Mukadma- Gurpreet Kasba | Poetry Contests 2021
Connect with us apnews@iksoch.com

ਰਚਨਾਵਾਂ ਜਨਵਰੀ 2021

ਮੁਕੱਦਮਾ

Published

on

latest punjabi poetry

ਜਦ ਵੀ ਪੜਿਆ ਮੈਂ, ਤੇਰਿਆਂ ਨੈਣਾਂ ਚੋਂ ਹੀ ਪੜਿਆ
ਮੈਂ ਕਦੇ ਕੋਈ ਵੇਦ ਕੁਰਾਨ ਨੀ ਪੜਿਆ

ਤੇਰੇ ਖਿਆਲਾ ਵਿੱਚ ਦੁਪਹਿਰ ਗੁਜ਼ਰੀ,ਹੋ ਜਾਂਦੀ ਰਾਤ
ਤੇਰੇ ਬਾਰੇ ਸੋਚਦੇ ਹੀ ਮੇਰਾ ਦਿਨ ਚੜਿਆ

ਜਦ ਤੇਰੀ ਮਹੁੱਬਤ ਪਾਉਣ ਲਈ ਤੁਰਿਆ
ਰਾਹ ਚ ਮੁਕਾਮ ਬੜੇ ,ਪਰ ਮੈਂ ਨਾ ਮਿਲਣ ਤੱਕ ਖੜਿਆ

ਨਿੱਤ ਰੱਬ ਨੂੰ ਮਿਲਣ ਦੀ ਇੱਛਾ ਰੱਖਦੇ ਸਾ
ਤੇਰੇ ਕੋਲ ਆਇਆ,ਤਾਂ ਲੱਗਿਆ ਰੱਬ ਕੋਲ ਜਾ ਖੜਿਆ

ਇਹ ਨਾ ਸਮਝੀਂ ਜਿਸਮ ਤੇਰੇ ਦੀ ਭੁੱਖ ਮੈਨੂੰ
ਤੇਰੀ ਸਾਦਗੀ ਦਾ ਸਰੂਰ , ਮੇਰੇ ਸਿਰ ਚੜਿਆ

ਇਸ਼ਕਾ ਦੀ ਕਚਹਿਰੀ ਵਿੱਚ ਹੋਇਆ ਮੁਕਦਮਾਂ
ਦਿਲ ਸਾਡਾ ਚੋਰੀ ਹੋਇਆ ਇਲਜ਼ਾਮ ਤੇਰੇ ਨੈਣਾਂ ਤੇ ਮੜਿਆ

ਦੇਖਣ ਨੂੰ ਤਾ ਤੁਰਿਆ ਫਿਰਦਾ , ਜਿਊਂਦਿਆਂ ਚ ਹਾਂ
ਪਰ ਅਸਲ ਚ ਤਾਂ ਮੈਂ ,ਨੈਣਾਂ ਤੇਰਿਆਂ ਦੀ ਸੂਲੀ ਚੜਿਆ

  • ਗੁਰਪ੍ਰੀਤ ਕਸਬਾ
  • 111

Continue Reading
Click to comment

Leave a Reply

Your email address will not be published. Required fields are marked *

ਰਚਨਾਵਾਂ ਜਨਵਰੀ 2021

“ਤੀਆਂ ਤੀਜ ਦੀਆਂ”

Published

on

1.ਕਰਾਂ ਪੁਰਾਣੀਆਂ ਸਹੇਲੀਆਂ ਨੂੰ ਮੈਂ ਫੋਨ ਚੰਨਣਾ,
ਗਿੱਧੇ ਅਤੇ ਬੋਲੀਆਂ ਦਾ ਰੰਗ ਬੰਨਣਾ,
ਫੁੱਲਕਾਰੀ,ਸੱਗੀਫੁੱਲ ਦਾ ਸਿੰਗਾਰ ਕਰਕੇ,
ਅਸੀਂ ਮਹਿੰਦੀਆਂ ਲਗਾਉਣੀਆਂ ਵੇ ਰੀਝ ਦੀਆਂ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

2.ਪੁਰਾਣੀਆਂ ਸਹੇਲੀਆਂ ਨਾਲ ਮੇਲ ਹੋਣਾ ਏ ,
ਕਿੱਕ ਲਿੱਕ ਲੀਰ ਦਾ ਵੀ ਖੇਲ ਹੋਣਾ ਏ,
ਉਨਾਂ ਨਾਲ ਪੀਂਘ ਦਾ ਹੁਲਾਰਾ ਲੈਣਾ ਏ,
ਜੋ ਸਹੇਲੀਆਂ ਸੀ ਮੇਰੇ ਵੀ ਕਰੀਬ ਦੀਆਂ ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

3.ਕੁੱਝ ਸੱਜ ਵਿਆਹੀਆਂ ਪੇਕੇ ਘਰ ਆਉਣੀਆਂ,
ਉੱਥੇ ਸੱਸਾਂ ਦੀਆਂ ਗੱਲਾਂ ਤਾਂ ਜਰੂਰ ਹੋਣੀਆਂ,
ਹਾਰ, ਟੋਪਸ, ਕਾਂਟਿਆਂ ਦਾ ਭਾਅ ਪੁੱਛਣਾ,
ਗੱਲਾਂ ਹੋਣੀਆਂ ਵੇ ਸੂਟਾਂ ਤੇ ਕਮੀਜ ਦੀਆਂ,
ਅੱਜ ਮੈਨੂੰ ਮਾਹੀਆ ਵੇ ਪੇਕੇ ਜਾਣ ਦੇ,
ਓਥੇ ਹੀ ਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

4.ਬੱਲੋ ਵਾਲੇ ਦਿਨ ਪੂਰਾ ਗਾਹ ਪਾਉਣਾ ਏ,
ਫਿਰ ਚੰਨਾ ਅਸੀਂ ਸਹੁਰਿਆਂ ਦੇ ਰਾਹ ਆਉਣਾ ਏ,
ਜਿਹਨੂੰ ਮਾਪਿਆਂ ਦੇ ਜੈਸੇ ਸਹੁਰੇ ਘਰ ਮਿਲਦੇ,
‘ਹੈਪੀ ਗੱਲਾਂ ਵੇ ਤਾਂ ਸਾਰੀਆਂ ਨਸੀਬ ਦੀਆਂ ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ

  • ਹਰਵਿੰਦਰ ਸਿੰਘ
  • 250

Continue Reading

ਰਚਨਾਵਾਂ ਜਨਵਰੀ 2021

ਰਿਸ਼ਤੇ

Published

on

ਇੱਕ ਵਾਰੀ ਜੇ ਟੁੱਟ ਜਾਵੇ ਕੁਝ,
ਗੱਲ ਪਹਿਲਾਂ ਵਾਲੀ ਰਹਿੰਦੀ ਨਹੀਂ ਏ ¡
ਸ਼ੱਕ ਵਾਲੀ ਜੇ ਕੰਧ ਖੜ੍ਹ ਜਾਵੇ,
ਸੌਖੀ ਸੱਜਣਾ ਢਹਿੰਦੀ ਨਹੀਂ ਏ !
ਦਿਲ ਦੇ ਵੇਹੜੇ ਤੰਗ ਹੋ ਜਾਵਣ
ਸਾਂਝ ਦੀ ਮੰਜੀ ਡਹਿੰਦੀ ਨਹੀਂ ਏ !

ਮਾਂ ਜਦ ਤੱਕ ਨਾਂ ਲੋਰੀ ਗਾਵੇ,
ਨੈਣੀਂ ਨੀਂਦਰ ਪੈਂਦੀ ਨਹੀਂ ਏ !
ਮਾਂ ਦੇ ਜਿੰਨੀਆਂ ਪੀੜਾਂ ਜੱਗ ਤੇ,
ਹੋਰ ਜਾਤ ਕੋਈ ਸਹਿੰਦੀ ਨਹੀਂ ਏ !
ਮਾਂ ਪਿਓ ਦੀ ਅਸੀਸ ਨਾਂ ਹੋਵੇ,
ਖੁਸ਼ੀ ਵੀ ਬੂਹੇ ਬਹਿੰਦੀ ਨਹੀਂ ਏ !

ਹਾਣ ਨਈਂ ਮਿਲਿਆ, ਸੰਜੋਗ ਸਮਝ,
ਜੇ ਧੀ ਰਾਣੀ ਕੁਝ ਕਹਿੰਦੀ ਨਹੀਂ ਏ !
ਚਾਅ ਨਿਚੋੜ ਜੋ ਹੱਥੀਂ ਲਾਈ,
ਖੂਨ ਏ “ਮਾਣਕ “ਮਹਿੰਦੀ ਨਹੀਂ ਏ,

ਲੱਗੇ ਜੇ ਮੱਥੇ,ਬਦਨਾਮੀ ਕਾਲਖ,
ਪੀੜ੍ਹੀਆਂ ਤਾਈਂ ਲਹਿੰਦੀ ਨਹੀਂ ਏ !
ਔਰਤ ਜਾਂ ਸ਼ੀਸ਼ਾ,ਝਰੀਟ ਖਾ ਜਾਵੇ
ਦੁਨੀਆਂ ਸੱਜਣਾ ਲੈਂਦੀ ਨਹੀਂ ਏ !

  • ਰਾਜੇਸ਼ ਮਾਣਕ
  • 249

Continue Reading

ਰਚਨਾਵਾਂ ਜਨਵਰੀ 2021

ਕਿਸਾਨ ਅੰਦੋਲਨ

Published

on

ਨੀ ਮੈਂ ਬੋਲਦਾ ਪੰਜਾਬ ਅੱਜ ਰੰਡੀਏ ਸੁਣੀੰ,
ਗੱਲ ਦਿੱਲੀਏ ਦਲਾਲਾਂ ਦੀਏ ਮੰਡੀਏ ਸੁਣੀਂ,
ਬਾਰਾਂ ਤਾਲ਼ੀਏ ਸੁਣੀਂ ਨੀ ਸੁਣੀਂ ਗੰਦੀਏ ਸੁਣੀਂ,
ਤੇਰੇ ਚੰਦਰੇ ਸੁਭਾਅ ਚੋੰ ਗਦਾਰੀ ਨੀ ਗਈ।
ਤੇਰੇ ਖੂਨ ਚੋਂ ਕਦੇ ਨੰਗਪੁਣਾ ਨੀ ਗਿਆ,
ਮੇਰੇ ਲਹੂ ਚੋਂ ਕਦੇ ਵੀ ਸਰਦਾਰੀ ਨੀ ਗਈ।
ਤੇਰੇ ਖੂਨ ਚੋਂ …
1.
ਗੱਲਾਂ ਮੂੰਹ ਦੇ ਉੱਤੇ ਮਿੱਠੀਆਂ ਤੂੰ ਲੱਖ ਰੱਖਦੀ।
ਨੀਤੀ ਮੇਰੇ ਬਾਰੇ ਸਾਰਿਆਂ ਤੋਂ ਵੱਖ ਰੱਖਦੀ।
ਮੇਰੇ ਗੀਝੇ ਤੇ ਹਮੇਸ਼ਾਂ ਨੀ ਤੂੰ ਅੱਖ ਰੱਖਦੀ,
ਕਦੇ ਤੇਰੇ ਖੋਟੇ ਮਨ ਚੋਂ ਮਕਾਰੀ ਨੀ ਗਈ।
ਤੇਰੇ ਖੂਨ ਚੋਂ ….
2.
ਮੂਹਰੇ ਹੋ ਕੇ ਸਾਰੇ ਜਾਬਰਾਂ ਨੂੰ ਡੱਕ ਲੈਣ ਲਈ।
ਪੈਦਾ ਹੋਇਆ ਮਜ਼ਲੂਮਾਂ ਦਾ ਮੈਂ ਪੱਖ ਲੈਣ ਲਈ।
ਰਿਹਾ ਅੜਦਾ ਹਮੇਸ਼ਾ ਨੀ ਮੈਂ ਹੱਕ ਲੈਣ ਲਈ,
ਮੇਰੀ ਜਿੱਤ ਕੇ ਮੁੜਨ ਦੀ ਗਰਾਰੀ ਨੀ ਗਈ।
ਤੇਰੇ ਖੂਨ ਚੋਂ ….
3.
ਮੇਰਾ ਵੇਖ ਇੱਕ ਵਾਰੀ ਇਤਹਾਸ ਪੜ੍ਹ ਕੇ।
ਦੇਵਾਂ ਸੋਧ ਅਰਦਾਸਾ ਅਰਦਾਸ ਪੜ੍ਹਕੇ।
ਅੱਖਾਂ ਮੇਰੀਆਂ ਚ ਵੇਖ ਵਿਸ਼ਵਾਸ ਪੜ੍ਹ ਕੇ,
ਕਦੇ ਮੇਰੇ ਚੋਂ ਅਣਖ ਦੀ ਖੁਮਾਰੀ ਨੀ ਗਈ।
ਤੇਰੇ ਖੂਨ ਚੋਂ ……
4.
ਮੇਰੇ ਬੱਚਿਆਂ ਦੇ ਹੱਥੋਂ ਰੋਟੀ ਖੋਹਣ ਨੂੰ ਫਿਰੇਂ।
ਮੇਰੇ ਮਾਲਕ ਮੁਰੱਬਿਆਂ ਦੀ ਹੋਣ ਨੂੰ ਫਿਰੇਂ।
ਕੰਡਿਆਰੇ ਸਾਹਮਣੇ ਤੂੰ ਜੁੱਸਾ ਜੋਹਣ ਨੂੰ ਫਿਰੇੰ,
ਮੇਰੇ ਹੱਥੋਂ ਹਾਰ ਜਾਣ ਦੀ ਬਿਮਾਰੀ ਨੀ ਗਈ।
ਤੇਰੇ ਖੂਨ ਚੋਂ …..

  • ਕੁਲਦੀਪ ਸਿੰਘ
  • 248

Continue Reading

ਰੁਝਾਨ


Copyright by IK Soch News powered by InstantWebsites.ca