Fraud of Rs 5 lakh by deception to send to Canada
Connect with us [email protected]

ਅਪਰਾਧ

ਕੈਨੇਡਾ ਭੇਜਣ ਦਾ ਝਾਂਸਾ ਦੇ ਕੇ ਪੰਜ ਲੱਖ ਰੁਪਏ ਠੱਗ ਲਏ

Published

on

money fraud

ਕਪੂਰਥਲਾ, 4 ਫਰਵਰੀ – ਕੈਨੇਡਾ ਭੇਜਣ ਦਾ ਝਾਂਸਾ ਦੇ ਕੇ ਪੰਜ ਲੱਖ ਰੁਪਏ ਹੜੱਪਣ ਦੇ ਦੋਸ਼ ਵਿੱਚ ਥਾਣਾ ਸਦਰ ਕਪੂਰਥਲਾ ਦੀ ਪੁਲਸ ਨੇ ਤਿੰਨ ਜਣਿਆਂ ਦੇ ਖ਼ਿਲਾਫ਼ ਵੱਖ-ਵੱਖ ਧਾਰਾਵਾਂ ਦਾ ਕੇਸ ਦਰਜ ਕਰ ਲਿਆ ਹੈ। ਨਾਮਜਦ ਦੋਸ਼ੀਆਂ ਵਿੱਚ ਪਿਤਾ-ਪੁੱਤਰ ਸ਼ਾਮਲ ਹਨ, ਪਰ ਹਾਲੇ ਦੋਸ਼ੀਆਂ ਦੀ ਗ਼੍ਰਿਫ਼ਤਾਰੀ ਨਹੀਂ ਹੋਈ।
ਵੀਰੋ ਪਤਨੀ ਕਰਤਾਰ ਸਿੰਘ ਪਿੰਡ ਥਿਗਲੀ, ਥਾਣਾ ਸਦਰ ਕਪੂਰਥਲਾ ਨੇ ਐਸ ਐਸ ਪੀ ਕਪੂਰਥਲਾ ਨੂੰ ਸ਼ਿਕਾਇਤ ਦੇ ਕੇ ਦੱਸਿਆ ਕਿ ਉਸ ਨੇ ਆਪਣੇ ਬੇਟੇ ਭੁਪਿੰਦਰ ਸਿੰਘ ਨੂੰ ਕੈਨੇਡਾ ਭੇਜਣ ਲਈ ਆਪਣੇ ਪਿੰਡ ਨਾਲ ਸਬੰਧਤ ਸਰਬਜੀਤ ਸਿੰਘ ਉਰਫ ਲਾਡੀ ਪੁੱਤਰ ਸੌਦਾਗਰ ਸਿੰਘ, ਉਸ ਦੇ ਭਰਾ ਜਗੀਰ ਸਿੰਘ ਤੇ ਪਿਤਾ ਸੌਦਾਗਰ ਸਿੰਘ ਨਾਲ 12 ਲੱਖ ਰੁਪਏ ਦਾ ਸੌਦਾ ਕੀਤਾ ਸੀ। ਇਸ ਤੇ ਉਸ ਨੇ 10 ਦਸੰਬਰ 2018 ਨੂੰ ਉਕਤ ਦੋਸ਼ੀਆਂ ਨੂੰ ਪੰਜ ਲੱਖ ਰੁਪਏ ਦੀ ਰਕਮ ਅਤੇ ਪਾਸਪੋਰਟ ਦੇ ਦਿੱਤਾ ਸੀ। ਇਸ ਦੇ ਬਾਅਦ ਦੋਸ਼ੀਆਂ ਨੇ ਉਸ ਨੂੰ ਦੋ ਬੈਂਕ ਚੈਕ ਸਿਕਿਉਰਟੀ ਵਜੋਂ ਦਿੱਤੇ ਤੇ ਉਸ ਦੇ ਲੜਕੇ ਨੂੰ ਤਿੰਨ ਮਹੀਨੇ ਵਿੱਚ ਕੈਨੇਡਾ ਭੇਜਣ ਦਾ ਵਾਅਦਾ ਕੀਤਾ ਸੀ, ਪਰ ਉਨ੍ਹਾਂ ਨੇ ਜਦੋਂ ਉਸਦੇ ਬੇਟੇ ਨੂੰ ਕੈਨੇਡਾ ਨਹੀਂ ਭੇਜਿਆ ਤਾਂ ਉਸ ਨੇ ਦੋਸ਼ੀਆਂ ਤੋਂ ਆਪਣੀ ਰਕਮ ਤੇ ਪਾਸਪੋਰਟ ਵਾਪਸ ਮੰਗਿਆ। ਦੋਸ਼ੀਆਂ ਨੇ ਉਸਦੀ ਰਕਮ ਮੋੜਨ ਤੋਂ ਇਨਕਾਰ ਕਰ ਦਿੱਤਾ। ਇਸਤੇ ਉਸ ਨੇ ਇਨਸਾਫ ਲਈ ਐਸ ਐਸ ਪੀ ਨੂੰ ਗੁਹਾਰ ਲਾਈ। ਐਸ ਐਸ ਪੀ ਕਪੂਰਥਲਾ ਨੇ ਇਸ ਕੇਸ ਨੂੰ ਗੰਭੀਰਤਾ ਨਾਲ ਲੈਂਦੇ ਹੋਏ ਆਰਥਿਕ ਅਪਰਾਧ ਸ਼ਾਖਾ ਨੂੰ ਜਾਂਚ ਦੇ ਆਦੇਸ਼ ਦਿੱਤੇ ਸਨ ਅਤੇ ਜਾਂਚ ਵਿੱਚ ਤਿੰਨਾਂ ਖ਼ਿਲਾਫ਼ ਲੱਗੇ ਦੋਸ਼ ਸਹੀ ਨਿਕਲੇ, ਜਿਸ ਦੇ ਅਧਾਰ `ਤੇ ਉਨ੍ਹਾਂ ਖ਼ਿਲਾਫ਼ ਵੱਖ-ਵੱਖ ਧਾਰਾਵਾਂ ਦਾ ਕੇਸ ਦਰਜ ਕਰ ਲਿਆ ਗਿਆ ਹੈ।

ਅਪਰਾਧ

ਰੰਜਿਸ਼ ਕਾਰਨ ਗੋਲੀ ਮਾਰ ਕੇ ਨੌਜਵਾਨ ਦੀ ਹੱਤਿਆ

Published

on

pistal

ਬੇਗੋਵਾਲ, 20 ਜੂਨ – ਕਸਬਾ ਬੇਗੋਵਾਲ ਵਿੱਚ ਸਕੂਟਰੀ ਸਵਾਰ ਦੋ ਹਥਿਆਰਬੰਦ ਨੌਜਵਾਨਾਂ ਵੱਲੋਂ ਬੀਤੀ ਰਾਤ ਰੰਜਿਸ਼ ਕਾਰਨ ਇੱਕ ਨੌਜਵਾਨ ਦੀ ਇੱਕ ਨੌਜਵਾਨ ਨੂੰ ਗੋਲੀ ਮਾਰ ਕੇ ਮਾਰ ਦਿਤਾ ਗਿਆ। ਇਸ ਦੀ ਸੂਚਨਾ ਮਿਲਦੇ ਸਾਰ ਥਾਣਾਬੇਗੋਵਾਲ ਦੇ ਮੁਖੀ ਸਬ ਇੰਸਪੈਕਟਰ ਰਮਨ ਕੁਮਾਰ ਮੌਕੇ ਉੱਤੇ ਪੁੱਜੇ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਬੇਗੋਵਾਲ ਪੁਲਸ ਨੇ ਇਸ ਬਾਰੇ ਚਾਰ ਵਿਅਕਤੀਆਂ ਵਿਰੁੱਧ ਕੇਸ ਦਰਜ ਕੀਤਾ ਹੈ।
ਮ੍ਰਿਤਕ ਮੁਕੁਲ (23) ਦੇ ਪਿਤਾ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਰਾਤ ਲਗਭਗ ਨੌਂ ਵਜੇ ਮੇਰੇ ਘਰ ਦਾ ਦਰਵਾਜ਼ਾ ਕਿਸੇ ਨੇ ਖੜਕਾਇਆ ਤੇ ਮੈਂ ਬਾਹਰ ਜਾ ਕੇ ਦੇਖਿਆ ਤਾਂ ਚਿੱਟੇ ਰੰਗ ਦੀ ਐਕਟਿਵਾ ਉੱਤੇ ਮੰਗਲ ਸਿੰਘ ਪੁੱਤਰ ਸਰੂਪ ਸਿੰਘ ਵਾਸੀ ਜੱਬੋਵਾਲ, ਦਲਜੀਤ ਸਿੰਘ ਸ਼ੇਰਾ ਵਾਸੀ ਰੱਜਬ ਥਾਣਾ ਕਰਤਾਰਪੁਰ ਖੜ੍ਹੇ ਸਨ, ਜੋ ਮੇਰੇ ਲੜਕੇ ਦੇ ਪਹਿਲੇ ਤੋਂ ਵਾਕਫ ਸਨ। ਉਨ੍ਹਾਂ ਨੇ ਮੇਰੇ ਲੜਕੇ ਮੁਕੁਲ ਬਾਰੇ ਪੁੱਛਿਆ। ਮੈਂ ਦੱਸਿਆ ਕਿ ਉਹ ਗਰਾਊਂਡ ਵਿੱਚ ਖੇਡਣ ਗਿਆ ਹੈ। ਇਸ ਤੋਂ ਕੁਝ ਸਮਾਂ ਬਾਅਦ ਚੜ੍ਹਦੀ ਪੱਤੀਰੌਲਾ ਪੈ ਗਿਆ ਕਿ ਗੋਲੀ ਚੱਲ ਗਈ। ਉਸ ਸਮੇਂ ਮੁਕੁਲ ਦਾ ਦੋਸਤ ਸ਼ਮਸ਼ੇਰ ਸਿੰਘ ਸ਼ੇਰਾ ਮੇਰੇ ਘਰ ਵਿੱਚ ਸੀ, ਜਿਸ ਨੂੰ ਨਾਲ ਲੈ ਕੇ ਗੁਰਦੁਆਰਾ ਸਾਹਿਬ ਕੋਲ ਗਏ ਤਾਂ ਉਥੇ ਬਹੁਤ ਰੌਲਾ ਪਿਆ ਕਿ ਐਕਟਿਵਾ ਸਵਾਰ ਦੋ ਨੌਜਵਾਨ ਤੇ ਹੋਰ ਵਹੀਕਲਾਂ ਉੱਤੇ ਸਵਾਰ ਨੌਜਵਾਨ ਮੁਕੁਲ ਨੂੰ ਮਾਰ ਗਏ ਹਨ। ਜਦੋਂ ਅਸੀਂ ਆਪਣੇ ਲੜਕੇ ਪਾਸ ਪੁੱਜੇ ਤਾਂ ਉਹ ਗੋਲੀ ਲੱਗਣ ਨਾਲ ਤੜਫ ਰਿਹਾ ਸੀ। ਇਸੇ ਦੌਰਾਨ ਮੇਰੇ ਲੜਕੇ ਨੇ ਦੱਸਿਆ ਕਿ ਮੰਗਲ, ਸ਼ੇਰਾ ਤੇ ਲਵਲੀ ਨੇ ਮੇਰੇ ਉੱਤੇ ਗੋਲੀਆਂ ਚਲਾਈਆਂ ਹਨ ਅਤੇ ਕਹਿੰਦੇ ਸਨ ਕਿ ਅਸੀਂ ਇਹ ਕਾਰਾ ਪ੍ਰਿੰਸ ਦੇ ਕਹਿਣ ਉੱਤੇ ਕੀਤਾ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਮੇਰੇ ਲੜਕੇ ਨੂੰ ਜ਼ਖਮੀ ਹਾਲਤ ਵਿੱਚ ਸ਼ਮਸੇਰ ਸਿੰਘ ਸ਼ੇਰਾ ਲੈ ਕੇ ਪਹਿਲਾਂ ਬੇਗੋਵਾਲ ਤੇ ਫਿਰ ਜਲੰਧਰ ਲਈ ਗਿਆ, ਪਰ ਭੁਲੱਥ ਦੇ ਨੇੜੇ ਰਸਤੇ ਵਿੱਚ ਉਸ ਦੀ ਮੌਤ ਹੋ ਗਈ। ਇਸ ਬਾਰੇ ਏ ਐਸ ਪੀ ਭੁਲੱਥ ਨੇਦੱਸਿਆ ਕਿ ਚਾਰ ਦੋਸ਼ੀਆਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਤੇ ਦੋਸ਼ੀ ਜਲਦੀ ਹੀ ਗ੍ਰਿਫਤਾਰ ਕਰ ਲਏ ਜਾਣਗੇ।

Continue Reading

ਅਪਰਾਧ

ਚਾਕੂ ਦੀ ਨੋਕ ਉਤੇ ਘਰ ਵਿੱਚੋਂ ਦਿਨ ਦਿਹਾੜੇ ਸੋਨੇ-ਚਾਂਦੀ ਦੇ ਗਹਿਣੇ ਤੇ ਨਕਦੀ ਲੁੱਟੀ

Published

on

knife

ਮੰਡੀ ਗੋਬਿੰਦਗੜ੍ਹ, 20 ਜੂਨ – ਗਾਂਧੀ ਨਗਰ ਮੰਡੀ ਗੋਬਿੰਦਗੜ੍ਹ ਦੀ ਸੰਘਣੀ ਆਬਾਦੀ ਵਾਲੇ ਖੇਤਰ ਵਿੱਚ ਕੱਲ੍ਹ ਇੱਕ ਮੋਟਰ ਸਾਈਕਲ ਉੱਤੇ ਸਵਾਰ ਤਿੰਨ ਨੌਜਵਾਨਾਂ ਨੇ ਇੱਕ ਘਰ ਵਿੱਚਤਿੰਨ ਔਰਤਾਂ ਕੋਲੋਂ ਸੋਨੇ ਦੀਆਂ ਦੋ ਚੇਨਾਂ, ਇੱਕ ਚਾਂਦੀ ਦੀ ਚੇਨ, ਇੱਕ ਚਾਂਦੀ ਦਾ ਕੜਾ, ਸੋਨੇ ਦੀਆਂ ਵਾਲੀਆਂ ਤੇ 10 ਹਜ਼ਾਰ ਰੁਪਏ ਨਕਦੀ ਲੁੱਟ ਲਈ।
ਸਰਬਜੀਤ ਕੌਰ (70) ਪਤਨੀ ਜਸਪਾਲ ਸਿੰਘ ਨੇ ਦੱਸਿਆ ਕਿ ਉਸ ਦੀਆਂ ਦੋਹਤੀਆਂ ਲਖਵਿੰਦਰ ਕੌਰ (28) ਪਤਨੀ ਜਸਪਾਲ ਸਿੰਘ ਅਤੇ ਕਿਰਨਜੀਤ ਕੌਰ (24) ਪੁੱਤਰੀ ਕੁਲਦੀਪ ਸਿੰਘ ਆਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਦੁਪਹਿਰੇ ਕਰੀਬ 2.15 ਵਜੇ ਇੱਕ ਮੋਟਰ ਸਾਈਕਲ ਉੱਤੇ ਤਿੰਨ ਨੌਜਵਾਨ, ਜਿਨ੍ਹਾਂ ਦੇ ਮੁੰਹ ਢੱਕੇ ਹੋਏ ਸਨ, ਆਏ ਅਤੇ ਦਰਵਾਜ਼ਾ ਖੜਕਾਇਆ। ਦਰਵਾਜ਼ਾ ਖੋਲ੍ਹਣ ਉੱਤੇ ਤਿੰਨੇ ਨੌਜਵਾਨ ਘਰ ਅੰਦਰ ਆ ਗਏ ਤੇ ਉਸ ਦੀ ਗਰਦਨ ਉੱਤੇ ਚਾਕੂ ਰੱਖ ਦਿੱਤਾ। ਉਸ ਦੀਆਂ ਦੋਵੇਂ ਦੋਹਤੀਆਂ ਨੂੰ ਵੀ ਚਾਕੂਆਂ ਦੀ ਨੋਕ ਉੱਤੇ ਬੰਦੀ ਬਣਾ ਕੇ ਉਸ ਕੋਲੋਂ ਅਲਮਾਰੀ ਦੀਆਂ ਚਾਬੀਆਂ ਲੈ ਕੇ ਉਸ ਵਿੱਚ ਰੱਖੇ 10 ਹਜ਼ਾਰ ਰੁਪਏ, ਗੱਲੇ ਵਿੱਚ ਪਈ ਸੋਨੇ ਦੀ ਚੇਨ, ਕੰਨਾਂ ਦੀਆਂ ਵਾਲੀਆਂ, ਦੋਹਤੀ ਦੇ ਗਲੇ ਵਿਚਲੀ ਸੋਨੇ ਦੀ ਚੇਨ ਸਮੇਤ ਦੋ ਸੋਨੇ ਦੀਆਂ ਚੇਨਾਂ, ਇੱਕ ਚਾਂਦੀ ਦੀ ਚੇਨ ਅਤੇ ਇੱਕ ਚਾਂਦੀ ਦਾ ਕੜਾ ਲੁੱਟ ਕੇ ਲੈ ਗਏ। ਉਨ੍ਹਾਂ ਦੱਸਿਆ ਕਿ ਲੁਟੇਰਿਆਂ ਨੇ ਧਮਕੀ ਦਿੱਤੀ ਕਿ ਜੇ ਰੌਲਾ ਪਾਇਆ ਤਾਂ ਜਾਨੋਂ ਮਾਰ ਦਿੱਤਾ ਜਾਵੇਗਾ। ਘਟਨਾ ਦੀ ਸੂਚਨਾ ਮਿਲਦੇ ਸਾਰ ਡੀ ਐਸ ਪੀ ਅਮਲੋਹ ਸੁਖਵਿੰਦਰ ਸਿੰਘ ਘਟਨਾ ਸਥਾਨ ਉੱਤੇ ਪਹੁੰਚ ਗਏ।ਉਨ੍ਹਾਂ ਦੱਸਿਆ ਕਿ ਘਟਨਾ ਦੀਜਾਂਚ ਸੀ ਸੀ ਟੀ ਵੀ ਫੁਟੇਜ ਦੀ ਮਦਦ ਨਾਲ ਕੀਤੀ ਜਾ ਰਹੀ ਹੈ।

Read More Latest Crime News

Continue Reading

ਅਪਰਾਧ

ਨਾਭਾ ਜੇਲ੍ਹ ਵਿੱਚ ਮੋਬਾਈਲ ਸਪਲਾਈ ਕਰਦਾ ਥਾਣੇਦਾਰ ਗ੍ਰਿਫਤਾਰ

Published

on

arrested

ਨਾਭਾ, 20 ਜੂਨ – ਏਥੇ ਬਣੀ ਹੋਈ ਹਾਈ ਸਕਿਓਰਟੀ ਜੇਲ੍ਹ ਲਗਾਤਾਰ ਗੈਰ ਕਾਨੂੰਨੀ ਸਮੱਗਰੀ ਨਸ਼ਾ ਤੇ ਮੋਬਾਈਲ ਮਿਲਣ ਕਾਰਨ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਉਸੇ ਜੇਲ੍ਹ ਵਿੱਚ ਸੁਰੱਖਿਆ ਦੀ ਡਿਊਟੀ ਕਰਦੇ ਏ ਐਸ ਆਈ ਗੁਰਜਿੰਦਰ ਸਿੰਘ ਨੂੰ ਪੰਜਾਬ ਪੁਲਸ ਨੇ ਇੱਕ ਕੈਦੀ ਕਰਮਜੀਤ ਸਿੰਘ ਨਾਲ ਮਿਲ ਕੇ ਮੋਬਾਈਲ ਸਪਲਾਈ ਕਰਨ ਦੇ ਜੁਰਮ ਵਿੱਚ ਗ੍ਰਿਫਤਾਰ ਕੀਤਾ ਅਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਡੀ ਐਸ ਪੀ ਨਾਭਾ ਰਾਜੇਸ਼ ਕੁਮਾਰ ਛਿੱਬਰ ਨੇ ਦੱਸਿਆ ਕਿ ਜੇਲ੍ਹ ਸੁਪਰਡੈਂਟ ਨੇ ਅਰਜ਼ੀ ਦਿੱਤੀ ਸੀ ਕਿ ਇੱਕ ਕੈਦੀ ਕਰਮਜੀਤ ਸਿੰਘਨੂੰ ਪਿਛਲੇ ਦਿਨੀਂ ਇੱਕ ਕੇਸ ਬਾਰੇ ਜਦੋਂ ਗ੍ਰਿਫਤਾਰ ਕੀਤਾ ਤਾਂ ਪੁੱਛਗਿੱਛ ਦੌਰਾਨ ਉਸ ਦਾ ਮੋਬਾਈਲ, ਜੋ ਕਰਮਜੀਤ ਕੋਲੋਂ ਫੜਿਆ ਗਿਆ ਸੀ, ਨੂੰ ਫੋਲਣ ਉੱਤੇ ਭੇਦ ਖੁੱਲ੍ਹਾ ਕਿ ਉਸ ਦੀ ਏ ਐੱਸ ਆਈ ਗੁਰਜਿੰਦਰ ਸਿੰਘ ਦੇ ਨਾਲ ਵਾਟਸਐਪ ਉੱਤੇ ਚੈਟ ਚਲਦੀ ਹੈ ਅੇ ਗੁਰਜਿੰਦਰ ਸਿੰਘ ਬਾਹਰੋਂ ਮੋਬਾਈਲ ਲੈ ਕੇ ਕੈਦੀ ਕਰਮਜੀਤ ਨੂੰ ਦਿੰਦਾ ਸੀ, ਜਿਹੜਾ ਅੱਗੇ ਮੋਬਾਈਲ ਸਪਲਾਈ ਕਰਨ ਦਾ ਕੰਮ ਜੇਲ੍ਹ ਅੰਦਰ ਕਰਦਾ ਸੀ। ਗੁਰਜਿੰਦਰ ਸਿੰਘ ਇੱਕ ਮੋਬਾਈਲ ਸਪਲਾਈ ਕਰਨ ਦੇ 10 ਹਜ਼ਾਰ ਰੁਪਏਲੈਂਦਾ ਸੀ। ਕੈਦੀ ਕਰਮਜੀਤ ਸਿੰਘ ਉਤੇ 12 ਦੇ ਕਰੀਬ ਕੇਸਹਨ। ਉਹ ਪਿੰਡ ਬੱਲਮਗੜ੍ਹ ਥਾਣਾ ਸਦਰ ਸਮਾਣਾ ਦਾ ਵਸਨੀਕ ਹੈ। ਗੁਰਜਿੰਦਰ ਸਿੰਘ ਪਿੰਡ ਮੱਲਵਾਲੀਏਵਾਲਾ ਥਾਣਾ ਮੱਲਾਂਵਾਲਾ, ਫਿਰੋਜ਼ਪੁਰ ਦਾ ਵਾਸੀ ਅਤੇ ਫਸਟ ਆਈ ਆਰ ਬੀ ਦਾ ਮੁਲਾਜ਼ਮ ਹੈ। ਦੋਵਾਂ ਨੂੰ ਨਾਭਾ ਕੋਤਵਾਲੀ ਵਿਖੇ ਕੇਸ ਦਰਜ ਕਰ ਕੇ ਗ੍ਰਿਫਤਾਰ ਕਰ ਲਿਆ ਅਤੇ ਅਦਾਲਤਪੇਸ਼ੀ ਮਗਰੋਂ ਕਰਮਜੀਤ ਨੂੰ ਜੇਲ੍ਹ ਭੇਜ ਅਤੇ ਗੁਰਜਿੰਦਰ ਸਿੰਘ ਦਾ ਤਿੰਨ ਦਿਨਾਂ ਦਾ ਪੁਲਸ ਰਿਮਾਂਡ ਹੈ।

Read More Latest Punjabi News

Continue Reading

ਰੁਝਾਨ


Copyright by IK Soch News powered by InstantWebsites.ca