Punjabi Poetry Competition 2020 | Online poetry competition
Connect with us apnews@iksoch.com

ਰਚਨਾਵਾਂ ਨਵੰਬਰ 2020

ਕਿਰਸਾਨ ਸਬੰਧੀ

Published

on

punjabi poetry

ਸਿਸਟਮ ਨੇ ਕੀਤੀ ਸਖ਼ਤੀ,ਜਿਹੜੀ ਕੀਤੀ ਬੇਵਕਤੀ
ਅੰਨਦਾਤੇ ਕੋਲੇ ਕਹਿੰਦੇ,ਛੱਡਣੀ ਨਹੀਂ ਚੱਪਾ ਧਰਤੀ
ਨੀਤੀ ਕਿਰਸਾਨਾਂ ਲਈ ਨਾ, ਚੰਗੀ ਸਰਕਾਰਾਂ ਦੀ,,,

ਰਲ਼ ਮਿਲ਼ ਕੇ ਨੱਪਣੀ ਪੈਣੀ, ਸੰਘੀ ਸਰਕਾਰਾਂ ਦੀ,,,
ਸਾਡੇ ਸ਼ਾਹ ਸੂਤ ਲਵੇਂਗੀ, ਤੰਗੀ ਸਰਕਾਰਾਂ ਦੀ,,,

ਲੌਲੀਪੋਪ ਲਾਰਿਆਂ ਵਾਲਾ, ਮੂੰਹੋਂ ਵਿੱਚ ਤੁੰਨਿਆ ਏ
ਸਾਡੇ ਹੀ ਕੁੱਛੜ ਬਹਿ ਕੇ,ਸਾਡਾ ਸਿਰ ਮੁੰਨਿਆ ਏ
ਵਾਹ ਰਹੀ ਏ ਜੜ੍ਹਾਂ ਸਾਡੀਆਂ,ਕੰਘੀ ਸਰਕਾਰਾਂ ਦੀ,,,

ਰਲ਼ ਮਿਲ਼ ਕੇ ਨੱਪਣੀ ਪੈਣੀ, ਸੰਘੀ ਸਰਕਾਰਾਂ ਦੀ,,,
ਸਾਡੇ ਸ਼ਾਹ ਸੂਤ ਲਵੇਂਗੀ, ਤੰਗੀ ਸਰਕਾਰਾਂ ਦੀ,,,

ਜੱਦੀ ਸਭ ਮਾਲਿਕ ਆਪਾਂ, ਸਾਰੇ ਜ਼ਮੀਨਾਂ ਦੇ
ਹੁੰਦੇ ਸ਼ਿਕਾਰ ਆਏ ਆ , ਮਾਰੂ ਸਕੀਮਾਂ ਦੇ
ਹੋ ਗਈ ਕਰਤੂਤ ਘੜੀ ਜੋ, ਨੰਗੀ ਸਰਕਾਰਾਂ ਦੀ,,,

ਰਲ਼ ਮਿਲ਼ ਕੇ ਨੱਪਣੀ ਪੈਣੀ ਸੰਘੀ, ਸਰਕਾਰਾਂ ਦੀ,,,
ਸਾਡੇ ਸ਼ਾਹ ਸੂਤ ਲਵੇਂਗੀ, ਤੰਗੀ ਸਰਕਾਰਾਂ ਦੀ,,,

ਆ ਜਾਉ ਇਕ ਝੰਡੇ ਥੱਲੇ, ਘੱਤ ਕੇ ਵਹੀਰਾਂ ਨੂੰ
ਕਲਮਾਂ ਕਿਰਪਾਨਾਂ’ਨਾ’ਹੁਣ,ਲਿਖੀਏ ਤਕਦੀਰਾਂ ਨੂੰ
ਪਾ ਦੇਈਏ ਮਨਸ਼ਾ ਚਲ ਕੇ, ਠੰਡੀ ਸਰਕਾਰਾਂ ਦੀ,,,

ਰਲ਼ ਮਿਲ਼ ਕੇ ਨੱਪਣੀ ਪੈਣੀ ,ਸੰਘੀ ਸਰਕਾਰਾਂ ਦੀ,,
ਸਾਡੇ ਸ਼ਾਹ ਸੂਤ ਲਵੇਂਗੀ, ਤੰਗੀ ਸਰਕਾਰਾਂ ਦੀ,,,

ਹੱਕਾਂ ਲਈ”ਦੀਪ”ਅਸਾਨੂੰ,ਕਰਨਾ ਹੁਣ ਯੁੱਧ ਪੈਣਾ
ਧਰਕੇ ਸਿਰ ਤਲੀਆਂ ਉੱਤੇ,ਰਣਾਂ ਵਿੱਚ ਕੁੱਦ ਪੈਣਾ
ਮੁੜਨਾ ਏ ਬੰਦ ਕਰਵਾਕੇ, ਮੰਡੀ ਸਰਕਾਰਾਂ ਦੀ,,,

ਰਲ਼ ਮਿਲ਼ ਕੇ ਨੱਪਣੀ ਪੈਣੀ ਸੰਘੀ ਸਰਕਾਰਾਂ ਦੀ,,,
ਸਾਡੇ ਸ਼ਾਹ ਸੂਤ ਲਵੇਂਗੀ ,ਤੰਗੀ ਸਰਕਾਰਾਂ ਦੀ,,,

-ਦੀਪ ਰਾਊਕੇ

Continue Reading
Click to comment

Leave a Reply

Your email address will not be published. Required fields are marked *

ਰਚਨਾਵਾਂ ਨਵੰਬਰ 2020

ਸੋਹਬਤ

Published

on

ik soch muqabla

ਸੋਹਬਤ ਹੋਈ ‘ਗਾਂਧੀ’ ਨੂੰ ਤੇਰੀ
ਦੁਆਵਾਂ ‘ਚ ਰੱਬ ਤੋਂ ਰੱਬ ਮੰਗਣ ਤੇ

ਜੁੜ ਜਾਂਦੇ ਨੇ ਅੱਖਰ ਕੁਝ
ਵੀਹੀ ਚੋਂ ਤੇਰੇ ਨੀਂਵੀ ਪਾ ਲੰਘਣ ਤੇ

ਮੈਂ ਅਰਜ ਕਰਦਾ, ਕੀ ਸਮਝਾਂ?
ਤੇਰੇ ਇਰਸ਼ਾਦ ਕਹਿਕੇ ਸੰਗਣ ਤੇ

ਚਿੱਤ ਖੁਸ਼ ਹੋਣਾ ਤਾਂ ਬਣਦਾ ਏ
ਜੇ ਵਾਰ ਵਾਰ ਛੇੜਕੇ ਸੱਜਣ ਖੰਗਣ ਤੇ

ਕੁਦਰਤ ਫਿੱਕੀ ਪੈ ਜਾਂਦੀ ਏ
ਤੱਕ ਮੈਨੂੰ, ਤੇਰੇ ਮਿੰਨਾ ਮਿੰਨਾ ਹੱਸਣ ਤੇ

ਫਿਦਾ ਕਿਵੇਂ ਨਾ ਹੁੰਦਾ ਦੱਸ ਗਾਂਧੀ?
ਅੱਖਾਂ, ਬੁੱਲ, ਕੋਕਾ ਤੇ ਤੇਰੇ ਕੰਗਣ ਤੇ

ਮਿੱਠਾ ਮਿੱਠਾ ਲੱਗਣ ਲੱਗਦੈ ਸਭ
ਲਾ-ਇਲਾਜ ਇਸ਼ਕ ਸੱਪ ਦੇ ਡੰਗਣ ਤੇ

-ਹਰਪ੍ਰੀਤ

Continue Reading

ਰਚਨਾਵਾਂ ਨਵੰਬਰ 2020

ਕਵਿਤਾ-ਮਿੱਠੇ ਮਿੱਠੇ ਚਸ਼ਮੇ

Published

on

ik soch poetry

ਸਾਹਾਂ ਦੀ ਪੰਗਡੰਡੀਆ ਤੇ
ਤੁਰਦਾ ਰਹੇਗਾ ਨਾਮ ਤੇਰਾ
ਹਵਾਂ ਵਿਚ ਲਰਜ਼ਦਾ ਰਹਿਣਾ
ਪਿਆਰ ਤੇਰਾ
ਦਿਲ ਦੀ ਸਰਦਲ ਜ਼ਮੀਨ ਤੇ
ਵੱਧਦਾ ਫੁੱਲਦਾ ਰਹੇਗਾ
ਪਿਆਰ ਤੇਰੇ ਦਾ ਬੂਟਾ

ਕੱਜਲ ਤੇਰਿਆਂ ਨੈਣਾਂ ਦਾ
ਡੰਗ ਦਾ ਰਹੇਗਾ ਜੋਗੀਆਂ ਨੂੰ
ਜ਼ੁਲਫ਼ਾਂ ਤੇਰੀਆਂ ਚ
ਉਲ਼ਝੇ ਰਹਿਣਗੇ ਰਾਹੀਂ
ਪੈੜਾਂ ਤੇਰੀਆਂ ਚੋਂ
ਉਗਦੇ ਰਹਿਣਗੇ ਫੁੱਲ ਗੁਲਾਬਾ ਦੇ
ਤੇਰੇ ਹਾਸੇ ਅੱਗੇ
ਝੁਕਦੇ ਰਹਿਣਗੇ ਸਿਰ ਸਾਜ਼ਾਂ ਦੇ

ਤੇਰਿਆਂ ਬੁੱਲਾਂ ਚੋਂ ਫੁੱਟਦੇ ਰਹਿਣੇ
ਮਿੱਠੇ ਮਿੱਠੇ ਚਸ਼ਮੇ
ਤੈਨੂੰ ਵੇਖਣ ਲਈ ਅੱਖ ਖੁੱਲਦੀ ਰਹਿਣੀ
ਸੁੰਨ ਸੁਮਾਧਾ ਦੀ
ਤੈਨੂੰ ਪਾਵਣ ਲੲੀ ਠੋਕਰ
ਵੱਜਦੀ ਰਹਿਣੀ ਤਾਜ਼ਾ ਨੂੰ
ਤੇਰੇ ਬਾਰੇ ਲਿਖਣ ਲੲੀ
ਕਲਮਾਂ ਚੁੱਕਣੀਆਂ ਬੜੇ ਹੀ ( ਗੁਰਪ੍ਰੀਤਾ ) ਨੇ
ਪਰ ਤੇਰੇ ਅੱਗੇ ਨਿਕੜੇ ਪੈਣਾ
ਇਹਨਾਂ ਵੱਡਿਆਂ ਵੱਡਿਆ ਅਲਫਾਜਾਂ ਨੇ

-ਗੁਰਪ੍ਰੀਤ ਕਸਬਾ

Continue Reading

ਰਚਨਾਵਾਂ ਨਵੰਬਰ 2020

ਮਿੱਟੀ ਦੀ ਡਲੀ

Published

on

ik soch muqabla

ਮੈਂ ਮਿੱਟੀ ਦੀ ਡਲੀ ਮੀਂਹ ਦੀ ਕਿਣ-ਮਿਣ “ਚ” ਮੱਠੀ-ਮੱਠੀ ਖਸ਼ਬੋ ਪਈ ਵੰਡਦੀ ਹਾਂ, ਕਿਤੇ ਪਏ ਬੀਜ ਨੂੰ ਪੁੰਗਰਨ ਦਾ ਗੁਰ- ਪਈ ਦੱਸਦੀ ਹਾਂ,
ਮੈਂ ਮਿੱਟੀ ਦੀ ਡਲੀ ਭਾਰੀ ਭਰਕਮ ਚਮ ਦੇ ਬੂਟਾਂ ਥੱਲਿਉਂ ਵੀ ਮੁਸਕਰਾ ਪੈਨੀ ਹਾਂ,
ਮੈਂ ਕਦੀ ਸੌਂਗ ਨਹੀ ਮਨਾਉਂਦੀ…..
ਕਿਉ ਕਿ.. ਮੈਂ ਤਾਂ ਹਾਂ, ਮਿੱਟੀ ਦੀ ਡਲੀ,
ਮੈਂ ਤਾਂ ਹਾਂ ਮਿੱਟੀ ਦੀ ਡਲੀ!
-ਹਰਮਨਪ੍ਰੀਤ ਸਿੰਘ

Continue Reading

ਰੁਝਾਨ


Copyright by IK Soch News powered by InstantWebsites.ca