Kerala residents angry with Sachin apologize to Sharapova
Connect with us [email protected]

ਖੇਡਾਂ

ਸਚਿਨ ਤੋਂ ਨਾਰਾਜ਼ ਕੇਰਲਾ ਵਾਸੀਆਂ ਨੇ ਸ਼ਾਰਾਪੋਵਾ ਤੋਂ ਮਾਫ਼ੀ ਮੰਗੀ

Published

on

ਤਿਰੂਵਨੰਤਪੂਰਮ, 6 ਫਰਵਰੀ – ਕਿਸਾਨਾਂ ਦੇ ਪ੍ਰਦਰਸ਼ਨ ਬਾਰੇ ਸਚਿਨ ਤੇਂਦੁਲਕਰ ਦੇ ਟਵੀਟ ਤੋਂ ਨਾਰਾਜ਼ ਕਈ ਕੇਰਲਾ ਵਾਸੀਆਂ ਨੇ ਟੈਨਿਸ ਸਟਾਰ ਮਾਰੀਆ ਸ਼ਾਰਾਪੋਵਾ ਦੇ ਸੋਸ਼ਲ ਮੀਡੀਆ ਅਕਾਊਂਟ ਉੱਤੇ ਮਾਫ਼ੀ ਮੰਗੀ ਹੈ, ਜੋ 2015 ਵਿੱਚ ਇੱਕ ਇੰਟਰਵਿਊ ਵਿੱਚ ਚੈਂਪੀਅਨ ਕ੍ਰਿਕਟਰ ਨੂੰ ਨਾ ਜਾਣਨ ਕਾਰਨ ਨਿੰਦਾ ਦਾ ਸ਼ਿਕਾਰ ਹੋਈ ਸੀ।
ਬਹੁਤ ਸਾਰੇ ਲੋਕਾਂ ਨੇ ਜਿੱਥੇ ਦੁਨੀਆਂ ਦੀ ਸਾਬਕਾ ਨੰਬਰ ਇੱਕ ਖਿਡਾਰਨ ਤੋਂ ਮੁਆਫ਼ੀ ਮੰਗੀ ਹੈ, ਓਥੇ ਕੁਝ ਨੇ ਉਨ੍ਹਾਂ ਨੂੰ ਕੇਰਲਾ ਆਉਣ ਦਾ ਸੱਦਾ ਵੀ ਦਿੱਤਾ ਹੈ। ਇੱਕ ਜਣੇ ਨੇ ਮਲਿਆਮਲ ਵਿੱਚ ਲਿਖਿਆ ਹੈ, ‘‘ਸ਼ਾਰਾਪੋਵਾ ਤੁਸੀਂ ਸਚਿਨ ਦੇ ਮਾਮਲੇ ਵਿੱਚ ਸਹੀ ਸੀ। ਉਸ ਵਿੱਚ ਅਜਿਹਾ ਗੁਣ ਨਹੀਂ ਕਿ ਤੁਸੀਂ ਉਸ ਨੂੰ ਜਾਣੋ।” ਆਪਣੇ ਟਵਿਟਰ ਹੈਂਡਲ ਉੱਤੇ ਸੰਦੇਸ਼ਾਂ ਦਾ ਹੜ੍ਹ ਦੇਖ ਕੇ ਸ਼ਾਰਾਪੋਵਾ ਨੇ ਵੀ ਕੱਲ੍ਹ ਟਵੀਟ ਕੀਤਾ।
ਵਰਨਣ ਯੋਗ ਹੈ ਕਿ ਖੇਤੀ ਕਾਨੂੰਨਾਂ ਦੇ ਵਿਰੁੱਧ ਕਿਸਾਨਾਂ ਦੇ ਅੰਦੋਲਨ ਦੇ ਪੱਖ ਵਿੱਚ ਵਿਦੇਸ਼ੀ ਹਸਤੀਆਂ ਦੇ ਉਤਰਨ ਉੱਤੇਸਚਿਨ ਤੇਂਦੁਲਕਰ ਅਤੇ ਕਈ ਕ੍ਰਿਕਟ ਸਿਤਾਰਿਆਂ ਤੇ ਫਿਲਮੀ ਹਸਤੀਆਂ ਨੇ ਭਾਰਤ ਸਰਕਾਰ ਦਾ ਸਮਰਥਨ ਕੀਤਾ ਸੀ। ਤੇਂਦੁਲਕਰ ਨੇ ਲਿਖਿਆ ਸੀ, ‘ਭਾਰਤ ਦੀ ਪ੍ਰਭੂਸੱਤਾ ਨਾਲ ਸਮਝੌਤਾ ਨਹੀਂ ਕੀਤਾ ਜਾ ਸਕਦਾ। ਵਿਦੇਸ਼ੀ ਤਾਕਤਾਂ ਦਰਸ਼ਕ ਹੋ ਸਕਦੀਆਂ ਹਨ, ਹਿੱਸੇਦਾਰ ਨਹੀਂ। ਭਾਰਤ ਨੂੰ ਭਾਰਤੀ ਜਾਣਦੇ ਹਨ ਅਤੇ ਉਹੀ ਭਾਰਤ ਲਈ ਫ਼ੈਸਲਾ ਲੈਣਗੇ।’

Read More Punjabi Sports News

Continue Reading
Click to comment

Leave a Reply

Your email address will not be published. Required fields are marked *

ਖੇਡਾਂ

ਕੋਰੋਨਾ ਵਾਇਰਸ ਦੇ ਕਾਰਨ ਆਈ ਪੀ ਐਲ ਕ੍ਰਿਕਟ ਅਣਮਿੱਥੇ ਸਮੇਂ ਲਈ ਮੁਲਤਵੀ

Published

on

IPL Cricket Mumbai

ਨਵੀਂ ਦਿੱਲੀ, 5 ਮਈ – ਬਾਇਓ-ਬਬਲ ਵਿੱਚ ‘ਕੋਵਿਡ-19′ ਦੇ ਵੱਧਦੇ ਕੇਸਾਂ ਤੋਂ ਬਾਅਦ ਇੰਡੀਅਨ ਪ੍ਰੀਮੀਅਰ ਲੀਗ (ਆਈ ਪੀ ਐਲ ਕ੍ਰਿਕਟ) ਨੂੰ ਅਣਮਿੱਥੇ ਸਮੇਂ ਲਈ ਮੁਲਤਵੀ ਕਰ ਦਿੱਤਾ ਗਿਆ ਹੈ।
ਤਾਜ਼ਾ ਘਟਨਾਕ੍ਰਮ ਵਿੱਚ ਸਨਰਾਈਜ਼ਰਜ਼ ਹੈਦਰਾਬਾਦ ਦੇ ਰਿੱਧੀਮਾਨ ਸਾਹਾ ਤੇ ਦਿੱਲੀ ਕੈਪੀਟਲਸ ਟੀਮ ਦੇ ਅਮਿਤ ਮਿਸ਼ਰਾ ਦੇ ‘ਕੋਵਿਡ-19′ ਬਾਰੇ ਨਤੀਜੇ ਪਾਜ਼ੇਟਿਵ ਆਏ ਹਨ।ਇਨ੍ਹਾਂ ਘਟਨਾਵਾਂ ਦੇ ਕਾਰਨ ਟੂਰਨਾਮੈਂਟ ਉੱਤੇ ਪੂਰੀ ਤਰ੍ਹਾਂ ਵਿਚਾਰ ਕੀਤਾ ਗਿਆ। ਸਮਝਿਆ ਜਾਂਦਾ ਹੈ ਕਿ ਕੁਝ ਆਈ ਪੀ ਐਲ ਅਧਿਕਾਰੀਆਂ ਨੇ ਕੁਝ ਫਰੈਂਚਾਇਜ਼ੀ ਨੂੰ ਟੂਰਨਾਮੈਂਟ ਦੇ ਭਵਿੱਖ ਉੱਤੇ ਉਨ੍ਹਾਂ ਦੇ ਵਿਚਾਰ ਜਾਨਣ ਲਈ ਫ਼ੋਨ ਕੀਤੇ ਤੇ ਉਨ੍ਹਾਂ ਵਿੱਚੋਂ ਕੁਝ ਦੀ ਰਾਏਹੈ ਕਿ ਇਸ ਨੂੰ ਪੂਰੀ ਤਰ੍ਹਾਂ ਰੱਦ ਕਰ ਦਿੱਤਾ ਜਾਵੇ। ਆਈ ਪੀ ਐਲ ਚੇਅਰਮੈਨ ਬ੍ਰਜੇਸ਼ ਪਟੇਲ ਨੇ ਇਸ ਦੀ ਪੁਸ਼ਟੀ ਕਰਦੇ ਹੋਏ ਕਿਹਾ ਕਿ ਏਦਾਂ ਦਾ ਫੈਸਲਾ ਸਾਰੇ ਸੰਬੰਧਤ ਲੋਕਾਂ ਦੀ ਸੁਰੱਖਿਆ ਨੂੰ ਵੇਖਦੇ ਹੋਏ ਲਿਆ ਗਿਆ ਹੈ।ਇਹ ਫੈਸਲਾ ਟੂਰਨਾਮੈਂਟ ਦੀ ਸੰਚਾਲਨ ਕੌਂਸਲ ਅਤੇ ਬੀ ਸੀ ਸੀ ਆਈ (ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ) ਦੇ ਵੱਡੇ ਅਧਿਕਾਰੀਆਂ ਨੇ ਸਰਬਸੰਮਤੀ ਨਾਲ ਲਿਆ ਹੈ। ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਬੀ ਸੀ ਸੀ ਆਈ ਖਿਡਾਰੀਆਂ, ਸਪੋਰਟਸ ਸਟਾਫ ਅਤੇ ਆਈ ਪੀ ਐਲ ਦੇ ਪ੍ਰਬੰਧ ਵਿੱਚ ਸ਼ਾਮਲ ਹੋਰ ਹਿੱਸੇਦਾਰਾਂ ਦੀ ਸੁਰੱਖਿਆ ਬਾਰੇ ਕੋਈ ਸਮਝੌਤਾ ਨਹੀਂ ਕਰਨਾ ਚਾਹੁੰਦੀ। ‘ਕੋਵਿਡ-19′ ਕਾਰਨ 2020 ਵਿੱਚ ਆਈ ਪੀ ਐਲ ਦਾ ਪ੍ਰਬੰਧ ਯੂ ਏ ਈ ਵਿੱਚ ਬਾਇਓ ਸੁਰੱਖਿਅਤ ਮਾਹੌਲ ਵਿੱਚ ਕੀਤਾ ਗਿਆ ਸੀ। ਉਦੋਂ ਸਿਰਫ਼ ਟੂਰਨਾਮੈਂਟ ਤੋਂ ਪਹਿਲਾਂ ਦੇ ਕੁਝ ਕੇਸ ਸਾਹਮਣੇ ਆਏ ਸਨ।

Read More Cricket News in Punjabi

Continue Reading

ਖੇਡਾਂ

ਯੂਰਪੀਅਨ ਸਾਕਰ ਵਿੱਚ ਫੁੱਟ:12 ਫੁੱਟਬਾਲ ਕਲੱਬਾਂ ਵੱਲੋਂ ਆਪਣੀ ਵੱਖਰੀ ਲੀਗ ਬਣਾਉਣ ਦਾ ਐਲਾਨ

Published

on

football

ਲੰਡਨ, 20 ਅਪ੍ਰੈਲ – ਇੰਗਲੈਂਡ, ਸਪੇਨ ਅਤੇ ਇਟਲੀ ਦੀਆਂ 12 ਫੁੱਟਬਾਲ ਕਲੱਬਾਂ ਦੇ ਇੱਕ ਗਰੁੱਪ ਨੇ ਯੂਰਪੀਅਨ ਸਾਕਰ ਵਿੱਚੋਂ ਹਟਣ ਦਾ ਫੈਸਲਾ ਕਰ ਕੇ ਸੁਪਰ ਲੀਗ ਬਣਾਉਣ ਦਾ ਐਲਾਨ ਕੀਤਾ ਹੈ। ਇਨ੍ਹਾਂ ਕਲੱਬਾਂ ਨੇ ਯੂਏਫਾ ਕਲੱਬ ਵੱਲੋਂ ਕਰਵਾਈ ਚੈਂਪੀਅਨਸ ਲੀਗ ਦੇ ਮੌਜੂਦਾ ਢਾਂਚੇ ਵਿੱਚੋਂ ਹਟਣ ਦਾ ਫੈਸਲਾ ਕੀਤਾ ਹੈ, ਜਦਕਿ ਉਨ੍ਹਾਂ ਨੂੰ ਇਸਦੇ ਲਈ ਚੌਕਸ ਵੀ ਕੀਤਾ ਗਿਆ ਹੈ ਕਿ ਉਨ੍ਹਾਂ ਨੂੰ ਉਨ੍ਹਾਂ ਦੀਆਂ ਘਰੇਲੂ ਪ੍ਰਤੀਯੋਗਿਤਾਵਾਂ ਤੋਂ ਬਾਹਰ ਕੀਤਾ ਜਾ ਸਕਦਾ ਹੈ ਤੇ ਉਨ੍ਹਾਂ ਨੂੰ ਇਸਦੇ ਲਈ ਕਾਨੂੰਨੀ ਕਾਰਵਾਈ ਦਾ ਵੀ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਦੁਨੀਆ ਦੀ ਸਭ ਤੋਂ ਵੱਡੀ ਖੇਡ ਨੂੰ ਇਸ ਕਦਮ ਨੇ ਝੋਜੋੜ ਦਿੱਤਾ ਹੈ, ਜਿਸ ਵਿੱਚ ਆਰਸਨੈਲ, ਲਿਵਰਪੂਲ ਅਤੇ ਮਾਨਚੈਸਟਰ ਯੂਨਾਈਟਡ ਕਲੱਬਾਂ ਦੇ ਅਮਰੀਕੀ ਮਾਲਕਾਂ ਦਾ ਵੀ ਕੁਝ ਯੋਗਦਾਨ ਹੋ ਸਕਦਾ ਹੈ। ਇਨ੍ਹਾਂ ਬਾਗੀ ਕਲੱਬਾਂ ਨੇ ਇਹ ਕਦਮ ਓਦੋਂ ਚੁੱਕਿਆ ਜਦੋਂ ਯੂਏਫਾ (ਯੂਰਪੀਅਨ ਫੁੱਟਬਾਲ ਦੀ ਸੰਚਾਲਨ ਸੰਸਥਾ) 2024 ਵਿੱਚ ਚੈਂਪੀਅਨਸ ਲੀਗ ਨੂੰ ਵਧਾਉਣ ਦੀ ਯੋਜਨਾ ਤੋਂ ਮੁੱਕਰ ਗਈ।ਇਸ ਸੁਪਰ ਲੀਗ ਦੀ ਯੋਜਨਾ ਜਨਵਰੀ ਵਿੱਚ ਲੀਕ ਹੋ ਗਈ ਸੀ, ਪਰ ਇਸ ਹਫਤੇ ਇਸ ਦਾ ਐਲਾਨ ਕੀਤਾ ਗਿਆ ਹੈ। ਰੀਅਲ ਮੈਡ੍ਰਿਡ ਦੇ ਮੁੱਖੀ ਫਲੋਰੇਟਿਨੋ ਪੋਰੇਜ ਸੁਪਰ ਲੀਗ ਦੇ ਮੋਢੀ ਚੇਅਰਮੈਨ ਹੋਣਗੇ। ਸੁਪਰ ਲੀਗ ਅਨੁਸਾਰ ਉਸ ਦੀ ਯੋਜਨਾ ਇਸ ਨੂੰ ਜਲਦੀ ਸ਼ੁਰੂ ਕਰਨ ਦੀ ਹੈ, ਜਿਹੜੀ 20 ਟੀਮਾਂ ਦੀ ਪ੍ਰਤੀਯੋਗਿਤਾ ਹੋਵੇਗੀ ਤੇ ਇਸ ਤਰ੍ਹਾਂ ਹਫ਼ਤੇ ਦੇ ਵਿਚਾਲੇ ਖੇਡੀ ਜਾਵੇਗੀ।

Read More punjabi Sports News Online

Continue Reading

ਖੇਡਾਂ

ਪਹਿਲਵਾਨ ਦੀਪਕ ਨੇ ਜਿੱਤੀ ਚਾਂਦੀ, ਸੰਜੀਤ ਨੇ ਤਾਂਬਾ

Published

on

Deepak won silver

ਅਲਮਾਟੀ (ਕਜ਼ਾਖਿਸਤਾਨ), 19 ਅਪ੍ਰੈਲ – ਓਲੰਪਿਕ ਦੀ ਟਿਕਟ ਹਾਸਲ ਕਰ ਚੁੱਕੇ ਪਹਿਲਵਾਨ ਦੀਪਕ ਪੂਨੀਆ ਏਸ਼ੀਅਨ ਕੁਸ਼ਤੀ ਚੈਂਪੀਅਨਸ਼ਿਪ ਦੇ 86 ਕਿਲੋ ਭਾਰ ਦੇ ਫਾਈਨਲ ਵਿੱਚ ਆਪਣੇ ਆਦਰਸ਼ ਤੇ ਈਰਾਨ ਦੇ ਮਹਾਨ ਪਹਿਲਵਾਨ ਹਜਸਾਨ ਯਾਜਦਾਨੀ ਤੋਂ ਹਾਰ ਗਏ, ਜਿਸ ਤੋਂ ਉਨ੍ਹਾਂ ਨੂੰ ਚਾਂਦੀ ਦੇ ਤਮਗੇ ਉਤੇ ਸੰਤੋਸ਼ ਕਰਨਾ ਪਿਆ, ਜਦ ਕਿ ਟੂਰਨਾਮੈਂਟ ਦੇ ਆਖਰੀ ਦਿਨ ਸੰਜੀਤ ਨੇ ਤਾਂਬੇ ਦਾ ਤਮਗਾ ਆਪਣੇ ਨਾਂਅ ਕੀਤਾ।
ਫਾਈਨਲ ਵਿੱਚ ਈਰਾਨੀ ਪਹਿਲਵਾਨ ਦੇ ਹਮਲੇ ਅਤੇ ਦਾਅ ਦਾ 22 ਸਾਲ ਦੇ ਦੀਪਕ ਕੋਲ ਕੋਈ ਜਵਾਬ ਨਹੀਂ ਸੀ ਅਤੇ ਯਾਜਦਾਨੀ ਨੇ ਤਕਨੀਕੀ ਸ਼੍ਰੇਸ਼ਠਤਾ ਦੇ ਆਧਾਰ ਉਤੇ ਜਿੱਤ ਦਰਜ ਕਰ ਲਈ। ਇਹ ਦੂਸਰੀ ਵਾਰ ਸੀ, ਜਦ ਦੀਪਕ ਨੂੰ 2016 ਦੇ ਓਲੰਪਿਕ ਚੈਂਪੀਅਨ ਅਤੇ ਦੋ ਵਾਰ ਦੇ ਵਿਸ਼ਵ ਚੈਂਪੀਅਨ ਦੇ ਖਿਲਾਫ ਰਿੰਗ ਵਿੱਚ ਉਤਰਨ ਦਾ ਮੌਕਾ ਮਿਲਿਆ, ਪਰ ਉਨ੍ਹਾਂ ਨੇ ਪਹਿਲੀ ਵਾਰ ਯਾਜਦਾਨੀ ਨੂੰ ਚੁਣੌਤੀ ਪੇਸ਼ ਕੀਤੀ। ਇਸ ਤੋਂ ਪਹਿਲਾਂ 2019 ਵਿੱਚ ਵਿਸ਼ਵ ਚੈਂਪੀਅਨਸ਼ਿਪ ਦੇ ਫਾਈਨਲ ਵਿੱਚ ਪੈਰ ਦੇ ਸੱਟ ਕਾਰਨ ਦੀਪਕ ਇਸ ਪਹਿਲਵਾਨ ਨਾਲ ਨਹੀਂ ਭਿੜੇ ਸਨ। ਕੱਲ੍ਹ ਤਮਗਾ ਜਿੱਤਣ ਵਾਲੇ ਭਾਰਤੀਆਂ ਵਿੱਚ ਸੰਜੀਤ ਵੀ ਰਹੇ। ਉਨ੍ਹਾਂ 92 ਕਿਲੋ ਭਾਰ ਵਰਗ ਵਿੱਚ ਉਜਬੇਕਿਸਤਾਨ ਦੇ ਰੁਸਤਮ ਸ਼ੋਦੈਵ ਨੂੰ ਤਾਂਬੇ ਦਾ ਤਮਗਾ ਲਈ 11-8 ਨਾਲ ਹਰਾਇਆ।

Read More Punjabi Sports News

Continue Reading

ਰੁਝਾਨ


Copyright by IK Soch News powered by InstantWebsites.ca