Murder of camp attendant, death of wanted accused
Connect with us [email protected]

ਅਪਰਾਧ

ਡੇਰੇ ਦੇ ਸੇਵਾਦਾਰ ਦਾ ਕਤਲ, ਲੋੜੀਂਦੇ ਦੋਸ਼ੀ ਦੀ ਵੀ ਮੌਤ

Published

on

death

ਜੰਡਿਆਲਾ ਮੰਜਕੀ, 5 ਜਨਵਰੀ – ਜੰਡਿਆਲਾ-ਫਗਵਾੜਾ ਮੁੱਖ ਮਾਰਗ ਉੱਤੇ ਪਿੰਡ ਸਮਰਾਏ ਦੇ ਇੱਕ ਡੇਰੇ ਵਿੱਚ ਸੇਵਾਦਾਰ ਦੇ ਕਤਲ ਹੋਣ ਦਾ ਸਮਾਚਾਰ ਮਿਲਿਆ ਹੈ।
ਏ ਸੀ ਪੀ ਜਲੰਧਰ ਛਾਉਣੀ ਮੇਜਰ ਸਿੰਘ ਢੱਡਾ ਨੇ ਦੱਸਿਆ ਕਿ ਉਨ੍ਹਾਂ ਨੂੰ ਦੇਰ ਰਾਤ ਕਤਲ ਦੀ ਸੂਚਨਾ ਮਿਲੀ ਤਾਂ ਉਹ ਥਾਣਾ ਸਦਰ ਜਲੰਧਰ ਦੇ ਮੁਖੀ ਕਮਲਜੀਤ ਸਿੰਘ ਨਾਲ ਜਾਂਚ ਕਰਨ ਲਈ ਗਏ ਸਨ। ਥਾਣਾ ਮੁਖੀ ਨੇ ਦੱਸਿਆ ਕਿ ਬਲਵਿੰਦਰ ਪੁੱਤਰ ਧਰਮਾ ਵਾਸੀ ਸਮਰਾਏ, ਜੋ ਦੁੱਧ ਦੀ ਦੁਕਾਨ ਕਰਦਾ ਹੈ, ਨੇ ਪੁਲਸ ਨੂੰ ਦੱਸਿਆ ਕਿ ਉਹ ਉਸ ਡੇਰੇ ਦਾ ਖਜ਼ਾਨਚੀ ਹੈ। ਡੇਰੇ ਦੇ ਪ੍ਰਬੰਧਕਾਂ ਨੇ ਵਿਸਾਖਾ ਰਾਮ ਪੁੱਤਰ ਕ੍ਰਿਸ਼ਨ ਰਾਮ ਵਾਸੀ ਬੀਰ ਪਿੰਡ ਨੂੰ ਉਕਤ ਡੇਰੇ ਦੀ ਸੇਵਾ ਲਈ ਰੱਖਿਆ ਸੀ ਅਤੇ ਉਸ ਦੇ ਨਾਲ ਪਾਲ ਚੰਦ ਪੁੱਤਰ ਅਮਰਚੰਦ ਵਾਸੀ ਸਮਰਾਏ ਸੇਵਾਦਾਰ ਰੱਖਿਆ ਸੀ। ਤਿੰਨ ਕੁ ਮਹੀਨੇ ਪਹਿਲਾਂ ਵਿਸਾਖਾ ਰਾਮ ਅਤੇ ਪਾਲ ਚੰਦ ਦਾ ਝਗੜਾ ਹੋਇਆ ਸੀ, ਜਿਸ ਕਾਰਨ ਪਾਲ ਚੰਦ ਡੇਰਾ ਛੱਡ ਕੇ ਚਲਾ ਗਿਆ ਸੀ। ਉਸ ਨੇ ਪੁਲਸ ਨੂੰ ਦੱਸਿਆ ਕਿ 24 ਦਸੰਬਰ ਨੂੰ ਵਿਸਾਖਾ ਰਾਮ ਮੇਰੀ ਦੁਕਾਨ ਉਤੇ ਆਇਆ ਅਤੇ ਡੇਰੇ ਦੀਆਂ ਚਾਬੀਆਂ ਮੈਨੂੰ ਦੇ ਕੇ ਕਿਹਾ ਕਿ ‘ਮੈਂ ਆਪਣੇ ਨਾਨਕੇ ਜਾਣਾ ਹੈ।’ ਸ਼ਾਮ ਨੂੰ ਉਸ ਨਾਲ ਫ਼ੋਨ ਤੇ ਸੰਪਰਕ ਕਰਨ `ਤੇ ਉਸ ਨੇ ਕਿਹਾ ਕਿ “ਮੈਂ ਆਪਣਾ ਕੰਮ ਕਰ ਦਿੱਤਾ ਹੈ। ਤੁਸੀਂ ਡੇਰੇ ਦਾ ਪ੍ਰਬੰਧ ਸੰਭਾਲ ਲਓ, ਮੈਂ ਨਹੀਂ ਆਉਣਾ।” ਪ੍ਰਬੰਧਕਾਂ ਦੀ ਸਲਾਹ ‘ਤੇ ਜਦੋਂ ਡੇਰੇ ਦਾ ਹੋਰ ਸੇਵਾਦਾਰ ਰੱਖ ਲਿਆ ਤਾਂ ਵਿਸਾਖਾ ਰਾਮ ਵੱਲੋਂ ਦਿੱਤੀਆਂ ਚਾਬੀਆਂ ਨਾਲ ਡੇਰਾ ਖੋਲ੍ਹਿਆ ਤਾਂ ਚਾਬੀਆਂ ਦੇ ਗੁੱਛੇ ‘ਚ ਵਿਸਾਖਾ ਰਾਮ ਦੇ ਕਮਰੇ ਦੀ ਚਾਬੀ ਨਹੀਂ ਸੀ। ਜਦੋਂ ਉਸ ਦੇ ਕਮਰੇ ਦਾ ਤਾਲਾ ਤੋੜਿਆ ਗਿਆ ਤਾਂ ਪਾਲ ਚੰਦ ਦੀ ਲਾਸ਼ ਬੈਡ ਤੋਂ ਥੱਲੇ ਪਈ ਸੀ। ਥਾਣਾ ਮੁਖੀ ਕਮਲਜੀਤ ਸਿੰਘ ਨੇ ਕਿਹਾ ਕਿ ਪੁਲਸ ਵੱਲੋਂ ਸੀ ਸੀ ਟੀ ਵੀ ਕੈਮਰੇ ਫੋਲੇ ਗਏ ਅਤੇ ਕਤਲ ਬਾਰੇ ਧਾਰਾ 302 ਅਧੀਨ ਵਿਸਾਖਾ ਰਾਮ ਪੁੱਤਰ ਕ੍ਰਿਸ਼ਨ ਰਾਮ ਵਾਸੀ ਬੀਰ ਪਿੰਡ ਥਾਣਾ ਨਕੋਦਰ ਖ਼ਿਲਾਫ਼ ਮੁਕੱਦਮਾ ਦਰਜ ਕੀਤਾ ਗਿਆ। ਪੁਲਸ ਪਾਰਟੀ ਨੇ ਜਦੋਂ ਮੁਕੱਦਮੇ ‘ਚ ਲੋੜੀਂਦੇ ਵਿਅਕਤੀ ਦੇ ਪਿੰਡ ‘ਚ ਜਾ ਕੇ ਜਾਂਚ ਕੀਤੀ ਤਾਂ ਪਤਾ ਲੱਗਾ ਕਿ ਉਕਤ ਵਿਅਕਤੀ ਦੀ ਵੀ ਕੁਝ ਦਿਨ ਪਹਿਲਾਂ ਮੌਤ ਹੋ ਗਈ ਹੈ।

ਅਪਰਾਧ

ਯੈਸ ਬੈਂਕ ਦੇ ਰਾਣਾ ਕਪੂਰ ਨੂੰ ਬੰਬਈ ਹਾਈ ਕੋਰਟ ਤੋਂ ਵੀ ਜ਼ਮਾਨਤ ਨਹੀਂ ਮਿਲੀ

Published

on

rana kapoor

ਮੁੰਬਈ, 26 ਜਨਵਰੀ – ਬੰਬਈ ਹਾਈ ਕੋਰਟ ਨੇ ਵੀ ਮਨੀ ਲਾਂਡਰਿੰਗ ਕੇਸ ਵਿੱਚ ਦੋਸ਼ੀ ਯੈਸ ਬੈਂਕ ਦੇ ਮੋਢੀ ਰਾਣਾ ਕਪੂਰ ਨੂੰ ਜ਼ਮਾਨਤ ਦੇਣ ਤੋਂ ਕੱਲ੍ਹ ਨਾਂਹ ਕਰ ਦਿੱਤੀ। ਪਿਛਲੇ ਸਾਲ ਜੁਲਾਈ ਵਿੱਚ ਮੁੰਬਈ ਦੀ ਇੱਕ ਵਿਸੇਸ਼ ਅਦਾਲਤ ਨੇ ਕਪੂਰ ਦੀ ਜ਼ਮਾਨਤ ਦੀ ਅਰਜ਼ੀ ਰੱਦ ਕਰ ਦਿੱਤੀ ਸੀ। ਉਸ ਪਿੱਛੋਂ ਉਸ ਨੇ ਬੰਬਈ ਹਾਈ ਕੋਰਟ ਵੱਲ ਰੁੱਖ ਕੀਤਾ ਸੀ। ਐਨਫੋਰਸਮੈਂਟ ਡਾਇਰੈਕਟੋਰੇਟ (ਈ ਡੀ) ਨੇ ਕਪੂਰ ਨੂੰ ਪਿਛਲੇ ਸਾਲ ਮਾਰਚ ਵਿੱਚ ਗ਼੍ਰਿਫ਼ਤਾਰ ਕੀਤਾ ਸੀ। ਈ ਡੀ ਵੱਲੋਂ ਡੀ ਐਚ ਐਫ ਐਲ ਨਾਲ ਸਬੰਧਤ ਇੱਕ ਕੰਪਨੀ ਕੋਲੋਂ 600 ਕਰੋੜ ਰੁਪਏ ਹੜੱਪਣ ਦੇ ਕੇਸ ਵਿੱਚ ਕਪੂਰ, ਉਨ੍ਹਾਂ ਦੀ ਪਤਨੀ ਅਤੇ ਤਿੰਨ ਬੇਟੀਆਂ ਵਿਰੁੱਧ ਜਾਂਚ ਕੀਤੀ ਜਾ ਰਹੀ ਹੈ।
ਰਾਣਾ ਕਪੂਰ ਦੇ ਵਕੀਲ ਹਰੀਸ਼ ਸਾਲਵੇ ਨੇ ਜਸਟਿਸ ਪੀ ਡੀ ਨਾਈਕ ਦੀ ਪ੍ਰਧਾਨਗੀ ਵਾਲੇ ਸਿੰਗਲ ਬੈਂਚ ਸਾਹਮਣੇ ਕਿਹਾ ਕਿ ਕਪੂਰ ਦੀ ਕੰਪਨੀ ਨੂੰ 600 ਕਰੋੜ ਰੁਪਏ ਕਰਜ਼ਾ ਮਿਲਿਆ ਸੀ, ਰਿਸ਼ਵਤ ਵਜੋਂ ਇਹ ਰਕਮ ਨਹੀਂ ਦਿੱਤੀ ਗਈ ਸੀ। ਈ ਡੀ ਦੇ ਵਕੀਲ ਨੇ ਜ਼ਮਾਨਤ ਦੀ ਅਰਜ਼ੀ ਦਾ ਵਿਰੋਧ ਕੀਤਾ ਤੇ ਅਦਾਲਤ ਨੂੰ ਦੱਸਿਆ ਕਿ ਕੰਪਨੀ ਦੇ ਮਾਲਕਾਂ ਵਿੱਚ ਕਪੂਰ ਦੀਆਂ ਧੀਆਂ ਵੀ ਸ਼ਾਮਲ ਹਨ। ਦੂਸਰੇ ਪਾਸੇ ਈ ਡੀ ਨੇ ਰੀਅਲ ਐਸਟੇਟ ਨਾਲ ਜੁੜੇ ਗਰੁੱਪ ਓਮਕਾਰ ਰੀਅਲਟਰਸ ਐਂਡ ਡਿਵੈਲਪਰਜ਼ ਦੇ ਮੁੰਬਈ ਵਿਚਲੇ ਸੱਤ ਟਿਕਾਣਿਆਂ ਅਤੇ ਯੈਸ ਬੈਂਕ ਵਿੱਚ ਮਨੀ ਲਾਂਡਰਿੰਗ ਬਾਰੇ 3 ਟਿਕਾਣਿਆਂ ਤੇ ਛਾਪੇ ਮਾਰੇ ਹਨ। ਓਮਕਾਰ ਗਰੁੱਪ ਦੇ ਮੁਖੀ ਕਮਲ ਕਿਸ਼ੋਰ ਗੁਪਤਾ ਅਤੇ ਐਮ ਡੀ ਬਾਬੂ ਲਾਲ ਵਰਮਾ ਉਕਤ ਗਰੁੱਪ ਦੇ ਪ੍ਰਮੋਟਰ ਹਨ। ਗਰੁੱਪਤੇ ਦੋਸ਼ ਹੈ ਕਿ ਉਸ ਨੇ ਝੁੱਗੀਆਂ ਵਿੱਚ ਰਹਿਣ ਵਾਲੇ ਲੋਕਾਂ ਦੇ ਮੁੜ ਵਸੇਬੇ ਬਾਰੇ ਬਣੀ ਅਥਾਰਟੀ ਵੱਲੋਂ ਹਾਸਲ ਕੀਤੀਆਂ ਕਈ ਪ੍ਰਵਾਨਗੀਆਂ ਦੀ ਗਲਤ ਵਰਤੋਂ ਕੀਤੀ ਹੈ। ਇਸ ਗਰੁੱਪ `ਤੇ ਇਹ ਵੀ ਦੋਸ਼ ਹੈ ਕਿ ਉਸ ਨੇ ਯੈਸ ਬੈਂਕ ਕੋਲੋਂ ਕਰਜ਼ੇ ਵਜੋਂ ਲੱਗਭਗ 450 ਕਰੋੜ ਰੁਪਏ ਲੈ ਕੇ ਕਿਸੇ ਹੋਰ ਥਾਂ ਖਰਚ ਕਰ ਦਿੱਤੇ ਹਨ।

Continue Reading

ਅਪਰਾਧ

ਗੈਸ ਏਜੰਸੀ ਦੇ ਕਾਰਿੰਦੇ `ਤੇ 6 ਨੌਜਵਾਨਾਂ ਵੱਲੋਂ ਹਥਿਆਰਾਂ ਨਾਲ ਹਮਲਾ

Published

on

fight

ਕਿਸ਼ਨਗੜ੍ਹ, 26 ਜਨਵਰੀ – ਪੁਲਸ ਚੌਕੀ ਪਚਰੰਗਾ ਦੇ ਪਿੰਡ ਕਾਲਾ ਬੱਕਰਾ ਚ ਇੱਕ ਗੈਸ ਏਜੰਸੀ ਦੇ ਗੁਦਾਮ ਦੇ ਕਾਰਿੰਦੇ ਕੋਲੋਂ ਮੋਟਰਸਾਈਕਲ ਤੇ ਐਕਟਿਵਾ ਸਵਾਰ 6 ਲੁਟੇਰੇ ਤੇਜ਼ਧਾਰ ਹਥਿਆਰਾਂ ਨਾਲ ਹਮਲਾ ਕਰਕੇ ਕਰੀਬ 50 ਹਜ਼ਾਰ ਰੁਪਏ ਦੀ ਨਕਦੀ ਤੇ ਇੱਕ ਮੋਬਾਈਲ ਲੁੱਟ ਕੇ ਫਰਾਰ ਹੋ ਗਏ। ਗੈਸ ਏਜੰਸੀ ਦੇ ਮਾਲਕ ਪਰਵਾਰਚੋਂ ਗੁਲਬਹਾਰ ਸਿੰਘ ਨਿਵਾਸੀ ਜਲੰਧਰ ਨੇ ਦੱਸਿਆ ਕਿ ਉਨ੍ਹਾਂ ਦੀ ਭੋਗਪੁਰ ਚ ਪ੍ਰੀਤਮ ਗੈਸ ਏਜੰਸੀ ਹੈ ਜਿਸ ਦਾ ਗੁਦਾਮ ਕਾਲਾ ਬੱਕਰਾ ਵਿਖੇ ਆਲਮਗੀਰ ਲਿੰਕ ਰੋਡ ਉੱਤੇ ਹੈ। ਕੱਲ੍ਹ ਸਵੇਰੇ ਗੁਦਾਮਤੇ ਦੋ ਮੋਟਰ ਸਾਈਕਲਾਂ ਤੇ ਇੱਕ ਐਕਟਿਵਾ ਤੇ 6 ਅਣਪਛਾਤੇ ਨੌਜਵਾਨ ਤੇਜ਼ਧਾਰ ਹਥਿਆਰ ਨਾਲ ਲੈਸ ਹੋ ਕੇ ਆਏ, ਜਿਨ੍ਹਾਂ ਵਿੱਚੋਂ ਤਿੰਨ ਨੌਜਵਾਨ ਗੁਦਾਮ ਦੇ ਅੰਦਰ ਦਾਖ਼ਲ ਹੋਏ ਤੇ ਉਨ੍ਹਾਂ ਏਜੰਸੀ ਦੇ ਕਾਰਿੰਦੇ ਕੁਲਦੀਪ ਸਿੰਘ ਪੁੱਤਰ ਜੋਗਿੰਦਰ ਸਿੰਘ ਨਿਵਾਸੀ ਡੱਲਾ (ਭੋਗਪੁਰ) ਤੋਂ ਸਿਲੰਡਰ ਦੀ ਮੰਗ ਕੀਤੀ। ਜਦੋਂ ਕਾਰਿੰਦੇ ਨੇ ਸਿਲੰਡਰ ਦੀ ਪਰਚੀ ਦੀ ਮੰਗ ਕੀਤੀ ਤਾਂ ਇੱਕ ਲੁਟੇਰੇ ਨੇ ਕਾਰਿੰਦੇਤੇ ਕ੍ਰਿਪਾਨ ਨਾਲ ਵਾਰ ਕਰ ਦਿੱਤਾ ਤੇ ਉਸ ਨੇ ਆਪਣੇ-ਆਪ ਨੂੰ ਬਚਾਉਣ ਲਈ ਦਰਵਾਜ਼ਾ ਅੱਗੇ ਕਰ ਦਿੱਤਾ, ਜਿਸ ਕਾਰਨ ਕ੍ਰਿਪਾਨ ਉਸ ਦੀ ਬਾਂਹ ਤੇ ਲੱਗੀ ਤੇ ਦਰਵਾਜ਼ੇ ਨਾਲ ਟਕਰਾਉਣ ਨਾਲ ਉਸ ਦਾ ਬਚਾਅ ਹੋ ਗਿਆ ਤੇ ਲੁਟੇਰੇ ਉਸਦਾ ਪੈਸਿਆਂ ਵਾਲਾ ਬੈਗ ਤੇ ਮੋਬਾਈਲ ਫ਼ੋਨ ਚੁੱਕ ਉਸ ਨੂੰ ਗੋਦਾਮ ਦੇ ਉਕਤ ਕਮਰੇ ਵਿੱਚ ਬੰਦ ਕਰਕੇ ਫਰਾਰ ਹੋ ਗਏ। ਉਨ੍ਹਾਂ ਦੱਸਿਆ ਕਿ ਬੈਗ ਵਿੱਚ ਕਰੀਬ 50,000 ਰੁਪਏ ਨਕਦੀ ਸੀ, ਜੋ ਲੁਟੇਰੇ ਲੈ ਗਏ। ਇਸ ਬਾਰੇ ਸੂਚਨਾ ਮਿਲਣਤੇ ਪੁਲਸ ਚੌਕੀ ਪਚਰੰਗਾ ਦੇ ਐਸ ਆਈ ਸੁਖਜੀਤ ਸਿੰਘ ਬੈਂਸ ਵੱਲੋਂ ਪੁੁਲਸ ਪਾਰਟੀ ਸਮੇਤ ਘਟਨਾ ਸਥਾਨ ਤੇ ਪਹੁੰਚ ਕੇ ਕਾਰਿੰਦੇ ਤੋਂ ਮੁਢਲੀ ਪੁੱਛਗਿੱਛ ਉਪਰੰਤ ਉਨ੍ਹਾਂ ਪੁਲਸ ਦੇ ਉਚ ਅਧਿਕਾਰੀਆਂ ਨੂੰ ਸੂਚਿਤ ਕੀਤਾ ਹੈ ਤੇ ਐਸ ਐਸ ਪੀ ਦਿਹਾਤੀ ਸੰਦੀਪ ਗਰਗਮੌਕੇਤੇ ਪਹੁੰਚੇ ਅਤੇ ਨਜ਼ਦੀਕੀ ਲੱਗੇ ਸੀ ਸੀ ਟੀ ਵੀ ਕੈਮਰਿਆਂ ਦੀ ਜਾਂਚ ਸ਼ੁਰੂ ਕਰਕੇ ਅਣਪਛਾਤੇ ਲੁਟੇਰਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

Continue Reading

ਅਪਰਾਧ

ਮਹਿਲਾ ਪੱਤਰਕਾਰ ਤੋਂ ਮੋਬਾਈਲ ਖੋਹਣ ਵਾਲਾ ਕਾਬੂ

Published

on

arrest

ਨਕੋਦਰ, 26 ਜਨਵਰੀ – ਸਿਟੀ ਪੁਲਸ ਨੇ ਮਹਿਲਾ ਪੱਤਰਕਾਰ ਤੋਂ ਮੋਬਾਈਲ ਖੋਹਣ ਵਾਲੇ ਵਿਅਕਤੀ ਨੂੰ ਕਾਬੂ ਕਰ ਕੇ ਉਸ ਕੋਲੋਂ ਮੋਬਾਈਲ ਬਰਾਮਦ ਕਰਨ ਚ ਸਫਲਤਾ ਹਾਸਲ ਕੀਤੀ ਹੈ। ਸਿਟੀ ਪੁਲਸ ਨੂੰ ਮਹਿਲਾ ਪੱਤਰਕਾਰ ਉਪਾਸਨਾ ਗਰੋਵਰ ਪੁੱਤਰੀ ਮੰਗਲ ਸੇਨ ਗਰੋਵਰ ਵਾਸੀ ਗੁਰੂ ਨਾਨਕਪੁਰਾ ਨੇ ਦੱਸਿਆ ਕਿ ਬੀਤੀ ਤਿੰਨ ਸਤੰਬਰ 2020 ਨੂੰ ਮੋਟਰਸਾਈਕਲ ਸਵਾਰ ਦੋ ਨੌਜਵਾਨ ਮੇਰਾ ਮੋਬਾਈਲ ਫੋਨ ਖੋਹ ਕੇ ਫ਼ਰਾਰ ਹੋ ਗਏ ਸਨ। ਮੈਂ ਆਪਣੇ ਤੌਰਤੇ ਘਟਨਾ ਸਥਾਨ ਨੇੜੇ ਲੱਗੇ ਕੈਮਰਿਆਂ ਦੀ ਸੀ ਸੀ ਟੀ ਵੀ ਫੁਟੇਜ ਲੈ ਕੇ ਪਤਾ ਕਰਦੀ ਰਹੀ ਤਾਂ ਮੈਨੂੰ ਪਤਾ ਲੱਗਾ ਹੈ ਕਿ ਮੋਟਰਸਾਈਕਲ ਚਾਲਕ ਦਾ ਨਾਂ ਹੁਸਨਪਾਲ ਉਰਫ ਵਿੱਕੀ ਪੁੱਤਰ ਸੁਖਦੇਵ ਰਾਜ ਵਾਸੀ ਪਿੰਡ ਬਲੰਦਾ ਥਾਣਾ ਮਹਿਤਪੁਰ ਹੈ।ਸਿਟੀ ਥਾਣਾ ਮੁਖੀ ਜਤਿੰਦਰ ਕੁਮਾਰ ਨੇ ਦੱਸਿਆ ਕਿ ਉਪਾਸਨਾ ਗਰੋਵਰ ਦੇ ਬਿਆਨਾਂ ਤੇ ਹੁਸਨ ਪਾਲ ਉਰਫ ਵਿੱਕੀ ਦੇ ਖ਼ਿਲਾਫ਼ ਥਾਣਾ ਸਿਟੀ ਵਿਖੇ ਮਾਮਲਾ ਦਰਜ ਕੀਤਾ ਗਿਆ।ਮਾਮਲੇ ਦੀ ਜਾਂਚ ਕਰ ਰਹੇ ਏ ਐਸ ਆਈ ਗੁਰਦਿਆਲ ਸਿੰਘ ਨੇ ਗੁਪਤ ਸੂਚਨਾ ਦੇ ਆਧਾਰਤੇ ਉਕਤ ਮੁਲਜ਼ਮ ਹੁਸਨ ਪਾਲ ਉਰਫ ਵਿੱਕੀ ਨੂੰ ਰੇਲਵੇ ਰੋਡ ਮਹਿਤਪੁਰ ਬਾਈਪਾਸ ਤੋਂ ਗ਼੍ਰਿਫ਼ਤਾਰ ਕਰ ਕੇ ਉਸ ਤੋਂਮੋਬਾਈਲ ਬਰਾਮਦ ਕਰ ਲਿਆ।ਏ ਐਸ ਆਈ ਗੁਰਦਿਆਲ ਸਿੰਘ ਨੇ ਦੱਸਿਆ ਕਿ ਮੁਲਜ਼ਮ ਨੂੰ ਅਦਾਲਤ ਤੋਂ ਰਿਮਾਂਡ ਹਾਸਲ ਕਰਕੇ ਵਾਰਦਾਤ `ਚ ਵਰਤੇ ਮੋਟਰਸਾਈਕਲ ਨੂੰ ਬਰਾਮਦ ਕਰਨ ਲਈ ਹੋਰ ਪੁੱਛਗਿੱਛ ਕੀਤੀ ਜਾਵੇਗੀ।

Continue Reading

ਰੁਝਾਨ


Copyright by IK Soch News powered by InstantWebsites.ca