Leon Messi left Pel behind, looking to break the next record
Connect with us apnews@iksoch.com

ਖੇਡਾਂ

ਲਿਓਨ ਮੈਸੀ ਨੇ ਪੇਲੇ ਨੂੰ ਪਿੱਛੇ ਛੱਡਿਆ, ਅਗਲਾ ਰਿਕਾਰਡ ਤੋੜਨ ਉੱਤੇ ਨਜ਼ਰ ਟਿਕੀ

Published

on

leon messi

ਬਾਰਸੀਲੋਨਾ, 23 ਦਸੰਬਰ, – ਸੁਪਰ ਸਟਾਰ ਸਟ੍ਰਾਈਕਰ ਲਿਓਨ ਮੈਸੀ ਨੇ ਇਕ ਫੁੱਟਬਾਲ ਕਲੱਬ ਲਈ ਸਭ ਤੋਂ ਵੱਧ ਗੋਲ ਕਰਨ ਵਿਚ ਬ੍ਰਾਜ਼ੀਲ ਦੇ ਵੱਡੇ ਖਿਡਾਰੀ ਪੇਲੇ ਦਾ ਰਿਕਾਰਡ ਤੋੜ ਦਿੱਤਾ ਹੈ। ਇਹ ਪ੍ਰਾਪਤੀ ਲਿਓਨ ਮੈਸੀ ਨੇ ਸਪੈਨਿਸ਼ ਲੀਗ ਲਾ ਲੀਗਾ ਵਿਚ ਵਲਾਡੋਲਿਡ ਖ਼ਿਲਾਫ਼ ਖੇਡਦੇ ਹੋਏ ਕੀਤੀ ਹੈ। ਵਰਨਣ ਯੋਗ ਹੈ ਕਿ ਮੈਸੀ ਦੇ ਇਸ ਵੇਲੇ ਬਾਰਸੀਲੋਨਾ ਲਈ 644 ਗੋਲ ਹੋ ਗਏ ਹਨ। ਉਸ ਨੇ 17 ਸੈਸ਼ਨਾਂ ਵਿਚ 749 ਮੈਚ ਖੇਡੇ ਹਨ। ਮੈਸੀ ਤੋਂ ਪਹਿਲਾਂ ਪੇਲੇ ਨੇ ਸਾਂਤੋਸ ਕਲੱਬ ਲਈ 19 ਸੈਸ਼ਨਾਂ ਵਿਚ 643 ਗੋਲ ਕੀਤੇ ਸਨ। ਉਨ੍ਹਾਂ ਨੇ 15 ਸਾਲ ਦੀ ਉਮਰ ਵਿਚ ਸਾਂਤੋਸ ਲਈ ਖੇਡਣਾ ਸ਼ੁਰੂ ਕੀਤਾ ਸੀ ਅਤੇ 1956 ਤੋਂ 1974 ਤਕ 656 ਮੈਚਾਂ ਵਿਚ 643 ਗੋਲ ਕੀਤੇ ਸਨ।
ਤਾਜ਼ਾ ਮੈਚ ਵਿਚ ਬਾਰਸੀਲੋਨਾ ਨੂੰ 3-0 ਨਾਲ ਜਿੱਤ ਮਿਲੀ, ਜਿਸ ਵਿਚ ਕਲੇਮੈਂਟ ਲੈਂਗਲੇਟ, ਮਾਰਟਿਨ ਬ੍ਰੇਥਵੇਟ ਤੇ ਮੈਸੀ ਨੇ ਗੋਲ ਕੀਤੇ। ਇਸ ਦੇ ਨਾਲ ਮੈਸੀ ਨੇ ਇਸ ਸੈਸ਼ਨ ਵਿਚ ਪਹਿਲੀ ਵਾਰ ਕਿਸੇ ਖਿਡਾਰੀ ਦੇ ਗੋਲ ਕਰਨ ਵਿਚ ਮਦਦ ਕੀਤੀ ਤੇ ਉਨ੍ਹਾਂ ਦੀ ਮਦਦ ਨਾਲ ਲੈਂਗਲੇਟ ਨੇ 21ਵੇਂ ਮਿੰਟ ਵਿਚ ਟੀਮ ਲਈ ਪਹਿਲਾ ਗੋਲ ਕੀਤਾ। ਫਿਰ 14 ਮਿੰਟ ਬਾਅਦ ਬ੍ਰੇਥਵੇਟ ਨੇ ਟੀਮ ਦੀ ਬੜ੍ਹਤ ਨੂੰ ਵਧਾਉਣ ਵਿਚ ਦੇਰ ਨਹੀਂ ਕੀਤੀ। ਪਹਿਲਾ ਅੱਧ ਬਾਰਸੀਲੋਨਾ ਨੇ 2-0 ਨਾਲ ਆਪਣੇ ਨਾਂ ਕੀਤਾ। ਦੂਜੇ ਅੱਧ ਵਿਚ ਪੇਡ੍ਰੀ ਬੇਖੀਲ ਦੇ ਪਾਸ ਨੂੰ ਮੈਸੀ ਭੁਲੇਖਾ ਪਾ ਕੇ ਗੋਲ ਪੋਸਟ ਤਕ ਲੈ ਗਏ। ਗੋਲਕੀਪਰ ਜੋਰਡੀ ਮਸਿਪ ਬਾਰਸੀਲੋਨਾ ਦੇ ਮੈਸੀ ਦੇ ਮੂਹਰੇ ਸਨ, ਪਰ ਉਹ ਅਰਜਨਟੀਨਾ ਦੇ ਸੁਪਰ ਸਟਾਰ ਖਿਡਾਰੀ ਨੂੰ ਰੋਕ ਨਾ ਸਕੇ। ਮੈਸੀ ਨੇ ਆਪਣੇ ਖੱਬੇ ਪੈਰ ਨੂੰ ਹਲਕਾ ਜਿਹਾ ਮੋੜ ਕੇ ਗੇਂਦ ਨੂੰ ਗੋਲ ਪੋਸਟ ਵਿਚ ਪਾ ਕੇ ਟੀਮ ਦੀ ਜਿੱਤ ਦਾ ਫ਼ਰਕ ਵਧਾਇਆ।
ਮੈਸੀ ਨੇ ਜਦੋਂ ਪੇਲੇ ਦੇ ਰਿਕਾਰਡ ਦੀ ਬਰਾਬਰੀ ਕੀਤੀ ਤਾਂ ਬ੍ਰਾਜ਼ੀਲ ਦੇ ਖਿਡਾਰੀ ਪੇਲੇ ਨੇ ਉਨ੍ਹਾਂ ਨੂੰ ਵਧਾਈ ਦੇ ਕੇ ਕਿਹਾ ਸੀ ਕਿ ਉਹ ਮੈਸੀ ਦਾ ਕਾਫੀ ਸਨਮਾਨ ਕਰਦੇ ਹਨ। ਉਸ ਦਾ ਰਿਕਾਰਡ ਤੋੜਨ ਦੇ ਬਾਅਦ ਉਹ ਪੇਲੇ ਦਾ ਇਕ ਹੋਰ ਰਿਕਾਰਡ ਤੋੜਨ ਦੇ ਨੇੜੇ ਹਨ। ਪੇਲੇ ਨੇ ਬ੍ਰਾਜ਼ੀਲ ਲਈ 77 ਗੋਲ ਕੀਤੇ ਸਨ, ਜੋ ਦੱਖਣੀ ਅਮਰੀਕੀ ਮਹਾਦੀਪ ਵਿਚ ਅਜੇ ਵੀ ਇਕ ਰਿਕਾਰਡ ਹੈ। ਮੈਸੀ ਇਸ ਵਕਤ ਪੇਲੇ ਦੇ ਇਸ ਰਿਕਾਰਡ ਨੂੰ ਤੋੜਨ ਤੋਂ ਸਿਰਫ਼ ਛੇ ਗੋਲ ਦੂਰ ਹਨ। ਮੈਸੀ ਨੇ ਅਜੇ ਤੱਕ ਅਰਜਨਟੀਨਾ ਲਈ 71 ਗੋਲ ਕੀਤੇ ਹਨ।
ਇਸ ਮੌਕੇ ਲਿਓਨ ਮੈਸੀ ਨੇ ਕਿਹਾ ਕਿ ਜਦ ਮੈਂ ਫੁੱਟਬਾਲ ਖੇਡਣਾ ਸ਼ੁਰੂ ਕੀਤਾ ਤਾਂ ਕਦੀ ਨਹੀਂ ਸੋਚਿਆ ਸੀ ਕਿ ਮੈਂ ਕੋਈ ਰਿਕਾਰਡ ਤੋੜਾਂਗਾ, ਖ਼ਾਸ ਕਰ ਕੇ ਇਸ ਰਿਕਾਰਡ ਬਾਰੇ ਨਹੀਂ,ਜਿਹੜਾ ਮੈਂ ਬਣਾਇਆ ਹੈ। ਮੈਂ ਉਨ੍ਹਾਂ ਸਭਲੋਕਾਂ ਦਾ ਸ਼ੁਕਰੀਆ ਅਦਾ ਕਰਨਾ ਚਾਹੁੰਦਾ ਹਾਂ, ਜਿਨ੍ਹਾਂ ਨੇ ਮੇਰੀ ਇੰਨੇ ਸਾਲ ਮਦਦ ਕੀਤੀ। ਮੇਰੇ ਟੀਮ ਸਾਥੀ, ਮੇਰਾ ਪਰਿਵਾਰ, ਮੇਰੇ ਦੋਸਤ ਤੇ ਉਹ ਸਾਰੇ, ਜਿਨ੍ਹਾਂ ਨੇ ਹਰ ਦਿਨ ਮੇਰਾ ਸਮਰਥਨ ਕੀਤਾ ਹੈ।

Sports News in Punjabi 

ਖੇਡਾਂ

ਦਿੱਲੀ ਸੰਘਰਸ਼ ਤੋਂ ਮੁੜਨ ਪਿੱਛੋਂ ਕਬੱਡੀ ਖਿਡਾਰੀ ਕਾਕਾ ਚੌਂਦਾ ਦੀ ਮੌਤ

Published

on

death

ਅਮਰਗੜ੍ਹ, 19 ਜਨਵਰੀ – ਭਾਰਤ ਸਰਕਾਰ ਦੇ ਤਿੰਨ ਖੇਤੀ ਬਿੱਲਾਂ ਨੂੰ ਰੱਦ ਕਰਾਉਣ ਲਈ ਦਿੱਲੀ ਵਿਖੇ ਚੱਲ ਰਿਹੇ ਕਿਸਾਨ ਮੋਰਚੇ ਵਿੱਚ ਲਗਾਤਾਰ ਲੋਕ ਜਾਨਾਂ ਵਾਰ ਰਹੇ ਹਨ। ਇਸੇ ਤਰ੍ਹਾਂ ਪਿੰਡ ਚੌਂਦਾ ਦਾ ਕਬੱਡੀ ਖਿਡਾਰੀ ਕਾਕਾ ਚੌਂਦਾ ਵੀ ਇਸ ਘੋਲ ਦੌਰਾਨ ਆਪਣੀ ਕੀਮਤੀ ਜਾਨ ਗੁਆ ਬੈਠਾ ਹੈ।
ਕਬੱਡੀ ਖਿਡਾਰੀ ਸਭਾ ਚੌਂਦਾ ਤੇ ਪਰਦੀਪ ਢਢੋਲੀ ਨੇ ਇਸ ਬਾਰੇ ਬਿਆਨ ਜਾਰੀ ਕੀਤਾ ਕਿ ਕਬੱਡੀ ਖਿਡਾਰੀ ਕਾਕਾ ਚੌਂਦਾ ਨੇ ਨਿੱਕੀ ਉਮਰ ਵਿੱਚ ਕਬੱਡੀ ਦਾ ਨਾਮੀ ਪਲੇਅਰ ਬਣ ਕੇ ਪਿੰਡ ਅਤੇ ਇਲਾਕੇ ਦਾ ਨਾਮ ਉਚਾ ਕੀਤਾ ਸੀ, ਪਰ ਕਈ ਕਬੱਡੀ ਟੂਰਨਾਮੈਂਟਾਂ`ਚ ਨਾਮ ਚਮਕਾਉਣ ਦੇ ਬਾਵਜੂਦ ਪਰਵਾਰਕ ਪਿਛੋਕੜ ਹੇਠਲੀ ਕਿਸਾਨੀ ਦਾ ਹੋਣ ਕਾਰਨ ਘਰੇਲੂੁ ਹਾਲਤ ਬੇਹੱਦ ਮਾੜੀ ਸੀ। ਖੇਡ ਦੇ ਨਾਲ ਕਾਕਾ ਚੌਂਦਾ ਖੇਤੀ ਕਾਨੂੰਨਾਂ ਵਿਰੁੱਧ ਵੀ ਪਹਿਲੇ ਦਿਨ ਤੋਂ ਸੰਘਰਸ਼ ਕਰਦਾ ਰਿਹਾ ਹੈ। ਕੁਝ ਦਿਨ ਪਹਿਲਾਂ ਦਿੱਲੀ ਤੋਂ ਪਰਤ ਕੇ ਉਹ 26 ਜਨਵਰੀ ਦੀ ਕਿਸਾਨ ਟਰੈਕਟਰ ਪਰੇਡ ਦੀ ਤਿਆਰੀ ਲਈ ਪਿੰਡਾਂ ਵਿੱਚ ਨੌਜਵਾਨਾਂ ਦੀਆਂ ਮੀਟਿੰਗਾਂ ਕਰਵਾ ਰਿਹਾ ਸੀ। ਇਸ ਭੱਜ-ਦੌੜ ਦੌਰਾਨ ਉਸ ਦੀ ਸਿਹਤ ਕਾਫ਼ੀ ਵਿਗੜ ਗਈ ਤੇ ਕੱਲ੍ਹ ਰਾਤ ਅਚਾਨਕ ਸੀਨੇ ਵਿੱਚ ਦਰਦ ਉਠਣ ਕਾਰਨ ਉਸਦੀ ਮੌਤ ਹੋ ਗਈ। ਕਬੱਡੀ ਖ਼ਿਡਾਰੀਆਂ ਨੇ ਕਿਹਾ ਕਿ ਇਸ ਮੌਤ ਦੀ ਜ਼ਿੰਮੇਵਾਰ ਮੋਦੀ ਸਰਕਾਰ ਹੈ, ਜਿਸ ਨੇ ਪਹਿਲਾਂ ਵੀ ਸਾਡੇ 100 ਦੇ ਕਰੀਬ ਲੋਕਾਂ ਨੂੰ ਮੌਤ ਦੇ ਮੂੰਹ ਵਿੱਚ ਪਹੁੰਚਾ ਦਿੱਤਾ।

Continue Reading

ਖੇਡਾਂ

ਸਿਡਨੀ ਟੈਸਟ :ਭਾਰਤੀ ਕ੍ਰਿਕਟ ਖਿਡਾਰੀਆਂ ਵਿਰੁੱਧ ਨਸਲੀ ਟਿੱਪਣੀਆਂ

Published

on

cricket
  • ਕ੍ਰਿਕਟ ਆਸਟਰੇਲੀਆ ਨੇ ਮੁਆਫੀ ਮੰਗੀ
    ਸਿਡਨੀ, 11 ਜਨਵਰੀ – ਭਾਰਤੀ ਕ੍ਰਿਕਟਰਾਂ ਵਿਸ਼ੇਸ਼ ਤੌਰ ਉਤੇ ਤੇਜ਼ ਗੇਂਦਬਾਜ਼ ਮੁਹੰਮਦ ਸਿਰਾਜ ਨੂੰ ਆਸਟੇਰਲੀਆ ਵਿਰੁੱਧ ਤੀਜੇ ਟੈਸਟ ਕ੍ਰਿਕਟ ਮੈਚ ਵਿੱਚ ਲਗਾਤਾਰ ਦੂਜੇ ਦਿਨ ਨਸਲੀ ਟਿੱਪਣੀਆਂ ਦਾ ਸਾਹਮਣਾ ਕਰਨਾ ਪਿਆ। ਬੀ ਸੀ ਸੀ ਆਈ (ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ) ਦੇ ਸੂਤਰਾਂ ਅਨੁਸਾਰ ਸਿਰਾਜ ਨੂੰ ‘ਬ੍ਰਾਊਨ ਡਾਗ’ ਤੇ ‘ਬਿੱਗ ਮੰਕੀ’ ਕਿਹਾ ਗਿਆ। ਸਿਰਾਜ ਦੇ ਪਿਤਾ ਦਾ ਪਿੱਛੇ ਜਿਹੇ ਹੀ ਦਿਹਾਂਤ ਹੋਇਆ ਸੀ ਤੇ ਉਹ ਵੀ ਗਮਜ਼ਦਾ ਸੀ।
    ਪਹਿਲੀ ਵਾਰ ਆਸਟਰੇਲੀਆਈ ਦੌਰੇ `ਤੇ ਗਿਆ ਇਹ 26 ਸਾਲਾ ਖਿਡਾਰੀ ਨਿਯਮਾਂ ਦੀ ਪਾਲਣਾ ਕਰਦੇ ਹੋਏ ਹੀ ਕਪਤਾਨ ਅਜਿੰਦਯ ਰਹਾਣੇ ਅਤੇ ਮੈਦਾਨੀ ਅੰਪਾਇਰਾਂ ਕੋਲ ਗਿਆ ਤੇ ਉਨ੍ਹਾਂ ਨੂੰ ਘਟਨਾ ਤੋਂ ਜਾਣੂ ਕਰਵਾਇਆ। ਇਸ ਨਾਲ ਖੇਡ 10 ਮਿੰਟ ਤੱਕ ਰੁਕੀ ਰਹੀ। ਸੁਰੱਖਿਆ ਕਰਮਚਾਰੀਆਂ ਨੂੰ ਬੁਲਾਇਆ ਗਿਆ, ਜਿਨ੍ਹਾਂ ਨੇ 6 ਦਰਸ਼ਕਾਂ ਨੂੰ ਸਟੇਡੀਅਮ ਤੋਂ ਬਾਹਰ ਕਰ ਦਿੱਤਾ। ਇਸ ਤੋਂ ਪਹਿਲੇ ਦਿਨ ਨਸ਼ੇ ਵਿੱਚ ਟੱਲੀ ਇੱਕ ਵਿਅਕਤੀ ਨੇ ਤੇਜ਼ ਗੇਂਦਬਾਜ਼ ਜਸਪ੍ਰੀਤ ਬੁਮਰਾਹ ਲਈ ਅਪਸ਼ਬਦਾਂ ਦਾ ਇਸਤੇਮਾਲ ਕੀਤਾ ਸੀ। ਬੀ ਸੀ ਸੀ ਆਈ ਪਹਿਲਾਂ ਆਈ ਸੀ ਸੀ ਦੇ ਮੈਚ ਰੈਫਰੀ ਡੇਵਿਡ ਬੂਨ ਕੋਲ ਇਸ ਦੀ ਸ਼ਿਕਾਇਤ ਕਰ ਚੁੱਕਾ ਹੈ। ਕ੍ਰਿਕਟ ਆਸਟੇਰਲੀਆ (ਸੀ ਏ) ਦੇ ਇੰਟੀਗ੍ਰਿਟੀ ਅਤੇ ਸੁਰੱਖਿਆ ਪ੍ਰਮੁੱਖ ਸੀਨ ਕੇਰੋਲ ਨੇ ਕਿਹਾ, ‘‘ਲੜੀ ਦੇ ਮੇਜ਼ਬਾਨ ਹੋਣ ਨਾਤੇ ਅਸੀਂ ਭਾਰਤੀ ਕ੍ਰਿਕਟ ਟੀਮ ਵਿੱਚ ਆਪਣੇ ਦੋਸਤਾਂ ਤੋਂ ਮੁਆਫੀ ਮੰਗਦੇ ਹਾਂ ਤੇ ਉਨ੍ਹਾਂ ਨੂੰ ਭਰੋਸਾ ਦਿੰਦੇ ਹਾਂ ਕਿ ਅਸੀਂ ਇਸ ਮਾਮਲੇ ਵਿੱਚ ਸਖ਼ਤ ਕਾਰਵਾਈ ਕਰਾਂਗੇ।”

Cricket News in Punjabi

Continue Reading

ਖੇਡਾਂ

ਭਾਰਤੀ ਕ੍ਰਿਕਟ ਬੋਰਡ 14 ਹਜ਼ਾਰ ਕਰੋੜ ਰੁਪਏ ਤੋਂ ਵੱਧ ਵਾਲਾ ਬੋਰਡ ਬਣਿਆ

Published

on

bbci

ਨਵੀਂ ਦਿੱਲੀ, 7 ਜਨਵਰੀ – ਦੁਨੀਆ ਦਾ ਸਭ ਤੋਂ ਅਮੀਰ ਕ੍ਰਿਕਟ ਬੋਰਡ, ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀ ਸੀ ਸੀ ਆਈ) ਸਾਲ 2018-19 ਦੇ ਅਖੀਰ ਤੱਕ 14489.80 ਕਰੋੜ ਰੁਪਏ ਨਾਲ ਇੱਕ ਵਿਸ਼ਾਲ ਕ੍ਰਿਕਟ ਬੋਰਡ ਹੋ ਚੁੱਕਾ ਸੀ ਅਤੇ ਉਸ ਨੇ ਆਪਣੀ ਸਮਰੱਥਾ ਵਿੱਚ 2597.19 ਕਰੋੜ ਰੁਪਏ ਹੋਰ ਜੋੜ ਲਏ ਹਨ।
ਤਾਜ਼ਾ ਬੈਲੇਂਸ ਸ਼ੀਟ ਦੇ ਅਨੁਸਾਰ ਆਈ ਪੀ ਐਲ ਕ੍ਰਿਕਟ 2018 ਦੇ ਐਡੀਸ਼ਨ ਦੌਰਾਨ ਬੀ ਸੀ ਸੀ ਆਈ ਨੂੰ 4017.11 ਕਰੋੜ ਰੁਪਏ ਤੋਂ ਵੱਧ ਆਮਦਨ ਹੋਈ, ਜੋ 2407.46 ਕਰੋੜ ਰੁਪਏ ਹੈ। ਬੈਲੇਂਸ ਸ਼ੀਟ ਅਜੇ ਜਨਤਕ ਨਹੀਂ ਹੋਈ, ਜਦ ਕਿ 2019-20 ਦਾ ਖਾਤਾ ਵੀ ਅਜੇ ਤਿਆਰ ਨਹੀਂ। ਇਹ ਧਿਆਨ ਦੇਣਾ ਪਵੇਗਾ ਕਿ ਬੀ ਸੀ ਸੀ ਆਈ ਕਈ ਮੁਕੱਦਮਿਆਂ ਵਿੱਚ ਸ਼ਾਮਲ ਹਨ, ਜਿਸ ਵਿੱਚ ਇਨਕਮ ਟੈਕਸ ਵਿਭਾਗ, ਸਾਬਕਾ ਆਈ ਪੀ ਐਲ ਫ੍ਰੈਂਚਾਈਜ਼ੀ ਕੋਚੀ ਟਸਕਰਸ, ਡੇਕਨ ਚਾਰਜਸ, ਸਹਾਰਾ, ਨਿਓ ਸਪੋਰਟਸ ਅਤੇ ਵਰਲਡ ਸਪੋਰਟਸ ਗਰੁੱਪ ਆਦਿ ਸ਼ਾਮਲ ਹਨ। ਇਹ ਮਾਮਲੇ ਬੀ ਸੀ ਸੀ ਆਈ ਦੇ ਖਿਲਾਫ ਜਾਂਦੇ ਹਨ ਤਾਂ ਭਾਰਤੀ ਬੋਰਡ ਨੂੰ ਇਸ ਦਾ ਭੁਗਤਾਨ ਕਰਨਾ ਪੈ ਸਕਦਾ ਹੈ। ਵਿੱਤੀ ਸਾਲ 2018-19 ਦੌਰਾਨ ਬੀ ਸੀ ਸੀ ਆਈ ਨੂੰ ਦੂਸਰੀ ਸਭ ਤੋਂ ਵੱਡੀ ਮਾਲੀਆ ਰਾਸ਼ੀ ਭਾਰਤੀ ਟੀਮ ਦੇ ਮੀਡੀਆ ਅਧਿਕਾਰ ਤੋਂ ਪ੍ਰਾਪਤ ਹੋਈ ਸੀ, ਜੋ 828 ਕਰੋੜ ਰੁਪਏ ਸੀ। ਉਸੇ ਸਮੇਂ ਬੀ ਸੀ ਸੀ ਆਈ ਨੇ 1592.12 ਖਰਚ ਵੀ ਕੀਤੇ ਸਨ। ਸਾਲ 2017-18 ਵਿੱਚ ਬੀ ਸੀ ਸੀ ਆਈ ਨੇ ਆਪਣੀ ਕੁੱਲ ਜਾਇਦਾਦ 11892.61 ਕਰੋੜ ਰੁਪਏ ਤੱਕ ਪਹੁੰਚਾ ਦਿੱਤੀ ਸੀ। ਸਾਲ 2018-19 ਦੀ ਬੈਲੇਂਸ ਸ਼ੀਟ ਦੇ ਬਾਅਦ ਇਸ ਦੀ ਜਾਇਦਾਦ ਵਧ ਕੇ 14889.80 ਕਰੋੜ ਰੁਪਏ ਹੋ ਗਈ ਹੈ।

Read More Cricket News in Punjabi

Continue Reading

ਰੁਝਾਨ


Copyright by IK Soch News powered by InstantWebsites.ca