Kisaani Sangarsh- Harjeet Singh | Online Poetry Competition
Connect with us apnews@iksoch.com

ਰਚਨਾਵਾਂ ਜਨਵਰੀ 2021

ਕਿਸਾਨੀ ਸੰਘਰਸ਼

Published

on

latest punjabi poetry

ਅੱਜ ਰੋ ਰਿਹਾਂ, ਕੁਰਲਾ ਰਿਹਾਂ,
ਹੋਂਦ ਆਪਣੀ ਬਚਾਉਣ ਨੂੰ, ਕਿਉਂ ਤਰਲੇ ਤੇਰੇ ਪਾ ਰਿਹਾਂ,
ਖੌਰੇ ਕੀ ਗੁਨਾਹ ਮੇਰੇ, ਜਿੰਨਾਂ ਦੀ ਭੁੱਲ ਬਖਸ਼ਾ ਰਿਹਾਂ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ , ਮੈਂ ਬੋਲਦਾ ………..

ਤਾਜ ਤੇਰੇ ਸਦੀਆਂ ਤੋਂ ,ਮੰਗਦੇ ਆਏ ਕੁਰਬਾਨੀਆਂ,
ਗੁਰੂਆਂ ਤੇਰੀ ਰੱਖਿਆ ਕੀਤੀ, ਦੇ ਦੇ ਕੇ ਜਿੰਦਗਾਨੀਆਂ,
ਪਰ ਤੂੰ ਤਾਂ ਭੁੱਲੀ ਬੈਠੀਂ ਏ, ਇਹੀ ਯਾਦ ਕਰਵਾ ਰਿਹਾਂ ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਗੱਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ…….
ਤਾਜ ਤੇਰਾ ਬਚਾਉਣ ਲਈ, ਮੈਂ ਚਟਾਨ ਵਾਂਗਰਾਂ ਖੜ ਗਿਆ,
ਹਰ ਵਾਰ ਤੇਰੇ ਹਿੱਸੇ ਦਾ, ਸੀਨੇ ਉੱਤੇ ਜਰ ਗਿਆ,
ਇਹੀ ਤਾਜ ਕਿਉਂ ਮੌਤ ਮੇਰੀ ਦਾ, ਨਸੂਰ ਬਣਦਾ ਜਾ ਰਿਹਾ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ………
ਭਗਤ ਸਰਾਭੇ ਵਰਗੇ ਲੱਖਾਂ, ਪਤਾ ਨੀ ਕੀ ਕੀ ਜਰ ਗਏ,
ਰਾਜ ਤੇਰਾ ਬਚਾਉਣ ਲਈ, ਹੱਸ ਹੱਸ ਫਾਂਸੀ ਚੜ ਗਏ,
ਹੁਣ ਇਹੀ ਰਾਜ ਕਿਉਂ ਮੌਤ ਮੇਰੀ ਦਾ ਸਾਮਾਨ ਬਣਦਾ ਜਾ ਰਿਹਾ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ……
ਮੇਰੇ ਸੂਰਬੀਰਾਂ ਕੀਤੀ, ਸਦਾ ਤਾਜ ਤੇਰੇ ਦੀ ਰੱਖਿਆ,
ਪਰ ਤੂੰ ਸਦਾ ਹੀ ਮੈਨੂੰ ਤਾਂ, ਪੈਰਾਂ ਦੇ ਵਿੱਚ ਰੱਖਿਆ,
ਖਤਰਾ ਆਪਣੀ ਹੋਂਦ ਦਾ, ਤੈਨੂੰ ਅੰਦਰੋਂ ਖਾ ਰਿਹਾ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ……..
ਹੱਕ ਸੱਚ ਦੀ ਕਿਰਤ ਕਮਾਈ, ਗੁਰੂ ਨੇ ਮੇਰੇ ਸਿਖਾ ਗਏ,
ਸਵਾ ਸਵਾ ਲੱਖ ਨਾਲ, ਇਕੱਲਾ ਇਕੱਲਾ ਲੜਾ ਗਏ,
ਵਾਰ ਮੈਂ ਪਹਿਲਾਂ ਕਰਦਾ ਨੀ, ਇਹੀ ਹਾਂ ਸਮਝਾ ਰਿਹਾਂ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ…….
ਮਿੱਟੀ ਨਾਲ ਮਿੱਟੀ ਹੋ ਕੇ ਮੈਂ, ਢਿੱਡ ਹਾਂ ਤੇਰਾ ਭਰ ਰਿਹਾਂ,
ਪਰ ਤੂੰ ਤਾਂ ਕਦੇ ਪੁੱਛਿਆ ਨੀ, ਜਿਉਂਦਾ ਹਾਂ ਜਾਂ ਮਰ ਰਿਹਾਂ,
ਮਾਣ ਕਦੇ ਕੀਤਾ ਨੀ, ਮੈਂ ਤਾਂ ਆਪਣਾ ਕਰਮ ਕਮਾਂ ਰਿਹਾਂ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ ……..
ਕੁਝ ਮੰਨਿਆ ਮੇਰੇ ਆਪਣੇ, ਜੋ ਨੇ ਧੋਖਾ ਦੇ ਰਹੇ,
ਚਾਲਾਂ ਤੇਰੀਆਂ ਮੌਤ ਵਰਗੀਆਂ, ਸਾਥ ਤੇਰਾ ਦੇ ਰਹੇ,
ਵਾਰ- ਵਾਰ ਵੰਡਿਆ ਮੈਂ, ਸਾਇਦ ਤਾਂ ਹੀ ਜਾ ਰਿਹਾਂ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ……..

ਵੰਡ ਸੰਤਾਲੀ ਫੇਰ ਚੁਰਾਸੀ, ਪਤਾ ਨੀ ਕੀ ਕੀ ਜਰ ਗਿਆ,
ਦੁਨੀਆਂ ਸੋਚੀ ਬੈਠੀ ਸੀ, ਮੈਂ ਮਰ ਗਿਆ ਮੈਂ ਮਰ ਗਿਆ,
ਥਾਪੜਾ ਗੁਰੂਆਂ ਪੀਰਾਂ ਦਾ, ਜੋ ਬੇੜਾ ਪਾਰ ਲਗਾ ਰਿਹਾ,
ਤਖਤਾਂ ਦੇ ਮਾਲਕੋ ਸੁਣ
ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ।
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ…..
ਦਾਸਤਾਂ ਲੰਬੀ ਬੜੀ ਏ, ਤੇਰੇ ਢਾਹੇ ਜਬਰ ਦੀ,
ਪਰ ਹੱਦ ਵੀ ਤਾਂ ਹੁੰਦੀ ਹੋਊ , ਕੋਈ ਨਾ ਕੋਈ ਸਬਰ ਦੀ ,
ਹਰ ਵਾਰ ਸਬਰ ਸੰਤੋਖ ਦਾ ਗੁਣ ਮੈਂ ਹੀ ਕਿਉਂ ਨਿਭਾ ਰਿਹਾਂ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ ……
ਇੰਤਜ਼ਾਰ ਮੇਰੀ ਮੌਤ ਦਾ, ਬਹੁਤੇ ਕਿਉਂ ਨੇ ਕਰ ਰਹੇ,
ਸਮਾਨ ਮੇਰੀ ਮੌਤ ਦਾ, ਚਿਰਾਂ ਤੋਂ ‘ਕੱਠੇ ਕਰ ਰਹੇ,
ਮਰਨਾ ਤਾਂ ਗੱਲ ਦੂਰ ਦੀ, ਸਗੋਂ ਤਕੜਾ ਹੁੰਦਾ ਜਾਂ ਰਿਹਾਂ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ……
ਤੂੰ ਮਾਂ ਮੇਰੀ ਏ ਮੰਨਦਾ, ਪਰ ਆਪਣਾ ਫਰਜ ਨਿਭਾਉਂਦੀ ਨੀ,
ਕਿਉਂ ਸਾਰੇ ਪੁੱਤਰਾਂ -ਧੀਆਂ ਨੂੰ, ਬਰਾਬਰ ਲਾਡ ਲਡਾਉਂਦੀ ਨੀ,
ਹਰ ਵਾਰ ਤੇਰੀ ਘੂਰ ਦਾ, ਮੈਂ ਹੀ ਕਿਉਂ ਸ਼ਿਕਾਰ ਹਾਂ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ….
ਸ਼ਾਇਦ ਸੋਚੀ ਬੈਠੀ ਤੂੰ, ਮੈਨੂੰ ਮਾਰਨਾ ਹੀ ਮਾਰਨਾ,
ਪਰ ਸੇਕ ਮੇਰੀ ਲੋਥ ਦਾ, ਤੈਨੂੰ ਸਾੜਨਾ ਹੀ ਸਾੜਨਾ,
ਹੀਰਾ ਤੇਰੇ ਤਾਜ ਦਾ, ਕਿਉਂ ਰਾਖ ਬਣਦਾ ਜਾਂ ਰਿਹਾਂ,
ਤਖਤਾਂ ਦੇ ਮਾਲਕੋ ਸੁਣ ਲਵੋ, ਬੋਲ ਥੋਡੇ ਕੰਨੀ ਪਾ ਰਿਹਾਂ ,
ਮੈਂ ਬੋਲਦਾ ਪੰਜਾਬ ਹਾਂ, ਮੈਂ ਬੋਲਦਾ …..
ਤਖਤਾਂ ਦੇ ਮਾਲਕੋ ਸੁਣ ਲਵੋ।

  • ਹਰਜੀਤ ਸਿੰਘ
  • 190

Continue Reading
Click to comment

Leave a Reply

Your email address will not be published. Required fields are marked *

ਰਚਨਾਵਾਂ ਜਨਵਰੀ 2021

“ਤੀਆਂ ਤੀਜ ਦੀਆਂ”

Published

on

1.ਕਰਾਂ ਪੁਰਾਣੀਆਂ ਸਹੇਲੀਆਂ ਨੂੰ ਮੈਂ ਫੋਨ ਚੰਨਣਾ,
ਗਿੱਧੇ ਅਤੇ ਬੋਲੀਆਂ ਦਾ ਰੰਗ ਬੰਨਣਾ,
ਫੁੱਲਕਾਰੀ,ਸੱਗੀਫੁੱਲ ਦਾ ਸਿੰਗਾਰ ਕਰਕੇ,
ਅਸੀਂ ਮਹਿੰਦੀਆਂ ਲਗਾਉਣੀਆਂ ਵੇ ਰੀਝ ਦੀਆਂ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

2.ਪੁਰਾਣੀਆਂ ਸਹੇਲੀਆਂ ਨਾਲ ਮੇਲ ਹੋਣਾ ਏ ,
ਕਿੱਕ ਲਿੱਕ ਲੀਰ ਦਾ ਵੀ ਖੇਲ ਹੋਣਾ ਏ,
ਉਨਾਂ ਨਾਲ ਪੀਂਘ ਦਾ ਹੁਲਾਰਾ ਲੈਣਾ ਏ,
ਜੋ ਸਹੇਲੀਆਂ ਸੀ ਮੇਰੇ ਵੀ ਕਰੀਬ ਦੀਆਂ ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

3.ਕੁੱਝ ਸੱਜ ਵਿਆਹੀਆਂ ਪੇਕੇ ਘਰ ਆਉਣੀਆਂ,
ਉੱਥੇ ਸੱਸਾਂ ਦੀਆਂ ਗੱਲਾਂ ਤਾਂ ਜਰੂਰ ਹੋਣੀਆਂ,
ਹਾਰ, ਟੋਪਸ, ਕਾਂਟਿਆਂ ਦਾ ਭਾਅ ਪੁੱਛਣਾ,
ਗੱਲਾਂ ਹੋਣੀਆਂ ਵੇ ਸੂਟਾਂ ਤੇ ਕਮੀਜ ਦੀਆਂ,
ਅੱਜ ਮੈਨੂੰ ਮਾਹੀਆ ਵੇ ਪੇਕੇ ਜਾਣ ਦੇ,
ਓਥੇ ਹੀ ਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

4.ਬੱਲੋ ਵਾਲੇ ਦਿਨ ਪੂਰਾ ਗਾਹ ਪਾਉਣਾ ਏ,
ਫਿਰ ਚੰਨਾ ਅਸੀਂ ਸਹੁਰਿਆਂ ਦੇ ਰਾਹ ਆਉਣਾ ਏ,
ਜਿਹਨੂੰ ਮਾਪਿਆਂ ਦੇ ਜੈਸੇ ਸਹੁਰੇ ਘਰ ਮਿਲਦੇ,
‘ਹੈਪੀ ਗੱਲਾਂ ਵੇ ਤਾਂ ਸਾਰੀਆਂ ਨਸੀਬ ਦੀਆਂ ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ

  • ਹਰਵਿੰਦਰ ਸਿੰਘ
  • 250

Continue Reading

ਰਚਨਾਵਾਂ ਜਨਵਰੀ 2021

ਰਿਸ਼ਤੇ

Published

on

ਇੱਕ ਵਾਰੀ ਜੇ ਟੁੱਟ ਜਾਵੇ ਕੁਝ,
ਗੱਲ ਪਹਿਲਾਂ ਵਾਲੀ ਰਹਿੰਦੀ ਨਹੀਂ ਏ ¡
ਸ਼ੱਕ ਵਾਲੀ ਜੇ ਕੰਧ ਖੜ੍ਹ ਜਾਵੇ,
ਸੌਖੀ ਸੱਜਣਾ ਢਹਿੰਦੀ ਨਹੀਂ ਏ !
ਦਿਲ ਦੇ ਵੇਹੜੇ ਤੰਗ ਹੋ ਜਾਵਣ
ਸਾਂਝ ਦੀ ਮੰਜੀ ਡਹਿੰਦੀ ਨਹੀਂ ਏ !

ਮਾਂ ਜਦ ਤੱਕ ਨਾਂ ਲੋਰੀ ਗਾਵੇ,
ਨੈਣੀਂ ਨੀਂਦਰ ਪੈਂਦੀ ਨਹੀਂ ਏ !
ਮਾਂ ਦੇ ਜਿੰਨੀਆਂ ਪੀੜਾਂ ਜੱਗ ਤੇ,
ਹੋਰ ਜਾਤ ਕੋਈ ਸਹਿੰਦੀ ਨਹੀਂ ਏ !
ਮਾਂ ਪਿਓ ਦੀ ਅਸੀਸ ਨਾਂ ਹੋਵੇ,
ਖੁਸ਼ੀ ਵੀ ਬੂਹੇ ਬਹਿੰਦੀ ਨਹੀਂ ਏ !

ਹਾਣ ਨਈਂ ਮਿਲਿਆ, ਸੰਜੋਗ ਸਮਝ,
ਜੇ ਧੀ ਰਾਣੀ ਕੁਝ ਕਹਿੰਦੀ ਨਹੀਂ ਏ !
ਚਾਅ ਨਿਚੋੜ ਜੋ ਹੱਥੀਂ ਲਾਈ,
ਖੂਨ ਏ “ਮਾਣਕ “ਮਹਿੰਦੀ ਨਹੀਂ ਏ,

ਲੱਗੇ ਜੇ ਮੱਥੇ,ਬਦਨਾਮੀ ਕਾਲਖ,
ਪੀੜ੍ਹੀਆਂ ਤਾਈਂ ਲਹਿੰਦੀ ਨਹੀਂ ਏ !
ਔਰਤ ਜਾਂ ਸ਼ੀਸ਼ਾ,ਝਰੀਟ ਖਾ ਜਾਵੇ
ਦੁਨੀਆਂ ਸੱਜਣਾ ਲੈਂਦੀ ਨਹੀਂ ਏ !

  • ਰਾਜੇਸ਼ ਮਾਣਕ
  • 249

Continue Reading

ਰਚਨਾਵਾਂ ਜਨਵਰੀ 2021

ਕਿਸਾਨ ਅੰਦੋਲਨ

Published

on

ਨੀ ਮੈਂ ਬੋਲਦਾ ਪੰਜਾਬ ਅੱਜ ਰੰਡੀਏ ਸੁਣੀੰ,
ਗੱਲ ਦਿੱਲੀਏ ਦਲਾਲਾਂ ਦੀਏ ਮੰਡੀਏ ਸੁਣੀਂ,
ਬਾਰਾਂ ਤਾਲ਼ੀਏ ਸੁਣੀਂ ਨੀ ਸੁਣੀਂ ਗੰਦੀਏ ਸੁਣੀਂ,
ਤੇਰੇ ਚੰਦਰੇ ਸੁਭਾਅ ਚੋੰ ਗਦਾਰੀ ਨੀ ਗਈ।
ਤੇਰੇ ਖੂਨ ਚੋਂ ਕਦੇ ਨੰਗਪੁਣਾ ਨੀ ਗਿਆ,
ਮੇਰੇ ਲਹੂ ਚੋਂ ਕਦੇ ਵੀ ਸਰਦਾਰੀ ਨੀ ਗਈ।
ਤੇਰੇ ਖੂਨ ਚੋਂ …
1.
ਗੱਲਾਂ ਮੂੰਹ ਦੇ ਉੱਤੇ ਮਿੱਠੀਆਂ ਤੂੰ ਲੱਖ ਰੱਖਦੀ।
ਨੀਤੀ ਮੇਰੇ ਬਾਰੇ ਸਾਰਿਆਂ ਤੋਂ ਵੱਖ ਰੱਖਦੀ।
ਮੇਰੇ ਗੀਝੇ ਤੇ ਹਮੇਸ਼ਾਂ ਨੀ ਤੂੰ ਅੱਖ ਰੱਖਦੀ,
ਕਦੇ ਤੇਰੇ ਖੋਟੇ ਮਨ ਚੋਂ ਮਕਾਰੀ ਨੀ ਗਈ।
ਤੇਰੇ ਖੂਨ ਚੋਂ ….
2.
ਮੂਹਰੇ ਹੋ ਕੇ ਸਾਰੇ ਜਾਬਰਾਂ ਨੂੰ ਡੱਕ ਲੈਣ ਲਈ।
ਪੈਦਾ ਹੋਇਆ ਮਜ਼ਲੂਮਾਂ ਦਾ ਮੈਂ ਪੱਖ ਲੈਣ ਲਈ।
ਰਿਹਾ ਅੜਦਾ ਹਮੇਸ਼ਾ ਨੀ ਮੈਂ ਹੱਕ ਲੈਣ ਲਈ,
ਮੇਰੀ ਜਿੱਤ ਕੇ ਮੁੜਨ ਦੀ ਗਰਾਰੀ ਨੀ ਗਈ।
ਤੇਰੇ ਖੂਨ ਚੋਂ ….
3.
ਮੇਰਾ ਵੇਖ ਇੱਕ ਵਾਰੀ ਇਤਹਾਸ ਪੜ੍ਹ ਕੇ।
ਦੇਵਾਂ ਸੋਧ ਅਰਦਾਸਾ ਅਰਦਾਸ ਪੜ੍ਹਕੇ।
ਅੱਖਾਂ ਮੇਰੀਆਂ ਚ ਵੇਖ ਵਿਸ਼ਵਾਸ ਪੜ੍ਹ ਕੇ,
ਕਦੇ ਮੇਰੇ ਚੋਂ ਅਣਖ ਦੀ ਖੁਮਾਰੀ ਨੀ ਗਈ।
ਤੇਰੇ ਖੂਨ ਚੋਂ ……
4.
ਮੇਰੇ ਬੱਚਿਆਂ ਦੇ ਹੱਥੋਂ ਰੋਟੀ ਖੋਹਣ ਨੂੰ ਫਿਰੇਂ।
ਮੇਰੇ ਮਾਲਕ ਮੁਰੱਬਿਆਂ ਦੀ ਹੋਣ ਨੂੰ ਫਿਰੇਂ।
ਕੰਡਿਆਰੇ ਸਾਹਮਣੇ ਤੂੰ ਜੁੱਸਾ ਜੋਹਣ ਨੂੰ ਫਿਰੇੰ,
ਮੇਰੇ ਹੱਥੋਂ ਹਾਰ ਜਾਣ ਦੀ ਬਿਮਾਰੀ ਨੀ ਗਈ।
ਤੇਰੇ ਖੂਨ ਚੋਂ …..

  • ਕੁਲਦੀਪ ਸਿੰਘ
  • 248

Continue Reading

ਰੁਝਾਨ


Copyright by IK Soch News powered by InstantWebsites.ca