Latest Punjabi Poetry | Punjabi Poetry Competition 2020
Connect with us apnews@iksoch.com

ਰਚਨਾਵਾਂ ਨਵੰਬਰ 2020

ਕਵਿਤਾ-ਤੇਰਾ ਬੇਨਾਮ ਸ਼ਹਿਰ

Published

on

punjabi poetry

ਤੇਰੇ ਬੇਨਾਮ ਸ਼ਹਿਰ ਨੂੰ,
ਨਹੀਂ ਚਾਹੁੰਦੀ ਮੈਂ ਬਦਨਾਮ ਕਰਨਾ,
ਪਰ, ਕੀ ਕਰਾਂ ਦੱਸਣਾ ਹੀ ਪੈਣਾ, ਤੇਰੀ ਸਲਤਨਤ ਤੇ ਤਖ਼ਤ ਨੂੰ,
ਸਿਆਣੇ ਨੇ ਘੱਟ, ਬਹੁਤੇ ਬੁਜ਼ਦਿਲਾਂ ਦੇ ਡੇਰੇ ਨੇ,
ਸ਼ਹਿਰ ਤੇਰੇ ਦੀ ਧੁੱਪ ਮਘਦੀ ਹੈ ਬੇਸ਼ੱਕ,
ਪਰ ਰਸਤੇ ਅਜੇ ਲਗਦਾ,
ਹਨੇਰਿਆਂ ਨੇ ਘੇਰੇ ਨੇ |

ਮੰਨਿਆ ਤੇਰੇ ਸ਼ਹਿਰ ਦੀ, ਧੁੱਪ ਤਿੱਖਹਿੜੀ ਹੈ,
ਪਰ ਇਸ ਵਿੱਚ ਕਈ,
ਬੇਗੁਨਾਹਾਂ ਦੀਆਂ ਜਾਨਾਂ ਸੜ ਗਈਆਂ,
ਕਈਆਂ ਦੀਆਂ ਰੀਝਾਂ ਮਰ ਗਈਆਂ,
ਕਈਆਂ ਨੂੰ ਪਾਗਲ ਕਰ ਗਈਆਂ,
ਸ਼ਹਿਰ ਤੇਰੇ ਦੀਆਂ ਬੱਚੀਆਂ,
ਲਹੂ ਨਾਲ ਲੱਥ ਪਥ ਹੋ ਗਈਆਂ,
ਤੇਰੇ ਸਤਾਏ ਬੰਦਿਆਂ ਕਰਕੇ,
ਗਹਿਰੀ ਨੀਂਦੇ ਸੌਂ ਗਈਆਂ |

ਕੀ ਕਰਾਂ, ਮਜਬੂਰ ਆਂ ਮੈਂ,
ਤੇਰੇ ਸ਼ਹਿਰ ਦਾ ਫਲਸਫਾ ਬਿਆਨ ਹੋ ਰਿਹਾ,
ਸਹਾਰਾ ਕਲਮ ਦਾ ਲਿਆ, ਨੀਰ ਅੱਖਾਂ ਵਿੱਚੋ ਚੋਅ ਰਿਹਾ, ਦੇਖ ਤੇਰੇ ਸ਼ਹਿਰ ਵਿੱਚ,
ਬੇਗੈਰਤਾਂ ਦੀ ਥੋੜ ਨਈਂ,
ਕੋਈ ਹੋਰ ਇਥੇ ਨਵੀਆਂ, ਕੁਰੀਤੀਆਂ ਦੀ ਲੋੜ ਨਈਂ,

ਕਾਹਦੀ ਹੈ ਤਰੱਕੀ ਝੂਠਾ ਹੈ
ਵਿਗਿਆਨ ਤੇਰਾ,
ਰੁਲਦਾ ਹੈ ਸੜਕਾਂ ਤੇ ਕਿਵੇਂ ਦੇਖ ਇਨਸਾਨ ਤੇਰਾ,
ਮਾਰੀ ਹੈ ਮੱਤ ਕਾਇਨਾਤ ਵਿੱਚ ਇਨਸਾਨ ਦੀ,
ਕੀ ਗੱਲ ਕਰਾਂ ਮੈਂ ਹੁਣ,
ਸ਼ੈਤਾਨ ਕੇ ਹੈਵਾਨ ਦੀ,
ਰਾਜ਼ੀ ਆਪਣੀ ਕਲਮ ਦਾ,
ਸਹਾਰਾ ਨਿੱਤ ਲਿਆ ਕਰ,
ਸਮਝ ਨੀ ਆਉਂਦੀ ਕਈ ਵਾਰ ਮੈਨੂੰ,
ਲਿਖਾਂ ਜਾਂ ਨਾਂ ਲਿਖਾਂ ਮੈਂ ਬਿਆਨ ਤੇਰੇ ਸ਼ਹਿਰ ਦਾ,
ਮੈਨੂੰ ਹੋਰ ਨਾਂ ਝੁਕਾਵੇ ਤਾਨਾਸ਼ਾਹੀ ਜੋ ਫੁਰਮਾਨ ਤੇਰੇ ਸ਼ਹਿਰ ਦਾ…….. |

-ਰਾਜਿੰਦਰ ਕੌਰ ਰਾਜ਼ੀ

Continue Reading
Click to comment

Leave a Reply

Your email address will not be published. Required fields are marked *

ਰਚਨਾਵਾਂ ਨਵੰਬਰ 2020

ਸੋਹਬਤ

Published

on

ik soch muqabla

ਸੋਹਬਤ ਹੋਈ ‘ਗਾਂਧੀ’ ਨੂੰ ਤੇਰੀ
ਦੁਆਵਾਂ ‘ਚ ਰੱਬ ਤੋਂ ਰੱਬ ਮੰਗਣ ਤੇ

ਜੁੜ ਜਾਂਦੇ ਨੇ ਅੱਖਰ ਕੁਝ
ਵੀਹੀ ਚੋਂ ਤੇਰੇ ਨੀਂਵੀ ਪਾ ਲੰਘਣ ਤੇ

ਮੈਂ ਅਰਜ ਕਰਦਾ, ਕੀ ਸਮਝਾਂ?
ਤੇਰੇ ਇਰਸ਼ਾਦ ਕਹਿਕੇ ਸੰਗਣ ਤੇ

ਚਿੱਤ ਖੁਸ਼ ਹੋਣਾ ਤਾਂ ਬਣਦਾ ਏ
ਜੇ ਵਾਰ ਵਾਰ ਛੇੜਕੇ ਸੱਜਣ ਖੰਗਣ ਤੇ

ਕੁਦਰਤ ਫਿੱਕੀ ਪੈ ਜਾਂਦੀ ਏ
ਤੱਕ ਮੈਨੂੰ, ਤੇਰੇ ਮਿੰਨਾ ਮਿੰਨਾ ਹੱਸਣ ਤੇ

ਫਿਦਾ ਕਿਵੇਂ ਨਾ ਹੁੰਦਾ ਦੱਸ ਗਾਂਧੀ?
ਅੱਖਾਂ, ਬੁੱਲ, ਕੋਕਾ ਤੇ ਤੇਰੇ ਕੰਗਣ ਤੇ

ਮਿੱਠਾ ਮਿੱਠਾ ਲੱਗਣ ਲੱਗਦੈ ਸਭ
ਲਾ-ਇਲਾਜ ਇਸ਼ਕ ਸੱਪ ਦੇ ਡੰਗਣ ਤੇ

-ਹਰਪ੍ਰੀਤ

Continue Reading

ਰਚਨਾਵਾਂ ਨਵੰਬਰ 2020

ਕਵਿਤਾ-ਮਿੱਠੇ ਮਿੱਠੇ ਚਸ਼ਮੇ

Published

on

ik soch poetry

ਸਾਹਾਂ ਦੀ ਪੰਗਡੰਡੀਆ ਤੇ
ਤੁਰਦਾ ਰਹੇਗਾ ਨਾਮ ਤੇਰਾ
ਹਵਾਂ ਵਿਚ ਲਰਜ਼ਦਾ ਰਹਿਣਾ
ਪਿਆਰ ਤੇਰਾ
ਦਿਲ ਦੀ ਸਰਦਲ ਜ਼ਮੀਨ ਤੇ
ਵੱਧਦਾ ਫੁੱਲਦਾ ਰਹੇਗਾ
ਪਿਆਰ ਤੇਰੇ ਦਾ ਬੂਟਾ

ਕੱਜਲ ਤੇਰਿਆਂ ਨੈਣਾਂ ਦਾ
ਡੰਗ ਦਾ ਰਹੇਗਾ ਜੋਗੀਆਂ ਨੂੰ
ਜ਼ੁਲਫ਼ਾਂ ਤੇਰੀਆਂ ਚ
ਉਲ਼ਝੇ ਰਹਿਣਗੇ ਰਾਹੀਂ
ਪੈੜਾਂ ਤੇਰੀਆਂ ਚੋਂ
ਉਗਦੇ ਰਹਿਣਗੇ ਫੁੱਲ ਗੁਲਾਬਾ ਦੇ
ਤੇਰੇ ਹਾਸੇ ਅੱਗੇ
ਝੁਕਦੇ ਰਹਿਣਗੇ ਸਿਰ ਸਾਜ਼ਾਂ ਦੇ

ਤੇਰਿਆਂ ਬੁੱਲਾਂ ਚੋਂ ਫੁੱਟਦੇ ਰਹਿਣੇ
ਮਿੱਠੇ ਮਿੱਠੇ ਚਸ਼ਮੇ
ਤੈਨੂੰ ਵੇਖਣ ਲਈ ਅੱਖ ਖੁੱਲਦੀ ਰਹਿਣੀ
ਸੁੰਨ ਸੁਮਾਧਾ ਦੀ
ਤੈਨੂੰ ਪਾਵਣ ਲੲੀ ਠੋਕਰ
ਵੱਜਦੀ ਰਹਿਣੀ ਤਾਜ਼ਾ ਨੂੰ
ਤੇਰੇ ਬਾਰੇ ਲਿਖਣ ਲੲੀ
ਕਲਮਾਂ ਚੁੱਕਣੀਆਂ ਬੜੇ ਹੀ ( ਗੁਰਪ੍ਰੀਤਾ ) ਨੇ
ਪਰ ਤੇਰੇ ਅੱਗੇ ਨਿਕੜੇ ਪੈਣਾ
ਇਹਨਾਂ ਵੱਡਿਆਂ ਵੱਡਿਆ ਅਲਫਾਜਾਂ ਨੇ

-ਗੁਰਪ੍ਰੀਤ ਕਸਬਾ

Continue Reading

ਰਚਨਾਵਾਂ ਨਵੰਬਰ 2020

ਮਿੱਟੀ ਦੀ ਡਲੀ

Published

on

ik soch muqabla

ਮੈਂ ਮਿੱਟੀ ਦੀ ਡਲੀ ਮੀਂਹ ਦੀ ਕਿਣ-ਮਿਣ “ਚ” ਮੱਠੀ-ਮੱਠੀ ਖਸ਼ਬੋ ਪਈ ਵੰਡਦੀ ਹਾਂ, ਕਿਤੇ ਪਏ ਬੀਜ ਨੂੰ ਪੁੰਗਰਨ ਦਾ ਗੁਰ- ਪਈ ਦੱਸਦੀ ਹਾਂ,
ਮੈਂ ਮਿੱਟੀ ਦੀ ਡਲੀ ਭਾਰੀ ਭਰਕਮ ਚਮ ਦੇ ਬੂਟਾਂ ਥੱਲਿਉਂ ਵੀ ਮੁਸਕਰਾ ਪੈਨੀ ਹਾਂ,
ਮੈਂ ਕਦੀ ਸੌਂਗ ਨਹੀ ਮਨਾਉਂਦੀ…..
ਕਿਉ ਕਿ.. ਮੈਂ ਤਾਂ ਹਾਂ, ਮਿੱਟੀ ਦੀ ਡਲੀ,
ਮੈਂ ਤਾਂ ਹਾਂ ਮਿੱਟੀ ਦੀ ਡਲੀ!
-ਹਰਮਨਪ੍ਰੀਤ ਸਿੰਘ

Continue Reading

ਰੁਝਾਨ


Copyright by IK Soch News powered by InstantWebsites.ca