In Scotland, victims of human trafficking are trafficked into prostitution
Connect with us [email protected]

ਅੰਤਰਰਾਸ਼ਟਰੀ

ਸਕਾਟਲੈਂਡ `ਚ ਮਨੁੱਖੀ ਤਸਕਰੀ ਪੀੜਤਾਂ ਤੋਂ ਵੇਸਵਾਪੁਣਾਕਰਵਾਇਆ ਜਾਂਦੈ

Published

on

ਗਲਾਸਗੋ, 20 ਅਪ੍ਰੈਲ – ਸਕਾਟਲੈਂਡ ਵਿੱਚ ਗੁਲਾਮੀ ਕਰਾਉਣ ਦੇ ਮਕਸਦ ਨਾਲ ਮਨੁੱਖੀ ਸਮੱਗਲਿੰਗ ਦੇ ਕੇਸਾਂ ਵਿੱਚ ਵਾਧਾ ਦੇਖਿਆ ਗਿਆ ਹੈ, ਜਿਸ ਤੋਂ ਹਰ ਕੋਈ ਹੈਰਾਨ ਹੈ।
ਇਸ ਬਾਰੇ ਰਿਪੋਰਟਾਂ ਅਨੁਸਾਰ ਪਿਛਲੇ ਸਾਲ ਲੱਗਭਗ 400 ਪੀੜਤ ਲੋਕਾਂ ਨੂੰ ਧੋਖਾਦੇਹੀ ਜਾਂ ਜ਼ਬਰਦਸਤੀ ਇੱਥੇ ਲਿਆਂਦਾ ਗਿਆ, ਜਿਨ੍ਹਾਂ ਵਿੱਚੋਂ ਬਹੁਤੇ ਵੇਸਵਾਗਿਰੀ, ਜਬਰੀ ਮਜ਼ਦੂਰੀ ਆਦਿ ਲਈ ਸਨ। ਜਾਂਚਕਰਤਾਵਾਂ ਦਾ ਕਹਿਣਾ ਹੈ ਕਿ 2020 ਵਿੱਚ ਸਕਾਟਲੈਂਡ ਵਿੱਚ 387 ਸਮੱਗਲਿੰਗ ਵਾਲੇ ਲੋਕ ਪਾਏ ਗਏ ਜੋ ਪੰਜ ਸਾਲ ਪਹਿਲਾਂ ਧਿਆਨ ਵਿੱਚ ਆਏ ਲੋਕਾਂ ਨਾਲੋਂ ਦੁੱਗਣੇ ਤੇ 2013 ਦੇ 99 ਕੇਸਾਂ ਤੋਂ ਚਾਰ ਗੁਣਾ ਵੱਧ ਸਨ। ਇਸ ਸਬੰਧੀ ਮੁਹਿੰਮਕਾਰਾਂ ਦਾ ਕਹਿਣਾ ਹੈ ਕਿ ਇਹ ਸਮੱਗਲਿੰਗ ਮਨੁੱਖੀ ਅਧਿਕਾਰਾਂ ਦਾ ਘਾਣ ਹੈ ਅਤੇ ਇਹ ਗਿਣਤੀ ਸਿਰਫ਼ ਉਹ ਹੈ, ਜੋ ਮਦਦ ਲਈ ਦਰਜ ਹੋਈ ਹੈ, ਅਸਲ ਗਿਣਤੀ ਇਸ ਤੋਂ ਵੱਧ ਹੋ ਸਕਦੀ ਹੈ। ਕੋਰੋਨਾ ਦੇ ਦੌਰ ਵਿੱਚ ਮਨੁੱਖੀ ਗੁਲਾਮੀ ਦੀ ਦਰ ਰੋਜ਼ਾਨਾ ਇੱਕ ਵਿਅਕਤੀ ਰਹੀ ਹੈ।ਇੱਕ ਸਿਆਸਤਦਾਨ, ਜਿਸ ਨੂੰ ਆਪਣੇ ਖੇਤਰ ਵਿੱਚ ਕਈ ਸਮੱਗਲਿੰਗ ਦੇ ਕੇਸਾਂ ਦੇ ਸਬੂਤ ਮਿਲੇ ਹਨ, ਅਨੁਸਾਰ ਪੀੜਤ ਅੱਜਕੱਲ੍ਹ ਦੇਸ਼ ਦੇ ਹਰ ਕਸਬੇ ਅਤੇ ਸ਼ਹਿਰ ਵਿੱਚ ਮਿਲ ਸਕਦੇ ਹਨ। ਪੁਲਸ ਨੇ ਅੰਤਰਰਾਸ਼ਟਰੀ ਸਮੱਗਲਿੰਗ ਕਰਨ ਵਾਲੇ ਗਿਰੋਹਾਂ ਵਿਰੁੱਧ ਵੱਡੀਆਂ ਸਫਲਤਾਵਾਂ ਵੀ ਹਾਸਿਲ ਕੀਤੀਆਂ ਹਨ, ਜਿਸ ਹੇਠ ਸਲੋਵਾਕੀਆ ਦੇ ਇੱਕ ਗਿਰੋਹ ਨੂੰ ਔਰਤਾਂ ਨੂੰ ਜਿਨਸੀ ਗੁਲਾਮੀ ਆਦਿ ਨਾਲ ਸਕਾਟਲੈਂਡ ਲਿਆਉਣ ਲਈ ਕੁੱਲ 36 ਸਾਲ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।ਬ੍ਰਿਟੇਨ ਦੇ ਨੈਸ਼ਨਲ ਰੈਫਰਲ ਮਕੈਨਿਜ਼ਮ ਵੱਲੋਂ ਟਰੈਕ ਕੀਤੇ ਕੇਸਾਂ ਵਿੱਚ ਵਾਧਾ ਦਰਜ ਕੀਤਾ ਗਿਆ ਹੈ, ਜੋ ਸਮੱਗਲਿੰਗ, ਗੁਲਾਮੀ ਅਤੇ ਜ਼ਬਰੀ ਮਜ਼ਦੂਰੀ ਦੇ ਸੰਭਾਵਤ ਪੀੜਤਾਂ ਦੀ ਪਛਾਣ ਤੇ ਸਹਾਇਤਾ ਕਰਦਾ ਹੈ। ਮਨੁੱਖੀ ਸਮੱਗਲਿੰਗ ਲਈ ਸਕਾਟਲੈਂਡ ਦੇ ਅੰਕੜੇ ਵਧਾਉਣ ਵਾਲੇ ਦੇਸ਼ਾਂ ਵਿੱਚ ਰੋਮਾਨੀਆ, ਸਲੋਵਾਕੀਆ, ਅਲਬਾਨੀਆ ਅਤੇ ਪੋਲੈਂਡ ਵਰਗੇ ਯੂਰਪੀਅਨ ਦੇਸ਼ ਅਤੇ ਵੀਅਤਨਾਮ, ਚੀਨ, ਭਾਰਤ ਅਤੇ ਪਾਕਿਸਤਾਨ ਆਦਿ ਸ਼ਾਮਲ ਹਨ।

Read More World India News in Punjabi

ਅੰਤਰਰਾਸ਼ਟਰੀ

ਜ਼ਮੀਨ ਦੀ ਲੜਾਈ ਸਪੇਸ ਵੱਲ ਖਿਸਕੀ:ਚੀਨ ਨੇ ਮੰਗਲ ਗ੍ਰਹਿ ਉੱਤੇ ਪੁਲਾੜ ਵਾਹਨ ਜਾ ਉਤਾਰਿਆ

Published

on

China launches spacecraft to Mars

ਅਮਰੀਕਾ ਨੇ ਕੈਲੀਫੋਰਨੀਆ ਸਪੇਸ ਫੋਰਸ ਬੇਸ ਬਣਾ ਧਰਿਆ
ਬੀਜਿੰਗ, 15 ਮਈ, – ਚੀਨ ਦੀ ਪੁਲਾੜ ਏਜੰਸੀ ਚਾਈਨਾ ਨੈਸ਼ਨਲ ਸਪੇਸ ਐਡਮਨਿਸਟ੍ਰੇਸ਼ਨ (ਸੀ ਐਨ ਐੱਸ ਏ) ਨੇ ਪੁਸ਼ਟੀ ਕੀਤੀ ਹੈ ਕਿ ਮੰਗਲ ਗ੍ਰਹਿ ਲਈ ਇਸ ਦੇਸ਼ ਦਾ ਪਹਿਲਾ ਰੋਵਰ ‘ਝੁਰੋਂਗ’ ਲੈ ਕੇ ਇਕ ਪੁਲਾੜ ਵਾਹਨ ਉਸ ਗ੍ਰਹਿ ਉੱਤੇ ਉਤਰ ਗਿਆ ਹੈ। ਇਸ ਦੇ ਨਾਲ ਚੀਨ ਮੰਗਲ ਗ੍ਰਹਿ ਉੱਤੇ ਰੋਵਰ ਉਤਾਰਨ ਵਾਲਾ ਦੁਨੀਆ ਦਾ ਪਹਿਲਾ ਦੇਸ਼ ਬਣ ਗਿਆ ਹੈ, ਜਿਸ ਨੇ ਸਾਰੀ ਦੁਨੀਆ ਨੂੰ ਹੈਰਾਨ ਕਰ ਦਿੱਤਾ ਹੈ।
ਪੁਲਾੜ ਦੀ ਇਸ ਪੁਲਾਂਘ ਬਾਰੇ ਰਿਪੋਰਟ ਵਿਚ ਇਹ ਦੱਸਿਆ ਗਿਆ ਹੈ ਕਿ ਰੋਵਰ ਮੰਗਲ ਗ੍ਰਹਿ ਉੱਤੇ ਯੂਟੋਪੀਆ ਪਲੈਨਿਸ਼ੀਆ ਵਿੱਚ ਪਹਿਲਾਂ ਤੋਂ ਚੁਣੇ ਇਲਾਕੇ ਵਿਚ ਉਤਰਿਆ ਹੈ। ਮੰਗਲ ਗ੍ਰਹਿ ਉੱਤੇ ਪਹੁੰਚਣ ਵਾਲਾ ਰੋਵਰ ਪ੍ਰਤੀ ਘੰਟਾ 200 ਮੀਟਰ ਘੁੰਮ ਸਕਦਾ ਹੈ। ਇਸ ਵਿਚ 6 ਵਿਗਿਆਨਕ ਜੰਤਰ ਹਨ, ਜਿਨ੍ਹਾਂ ਵਿਚ ਮਲਟੀਕਲਰ ਕੈਮਰਾ, ਰਾਡਾਰ ਅਤੇ ਮੌਸਮ ਮਾਪਕ ਜੰਤਰ ਹੈ। ਇਸ ਦੇ ਮੰਗਲ ਗ੍ਰਹਿ ਉੱਤੇ 3 ਮਹੀਨੇ ਤਕ ਕੰਮ ਕਰਨ ਦੀ ਸੰਭਾਵਨਾ ਹੈ।
ਵਰਨਣ ਯੋਗ ਹੈ ਕਿ ਯੂ ਏ ਈ, ਅਮਰੀਕਾ ਤੇ ਚੀਨ ਦੇ ਪੁਲਾੜ ਜਹਾਜ਼ਾਂ ਨੇ ਪਿੱਛੇ ਜਿਹੇ ਮੰਗਲ ਗ੍ਰਹਿ ਵਿੱਚ ਐਂਟਰੀ ਕੀਤੀ ਸੀ ਅਤੇ ਨਾਸਾ ਦਾ ਪਰਜ਼ਰਵੈਂਸ ਰੋਵਰ ਕਰੀਬ ਸੱਤ ਮਹੀਨੇ ਦੀ ਯਾਤਰਾ ਤੋ ਬਾਅਦ 18 ਫਰਵਰੀ ਨੂੰ ਮੰਗਲ ਉੱਤੇ ਪਹੁੰਚਿਆ ਸੀ। ਇਸ ਤੋਂ ਪਹਿਲਾਂ ਅਮਰੀਕਾ, ਰੂਸ, ਯੂਰਪੀਨ ਯੂਨੀਅਨ ਅਤੇ ਭਾਰਤ ਨੂੰ ਮੰਗਲ ਗ੍ਰਹਿਤ ਉੱਤੇ ਪੁਲਾੜ ਯਾਨ ਭੇਜਣ ਵਿੱਚ ਕਾਮਯਾਬੀ ਮਿਲ ਚੁੱਕੀ ਹੈ। ਭਾਰਤ 2014 ਵਿੱਚ ਮੰਗਲ ਗ੍ਰਹਿ ਵਿੱਚ ਆਪਣਾ ਪੁਲਾੜ ਯਾਨ ਸਫਲਤਾ ਪੂਰਵਕ ਭੇਜਣ ਵਾਲਾ ਪਹਿਲਾਂ ਏਸ਼ੀਆਈ ਦੇਸ਼ ਬਣਿਆ ਸੀ।
ਚੀਨ ਦੀ ਇਸ ਸਫਲਤਾ ਦੇ ਇੱਕਦਮ ਬਾਅਦ ਅਮਰੀਕਾ ਨੇ ਕੈਲੀਫੋਰਨੀਆ ਦੇ ਵੈਨਡੇਨਬਰਗ ਏਅਰਫੋਰਸ ਬੇਸ ਦਾ ਨਾਂ ਨਾਂਅ ਬਦਲ ਕੇ ‘ਯੂ ਐੱਸ ਸਪੇਸ ਫੋਰਸ ਬੇਸ’ ਰੱਖ ਦਿੱਤਾ ਹੈ। ਇਸ ਬੇਸ ਦੇ ਪਰੇਡ ਮੈਦਾਨ ਵਿੱਚ ਇਕ ਸਮਾਰੋਹ ਦੌਰਾਨ ਇਸ ਦਾ ਨਾਂ ਬਦਲ ਕੇ ਵੈਨਡੇਨਬਰਗ ਸਪੇਸ ਫੋਰਸ ਬੇਸ ਕੀਤਾ ਗਿਆ ਹੈ। ਡਿਫੈਂਸ, ਸਾਇੰਸ ਅਤੇ ਕਮਰਸ਼ੀਅਲ ਉਦੇਸ਼ਾਂ ਲਈ ਇਹ ਬੇਸ ਬੈਲਿਸਟਿਕ ਮਿਜ਼ਾਈਲਾਂ ਨੂੰ ਟੈਸਟ ਕਰਨ ਦੇ ਨਾਲ ਓਰਬਿਟਲ ਵੀ ਲਾਂਚ ਕਰਦਾ ਹੈ। ਇਸ ਸਪੇਸ ਫੋਰਸ ਨੂੰ ਸਾਬਕਾ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਰਾਜ ਦੌਰਾਨ 2019 ਵਿੱਚ ਛੇਵੀਂ ਮਿਲਟਰੀ ਕਮਾਂਡ ਵਜੋਂ ਬਣਾਇਆ ਗਿਆ ਸੀ। ਇਸ ਵਿੱਚ ਏਅਰਫੋਰਸ ਸਪੇਸ ਕਮਾਂਡ ਨੂੰ ਸੌਂਪੇ ਕਰਮਚਾਰੀਆਂ ਨੂੰ ਫਿਰ ਸਪੇਸ ਫੋਰਸ ਨੂੰ ਦੇ ਦਿੱਤਾ ਗਿਆ ਹੈ। ਇਸ ਸਪੇਸ ਫੋਰਸ ਦੀ ਸਥਾਪਨਾ ਲਈ ਹਵਾਈ ਫੌਜ ਦੀ ਸਰਗਰਮੀ ਦਾ ਮੁੜ ਡਿਜ਼ਾਇਨ ਕਰਨਾ ਸਪੇਸ ਫੋਰਸ ਲਈ ਵੱਖਰਾ ਸਭਿਆਚਾਰ ਅਤੇ ਪਛਾਣ ਬਣਾਉਣ ਲਈ ਮਹੱਤਵਪੂਰਨ ਹੈ। ਇਸ ਤੋਂ ਇਲਾਵਾ ਵੈਨਡੇਨਬਰਗ ਦੀ ਹੋਸਟ ਯੂਨਿਟ 30ਵੀਂ ਸਪੇਸ ਵਿੰਗ ਨੂੰ ਸਪੇਸ ਲਾਂਚ ਡੈਲਟਾ 30 ਦਾ ਨਾਂ ਦਿੱਤਾ ਜਾ ਰਿਹਾ ਹੈ। ਵੈਨਡੇਨਬਰਗ ਦੀ ਸਥਾਪਨਾ 1941 ਵਿੱਚ ਟੈਂਕਤੇ ਤੋਪਖਾਨਾ ਦੀ ਸਿਖਲਾਈ ਦੇਫੌਜੀ ਕੈਂਪ ਵਜੋਂ ਹੋਈ ਤੇ ਇਸ ਦੀ ਖੇਤਰੀ ਸਥਿਤੀ ਨੇ ਇਸ ਨੂੰ ਮਿਜ਼ਾਈਲ ਟੈੱਸਟ ਅਤੇ ਆਰਬਿਟ ਲਾਂਚ ਦੇ ਯੋਗ ਬਣਾਇਆ ਹੈ।

Continue Reading

ਅੰਤਰਰਾਸ਼ਟਰੀ

ਸਾਬਕਾ ਬਿਊਟੀ ਕਵੀਨ ਅਸਾਲਟ ਰਾਈਫਲ ਚੁੱਕ ਕੇ ਮਿਆਂਮਾਰ ਫ਼ੌਜ ਦੇ ਖ਼ਿਲਾਫ਼ ਮੈਦਾਨ ਵਿੱਚ ਉਤਰੀ

Published

on

Former beauty queen carries

ਯਾਂਗੁਨ, 15 ਮਈ – ਮਿਆਂਮਾਰ ਵਿੱਚ ਫ਼ੌਜੀ ਤਖਤਾਪਲਟ ਦੇ 100 ਦਿਨ ਬਾਅਦ ਮਿਆਂਮਾਰ ਦੀ 32 ਸਾਲਾ ਬਿਊਟੀ ਕਵੀਨ ਨੇ ਬਗਾਵਤ ਕਰ ਦਿੱਤੀ ਹੈ। ਉਹ ਆਧੁਨਿਕ ਹਥਿਆਰਾਂ ਨਾਲ ਸੈਨਾ ਦੇ ਖ਼ਿਲਾਫ਼ ਖੜ੍ਹੀ ਹੋ ਗਈ ਹੈ ਅਤੇ ਫੌਜ ਦੇ ਖ਼ਿਲਾਫ਼ ਜੰਗ ਵਿੱਚ ਸਥਾਨਿਕ ਗਰੁੱਪਾਂ ਨਾਲ ਜੁੜ ਗਈ ਹੈ।
ਸਾਲ 2013 ਵਿੱਚ ਮਿਸ ਗ੍ਰੈਂਡ ਇੰਟਰਨੇਸ਼ਨਲ ਬਿਊਟੀ ਪੇਜੈਂਟ ਵਿੱਚ ਮਿਆਂਮਾਰ ਵੱਲੋਂ ਪ੍ਰਤੀਨਿਧਤਾ ਕਰ ਚੁੱਕੀ ਤਾਰ ਤੇਤ ਤੇਤ ਨੇ ਅਸਾਲਟ ਰਾਈਫਲ ਦੇ ਨਾਲ ਆਪਣੀ ਤਸਵੀਰਾਂ ਸੋਸ਼ਲ ਮੀਡੀਆ ਉੱਤੇ ਪੋਸਟ ਕੀਤੀਆਂ ਤੇ ਲਿਖਿਆ ਹੈ ਕਿ ‘ਕ੍ਰਾਂਤੀ ਸੇਬ ਦੀ ਤਰ੍ਹਾਂ ਨਹੀਂ, ਜੋ ਤਿਆਰ ਹੋਣ ਦੇ ਬਾਅਦ ਡਿੱਗ ਜਾਂਦਾ ਹੈ। ਸਾਨੂੰ ਲੜਨਾ ਹੋਵੇਗਾ ਤੇ ਨਿਸ਼ਚਿਤ ਰੂਪ ਨਾਲ ਜਿੱਤਣਾ ਹੋਵੇਗਾ।’ ਉਨ੍ਹਾਂ ਨੇ ਅੱਗੇ ਲਿਖਿਆ; ‘ਇੱਕ ਵਾਰ ਫਿਰ ਲੜਨ ਦਾ ਸਮਾਂ ਆ ਗਿਆ ਹੈ। ਚਾਹੇ ਅਸੀਂ ਇੱਕ ਹਥਿਆਰ, ਕਲਮ, ਕੀ-ਬੋਰਡ ਰੱਖੀਏ ਜਾ ਲੋਕਤੰਤਰ ਸਮਰੱਥਕ ਅੰਦੋਲਨ ਲਈ ਪੈਸੇ ਦਾਨ ਕਰੀਏ। ਹਰ ਕਿਸੇ ਨੂੰ ਸਫਲ ਹੋਣ ਦੀ ਕੋਸ਼ਿਸ਼ ਕਰਦੇ ਰਹਿਣਾ ਚਾਹੀਦਾ ਹੈ। ਮੈਂ ਸੰਘਰਸ਼ ਜਾਰੀ ਰੱਖਾਂਗੀ। ਮੈਂ ਆਪਣਾ ਜੀਵਨ ਕੁਰਬਾਨ ਕਰਨ ਦੇ ਲਈ ਤਿਆਰ ਹਾਂ।’ ਮੰਨਿਆ ਜਾ ਰਿਹਾ ਹੈ ਕਿ ਉਨ੍ਹਾਂ ਦੀ ਅਪੀਲ ਦੇ ਬਾਅਦ ਫ਼ੌਜ ਦੇ ਖ਼ਿਲਾਫ਼ ਲੜਾਈ ਵਿੱਚ ਕਾਫ਼ੀ ਲੋਕ ਗਰੁੱਪਾਂ ਦੇ ਨਾਲ ਜੁੜ ਸਕਦੇ ਹਨ। ਤਾਰ ਤੇਤ ਤੇਤ ਨੇ ਅੱਠ ਸਾਲ ਪਹਿਲਾਂ 60 ਪ੍ਰਤੀਯੋਗੀਆਂ ਨੂੰ ਪਿੱਛੇ ਛੱਡਦੇ ਹੋਏ ਬਿਊਟੀ ਕਵੀਨ ਦਾ ਖਿਤਾਬ ਆਪਣੇ ਨਾਮ ਕੀਤਾ ਸੀ।

Continue Reading

ਅੰਤਰਰਾਸ਼ਟਰੀ

ਕਾਬੁਲ ਵਿੱਚ ਈਦ ਦੀ ਨਮਾਜ਼ ਦੌਰਾਨ ਬੰਬ ਧਮਾਕਾ, 12 ਮੌਤਾਂ

Published

on

Bomb blast kills

ਕਾਬੁਲ, 14 ਮਈ, -ਅਫ਼ਗਾਨਿਸਤਾਨ ਵਿੱਚ ਤਿੰਨ ਦਿਨਾਂ ਦੀ ਜੰਗਬੰਦੀ ਦੀ ਸਹਿਮਤੀ ਹੋਣ ਦੇ ਬਾਵਜੂਦ ਈਦ ਮੌਕੇ ਇੱਕ ਮਸਜਿਦ ਵਿੱਚ ਨਮਾਜ਼ ਦੌਰਾਨ ਬੰਬ ਧਮਾਕੇ ਨਾਲ 12 ਲੋਕਾਂ ਦੀ ਮੌਤ ਹੋ ਗਈ ਹੈ। ਤਾਲਿਬਾਨ ਨੇ ਘਟਨਾ ਵਿੱਚ ਹੱਥ ਹੋਣ ਤੋਂ ਇਨਕਾਰ ਕਰਦੇ ਹੋਏ ਇਸ ਦੀ ਨਿੰਦਾ ਕੀਤੀ ਹੈ।
ਪੁਲਿਸ ਦੇ ਬੁਲਾਰੇ ਮੁਤਾਬਕ ਬੰਬ ਧਮਾਕਾ ਕਾਬੁਲ ਦੇ ਸ਼ਕਰਦਾਰਾ ਜ਼ਿਲ੍ਹਾ ਦੀ ਮਸਜਿਦ ਵਿੱਚ ਹੋਇਆ, ਜਿਸ ਨਾਲ ਮਸਜਿਦ ਦੇ ਇਮਾਮ ਸਮੇਤ 12 ਲੋਕਾਂ ਦੀ ਮੌਤ ਹੋ ਗਈ ਅਤੇ 15 ਤੋਂ ਵੱਧ ਜ਼ਖ਼ਮੀ ਹੋਏ ਹਨ।
ਇਸ ਦੌਰਾਨ ਅਫ਼ਗਾਨਿਸਤਾਨ ਵਿੱਚ ਹਿੰਸਾ ਦਾ ਦੌਰ ਜਾਰੀ ਹੈ ਅਤੇ ਕੱਲ੍ਹ ਵੱਖ-ਵੱਖ ਥਾਈਂ 11 ਲੋਕਾਂ ਦੀ ਮੌਤ ਹੋ ਗਈ ਤੇ 13 ਜ਼ਖ਼ਮੀ ਹੋਏ ਹਨ। ਮਸਜਿਦ ਵਿੱਚ ਬੰਬ ਧਮਾਕੇ ਤੋਂ ਕੁਝ ਦਿਨ ਪਹਿਲਾਂ ਸ਼ਿਆ ਆਬਾਦੀ ਵਾਲੇ ਇਲਾਕੇ ਵਿੱਚ ਕੁੜੀਆਂ ਦੇ ਇਕ ਸਕੂਲ ਮੂਹਰੇ ਲਗਾਤਾਰ ਤਿੰਨ ਬੰਬ ਧਮਾਕੇ ਹੋਏ ਅਤੇ 80 ਤੋਂ ਵਧ ਲੋਕਾਂ ਦੀ ਮੌਤ ਹੋਈ ਸੀ।ਮ੍ਰਿਤਕਾਂ ਵਿੱਚ ਬਹੁਤੀਆਂ ਵਿਦਿਆਰਥਣਾਂ ਸਨ।ਇਨ੍ਹਾਂ ਘਟਨਾਵਾਂ ਤੋਂ ਸੰਕੇਤ ਮਿਲਦਾ ਹੈ ਕਿ ਅਫ਼ਗਾਨ ਸਰਕਾਰ ਦੇ ਲਈ ਰਾਹ ਸੌਖਾ ਨਹੀਂ। ਏਥੇ ਤਾਲਿਬਾਨ ਦੇ ਨਾਲ ਇਸਲਾਮਿਕ ਸਟੇਟ (ਆਈ ਐੱਸ) ਵਰਗੇ ਕਈ ਅੱਤਵਾਦੀ ਸੰਗਠਨ ਸਰਗਰਮ ਹਨ। ਅਮਰੀਕਾ ਨੇ ਲੜਕੀਆਂ ਦੇ ਸਕੂਲ ਉੱਤੇ ਹਮਲੇ ਵਿੱਚ ਆਈ ਐੱਸ ਦਾ ਹੱਥ ਹੋਣ ਦੀ ਸੰਭਾਵਨਾ ਪ੍ਰਗਟਾਈ ਹੈ।

Continue Reading

ਰੁਝਾਨ


Copyright by IK Soch News powered by InstantWebsites.ca