ਵੈਲਿੰਗਟਨ, 10 ਫਰਵਰੀ, – ਨਿਊਜ਼ੀਲੈਂਡ ਦੀ ਪਾਰਲੀਮੈਂਟਵਿੱਚ ਇਕ ਅਨੋਖੀ ਘਟਨਾ ਦੌਰਾਨ ਮਾਉਰੀ ਭਾਈਚਾਰੇ ਦੇ ਇੱਕ ਪਾਰਲੀਮੈਂਟ ਮੈਂਬਰ ਨੂੰ ਸਿਰਫ ਟਾਈ ਨਾ ਪਾਉਣ ਉੱਤੇਫਿਟਕਾਰ ਲਾਈ ਗਈ ਤੇ ਸਵਾਲ ਪੁੱਛਣ ਦੀ ਆਗਿਆ ਦੇਣ ਦੀ ਥਾਂ ਹਾਊਸ ਵਿੱਚੋਂ ਬਾਹਰ ਕੱਢ ਦਿੱਤਾ ਗਿਆ।
ਅਸਲ ਵਿਚ ਆਦਿਵਾਸੀ ਪਾਰਲੀਮੈਂਟ ਮੈਂਬਰ (ਐੱਮ ਪੀ) ਰਾਵਿਰੀ ਵੈਤੀਤੀ ਨੇ ਪਾਰਲੀਮੈਂਟ ਵਿਚ ਟਾਈ ਪਾਉਣ ਤੋਂ ਇਨਕਾਰ ਕਰ ਦਿੱਤਾ ਸੀ, ਜਿਸ ਕਾਰਨ ਉਸ ਨੂੰ ਪਾਰਲੀਮੈਂਟ ਵਿਚੋਂ ਬਾਹਰ ਕੱਢ ਦਿੱਤਾ ਗਿਆ। ਵੈਤੀਤੀ ਨੇ ਕਿਹਾ ਕਿ ਟਾਈ ਪਾਉਣ ਦਾ ਨਿਯਮ ਅੱਜ ਦੇ ਸਮੇਂ ਵਿਚ ਠੀਕ ਨਹੀਂ। ਉਨ੍ਹਾਂ ਕਿਹਾ ਕਿ ਇਸੇ ਹਾਊਸ ਵਿਚ ਮੈਕਸੀਕੋ ਮੂਲ ਦੇ ਐੱਮ ਪੀ ਆਪਣੀ ਰਵਾਇਤੀ ਟਾਈ ਪਾਉਂਦੇ ਹਨ, ਪਰ ਉਨ੍ਹਾਂ ਉੱਤੇ ਕਿਸੇ ਨੂੰ ਇਤਰਾਜ਼ ਨਹੀਂ। ਉਨ੍ਹਾਂਸਵਾਲ ਪੁੱਛਿਆ ਕਿ ਸਾਨੂੰ ਆਦਿ ਵਾਸੀਆਂ ਨੂੰ ਕਿਉਂ ਰੋਕਿਆ ਜਾਂਦਾ ਹੈ? ਉਹਨਾਂ ਨੇ ਕਿਹਾ ਕਿ ਟਾਈ ਸਾਡੇ ਲਈ ਗੁਲਾਮੀ ਦਾ ਪ੍ਰਤੀਕ ਹੈ ਅਤੇ ਅਸੀਂ ਇਸ ਨੂੰ ਨਹੀਂ ਪਾਵਾਂਗੇ। ਇਸ ਨਾਲ ਨਿਊਜ਼ੀਲੈਂਡ ਵਿਚ ਨਵਾਂ ਵਿਵਾਦ ਖੜਾ ਹੋ ਗਿਆ।
ਨਿਊਜ਼ੀਲੈਂਡ ਪਾਰਲੀਮੈਂਟ ਦੇ ਸਪੀਕਰ ਟ੍ਰੇਵਰ ਮਲਾਰਡ ਨੇ ਆਦਿਵਾਸੀ ਐੱਮ ਪੀ ਰਾਵਿਰੀ ਵੈਤੀਤੀ ਨੂੰ ਨਸੀਹਤ ਦਿੰਦੇ ਹੋਏ ਕਿਹਾ ਕਿ ਜੇ ਉਨ੍ਹਾਂ ਨੇ ਸਰਕਾਰ ਤੋਂ ਸਵਾਲ ਪੁੱਛਣੇ ਹਨ ਤਾਂ ਉਨ੍ਹਾਂ ਨੂੰ ਟਾਈ ਪਾਉਣੀ ਹੋਵੇਗੀ, ਪਰ ਜਦੋਂਐੱਮ ਪੀ ਨੇ ਅਜਿਹਾ ਕਰਨ ਤੋਂ ਇਨਕਾਰ ਕੀਤਾ ਤਾਂ ਉਨ੍ਹਾਂ ਨੂੰ ਸਦਨ ਤੋਂ ਕੱਢ ਦਿੱਤਾ ਗਿਆ। ਇਸ ਕਾਰਨ ਸਪੀਕਰ ਦੇ ਫ਼ੈਸਲੇ ਦੀ ਕਾਫੀ ਆਲੋਚਨਾ ਹੋ ਰਹੀ ਹੈ। ਕੁਝ ਦਿਨ ਪਹਿਲਾਂ ਵੀ ਸਪੀਕਰ ਨੇ ਰਾਵਿਰੀਵੈਤੀਤੀ ਨੂੰ ਕਿਹਾ ਸੀ ਕਿ ਜੇਸਰਕਾਰ ਦੇ ਕਿਸੇ ਮੰਤਰੀ ਤੋਂ ਸਵਾਲ ਪੁੱਛਣਾ ਚਾਹੁੰਦੇ ਹਨ ਤਾਂ ਉਨ੍ਹਾਂ ਨੂੰ ਨਿਯਮਾਂ ਮੁਤਾਬਕ ਟਾਈ ਪਾਉਣੀ ਹੋਵੇਗੀ।
ਵਰਨਣ ਯੋਗ ਹੈ ਕਿ ਰਾਵਿਰੀ ਵੈਤੀਤੀ ਓਥੋਂ ਦੇ ਮਾਓਰੀ ਆਦਿਵਾਸੀ ਕਬੀਲੇ ਨਾਲ ਸੰਬੰਧ ਰੱਖਦੇ ਹਨ ਤੇ ਮਾਓਰੀ ਪਾਰਟੀ ਦੇ ਮੈਂਬਰ ਹਨ। ਇਸ ਵਾਰ ਉਹ ਸਦਨ ਵਿਚ ਟਾਈ ਦੀ ਥਾਂ ਕਬੀਲੇ ਨਾਲ ਜੁੜਿਆ ਇਕ ਲਾਕੇਟ ਪਾ ਕੇ ਪਹੁੰਚੇ ਸਨ। ਇਸ ਮਗਰੋਂ ਸਪੀਕਰ ਨੇ ਉਨ੍ਹਾਂ ਨੂੰ ਆਪਣੇ ਚੈਂਬਰ ਵਿਚ ਬੁਲਾ ਕੇ ਸਮਝਾਇਆ ਕਿ ਟਾਈ ਪਾਉਣੀ ਜ਼ਰੂਰੀ ਹੈ, ਪਰ ਉਨ੍ਹਾਂ ਨੇ ਸਾਫ ਇਨਕਾਰ ਕਰ ਕੇ ਇਸ ਨੂੰ ਗੁਲਾਮੀ ਦਾ ਪ੍ਰਤੀਕ ਦੱਸਿਆ।