Gal Karan Punjabi Shera Di- Harjeet Dildar | Latest Punjabi Poetry
Connect with us [email protected]

ਰਚਨਾਵਾਂ ਜਨਵਰੀ 2021

ਗੱਲ ਕਰਾਂ ਪੰਜਾਬੀ ਸੇਰਾਂ ਦੀ

Published

on

latest punjabi poetry

ਹੱਕ ਸੱਚ ਲਈ ਲੜਨ ਵਾਲੇ , ਮਜ਼ਲੂਮਾਂ ਦੇ ਨਾਲ ਖੜ੍ਹਨ ਵਾਲੇ
ਹੱਕ ਇਨ੍ਹਾਂ ਦੇ ਕੋਈ ਖੋਹ ਲੂ ਕੀ , ਇਨ੍ਹਾਂ ਰੁਤਬਾ ਹੀ ਐਸਾ ਪਾਇਆ ਏ
ਗੱਲ ਕਰਾਂ ਪੰਜਾਬੀ ਸ਼ੇਰਾਂ ਦੀ , ਅੱਜ ਦਿੱਲੀ ਚ ਡੇਰਾ ਲਾਇਆ ਏ
ਜਦ ਜਦ ਵੀ ਜ਼ੁਲਮ ਸੰਗ ਪੰਗਾ ਪਿਆ , ਇਨ੍ਹਾਂ ਨਵਾਂ ਇਤਿਹਾਸ ਰਚਾਇਆ ਏ
ਗੱਲ ਕਰਾਂ ਪੰਜਾਬੀ ਸ਼ੇਰਾਂ ਦੀ ………..

ਇਹ ਪੁੱਤਰ ਸਿੰਘ ਦਲੇਰਾਂ ਦੇ , ਇਹ ਗਰਜਦੇ ਵਾਂਗਰ ਸ਼ੇਰਾਂ ਦੇ
ਅੱਜ ਸਬਰ ਦਿਖਾਉਂਦੇ ਦਿੱਲੀ ਨੂੰ , ਦੁੱਖ ਸਹਿ ਸਕਦੇ ਨੇ ਕਹਿਰਾਂ ਦੇ
ਜੇ ਸਮਝ ਸਕੋ ਤਾਂ ਸਮਝ ਲਵੋ , ਬੜੇ ਪਿਆਰ ਦੇ ਸੰਗ ਸਮਝਾਇਆ ਏ
ਗੱਲ ਕਰਾਂ ਪੰਜਾਬੀ ਸ਼ੇਰਾਂ ਦੀ ……..

ਇਹ ਜੰਗ ਧਰਮ ਜਾਂ ਜਾਤ ਦੀ ਨਹੀਂ , ਹਿੰਮਤਾਂ ਅੱਗੇ ਟਿਕਦੀ ਰਾਤ ਵੀ ਨਹੀਂ
ਹੱਕ ਖੋਹ ਲਏ ਜੁਬਰਾਂ ਜ਼ੋਰਾਂ ਨਾਲ , ਏਨੀ ਕਿਸੇ ਦੀ ਔਕਾਤ ਵੀ ਨਹੀਂ
ਹੱਕ ਛੱਡ ਦੇਣਗੇ ਸੌਖਿਆਂ ਹੀ , ਇਸੇ ਵਹਿਮ ਨੂੰ ਸਬਕ ਸਿਖਾਇਆ ਏ
ਗੱਲ ਕਰਾਂ ਪੰਜਾਬੀ ਸ਼ੇਰਾਂ ਦੀ ………..

ਅੱਜ ਹਰਜੀਤ ਦਿਲਦਾਰ ਲਿਖੇ , ਕਦੇ ਗੀਤ ਲਿਖੇ ਕਦੇ ਵਾਰ ਲਿਖੇ
ਗੂੰਗੇ ਵੀ ਅੱਜ ਬੋਲ ਪਏ ਨੇ , ਕਦੇ ਟੀ. ਵੀ. ਕਦੇ ਅਖ਼ਬਾਰ ਲਿਖੇ
ਅੱਜ ਕੁੱਲ ਲੁਕਾਈ ਜਗ ਗਈ ਏ , ਜੋ ਜਾਗ ਪੰਜਾਬੀਆਂ ਲਾਇਆ ਏ
ਗੱਲ ਕਰਾਂ ਪੰਜਾਬੀ ਸ਼ੇਰਾਂ ਦੀ ………..

  • ਹਰਜੀਤ ਦਿਲਦਾਰ
  • 254

ਰਚਨਾਵਾਂ ਜਨਵਰੀ 2021

ਦਿੱਲੀ ਸੰਘਰਸ਼ ਦੌਰਾਨ ਦੋ ਸਰਕਾਰ ਕਿਸਾਨਾਂ ਨੂੰ ਅਤਵਾਦੀ ਦੱਸ ਰਹੀ

Published

on

ਪੰਜਾਬ ਦੇ ਕਿਸਾਨਾਂ ਨੂੰ ਦਿੱਲੀ ਸਰਕਾਰ ਅਤਵਾਦੀ ਦੱਸ ਰਹੀ ਮੈ ਉਹਨਾਂ ਨੂੰ ਪੁੱਛਣ ਚਾਹੁੰਦਾ ਕਿ ਅਤਵਾਦੀ ਕਹਿਦੇ ਕਿਸ ਨੂੰ ਨੇ ਅਤਵਾਦੀ ਦੀ ਪਰਿਭਾਸ਼ਾ ਕੀ ਹੈ ਕਿਸ ਲਈ ਵਰਤਿਆ ਜਾਂਦਾ ਹੈ ਅਤਵਾਦੀ ਸ਼ਬਦ)ਅਤਵਾਦੀ ਉਸਨੂੰ ਕਹਿੰਦੇ ਜਿਸਨੇ ਮਨੁੱਖਤਾ ਦਾ ਬਹੁਤ ਘਾਣ ਕੀਤਾ ਹੋਵੇ ਤੇ ਬੇ ਦੋਸ਼ੇ ਲੋਕ ਮਰੇ ਹੁੰਦੇ ਨੇ, ਹੁਣ ਜਿਵੇਂ ਦਿੱਲੀ ਸਰਕਾਰ ਪਹਿਲਾ ਵੀ ਕੀਤਾ ਤੇ ਹੁਣ ਵੀ ਕਰ ਰਹੀ ਏ ਫਿਰ ਮੈਨੂੰ ਦੱਸੋ ਅਸਲ ਵਿੱਚ ਅਤਵਾਦੀ ਕੋਣ ਹੈ ਸਰਕਾਰ ਜਾ ਕਿਸਾਨਾਂ????

  • ਨਵਦੀਪ ਸਿੰਘ
  • 235

Continue Reading

ਰਚਨਾਵਾਂ ਜਨਵਰੀ 2021

ਅੱਤਵਾਦੀ ਨਹੀਂ ਕਿਰਸਾਨ ਆਂ

Published

on

ਅਸੀਂ ਲੁੱਟੇ ਗਏ, ਖਸੁੱਟੇ ਗਏ
ਬੇਵਫਾ ਸਰਕਾਰ ਦੇ ਝੂਠੇ ਵਾਅਦਿਆਂ ਨਾਲ ਅਸੀਂ ਵਾਂਗ ਆਸ਼ਕਾਂ ਪੱਟੇ ਗਏ,
ਸਭ ਜਾਣਦੇ ਆਂ ਚਾਲਾਂ,ਸਮਝੀ ਨਾ ਅਣਜਾਣ ਆਂ
ਹੱਕ ਲੈਣ ਆਏ ਆਂ,ਅੱਤਵਾਦੀ ਨਹੀਂ ਅਸੀਂ ਕਿਰਸਾਨ ਆਂ
ਬੁਛਾੜਾਂ ਪਾਣੀ ਦੀਆਂ ਤੁਸੀਂ ਮਾਰ ਹੰਭੇ,
ਤੋੜ ਕੇ ਬੈਰੀਕੇਡ ਅਸੀਂ ਓਸ ਪਾਰ ਲੰਘੇ,
ਵਾਰਦੇ ਆਂ ਜਾਨਾਂ ਹੱਸ ਹੱਸ ਕੇ,
ਬੇਪਰਵਾਹ ਹੈਗੇ,ਸਮਝੀਂ ਨਾ ਨਾਦਾਨ ਆਂ,
ਹੱਕ ਲੈਣ ਆਏ ਆਂ,ਅੱਤਵਾਦੀ ਨਹੀਂ ਅਸੀਂ ਕਿਰਸਾਨ ਆਂ
ਸ਼ਾਂਤੀ ਨੂੰ ਅਜਮਾ ਰਹੇ,
ਸਮਝੀ ਨਾ ਘਬਰਾ ਰਹੇ,
ਮਿੱਠ ਬੋਲੜੇ ਆਂ ਸ਼ਾਂਤੀ ਵੇਲੇ,ਜੰਗ ਵੇਲੇ ਕਿਰਪਾਨ ਆਂ,
ਹੱਕ ਲੈਣ ਆਏ ਆਂ,ਅੱਤਵਾਦੀ ਨਹੀਂ ਅਸੀਂ ਕਿਰਸਾਨ ਆਂ

  • ਅਮਨਦੀਪ ਕੌਰ
  • 224

Continue Reading

ਰਚਨਾਵਾਂ ਜਨਵਰੀ 2021

ਦੋਸ਼ੀ ਕੌਣ

Published

on

ਕੁਦਰਤ ਦੀ ਇੱਕ ਕਾਰੀਗਰੀ ਚੋਂ ਇਨਸਾਨ,
ਔਰਤ ਤੇ ਮਰਦ ਦੋਵਾਂ ਦੀ ਇਕੋ ਜਿਹੀ ਸ਼ਾਨ।

ਕਿਉਂ ਨਹੀਂ ਮਰਦ ਨੂੰ ਕਿਸੇ ਮਾਂ ਨੇ ਸਿਖਾਇਆ,
ਕੁੜੀ,ਧੀ, ਭੈਣ ਓਹ ਵੀ ਨੇ ਕਿਸੇ ਦਾ ਸਰਮਾਇਆ।

ਸਿੱਖਿਆ ਮਾਂ ਪਿਓ ਨੇ ਮੁੰਡੇ ਨੂੰ ਜੇ ਦਿੱਤੀ ਹੁੰਦੀ ਭਲੀ,
ਤਾਂ ਕਿਸੇ ਦੀ ਧੀ, ਭੈਣ ਦੀ ਨਾ ਚੜ੍ਹਦੀ ਏਦਾਂ ਬਲੀ।

ਸਮਝਣਾ ਪਊ ਮਾਪਿਆਂ ਨੂੰ ਕਰਨਾ ਪਊ ਵਿਚਾਰ,
ਹਰ ਘਰ ਦੀ ਔਲਾਦ ਦਾ ਤਾਹੀਂ ਹੋਊ ਸਤਿਕਾਰ।

ਵਿਚਾਰ ਕਰਨ ਲਈ ਬਹੁਤ ਸੂਖਮ ਇਹ ਵਿਸ਼ੇ ਨੇ।

  • ਰਾਜਿੰਦਰ ਕੌਰ
  • 310

Continue Reading

ਰੁਝਾਨ


Copyright by IK Soch News powered by InstantWebsites.ca