Ghazal by puneet
Connect with us [email protected]

ਗ਼ਜ਼ਲ

ਗ਼ਜ਼ਲ – ਪੁਨੀਤ

Published

on

punjabi ghazals

ਮੈਂ ਉਸ ਅੰਬਰ ਨੂੰ ਗਵਾਹ ਲੈ ਕੇ,
ਖੁਦੀ ਵਿੱਚ ਵਸਿਆ ਮੇਰਾ ਖੁਦਾ ਲੈ ਕੇ
ਆਇਆ ਹਾਂ ਤੇਰੀ ਦਹਿਲੀਜ਼ ‘ਤੇ,
ਆਸ ਫਿਰ ਤੋਂ ਇਸ ਦਫ਼ਾ ਲੈ ਕੇ।

ਹਾਲਾਂਕਿ ਤੇਰੇ ਜਾਣ ਤੋਂ ਬਾਅਦ,
ਪਲ ਪਲ ਜ਼ਿੰਦਗੀ ਬੇਵਜ੍ਹਾ ਗੁਜ਼ਰੀ ਏ
ਹੁਣ ਤੇਰੇ ਕੋਲੋਂ ਲੈ ਜਾਣਾ ਚਾਹੁੰਦਾ ਹਾਂ
ਮੇਰੀ ਮੌਤ ਦੀ ਕੋਈ ਵਜ੍ਹਾ ਲੈ ਕੇ।

ਮੈਂ ਤੇਰੇ ਦਿਲਕਸ਼ ਚਿਹਰੇ ਨੂੰ ਦੇਖ ਕੇ
ਫੇਰ ਤੋਂ ਬਹਾਰ ਨੂੰ ਮਾਨਣਾ ਚਾਹੁੰਦਾ ਹਾਂ
ਵਰਨਾ ਜ਼ਿੰਦਗੀ ਜਦੋਂ ਵੀ ਆਈ ਹੈ,
ਬੱਸ ਆਈ ਹੈ ਹਰ ਵਾਰ ਖਿਜ਼ਾਂ ਲੈ ਕੇ।

ਇੱਕ ਹਸਰਤ ਹੈ ਕਿ ਮੈਂ ਵੀ ਵਾਕਿਫ
ਹੋਵਾਂ ਆਖਿਰ ਆਪਣੀ ਉਸ ਖਤਾ ਤੋਂ
ਜਿਹਦੀ ਖਾਤਿਰ ਬਹਿ ਗਏ ਆ,
ਇਸ ਬੇਇੰਤਾ ਗ਼ਮ ਦੀ ਸਜ਼ਾ ਲੈ ਕੇ।

ਬਿਨ ਮਿਲੇ ਤੇ ਬਿਨ ਕੁਝ ਕਹੇ ਜਾਣਾ
ਤੇਰਾ ਖਲਿਸ਼ ਬਣਦਾ ਜਾ ਰਿਹਾ
ਸੋਚਦਾ ਹਾਂ ਜੇ ਹੁਣ ਦੂਰ ਹੀ ਰਹਿਣਾ,
ਫੇਰ ਆਵਾਂ ਤੇਰੇ ਤੋਂ ਵਿਦਾ ਲੈ ਕੇ।

Continue Reading
1 Comment

1 Comment

Leave a Reply

Your email address will not be published. Required fields are marked *

ਗ਼ਜ਼ਲ

ਗ਼ਜ਼ਲ – ਹਰਦੀਪ ਬਿਰਦੀ

Published

on

Ghazals -Hardeep Birdi

ਲਗਦਾ ਰਿਸ਼ਤੇ ਮੁੱਕ ਚੱਲੇ ਨੇ
ਰੁੱਖਾਂ ਵਾਂਗੂੰ ਸੁੱਕ ਚੱਲੇ ਨੇ।

ਹੈਂਕੜਬਾਜ਼ੀ ਕਰਦੇ ਲੋਕੀਂ
ਰੱਬ ਦੇ ਉੱਤੇ ਥੁੱਕ ਚੱਲੇ ਨੇ।

ਸ਼ੋਸ਼ਣ ਵਾਲੇ ਚੂਹੇ ਚਾਦਰ
ਮਿਹਨਤਕਸ਼ ਦੀ ਟੁੱਕ ਚੱਲੇ ਨੇ।

ਅਰਮਾਨਾਂ ਦੀ ਵੇਖੋ ਅਰਥੀ
ਫਰਜ਼ੀ ਕਿਸੇ ਦੇ ਚੁੱਕ ਚੱਲੇ ਨੇ।

ਇੰਝਣ, ਡੱਬੇ ਮੋਹ ਕੇ ਲੈ ਗਏ
ਕਰਦੇ ਜਦ ਛੁੱਕ ਛੁੱਕ ਚੱਲੇ ਨੇ।

ਤਕੜੇ ਨੂੰ ਸੀ ਲੱਗੇ ਠੋਕਣ
ਮਾੜੇ ਉਸ ਤੋਂ ਠੁੱਕ ਚੱਲੇ ਨੇ।

ਜਿਨ੍ਹਾਂ ਨੂੰ ਸੀ ਜ਼ਖਮ ਦਿਖਾਏ
ਲੂਣ ਉਹੀ ਹੁਣ ਭੁੱਕ ਚੱਲੇ ਨੇ।

ਉਸਨੇ ਤੱਕ ਕੇ ਤਰਸ ਨਾ ਕੀਤਾ
ਹੰਝੂ ਮੇਰੇ ਮੁੱਕ ਚੱਲੇ ਨੇ।

Continue Reading

ਗ਼ਜ਼ਲ

ਗ਼ਜ਼ਲ – ਸੁਖਜਿੰਦਰ ਸੋਢੀ ਕੁਰਾਲੀ

Published

on

Ghazals -Sukhjinder Sodhi Kurali

ਕਿੰਨੇ ਵੀ ਤੂੰ ਪਾ ਮਖੌਟੇ ਮੁੱਖ ਉਤੇ,
ਹਾਸਿਆਂ ਓਹਲੇ ਗ਼ਮ ਛੁਪਾਏ ਨਹੀਂ ਜਾਣੇ।

ਕਦਮ ਕਦਮ ਤੇ ਭਾਵੇਂ ਤੂੰ ਅਜਮਾ ਮੈਨੂੰ,
ਪਰ ਚੇਤਾ ਰੱਖੀਂ ਸਭ ਅਜਮਾਏ ਨਹੀਂ ਜਾਣੇ।

ਦਿਲ ਵਿੱਚ ਪੈਂਦੇ ਵੈਣ ਬਿਰਹੋਂ ਦੀਆਂ ਮਾਰਾਂ ਦੇ,
ਝੂਠੇ ਹਾਸੇ ਹੁਣ ਮੁਸਕਾਏ ਨਹੀਂ ਜਾਣੇ।

ਮੱਲੀ ਥਾਂ ਬਸੰਤ ਦੀ ਪਤਝੜ ਦੀ ਰੁੱਤ ਨੇ,
ਏਸ ਰੁੱਤੇ ਸਾਥੋਂ ਫੁੱਲ ਮਹਿਕਾਏ ਨਹੀਂ ਜਾਣੇ।

ਦਿਨ ਭਰ ਦੇ ਇਸ ਥੱਕੇ ਟੁੱਟੇ ਜਿਸਮ ਕੋਲੋਂ,
ਇਸ਼ਕ ਦੇ ਸੁਫਨੇ ਹੁਣ ਸਜਾਏ ਨਹੀਂ ਜਾਣੇ।

ਮਿਹਨਤ, ਲਗਨ, ਦ੍ਰਿੜਤਾ ਦੇ ਨਾਲ ਲੜਨਾ ਪਊ,
ਗੱਲੀਂ ਬਾਤੀਂ ਯੁੱਗ ਪਲਟਾਏ ਨਹੀਂ ਜਾਣੇ।

‘ਸੋਢੀ’ ਵਰਗੇ ਮਿਲਦੇ ਨੇ ਸਿਰਫ ਇੱਕ ਵਾਰੀ,
ਪੈਰ-ਪੈਰ ਤੇ ਕਦੇ ਥਿਆਏ ਨਹੀਂ ਜਾਣੇ।

Continue Reading

ਗ਼ਜ਼ਲ

ਗ਼ਜ਼ਲ – ਤ੍ਰੈਲੋਚਨ ਲੋਚੀ

Published

on

Ghazal by Trelochan Lochi

ਸੁੱਕ ਨਾ ਕਿਧਰੇ ਜਾਣ ਇਹ ਸਰਵਰ ਸਾਂਭ ਲਵੋ
ਸੋਹਣੇ ਸੋਹਣੇ ਦਿਲਕਸ਼ ਮੰਜ਼ਰ ਸਾਂਭ ਲਵੋ।

ਆਉਣ ਵਾਲੀਆਂ ਨਸਲਾਂ Ḕਤੇ ਕੁਝ ਤਰਸ ਕਰੋ,
ਬਿਰਖ, ਬੂਟੜੇ, ਸਾਵੇ ਪੱਤਰ ਸਾਂਭ ਲਵੋ।

ਇਹਨਾਂ ਵਿੱਚ ਹੀ ਰਾਜ਼ ਰੋਸ਼ਨਾ ਦਾ ਛੁਪਿਐ,
ਜਿਓਣ ਜੋਗਿਓ ਪੈਂਤੀ ਅੱਖਰ ਸਾਂਭ ਲਵੋ।

ਚੰਨ, ਤਾਰਿਆਂ ਨੂੰ ਵੀ ਇੱਕ ਦਿਨ ਤਰਸੋਗੇ,
ਅਜੇ ਵਕਤ ਹੈ ਨੀਲਾ ਅੰਬਰ ਸਾਂਭ ਲਵੋ।

ਬਿਨਾਂ ਲਗਾਮੋਂ ਭੱਜਿਆ ਇਹ ਬਾਜ਼ਾਰ ਫਿਰੇ,
ਸੱਜਣੋ, ਆਪੋ ਆਪਣੀ ਚਾਦਰ ਸਾਂਭ ਲਵੋ।

ਉਹ ਵੀ ਜਿਓਂਦੇ ਜਾਗਦਿਆਂ ਵਿੱਚ ਹੋ ਜਾਊ,
‘ਲੋਚੀ’ ਦੇ ਬੱਸ ਚੰਦ ਕੁ ਅੱਖਰ ਸਾਂਭ ਲਵੋ।

Continue Reading

ਰੁਝਾਨ


Copyright by IK Soch News powered by InstantWebsites.ca