ਜਲੰਧਰ, 12 ਮਾਰਚ – ਇੰਡਸਟਰੀ ਵਿਭਾਗ ਲੁਧਿਆਣਾ ਦੇ ਡਿਪਟੀ ਡਾਇਰੈਕਟਰ ਅਤੇ ਉਸ ਦੀ ਪਤਨੀ, ਜਿਹੜੀ ਅਸਿਸਟੈਂਟ ਪ੍ਰਾਵੀਡੈਂਟ ਫੰਡ ਕਮਿਸ਼ਨਰ ਹੈ, ਦੀ ਗੱਡੀ ਰਸਤੇ ਵਿੱਚ ਰੋਕ ਕੇ ਇੱਕ ਨੌਜਵਾਨ ਨੇ ਹਮਲਾ ਕਰ ਦਿੱਤਾ। ਦੋਸ਼ੀ ਨੌਜਵਾਨ ਦੇ ਖਿਲਾਫ ਪੁਲਸ ਨੇ ਕੇਸ ਦਰਜ ਕਰ ਕੇ ਗ੍ਰਿਫਤਾਰ ਕਰ ਲਿਆ ਹੈ।
ਇਸ ਬਾਰੇ ਡਿਪਟੀ ਡਾਇਰੈਕਟਰ (ਫੈਕਟਰੀਜ਼) ਦਵਾਰਕਾ ਦਾਸ ਨੇ ਦੱਸਿਆ ਹੈ ਕਿ ਉਹ ਮਕਸੂਦਾਂ ਦੇ ਪਿੰਡ ਮਾੜੀ ਹਰਜੀਆਂ ਨੁੱਸੀ ਦੇ ਵਸਨੀਕ ਹਨ ਅਤੇ ਉਨ੍ਹਾਂ ਦੀ ਪਤਨੀ ਜਸ਼ਨਦੀਪ ਕੌਰ ਜਲੰਧਰ ਵਿੱਚ ਅਸਿਸਟੈਂਟ ਪੀ ਐਫ ਕਮਿਸ਼ਨਰ ਵਜੋਂ ਨਿਯੁਕਤ ਹੈ। ਪੰਜ ਮਾਰਚ ਨੂੰ ਉਹ ਸ਼ਾਮ ਵੇਲੇ ਆਪਣੀ ਪਤਨੀ ਨਾਲ ਮਕਸੂਦਾਂ ਵਿਚਲੇ ਘਰ ਜਾ ਰਹੇ ਸਨ ਤਾਂ ਲੰਮਾ ਪਿੰਡ ਦੇ ਥੋੜ੍ਹਾ ਅੱਗੇ ਜਾ ਕੇ ਪਿੱਛੋਂ ਆਈ ਸਫੈਦ ਕਾਰ ਨੇ ਉਨ੍ਹਾਂ ਨੂੰ ਓਵਰਟੇਕ ਕਰ ਕੇ ਗੱਡੀ ਅੱਗੇ ਖੜ੍ਹੀ ਕਰ ਦਿੱਤੀ। ਉਸ ਨੇ ਕਾਰ ਦੇ ਟਾਇਰ ਵੱਲ ਇਸ਼ਾਰਾ ਕੀਤਾ ਤਾਂ ਉਹ ਗੱਡੀ ਤੋਂ ਹੇਠਾਂ ਉਤਰੇ। ਅਜੇ ਉਹ ਕਾਰ ਦਾ ਟਾਇਰ ਦੇਖ ਰਹੇ ਸਨ ਕਿ ਨੌਜਵਾਨ ਨੇ ਨੁਕੀਲੀ ਚੀਜ਼ ਨਾਲ ਉਨ੍ਹਾਂ ਦੇ ਸਿਰ ਉੱਤੇ ਵਾਰ ਕਰ ਦਿੱਤਾ। ਉਹ ਹੇਠਾਂ ਡਿੱਗੇ ਤਾਂ ਲੱਤਾਂ ਮਾਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਇਹ ਦੇਖ ਕੇ ਉਨ੍ਹਾਂ ਦੀ ਪਤਨੀ ਜਸ਼ਨਦੀਪ ਕੌਰ ਡਰ ਗਈ। ਰੌਲਾ ਪਾਉਣ ਉੱਤੇ ਲੋਕ ਇਕੱਠੇ ਹੋਏ ਤਾਂ ਦੋਸ਼ੀ ਕਾਰ ਸਮੇਤ ਫਰਾਰ ਹੋ ਗਿਆ। ਦੋਸ਼ੀ ਨੌਜਵਾਨ ਮੈਟਲ ਕਾਰੋਬਾਰੀ ਮਕਸੂਦਾਂ ਦੇ ਜਵਾਲਾ ਨਗਰ ਦੇ ਵਸਨੀਕ ਪ੍ਰਮੋਦ ਦੱਤਾ ਦਾ ਬੇਟਾ ਕਰਣ ਦੱਤਾ ਸੀ।ਦਵਾਰਕਾ ਦਾਸ (44 ਸਾਲ) ਨੇ ਕਿਹਾ ਕਿ ਉਸ ਨੂੰ ਉਸ ਦੀ ਪਤਨੀ ਹਸਪਤਾਲ ਲੈ ਕ ਗਈ ਅਤੇ ਫਿਰ ਪੁਲਸ ਕੰਟਰੋਲ ਰੂਮ ਨੂੰ ਜਾਣਕਾਰੀ ਦਿੱਤੀ ਗਈ। ਥਾਣਾ ਅੱਠ ਦੀ ਪੁਲਸ ਨੇ ਬਿਆਨ ਦਰਜ ਕਰ ਕੇ ਕੇਸ ਦਰਜ ਕਰ ਲਿਆ ਹੈ। ਐਸ ਆਈ ਨਿਰਮਲ ਸਿੰਘ ਨੇ ਦੱਸਿਆ ਕਿ ਦੋਸ਼ੀ ਨੌਜਵਾਨ ਮੈਟਲ ਕਾਰੋਬਾਰੀ ਮਕਸੂਦਾਂ ਦੇ ਜਵਾਲਾ ਨਗਰ ਦੇ ਵਸਨੀਕ ਪ੍ਰਮੋਦ ਦੱਤਾ ਦਾ ਬੇਟਾ ਕਰਣ ਦੱਤਾ ਸੀ। ਗ੍ਰਿਫਤਾਰ ਕਰ ਕੇ ਉਸ ਤੋਂ ਪੁੱਛਗਿੱਛ ਕੀਤੀ ਤਾਂ ਉਸ ਨੇ ਮੰਨਿਆ ਕਿ ਉਹ ਆਪਣੇ ਮਾਂ-ਬਾਪ ਤੋਂ ਲੁਕ ਕੇ ਆਪਣੇ ਦੋਸਤ ਦੀ ਕਾਰ ਲੈ ਕੇ ਸਮੋਕਿੰਗ ਕਰਨ ਨਿਕਲਿਆ ਸੀ ਤਾਂ ਇਸ ਦੌਰਾਨ ਉਸ ਦਾ ਇਨ੍ਹਾ ਨਾਲ ਝਗੜਾ ਹੋ ਗਿਆ ਸੀ। ਦੋਸ਼ੀ ਨੂੰ ਜੇਲ੍ਹ ਭੇਜ ਦਿੱਤਾ ਗਿਆ ਹੈ।

Read More Latest News Updates