ਦਾ ਵਪਾਰ ਨਾ ਜ਼ਰ ਹੁੰਦਾ,
ਚਾਹੇ ਦੇਹ ਲੱਗੀ ਸਾਡੀ ਦਾਅ ਉੱਤੇ,
ਮਿੱਟੀ ਚੋਂ ਜੰਮਿਆਂ ਨੇ ਅੰਤ ਮਿੱਟੀ ਹੋਣਾ,
ਜ਼ੋਰ ਚੱਲਦਾ ਨੀ ਸਾਡੇ ਸੁਭਾਅ ਉੱਤੇ,
ਰੋਜ਼ ਲਾਸ਼ਾਂ ਜੋ ਘਰਾਂ ਨੂੰ ਪਰਤ ਰਹੀਆਂ,
ਜ਼ਰ ਰਹੇ ਹਾਂ ਸਭ ਕੁਝ ਚੁੱਪ ਕਰਕੇ,
ਲਾਵਾ ਬਲ ਰਿਹਾ ਸਾਡੇ ਦਿਲਾਂ ਵਿੱਚ ਜੋ,
ਆ ਜਾਵੇ ਨਾ ਬਾਹਰ ਬਾਰੂਦ ਬਣਕੇ,
ਲੜਦੇ ਰਹੇ ਹਾਂ ਆਪਣੇ ਹੱਕਾਂ ਲਈ,
ਵੈਰੀ ਲੰਘਣ ਨਾ ਦਿੱਤੇ ਕਦੇ ਹਿਕ ਤਣਕੇ,
ਬਖਸ਼ੀਂ ਆਪਣੇ ਲਾਲਾਂ ਨੂੰ ਮਿਟੀਏ ਮਾਂ,
“ਮੌਤ” ਰਹਿ ਨਾ ਜਾਏ ਸਾਡਾ ਵਜੂਦ ਬਣਕੇ,
ਤੇਰੇ ਲਈ ਜਾਨ ਹਾਂ ਵਾਰ ਰਹੇ,
ਸਾਡੀਆਂ ਸ਼ਹੀਦੀਆਂ ਦਾ ਮੁੱਲ ਕੁਝ ਪਾ ਲਈਂ ਤੂੰ,
ਜਦ ਜਾਈਏ ਇਸ ਜਹਾਨ ਤੋਂ ਮਾਂ,
ਸਾਨੂੰ ਬੁਕਲ ਆਪਣੀ ਸਮਾਂ ਲਈਂ ਤੂੰ,
ਮੈਨੂੰ ਮਾਫ ਕਰੀਂ ਜੇ ਧੀ ਤੇਰੀ,
ਨਾ ਤੇਰੀ ਸ਼ਾਨ ਵਧਾ ਸਕੀ,
ਕਰੂੰ ਕੋਸ਼ਿਸ਼ ਆਪਣੀ ਜਰੂਰ ਮੈਂ ਮਾਂ,
ਜੇ ਜਾਨ ਵੀ ਦਾਅ ਤੇ ਲਾ ਸਕੀ,
ਉਚਾ ਰਹੂ ਜਗਰਾਵਾਂ ਵਿੱਚ ਨਾ ਤੇਰਾ,
ਮਿੱਟੀ ਪੰਜਾਬ ਦੀ ਨੂੰ ਮੱਥੇ ਲਾ ਸਕੀ,
ਤੇਰਾ ਦੇਣ ਅਸੀਂ ਨਹੀਂ ਦੇ ਸਕਦੇ,
ਜਨਮ ਲੈ ਅਗਲਾ ਰੂਹ ਜੇ ਪਰਤੀ ਤੇ,
ਪਰ ਐਨੀ ਦੁਆ ਕਬੂਲ ਕਰੀਂ,
ਮੈਂ ਹੋਰ ਕਿਤੇ ਨਾ ਜਨਮ ਲਵਾਂ,
ਮੁੜ ਆਵਾਂ ਪੰਜਾਬ ਦੀ ਧਰਤੀ ਤੇ,
ਮੁੜ ਆਵਾਂ ਪੰਜਾਬ ਦੀ ਧਰਤੀ ਤੇ:::

  • ਸੀਮਾ ਕੌਰ ਗਿੱਲ
  • 65

ਰਚਨਾਵਾਂ ਜਨਵਰੀ 2021

ਸਚਾਈ

Published

on

poetry

ਸੱਤਾਧਾਰੀਆਂ ਚ ਬਾਕੀ ਸਭ
ਬਸ ਸਤ ਨਹੀਂ ਹੁੰਦਾ
ਛੱਪ ਜਾਵੇ ਭਾਵੇਂ ਅਖ਼ਬਾਰਾਂ ਚ
ਝੂਠ ਕਦੇ ਸੱਚ ਨਹੀ ਹੁੰਦਾ

ਬੇਔਲਾਦੇ ਹਾਕਮਾਂ ਦੇ ਸਰੀਰ ਚ
ਲੱਗੇ ਮੈਨੂੰ ਰੱਤ ਨਹੀਂ ਹੁੰਦਾ
ਅੰਤ ਸਭ ਦਾ ਹੀ ਇਕ ਦਿਨ ਹੋ ਜਾਣਾ
ਅੱਖਾਂ ਫੇਰਿਆ ਇਸਤੋਂ ਬਚ ਨਹੀਂ ਹੁੰਦਾ

ਮੰਜਾ ਖੜ੍ਹਾ ਕਰ ਆਏ ਆ ਦਿੱਲੀ
ਹੁਣ ਥੁੱਕ ਕੇ ਸਾਡੇ ਤੋ ਚਟ ਨੀ ਹੁੰਦਾ
ਸਾਡੇ ਮਰਿਆ ਪਿੱਛੋਂ ਕਰ ਲੀ ਕਾਨੂੰਨ ਲਾਗੂ
ਪਿੱਛੇ ਸਾਡੇ ਤੋ ਹੁਣ ਭੱਜ ਨਹੀਂ ਹੁੰਦਾ

ਪਿੱਤੇ ਬਿਨਾਂ ਪੌਲ ਖੰਡੇ ਦੀ
ਧਾਰਾ ਤਿਖੀਆਂ ਤੇ ਨੱਚ ਨਹੀਂ ਹੁੰਦਾ
ਦੱਸਦੀ ਸੀ ਜਿਹਨੂੰ ਨਸ਼ੇੜੀ
ਕਿਉ ਉਹੀ ਜਵਾਨੀ ਤੋ ਹੁਣ ਬਚ ਨੀ ਹੁੰਦਾ

  • ਕੰਵਲਜੀਤ ਸਿੰਘ
  • 306

Continue Reading

ਰਚਨਾਵਾਂ ਜਨਵਰੀ 2021

ਪੰਜਾਬ ਤੋਂ ਉੱਠਿਆ ਇਨਕਲਾਬ

Published

on

poetry

ਇਹ ਨੇ ਮਿੱਤਰਾ ਸਿਆਸਤ ਤੋਂ ਪਰ੍ਹੇ ਦੀਆਂ ਗੱਲਾਂ,
ਇਹ ਤਾਂ ਮਿੱਤਰਾ ਬੰਦੇ ਖੋਟੇ ਖ਼ਰੇ ਦੀਆਂ ਗੱਲਾਂ।
ਤੂੰ ਸੁਣਿਆ ਪੜ੍ਹਿਆ ਜਾਂ ਫ਼ਿਲਮੀ ਵੇਖਿਆ ਹੋਣਾ,
ਕਿਵੇਂ ਸਮਝਾਈਏ ਤੈਨੂੰ ਸਾਗਰ ਤਰੇ ਦੀਆਂ ਗੱਲਾਂ।
ਇਹ ਇਨਕਲਾਬ ਜੋ ਪੰਜਾਬ ਤੋਂ ਹੈ ਉੱਠਿਆ,
ਇਹ ਲੋਟੂ ਨੇ ਸਰਕਾਰਾਂ ਆਮ ਸ਼ਰੇ ਦੀਆਂ ਗੱਲਾਂ।
ਵੱਖਵਾਦੀ ,ਅੱਤਵਾਦੀ ਸਾਨੂੰ ਵਿਕੇ ਜ਼ਮੀਰ ਆਖਣ,
ਇਹ ਚੈਨਲ ਅਖ਼ਬਾਰਾਂ ਬੰਦੇ ਡਰੇ ਦੀਆਂ ਗੱਲਾਂ।
ਦੁਨੀਆ ਹੈ ਕਾਇਲ ਇਨ੍ਹਾਂ ਅਣਖ਼ੀ ਸਰਦਾਰਾਂ ਦੀ,
ਯੂਕੇ ਕਨੇਡਾ ਵਿੱਚ ਹੋਣ ਵਿਰੋਧ ਕਰੇ ਦੀਆਂ ਗੱਲਾਂ।
ਟੀਸੀ ਵਾਲਾ ਬੇਰ ਜੋ ਢੱਲਾ ਮਾਰ ਸੁੱਟ ਲੈਂਦੇ ਨੇ,
ਉਹ ਕੀ ਸਿਆਣਦੇ ਇਹ ਜਿੱਤੇ ਹਰੇ ਦੀਆਂ ਗੱਲਾਂ।
ਟਵਿੱਟਰ ਨੂੰ ਟੋਚਨ ਪਾ ਘੜੀਸਿਆ ਜਵਾਨਾ ਐਸਾ,
ਫੈਸਬੁੱਕ ਤੇ ਹੋਣ ਹੁਣ ਰੰਗ ਹਰੇ ਹਰੇ ਦੀਆਂ ਗੱਲਾਂ।
ਲਾਲਪੁਰੀ ਹੱਕ ਲੈ ਕੇ ਜਾਣਾ ਇੰਝ ਨਹੀਂ ਮੁੜਦੇ,
ਦੇਖ ਹਾਕਮਾ ਇਹ ਰੋਸ ਹੈ ਜ਼ਰੇ ਜ਼ਰੇ ਦੀਆਂ ਗੱਲਾਂ।

  • ਰਵਿੰਦਰ ਸਿੰਘ ਲਾਲਪੁਰੀ
  • 305

Continue Reading

ਰਚਨਾਵਾਂ ਜਨਵਰੀ 2021

ਅਨਭੋਲ ਇਬਾਦਤ

Published

on

poetry

ਇਹ ਸਾਹ ਜੋ ਮੇਰੇ ਚਲਦੇ ਨੇ
ਜੋ ਦੀਦ ਦੇ ਦੀਵੇ ਬਲਦੇ ਨੇ
ਇਕ ਤੇਰੇ ਹੀ ਤੇ ਕਰਕੇ ਨੇ
ਤੇਰੀ ਰਹਿਮਤ ਦੇ ਹੀ ਸਦਕੇ ਨੇ
ਮੈਂ ਫੇਰ ਵੀ ਆਖਾਂ ਤੂੰ ਕੋਲ ਨਹੀਂ
ਕੋਈ ਮੇਰੇ ਜੇਹਾ ਅਨਭੋਲ ਨਹੀਂ

ਤੂੰ ਹਰ ਧੜਕਣ ਵਿਚ ਧੜਕ ਰਿਹਾ
ਤੂੰ ਅੱਖੀਆਂ ਦੇ ਵਿਚ ਫੜੱਕ ਰਿਹਾ
ਗੁਮਨਾਮੀ ਦੇ ਘੁਫ ਹਨੇਰੀਆਂ ਵਿਚ
ਤੂੰ ਬਿਜਲੀ ਵਾਂਗੂ ਕੜਾਕ ਰਿਹਾ
ਮੈਂ ਫਿਰ ਵੀ ਆਖਾਂ…..

ਸੋਚਾਂ ਨੂੰ ਤੂੰ ਪਰ ਦਿੱਤੇ
ਖਿਆਲਾਂ ਨੂੰ ਉਡਣ ਦੇ ਵਰ ਦਿੱਤੇ
ਦੁਨੀਆਂ ਦੀ ਠੋਕ੍ਹਰ ਬਣੇ ਸੀ ਜੋ
ਉਹ ਖਾਲੀ ਕਾਸੇ ਭਰ ਦਿੱਤੇ
ਮੈਂ ਫਿਰ ਵੀ ਆਖਾਂ…..

  • ਕਿਰਪਾਲ ਸਿੰਘ
  • 304

Continue Reading

ਰੁਝਾਨ


Copyright by IK Soch News powered by InstantWebsites.ca