We are terrorists- Seema Gill | Online Punjabi Poetry Competition 
Connect with us apnews@iksoch.com

ਰਚਨਾਵਾਂ ਜਨਵਰੀ 2021

ਅਸੀਂ ਅੱਤਵਾਦੀ ਹਾਂ

Published

on

ik soch poetry

ਸੁਣ ਸਰਕਾਰੇ ਨੀਂ,
ਤੇਰੇ ਚੱਲਣੇ ਨਾ ਲਾਰੇ ਨੀਂ,
ਮੀਂਹ ਵਿੱਚ,ਠੰਡ ਵਿੱਚ,ਸੜਕਾਂ ਤੇ ਮਰਦੇ ਆਂ,
ਹੱਕਾਂ ਲਈ ਲੜਦੇ,
ਤੈਨੂੰ ਦਿਸੇ ਨਾ ਵਿਚਾਰੇ ਨੀਂ,
ਤੂੰ ਸ਼ਹੀਦ ਕਰੇ ਜਿਹਨਾਂ ਨੂੰ,
ਅਸੀਂ ਉਹ ਹੀ ਇਨਕਲਾਬੀ ਹਾਂ,
ਸਾਥੋਂ ਬਚ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ,
ਸਾਥੋਂ ਡਰ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ

ਜ਼ੋਰ,ਜ਼ਬਰ ਤੇ ਜ਼ੁਲਮ ਹਮੇਸ਼ਾ ਰਿਹਾ ਸਾਡੇ ਨਾਲ ਲੜਦਾ,
ਪਰ ਹੱਕ,ਸੱਚ ਤੇ ਇੱਜ਼ਤਾਂ ਪਿੱਛੇ ਰਹੇ ਖਾਲਸਾ ਖੜੵਦਾ,
ਤੇਰੀ ਸਾਡੀ ਬਣਦੀ ਨਹੀਂਓ,
ਅਸੀਂ ਏਸੇ ਲਈ ਵੱਖਵਾਦੀ ਹਾਂ,
ਸਾਥੋਂ ਬਚ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ,
ਸਾਥੋਂ ਡਰ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ

ਕਈ ਸੂਰਮੇ ਬਲੀ ਤੂੰ ਚਾੜੇ,ਕਰਕੇ ਰਾਜਨੀਤੀ,
ਵੇਖ ਉਹਨਾਂ ਦੇ ਘਰਾਂ ਚ’ ਜਾ ਕੇ,
ਕੀ ਪਰਿਵਾਰਾਂ ਦੇ ਨਾਲ ਬੀਤੀ,
ਕਿਸੇ ਕਦੇ ਵੀ ਸਾਰ ਲਈ ਨਾ,
ਕਿਸੇ ਸਿਰ ਤੇ ਹੱਥ ਨਾ ਧਰਿਆ,
ਮਾਵਾਂ-ਬਾਪੂ ਰੋਣ ਪੁੱਤਾਂ ਨੂੰ,
ਤੁਸੀਂ ਆਪਣਾ ਹੀ ਢਿੱਡ ਭਰਿਆ,
ਭੁੱਖੇ ਰਹਿ ਕੇ ਜ਼ਮੀਰ ਨੇ ਜਿੰਦਾ,
ਏਸੇ ਦੇ ਹੋ ਗਏ ਆਦੀ ਹਾਂ,
ਸਾਥੋਂ ਬਚ ਕੇ ਰਹਿ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ,
ਸਾਥੋਂ ਡਰ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ

ਹਰ ਸਾਲ ਤੂੰ ਵੋਟਾਂ ਮੰਗੇ,
ਗੁੰਡੇ ਬਣਾਏ ਲੀਡਰ ਚੰਗੇ,
ਉਹਨਾਂ ਦੇ ਕੰਮਾਂ ਤੇ ਪਾ ਕੇ ਪਰਦੇ,
ਭੋਲੇ ਲੋਕ ਨੇ ਸੂਲੀ ਟੰਗੇ,
ਟੈਕਸਾਂ ਨੇ ਪਈ ਜਾਨ ਹੈ ਕੱਢੀ,
ਕੋਈ ਚੀਜ਼ ਨਾ ਟੈਕਸ ਫ੍ਰੀ ਛੱਡੀ,
ਤੁਸੀਂ ਰਾਜ ਬਣਾਇਆ ਐਸ਼ ਦਾ ਜ਼ਰੀਆ,
ਦਿਲ,ਦਿਮਾਗ ਚ’ ਕਿਉਂ ਗੰਦਗੀ ਭਰੀ ਆ,
ਚਿੱਟੇ,ਖਾਕੀ ਕੱਪੜੇ ਪਾ ਕੇ ਕਹੋਂ ਅਸੀ ਸੱਤਵਾਦੀ ਹਾਂ,
ਸਾਥੋਂ ਬਚ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ,
ਸਾਥੋਂ ਡਰ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ

ਕਰਨਾ ਖਤਮ ਪੰਜਾਬ ਹੋ ਚਾਹੁੰਦੇ,
ਕਦੇ ਨਸ਼ੇ,ਕਦੇ ਆਪਸ ਚ’ ਲੜਾਉਂਦੇ,
ਜਿਹੜਾ ਤੁਹਾਡਾ ਗੁਲਾਮ ਨਹੀਂ ਬਣਦਾ,
ਉਸ ਤੇ ਬੜਾ ਤਸ਼ੱਦਦ ਢਾਉਂਦੇ,
ਜਿਸ ਤੋਂ ਤੁਹਾਨੂੰ ਡਰ ਹੈ ਲਗਦਾ,
ਝੂਠੇ ਪਰਚੇ ਪਾ ਦਿੰਦੇ ਹੋ,
ਬਾਹਰ ਰਹਿਣ ਤਾਂ ਤੁਹਾਨੂੰ ਜਾਨ ਦਾ ਖਤਰਾ,
ਜੇਲ੍ਹਾਂ ਵਿੱਚ ਪੁਚਾ ਦਿੰਦੇ ਹੋ,
ਧਮਕੀਆਂ ਫਿਰ ਹੋ ਗੁਪਤ ਦਵਾਉਂਦੇ,
ਪਰਿਵਾਰਾਂ ਨੂੰ ਘਰੋਂ ਚਕਾਉਂਦੇ,
ਡਰਦੇ ਨਾ ਫਿਰ ਵੀ ਥੋਡੇ ਤੋਂ,
ਇਹੀ ਤੁਹਾਡੀ ਬਰਬਾਦੀ ਆ,
ਸਾਥੋਂ ਬਚ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ,
ਸਾਥੋਂ ਡਰ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ

ਕੋਰਟਾਂ,ਜੇਲ੍ਹਾਂ,ਅਫ਼ਸਰ ਤੁਹਾਡੇ,
ਹਰ ਰੋਜ਼ ਨੇ ਪਿਸਦੇ ਲੋਕ ਇਹ ਸਾਡੇ,
ਰਿਸ਼ਵਤ ਖੋਰੀ ਵਧਦੀ ਜਾਵੇ,
ਸਭਕੁਝ ਰਲ ਸਰਕਾਰ ਕਰਾਵੇ,
ਜਦੋਂ ਪਤਾ ਲੱਗੇ ਤਾਂ ਮੁਕਰ ਜਾਵੇ,
ਸਾਰਾ ਇਲਜ਼ਾਮ ਅਫਸਰਾਂ ਤੇ ਲਗਾਵੇ,
ਫਿਰ 5-7 ਦਿਨ ਦਾ ਡਰਾਮਾ ਕਰਦੇ,
ਸਸਪੈਂਡ ਕਰਕੇ ਬਹਾਲ ਹੋ ਕਰਦੇ,
ਤਨਖਾਹਾਂ ਦੱਸੋ ਕਾਹਦੀਆਂ ਲੈਂਦੇ,
ਲੋਕਾਂ ਨੂੰ ਤੁਸੀਂ ਭੱਜ-ਭੱਜ ਪੈਂਦੇ,
ਅਸੀਂ ਅੱਤ ਹੀ ਹਾਂ ਕਰਾਉਂਦੇ ਸਦਾ,
ਹਾਲੇ 2% ਆਬਾਦੀ ਹਾਂ,
ਸਾਥੋਂ ਬਚ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ,
ਸਾਥੋਂ ਡਰ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ

ਠੰਡ ਵਿੱਚ ਮਰਦੇ,ਲੰਗਰ ਲਾਉਂਦੇ,
ਕਤਲ,ਰੇਪ ਨਾ ਲੁੱਟਾਂ ਖੋਹਾਂ
ਪਰ ਅੱਤਵਾਦੀ ਹਾਂ ਅਸੀਂ ਕਹਾਉਂਦੇ,
ਰੋਜ਼ ਪੰਜਾਬ ਨੂੰ ਆਉਂਦੀਆਂ ਲਾਸ਼ਾਂ,
ਸਰਕਾਰ ਕਹੇ ਪਿਕਨਿਕ ਮਨਾਉਂਦੇ,
ਇਹ ਅੱਤਵਾਦ ਹੈ ਕੈਸਾ ਲੋਕੋ,
ਜਿੰਨੇ ਗੁਲਾਮ ਹੋਣ ਤੋਂ ਰੋਕ ਲਿਆ,
ਭੁੱਖੇ ਮਰਨ ਤੋਂ ਪਹਿਲਾਂ ਸਾਨੂੰ,
ਦੇ-ਦੇ ਦਿੱਤੀ ਆਜ਼ਾਦੀ ਆ,
ਸਾਥੋਂ ਬਚ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ,
ਸਾਥੋਂ ਡਰ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ

ਆਓ ਮਿਲਕੇ ਆਵਾਜ਼ ਉਠਾਈਏ,
ਇਸ ਸਿਸਟਮ ਨੂੰ ਜੜੋਂ ਮਿਟਾਈਏ,
ਬਣਾਈਏ ਕੋਈ ਸਰਕਾਰ ਹੁਣ ਢੰਗ ਦੀ,
ਜਨਤਾ ਹੁਣ ਇਨਸਾਫ ਹੈ ਮੰਗਦੀ,
ਬੰਦ ਕਰੋ ਇਹ ਗੁੰਡਾਗਰਦੀ,
ਇਹ ਤਾਂ ਆਪਣਾ ਹੀ ਢਿੱਡ ਭਰਦੀ,
ਵੋਟਾਂ ਸੋਚ ਸਮਝ ਕੇ ਪਾਈਏ,
ਤਰੱਕੀ ਵੱਲ ਪੰਜਾਬ ਲਿਜਾਈਏ,
ਜੋ ਜਨਤਾ ਦੇ ਪੱਖ ਵਿੱਚ ਬੋਲੇ,
ਦੌਲਤਾਂ ਵੇਖ ਕਦੇ ਨਾ ਡੋਲੇ,
ਅਸੀਂ ਓਹਦੇ ਹੀ ਪੱਖਵਾਦੀ ਹਾਂ,
ਸਾਥੋਂ ਬਚ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ,
ਸਾਥੋਂ ਡਰ ਸਰਕਾਰੇ ਨੀਂ,ਅਸੀਂ ਅੱਤਵਾਦੀ ਹਾਂ

  • ਸੀਮਾ ਗਿੱਲ
  • 4

Continue Reading
Click to comment

Leave a Reply

Your email address will not be published. Required fields are marked *

ਰਚਨਾਵਾਂ ਜਨਵਰੀ 2021

“ਤੀਆਂ ਤੀਜ ਦੀਆਂ”

Published

on

1.ਕਰਾਂ ਪੁਰਾਣੀਆਂ ਸਹੇਲੀਆਂ ਨੂੰ ਮੈਂ ਫੋਨ ਚੰਨਣਾ,
ਗਿੱਧੇ ਅਤੇ ਬੋਲੀਆਂ ਦਾ ਰੰਗ ਬੰਨਣਾ,
ਫੁੱਲਕਾਰੀ,ਸੱਗੀਫੁੱਲ ਦਾ ਸਿੰਗਾਰ ਕਰਕੇ,
ਅਸੀਂ ਮਹਿੰਦੀਆਂ ਲਗਾਉਣੀਆਂ ਵੇ ਰੀਝ ਦੀਆਂ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

2.ਪੁਰਾਣੀਆਂ ਸਹੇਲੀਆਂ ਨਾਲ ਮੇਲ ਹੋਣਾ ਏ ,
ਕਿੱਕ ਲਿੱਕ ਲੀਰ ਦਾ ਵੀ ਖੇਲ ਹੋਣਾ ਏ,
ਉਨਾਂ ਨਾਲ ਪੀਂਘ ਦਾ ਹੁਲਾਰਾ ਲੈਣਾ ਏ,
ਜੋ ਸਹੇਲੀਆਂ ਸੀ ਮੇਰੇ ਵੀ ਕਰੀਬ ਦੀਆਂ ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

3.ਕੁੱਝ ਸੱਜ ਵਿਆਹੀਆਂ ਪੇਕੇ ਘਰ ਆਉਣੀਆਂ,
ਉੱਥੇ ਸੱਸਾਂ ਦੀਆਂ ਗੱਲਾਂ ਤਾਂ ਜਰੂਰ ਹੋਣੀਆਂ,
ਹਾਰ, ਟੋਪਸ, ਕਾਂਟਿਆਂ ਦਾ ਭਾਅ ਪੁੱਛਣਾ,
ਗੱਲਾਂ ਹੋਣੀਆਂ ਵੇ ਸੂਟਾਂ ਤੇ ਕਮੀਜ ਦੀਆਂ,
ਅੱਜ ਮੈਨੂੰ ਮਾਹੀਆ ਵੇ ਪੇਕੇ ਜਾਣ ਦੇ,
ਓਥੇ ਹੀ ਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

4.ਬੱਲੋ ਵਾਲੇ ਦਿਨ ਪੂਰਾ ਗਾਹ ਪਾਉਣਾ ਏ,
ਫਿਰ ਚੰਨਾ ਅਸੀਂ ਸਹੁਰਿਆਂ ਦੇ ਰਾਹ ਆਉਣਾ ਏ,
ਜਿਹਨੂੰ ਮਾਪਿਆਂ ਦੇ ਜੈਸੇ ਸਹੁਰੇ ਘਰ ਮਿਲਦੇ,
‘ਹੈਪੀ ਗੱਲਾਂ ਵੇ ਤਾਂ ਸਾਰੀਆਂ ਨਸੀਬ ਦੀਆਂ ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ

  • ਹਰਵਿੰਦਰ ਸਿੰਘ
  • 250

Continue Reading

ਰਚਨਾਵਾਂ ਜਨਵਰੀ 2021

ਰਿਸ਼ਤੇ

Published

on

ਇੱਕ ਵਾਰੀ ਜੇ ਟੁੱਟ ਜਾਵੇ ਕੁਝ,
ਗੱਲ ਪਹਿਲਾਂ ਵਾਲੀ ਰਹਿੰਦੀ ਨਹੀਂ ਏ ¡
ਸ਼ੱਕ ਵਾਲੀ ਜੇ ਕੰਧ ਖੜ੍ਹ ਜਾਵੇ,
ਸੌਖੀ ਸੱਜਣਾ ਢਹਿੰਦੀ ਨਹੀਂ ਏ !
ਦਿਲ ਦੇ ਵੇਹੜੇ ਤੰਗ ਹੋ ਜਾਵਣ
ਸਾਂਝ ਦੀ ਮੰਜੀ ਡਹਿੰਦੀ ਨਹੀਂ ਏ !

ਮਾਂ ਜਦ ਤੱਕ ਨਾਂ ਲੋਰੀ ਗਾਵੇ,
ਨੈਣੀਂ ਨੀਂਦਰ ਪੈਂਦੀ ਨਹੀਂ ਏ !
ਮਾਂ ਦੇ ਜਿੰਨੀਆਂ ਪੀੜਾਂ ਜੱਗ ਤੇ,
ਹੋਰ ਜਾਤ ਕੋਈ ਸਹਿੰਦੀ ਨਹੀਂ ਏ !
ਮਾਂ ਪਿਓ ਦੀ ਅਸੀਸ ਨਾਂ ਹੋਵੇ,
ਖੁਸ਼ੀ ਵੀ ਬੂਹੇ ਬਹਿੰਦੀ ਨਹੀਂ ਏ !

ਹਾਣ ਨਈਂ ਮਿਲਿਆ, ਸੰਜੋਗ ਸਮਝ,
ਜੇ ਧੀ ਰਾਣੀ ਕੁਝ ਕਹਿੰਦੀ ਨਹੀਂ ਏ !
ਚਾਅ ਨਿਚੋੜ ਜੋ ਹੱਥੀਂ ਲਾਈ,
ਖੂਨ ਏ “ਮਾਣਕ “ਮਹਿੰਦੀ ਨਹੀਂ ਏ,

ਲੱਗੇ ਜੇ ਮੱਥੇ,ਬਦਨਾਮੀ ਕਾਲਖ,
ਪੀੜ੍ਹੀਆਂ ਤਾਈਂ ਲਹਿੰਦੀ ਨਹੀਂ ਏ !
ਔਰਤ ਜਾਂ ਸ਼ੀਸ਼ਾ,ਝਰੀਟ ਖਾ ਜਾਵੇ
ਦੁਨੀਆਂ ਸੱਜਣਾ ਲੈਂਦੀ ਨਹੀਂ ਏ !

  • ਰਾਜੇਸ਼ ਮਾਣਕ
  • 249

Continue Reading

ਰਚਨਾਵਾਂ ਜਨਵਰੀ 2021

ਕਿਸਾਨ ਅੰਦੋਲਨ

Published

on

ਨੀ ਮੈਂ ਬੋਲਦਾ ਪੰਜਾਬ ਅੱਜ ਰੰਡੀਏ ਸੁਣੀੰ,
ਗੱਲ ਦਿੱਲੀਏ ਦਲਾਲਾਂ ਦੀਏ ਮੰਡੀਏ ਸੁਣੀਂ,
ਬਾਰਾਂ ਤਾਲ਼ੀਏ ਸੁਣੀਂ ਨੀ ਸੁਣੀਂ ਗੰਦੀਏ ਸੁਣੀਂ,
ਤੇਰੇ ਚੰਦਰੇ ਸੁਭਾਅ ਚੋੰ ਗਦਾਰੀ ਨੀ ਗਈ।
ਤੇਰੇ ਖੂਨ ਚੋਂ ਕਦੇ ਨੰਗਪੁਣਾ ਨੀ ਗਿਆ,
ਮੇਰੇ ਲਹੂ ਚੋਂ ਕਦੇ ਵੀ ਸਰਦਾਰੀ ਨੀ ਗਈ।
ਤੇਰੇ ਖੂਨ ਚੋਂ …
1.
ਗੱਲਾਂ ਮੂੰਹ ਦੇ ਉੱਤੇ ਮਿੱਠੀਆਂ ਤੂੰ ਲੱਖ ਰੱਖਦੀ।
ਨੀਤੀ ਮੇਰੇ ਬਾਰੇ ਸਾਰਿਆਂ ਤੋਂ ਵੱਖ ਰੱਖਦੀ।
ਮੇਰੇ ਗੀਝੇ ਤੇ ਹਮੇਸ਼ਾਂ ਨੀ ਤੂੰ ਅੱਖ ਰੱਖਦੀ,
ਕਦੇ ਤੇਰੇ ਖੋਟੇ ਮਨ ਚੋਂ ਮਕਾਰੀ ਨੀ ਗਈ।
ਤੇਰੇ ਖੂਨ ਚੋਂ ….
2.
ਮੂਹਰੇ ਹੋ ਕੇ ਸਾਰੇ ਜਾਬਰਾਂ ਨੂੰ ਡੱਕ ਲੈਣ ਲਈ।
ਪੈਦਾ ਹੋਇਆ ਮਜ਼ਲੂਮਾਂ ਦਾ ਮੈਂ ਪੱਖ ਲੈਣ ਲਈ।
ਰਿਹਾ ਅੜਦਾ ਹਮੇਸ਼ਾ ਨੀ ਮੈਂ ਹੱਕ ਲੈਣ ਲਈ,
ਮੇਰੀ ਜਿੱਤ ਕੇ ਮੁੜਨ ਦੀ ਗਰਾਰੀ ਨੀ ਗਈ।
ਤੇਰੇ ਖੂਨ ਚੋਂ ….
3.
ਮੇਰਾ ਵੇਖ ਇੱਕ ਵਾਰੀ ਇਤਹਾਸ ਪੜ੍ਹ ਕੇ।
ਦੇਵਾਂ ਸੋਧ ਅਰਦਾਸਾ ਅਰਦਾਸ ਪੜ੍ਹਕੇ।
ਅੱਖਾਂ ਮੇਰੀਆਂ ਚ ਵੇਖ ਵਿਸ਼ਵਾਸ ਪੜ੍ਹ ਕੇ,
ਕਦੇ ਮੇਰੇ ਚੋਂ ਅਣਖ ਦੀ ਖੁਮਾਰੀ ਨੀ ਗਈ।
ਤੇਰੇ ਖੂਨ ਚੋਂ ……
4.
ਮੇਰੇ ਬੱਚਿਆਂ ਦੇ ਹੱਥੋਂ ਰੋਟੀ ਖੋਹਣ ਨੂੰ ਫਿਰੇਂ।
ਮੇਰੇ ਮਾਲਕ ਮੁਰੱਬਿਆਂ ਦੀ ਹੋਣ ਨੂੰ ਫਿਰੇਂ।
ਕੰਡਿਆਰੇ ਸਾਹਮਣੇ ਤੂੰ ਜੁੱਸਾ ਜੋਹਣ ਨੂੰ ਫਿਰੇੰ,
ਮੇਰੇ ਹੱਥੋਂ ਹਾਰ ਜਾਣ ਦੀ ਬਿਮਾਰੀ ਨੀ ਗਈ।
ਤੇਰੇ ਖੂਨ ਚੋਂ …..

  • ਕੁਲਦੀਪ ਸਿੰਘ
  • 248

Continue Reading

ਰੁਝਾਨ


Copyright by IK Soch News powered by InstantWebsites.ca