Latest Punjabi Poetry | Punjabi Poetry Competition 2020
Connect with us [email protected]

ਰਚਨਾਵਾਂ ਨਵੰਬਰ 2020

ਇੱਕ ਮਾਂ ਨੂੰ ਧੀ ਅਪਣੀ

Published

on

punjabi poetry

ਇੱਕ ਮਾਂ ਨੂੰ ਮੈਂ ਧੀਂ ਅਪਣੀ ਲੱਗੀ ਚੰਗੀ ਨਈਂ ਵੇਖੀ ,
ਧੀ ਦੇ ਵਿਧਵਾ ਹੋਵਣ ਤੇ ਮੈਂ ਮਾਂ ਪਈ ਮੰਜੀ ਨਈ ਵੇਖੀ ,

ਦਾਦੀ , ਤੇਰਾ ਆਲਾ ਸਮਾ ਤਾਂ ਕਲੀਕਾਲ ਨੇ ਦੱਬ ਲਿਐ
ਹੁਣ ਦੀ ਤੀਵੀ ਜਾਤ ਨੂੰ ਸਹੁਰੇ ਔਖਿਆਈ, ਤੰਗੀ ਨਈ ਵੇਖੀ ,

ਮਾਪਿਆ ਦੇ ਹੁਕਮ ਦੀ , ਭਲਾਂ ਸਿਰਧਰਨਾ ਕੌਣ ਕਰੇ
ਮੈਂ ਮੱਤ ਵਰਤਮਾਨ ਨਸਲ ਦੇ ਖੋਪੜ ਚੋ ‘ ਲੰਘੀ ਨਈ ਵੇਖੀ ,

ਅਭਿਮਾਨੀ ਨਾ ਬਣ ਸਿਰਜਕੇ ਏਹ ਗਜ਼ਲ਼ਾ , ਕਵਿਤਾ , ਗੀਤਾ ਨੂੰ
ਅਜੇ ਤੂੰ ਅਪਣੀ ਹੀ ਕਲਮ ਹੋਈ ਹੋਰਾ ਜਿਵ ਅੰਨੀ ਨਈ ਵੇਖੀ ,

ਗੈਰਾਂ , ਦੀਆ ਔਰਤਾਵਾਂ ਤੇ ਨਿਗਾਹਾਂ ਰੱਖਦੈ ਗੰਦ ਮੰਦਲੀਆ
ਏਹ ਅੱਖ ਤੇਰੀ ਦੀਆ ਪੁਤਲੀਆ,ਹਲੇ ਤੇਰੀ ਧੀਂ ਜੰਮੀ ਨਈ ਵੇਖੀ ,

ਗੀਤ ਦੇ ਵਿੱਚੋ ਗੀਤ ਨੂੰ ਨਿਕਲੇ ਬੜਾ ਖੁਸ਼ ਹੁੰਦੇ ਨੇ ਸੁਣ ਕੇ ,ਪਰ
ਖਿੜੇ ਮੱਥੇ ਕਿਸੇ ਦੀ ਧੀ ਨੇ,ਕਿਸੇ ਦੀ ਧੀ ਦੀ ਧੀ ਜੰਮੀ ਨਈ ਵੇਖੀ ,

ਇੱਕ ਮਾਂ ਨੂੰ ਮੈਂ ਧੀਂ ਅਪਣੀ ਲੱਗੀ ਚੰਗੀ ਨਈਂ ਵੇਖੀ ,
ਧੀ ਦੇ ਵਿਧਵਾ ਹੋਵਣ ਤੇ ਮੈਂ ਮਾਂ ਪਈ ਮੰਜੀ ਨਈ ਵੇਖੀ ,
-ਸੰਧੂ ਫਤਿਹਪੁਰੀਆ

ਰਚਨਾਵਾਂ ਨਵੰਬਰ 2020

ਸੋਹਬਤ

Published

on

ik soch muqabla

ਸੋਹਬਤ ਹੋਈ ‘ਗਾਂਧੀ’ ਨੂੰ ਤੇਰੀ
ਦੁਆਵਾਂ ‘ਚ ਰੱਬ ਤੋਂ ਰੱਬ ਮੰਗਣ ਤੇ

ਜੁੜ ਜਾਂਦੇ ਨੇ ਅੱਖਰ ਕੁਝ
ਵੀਹੀ ਚੋਂ ਤੇਰੇ ਨੀਂਵੀ ਪਾ ਲੰਘਣ ਤੇ

ਮੈਂ ਅਰਜ ਕਰਦਾ, ਕੀ ਸਮਝਾਂ?
ਤੇਰੇ ਇਰਸ਼ਾਦ ਕਹਿਕੇ ਸੰਗਣ ਤੇ

ਚਿੱਤ ਖੁਸ਼ ਹੋਣਾ ਤਾਂ ਬਣਦਾ ਏ
ਜੇ ਵਾਰ ਵਾਰ ਛੇੜਕੇ ਸੱਜਣ ਖੰਗਣ ਤੇ

ਕੁਦਰਤ ਫਿੱਕੀ ਪੈ ਜਾਂਦੀ ਏ
ਤੱਕ ਮੈਨੂੰ, ਤੇਰੇ ਮਿੰਨਾ ਮਿੰਨਾ ਹੱਸਣ ਤੇ

ਫਿਦਾ ਕਿਵੇਂ ਨਾ ਹੁੰਦਾ ਦੱਸ ਗਾਂਧੀ?
ਅੱਖਾਂ, ਬੁੱਲ, ਕੋਕਾ ਤੇ ਤੇਰੇ ਕੰਗਣ ਤੇ

ਮਿੱਠਾ ਮਿੱਠਾ ਲੱਗਣ ਲੱਗਦੈ ਸਭ
ਲਾ-ਇਲਾਜ ਇਸ਼ਕ ਸੱਪ ਦੇ ਡੰਗਣ ਤੇ

-ਹਰਪ੍ਰੀਤ

Continue Reading

ਰਚਨਾਵਾਂ ਨਵੰਬਰ 2020

ਕਵਿਤਾ-ਮਿੱਠੇ ਮਿੱਠੇ ਚਸ਼ਮੇ

Published

on

ik soch poetry

ਸਾਹਾਂ ਦੀ ਪੰਗਡੰਡੀਆ ਤੇ
ਤੁਰਦਾ ਰਹੇਗਾ ਨਾਮ ਤੇਰਾ
ਹਵਾਂ ਵਿਚ ਲਰਜ਼ਦਾ ਰਹਿਣਾ
ਪਿਆਰ ਤੇਰਾ
ਦਿਲ ਦੀ ਸਰਦਲ ਜ਼ਮੀਨ ਤੇ
ਵੱਧਦਾ ਫੁੱਲਦਾ ਰਹੇਗਾ
ਪਿਆਰ ਤੇਰੇ ਦਾ ਬੂਟਾ

ਕੱਜਲ ਤੇਰਿਆਂ ਨੈਣਾਂ ਦਾ
ਡੰਗ ਦਾ ਰਹੇਗਾ ਜੋਗੀਆਂ ਨੂੰ
ਜ਼ੁਲਫ਼ਾਂ ਤੇਰੀਆਂ ਚ
ਉਲ਼ਝੇ ਰਹਿਣਗੇ ਰਾਹੀਂ
ਪੈੜਾਂ ਤੇਰੀਆਂ ਚੋਂ
ਉਗਦੇ ਰਹਿਣਗੇ ਫੁੱਲ ਗੁਲਾਬਾ ਦੇ
ਤੇਰੇ ਹਾਸੇ ਅੱਗੇ
ਝੁਕਦੇ ਰਹਿਣਗੇ ਸਿਰ ਸਾਜ਼ਾਂ ਦੇ

ਤੇਰਿਆਂ ਬੁੱਲਾਂ ਚੋਂ ਫੁੱਟਦੇ ਰਹਿਣੇ
ਮਿੱਠੇ ਮਿੱਠੇ ਚਸ਼ਮੇ
ਤੈਨੂੰ ਵੇਖਣ ਲਈ ਅੱਖ ਖੁੱਲਦੀ ਰਹਿਣੀ
ਸੁੰਨ ਸੁਮਾਧਾ ਦੀ
ਤੈਨੂੰ ਪਾਵਣ ਲੲੀ ਠੋਕਰ
ਵੱਜਦੀ ਰਹਿਣੀ ਤਾਜ਼ਾ ਨੂੰ
ਤੇਰੇ ਬਾਰੇ ਲਿਖਣ ਲੲੀ
ਕਲਮਾਂ ਚੁੱਕਣੀਆਂ ਬੜੇ ਹੀ ( ਗੁਰਪ੍ਰੀਤਾ ) ਨੇ
ਪਰ ਤੇਰੇ ਅੱਗੇ ਨਿਕੜੇ ਪੈਣਾ
ਇਹਨਾਂ ਵੱਡਿਆਂ ਵੱਡਿਆ ਅਲਫਾਜਾਂ ਨੇ

-ਗੁਰਪ੍ਰੀਤ ਕਸਬਾ

Continue Reading

ਰਚਨਾਵਾਂ ਨਵੰਬਰ 2020

ਮਿੱਟੀ ਦੀ ਡਲੀ

Published

on

ik soch muqabla

ਮੈਂ ਮਿੱਟੀ ਦੀ ਡਲੀ ਮੀਂਹ ਦੀ ਕਿਣ-ਮਿਣ “ਚ” ਮੱਠੀ-ਮੱਠੀ ਖਸ਼ਬੋ ਪਈ ਵੰਡਦੀ ਹਾਂ, ਕਿਤੇ ਪਏ ਬੀਜ ਨੂੰ ਪੁੰਗਰਨ ਦਾ ਗੁਰ- ਪਈ ਦੱਸਦੀ ਹਾਂ,
ਮੈਂ ਮਿੱਟੀ ਦੀ ਡਲੀ ਭਾਰੀ ਭਰਕਮ ਚਮ ਦੇ ਬੂਟਾਂ ਥੱਲਿਉਂ ਵੀ ਮੁਸਕਰਾ ਪੈਨੀ ਹਾਂ,
ਮੈਂ ਕਦੀ ਸੌਂਗ ਨਹੀ ਮਨਾਉਂਦੀ…..
ਕਿਉ ਕਿ.. ਮੈਂ ਤਾਂ ਹਾਂ, ਮਿੱਟੀ ਦੀ ਡਲੀ,
ਮੈਂ ਤਾਂ ਹਾਂ ਮਿੱਟੀ ਦੀ ਡਲੀ!
-ਹਰਮਨਪ੍ਰੀਤ ਸਿੰਘ

Continue Reading

ਰੁਝਾਨ