Dilli Ch Sangarsh- Aman Halwara | Online Punjabi Poetry Competition 
Connect with us apnews@iksoch.com

ਰਚਨਾਵਾਂ ਜਨਵਰੀ 2021

ਦਿੱਲੀ ਚ ਸੰਘਰਸ਼

Published

on

latest punjabi poetry

ਨਿੱਕਲੋ ਰਜਾਈਆਂ ਵਿੱਚੋਂ ਵੀਰੋ ਮੇਰਿਓ
ਪਿੱਛੋਂ ਆਖਿਓ ਨਾ ਹਿੱਸਾ ਸਾਥੋਂ ਪਾ ਨੀ ਹੋਇਆ,
ਇੱਕ ਚੱਲਦਾ ਸ਼ੰਘਰਸ਼ ਸੀ ਦਿੱਲੀ ਵਿੱਚ ਜੀ
ਪਿੱਛੋਂ ਪਛਤਾਵੋਂ ਗੇ ਕਿ ਸਾਥੋਂ ਉੱਥੇ ਜਾ ਨੀ ਹੋਇਆ।

ਕਰਦੇ ਨਾ ਬੱਸ ਰਹਿਜਿਓ ਸਲਾਹਾਂ ਹੀ
ਉਡੀਕਦੀਆਂ ਥੋਨੂੰ ਦਿੱਲੀ ਦੀਆਂ ਰਾਹਾਂ ਜੀ,
ਲੱਗੇ ਨੇ ਲੰਗਰ ਸੇਵਾ ਕਰਵਾਓ ਜਾਕੇ ਜੀ
ਪਹੁੰਚੋ ਛੇਤੀ ਛੇਤੀ ਕੱਪੜੇ ਬੈਗਾਂ ਚ ਪਾਕੇ ਜੀ।
ਪੁੱਛਣਗੇ ਜਦੋਂ ਥੋਡੇ ਬੱਚੇ ਕੱਲ ਨੂੰ
ਫੇਰ ਕਹੋਗੇ ਕੀ ਕਿ ਕਿਉਂ ਜਾ ਨੀ ਹੋਇਆ,
ਨਿੱਕਲੋ ਰਜਾਈਆਂ ਵਿੱਚੋਂ ਵੀਰੋ ਮੇਰਿਓ
ਪਿੱਛੋਂ ਆਖਿਓ ਨਾ ਹਿੱਸਾ ਸਾਥੋਂ ਪਾ ਨੀ ਹੋਇਆ,
ਇੱਕ ਚੱਲਦਾ ਸ਼ੰਘਰਸ਼ ਸੀ ਦਿੱਲੀ ਵਿੱਚ ਜੀ
ਪਿੱਛੋਂ ਪਛਤਾਵੋਂ ਗੇ ਕਿ ਸਾਥੋਂ ਉੱਥੇ ਜਾ ਨੀ ਹੋਇਆ।

ਮੁੱਕਦੀਆਂ ਨਹੀਂ ਮਜਬੂਰੀਆਂ ਤੇ ਕੰਮ ਘਰਦੇ
ਰਹਿ ਨਾ ਜਾਇਓ ਖਬਰਾਂ ਸੁਣ ਸੁਣ ਡਰਦੇ,
ਡਰ ਨਹੀਂ ਕੋਈ ਉਹ ਤਾਂ ਤੀਰਥ ਅਸਥਾਨ ਏ,
ਸਾਰਾ ਹੀ ਇਕੱਠ ਸਿੱਖਾਂ ਦੀ ਉਹ ਸ਼ਾਨ ਏ,
ਇੱਕ ਵਾਰੀ ਤਾਂ ਜਰੂਰ ਉੱਥੇ ਜਾਣਾ ਚਾਹੀਦਾ
ਫਿਰ ਆਖਿਓ ਨਾ ਦਰਸ਼ ਦੀਦਾਰ ਨੀ ਹੋਇਆ,
ਨਿੱਕਲੋ ਰਜਾਈਆਂ ਵਿੱਚੋਂ ਵੀਰੋ ਮੇਰਿਓ
ਪਿੱਛੋਂ ਆਖਿਓ ਨਾ ਹਿੱਸਾ ਸਾਥੋਂ ਪਾ ਨੀ ਹੋਇਆ,
ਇੱਕ ਚੱਲਦਾ ਸ਼ੰਘਰਸ਼ ਸੀ ਦਿੱਲੀ ਵਿੱਚ ਜੀ
ਪਿੱਛੋਂ ਪਛਤਾਵੋਂ ਗੇ ਕਿ ਸਾਥੋਂ ਉੱਥੇ ਜਾ ਨੀ ਹੋਇਆ।

  • ਅਮਨ ਹਲਵਾਰਾ
  • 167

Continue Reading
Click to comment

Leave a Reply

Your email address will not be published. Required fields are marked *

ਰਚਨਾਵਾਂ ਜਨਵਰੀ 2021

“ਤੀਆਂ ਤੀਜ ਦੀਆਂ”

Published

on

1.ਕਰਾਂ ਪੁਰਾਣੀਆਂ ਸਹੇਲੀਆਂ ਨੂੰ ਮੈਂ ਫੋਨ ਚੰਨਣਾ,
ਗਿੱਧੇ ਅਤੇ ਬੋਲੀਆਂ ਦਾ ਰੰਗ ਬੰਨਣਾ,
ਫੁੱਲਕਾਰੀ,ਸੱਗੀਫੁੱਲ ਦਾ ਸਿੰਗਾਰ ਕਰਕੇ,
ਅਸੀਂ ਮਹਿੰਦੀਆਂ ਲਗਾਉਣੀਆਂ ਵੇ ਰੀਝ ਦੀਆਂ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

2.ਪੁਰਾਣੀਆਂ ਸਹੇਲੀਆਂ ਨਾਲ ਮੇਲ ਹੋਣਾ ਏ ,
ਕਿੱਕ ਲਿੱਕ ਲੀਰ ਦਾ ਵੀ ਖੇਲ ਹੋਣਾ ਏ,
ਉਨਾਂ ਨਾਲ ਪੀਂਘ ਦਾ ਹੁਲਾਰਾ ਲੈਣਾ ਏ,
ਜੋ ਸਹੇਲੀਆਂ ਸੀ ਮੇਰੇ ਵੀ ਕਰੀਬ ਦੀਆਂ ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

3.ਕੁੱਝ ਸੱਜ ਵਿਆਹੀਆਂ ਪੇਕੇ ਘਰ ਆਉਣੀਆਂ,
ਉੱਥੇ ਸੱਸਾਂ ਦੀਆਂ ਗੱਲਾਂ ਤਾਂ ਜਰੂਰ ਹੋਣੀਆਂ,
ਹਾਰ, ਟੋਪਸ, ਕਾਂਟਿਆਂ ਦਾ ਭਾਅ ਪੁੱਛਣਾ,
ਗੱਲਾਂ ਹੋਣੀਆਂ ਵੇ ਸੂਟਾਂ ਤੇ ਕਮੀਜ ਦੀਆਂ,
ਅੱਜ ਮੈਨੂੰ ਮਾਹੀਆ ਵੇ ਪੇਕੇ ਜਾਣ ਦੇ,
ਓਥੇ ਹੀ ਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ ।

4.ਬੱਲੋ ਵਾਲੇ ਦਿਨ ਪੂਰਾ ਗਾਹ ਪਾਉਣਾ ਏ,
ਫਿਰ ਚੰਨਾ ਅਸੀਂ ਸਹੁਰਿਆਂ ਦੇ ਰਾਹ ਆਉਣਾ ਏ,
ਜਿਹਨੂੰ ਮਾਪਿਆਂ ਦੇ ਜੈਸੇ ਸਹੁਰੇ ਘਰ ਮਿਲਦੇ,
‘ਹੈਪੀ ਗੱਲਾਂ ਵੇ ਤਾਂ ਸਾਰੀਆਂ ਨਸੀਬ ਦੀਆਂ ,
ਅੱਜ ਮੈਨੂੰ ਮਾਹੀਆਂ ਵੇ ਪੇਕੇ ਜਾਣ ਦੇ,
ਓਥੇ ਤੀਆਂ ਮੈਂ ਮਨਾਉਣੀਆਂ ਵੇ ਤੀਜ ਦੀਆਂ

  • ਹਰਵਿੰਦਰ ਸਿੰਘ
  • 250

Continue Reading

ਰਚਨਾਵਾਂ ਜਨਵਰੀ 2021

ਰਿਸ਼ਤੇ

Published

on

ਇੱਕ ਵਾਰੀ ਜੇ ਟੁੱਟ ਜਾਵੇ ਕੁਝ,
ਗੱਲ ਪਹਿਲਾਂ ਵਾਲੀ ਰਹਿੰਦੀ ਨਹੀਂ ਏ ¡
ਸ਼ੱਕ ਵਾਲੀ ਜੇ ਕੰਧ ਖੜ੍ਹ ਜਾਵੇ,
ਸੌਖੀ ਸੱਜਣਾ ਢਹਿੰਦੀ ਨਹੀਂ ਏ !
ਦਿਲ ਦੇ ਵੇਹੜੇ ਤੰਗ ਹੋ ਜਾਵਣ
ਸਾਂਝ ਦੀ ਮੰਜੀ ਡਹਿੰਦੀ ਨਹੀਂ ਏ !

ਮਾਂ ਜਦ ਤੱਕ ਨਾਂ ਲੋਰੀ ਗਾਵੇ,
ਨੈਣੀਂ ਨੀਂਦਰ ਪੈਂਦੀ ਨਹੀਂ ਏ !
ਮਾਂ ਦੇ ਜਿੰਨੀਆਂ ਪੀੜਾਂ ਜੱਗ ਤੇ,
ਹੋਰ ਜਾਤ ਕੋਈ ਸਹਿੰਦੀ ਨਹੀਂ ਏ !
ਮਾਂ ਪਿਓ ਦੀ ਅਸੀਸ ਨਾਂ ਹੋਵੇ,
ਖੁਸ਼ੀ ਵੀ ਬੂਹੇ ਬਹਿੰਦੀ ਨਹੀਂ ਏ !

ਹਾਣ ਨਈਂ ਮਿਲਿਆ, ਸੰਜੋਗ ਸਮਝ,
ਜੇ ਧੀ ਰਾਣੀ ਕੁਝ ਕਹਿੰਦੀ ਨਹੀਂ ਏ !
ਚਾਅ ਨਿਚੋੜ ਜੋ ਹੱਥੀਂ ਲਾਈ,
ਖੂਨ ਏ “ਮਾਣਕ “ਮਹਿੰਦੀ ਨਹੀਂ ਏ,

ਲੱਗੇ ਜੇ ਮੱਥੇ,ਬਦਨਾਮੀ ਕਾਲਖ,
ਪੀੜ੍ਹੀਆਂ ਤਾਈਂ ਲਹਿੰਦੀ ਨਹੀਂ ਏ !
ਔਰਤ ਜਾਂ ਸ਼ੀਸ਼ਾ,ਝਰੀਟ ਖਾ ਜਾਵੇ
ਦੁਨੀਆਂ ਸੱਜਣਾ ਲੈਂਦੀ ਨਹੀਂ ਏ !

  • ਰਾਜੇਸ਼ ਮਾਣਕ
  • 249

Continue Reading

ਰਚਨਾਵਾਂ ਜਨਵਰੀ 2021

ਕਿਸਾਨ ਅੰਦੋਲਨ

Published

on

ਨੀ ਮੈਂ ਬੋਲਦਾ ਪੰਜਾਬ ਅੱਜ ਰੰਡੀਏ ਸੁਣੀੰ,
ਗੱਲ ਦਿੱਲੀਏ ਦਲਾਲਾਂ ਦੀਏ ਮੰਡੀਏ ਸੁਣੀਂ,
ਬਾਰਾਂ ਤਾਲ਼ੀਏ ਸੁਣੀਂ ਨੀ ਸੁਣੀਂ ਗੰਦੀਏ ਸੁਣੀਂ,
ਤੇਰੇ ਚੰਦਰੇ ਸੁਭਾਅ ਚੋੰ ਗਦਾਰੀ ਨੀ ਗਈ।
ਤੇਰੇ ਖੂਨ ਚੋਂ ਕਦੇ ਨੰਗਪੁਣਾ ਨੀ ਗਿਆ,
ਮੇਰੇ ਲਹੂ ਚੋਂ ਕਦੇ ਵੀ ਸਰਦਾਰੀ ਨੀ ਗਈ।
ਤੇਰੇ ਖੂਨ ਚੋਂ …
1.
ਗੱਲਾਂ ਮੂੰਹ ਦੇ ਉੱਤੇ ਮਿੱਠੀਆਂ ਤੂੰ ਲੱਖ ਰੱਖਦੀ।
ਨੀਤੀ ਮੇਰੇ ਬਾਰੇ ਸਾਰਿਆਂ ਤੋਂ ਵੱਖ ਰੱਖਦੀ।
ਮੇਰੇ ਗੀਝੇ ਤੇ ਹਮੇਸ਼ਾਂ ਨੀ ਤੂੰ ਅੱਖ ਰੱਖਦੀ,
ਕਦੇ ਤੇਰੇ ਖੋਟੇ ਮਨ ਚੋਂ ਮਕਾਰੀ ਨੀ ਗਈ।
ਤੇਰੇ ਖੂਨ ਚੋਂ ….
2.
ਮੂਹਰੇ ਹੋ ਕੇ ਸਾਰੇ ਜਾਬਰਾਂ ਨੂੰ ਡੱਕ ਲੈਣ ਲਈ।
ਪੈਦਾ ਹੋਇਆ ਮਜ਼ਲੂਮਾਂ ਦਾ ਮੈਂ ਪੱਖ ਲੈਣ ਲਈ।
ਰਿਹਾ ਅੜਦਾ ਹਮੇਸ਼ਾ ਨੀ ਮੈਂ ਹੱਕ ਲੈਣ ਲਈ,
ਮੇਰੀ ਜਿੱਤ ਕੇ ਮੁੜਨ ਦੀ ਗਰਾਰੀ ਨੀ ਗਈ।
ਤੇਰੇ ਖੂਨ ਚੋਂ ….
3.
ਮੇਰਾ ਵੇਖ ਇੱਕ ਵਾਰੀ ਇਤਹਾਸ ਪੜ੍ਹ ਕੇ।
ਦੇਵਾਂ ਸੋਧ ਅਰਦਾਸਾ ਅਰਦਾਸ ਪੜ੍ਹਕੇ।
ਅੱਖਾਂ ਮੇਰੀਆਂ ਚ ਵੇਖ ਵਿਸ਼ਵਾਸ ਪੜ੍ਹ ਕੇ,
ਕਦੇ ਮੇਰੇ ਚੋਂ ਅਣਖ ਦੀ ਖੁਮਾਰੀ ਨੀ ਗਈ।
ਤੇਰੇ ਖੂਨ ਚੋਂ ……
4.
ਮੇਰੇ ਬੱਚਿਆਂ ਦੇ ਹੱਥੋਂ ਰੋਟੀ ਖੋਹਣ ਨੂੰ ਫਿਰੇਂ।
ਮੇਰੇ ਮਾਲਕ ਮੁਰੱਬਿਆਂ ਦੀ ਹੋਣ ਨੂੰ ਫਿਰੇਂ।
ਕੰਡਿਆਰੇ ਸਾਹਮਣੇ ਤੂੰ ਜੁੱਸਾ ਜੋਹਣ ਨੂੰ ਫਿਰੇੰ,
ਮੇਰੇ ਹੱਥੋਂ ਹਾਰ ਜਾਣ ਦੀ ਬਿਮਾਰੀ ਨੀ ਗਈ।
ਤੇਰੇ ਖੂਨ ਚੋਂ …..

  • ਕੁਲਦੀਪ ਸਿੰਘ
  • 248

Continue Reading

ਰੁਝਾਨ


Copyright by IK Soch News powered by InstantWebsites.ca