• ਕਾਂਗਰਸ ਨੂੰ ਉਨ੍ਹਾਂ ਦੀ ਗੱਲ ਮੰਨਣ ਦੀ ਸਲਾਹ ਦੇ ਦਿੱਤੀ
• ਲੋਕਾਂ ਨੂੰ ਅੰਦੋਲਨ-ਜੀਵੀਆਂ ਤੋਂ ਸੁਚੇਤ ਰਹਿਣ ਦਾ ਸੱਦਾ
  ਨਵੀਂ ਦਿੱਲੀ, 8 ਫਰਵਰੀ, – ਭਾਰਤ ਦੀ ਨਰਿੰਦਰ ਮੋਦੀ ਸਰਕਾਰ ਵੱਲੋਂ ਬਣਾਏ ਖੇਤੀਬਾੜੀ ਕਾਨੂੰਨਾਂ ਦੀ ਵਾਪਸੀ ਦੀ ਮੰਗ ਲਈ ਕਿਸਾਨ ਪਿਛਲੇ ਢਾਈ ਮਹੀਨਿਆਂ ਤੋਂ ਅੰਦੋਲਨ ਕਰਨ ਲਈ ਦਿੱਲੀ ਦੇ ਬਾਰਡਰਾਂ ਉੱਤੇ ਡਟੇ ਹੋਏ ਹਨ। ਇਸ ਮੁੱਦੇ ਬਾਰੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਸੋਮਵਾਰ ਰਾਸ਼ਟਰਪਤੀ ਦੇ ਧੰਨਵਾਦ ਲਈ ਬੋਲਦੇ ਵਕਤਰਾਜ ਸਭਾ ਵਿਚ ਕਿਹਾ ਕਿ ਕਿਸਾਨ ਅੰਦੋਲਨ ਖ਼ਤਮ ਕਰਕੇ ਸਾਡੇ ਨਾਲ ਚਰਚਾ ਕਰਨ। ਉਨ੍ਹਾਂ ਨੇ ਇਸ ਦੌਰਾਨ ਸਾਬਕਾ ਪ੍ਰਧਾਨ ਮੰਤਰੀ ਮਨਮੋਹਨ ਸਿੰਘ ਦੇ ਭਾਸ਼ਣਾਂ ਦੀਆਂ ਕੁਝ ਸਤਰਾਂ ਦਾ ਵੀ ਜਿ਼ਕਰ ਕੀਤਾ।
  ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਕਿਹਾ, ‘ਮੈਂ ਮਨਮੋਹਨ ਸਿੰਘ ਜੀ ਦੇ ਇੱਕ ਬਿਆਨ ਦਾ ਹਵਾਲਾ ਦੇ ਰਿਹਾ ਹਾਂ। ਸਤਿਕਾਰਤ ਮਨਮੋਹਨ ਸਿੰਘ ਨੇ ਕਿਸਾਨੀ ਨੂੰ ਉਪਜ ਵੇਚਣ ਦੀ ਆਜ਼ਾਦੀ ਦਿਵਾਉਣ ਅਤੇ ਭਾਰਤ ਨੂੰ ਇਕੋ ਖੇਤੀ ਮਾਰਕੀਟ ਬਣਾਉਣ ਦੀ ਗੱਲ ਕੀਤੀ ਸੀ। ਤੁਹਾਨੂੰ ਮਾਣ ਹੋਣਾ ਚਾਹੀਦਾ ਹੈ ਕਿ ਮਨਮੋਹਨ ਜੀ ਨੇ ਕਿਹਾ ਸੀ:‘ਮੋਦੀ ਨੂੰ ਇਹ ਕਰਨਾ ਪੈ ਰਿਹਾ ਹੈ, ਜੋ ਮੈਂ ਕਰਨ ਲੱਗਾ ਸਾਂ। ਇਥੋਂ ਤਕ ਕਿ ਜਿਹੜੇ ਰਾਜਾਂ ਵਿੱਚ ਵਿਰੋਧੀ ਸਰਕਾਰ ਹੈ, ਉਸ ਨੇ ਇਸ ਨੂੰ ਥੋੜ੍ਹਾ-ਥੋੜ੍ਹਾ ਕੀਤਾ ਹੈ। ਇਸ ਦੇ ਬਾਵਜੂਦ ਵਿਰੋਧ ਹੁੰਦਾ ਹੈ।ਪ੍ਰਧਾਨ ਮੰਤਰੀ ਮੋਦੀ ਨੇ ਕਿਹਾ ਕਿ ਮਨਮੋਹਨ ਸਿੰਘ ਖੇਤੀਬਾੜੀ ਸੁਧਾਰਾਂ ਦੇ ਹੱਕ ਵਿੱਚ ਸਨ, ਪਰ ਕਾਂਗਰਸ ਉਨ੍ਹਾਂ ਦੀ ਗੱਲ ਤਾਂ ਮੰਨੇ।’ ਉਨ੍ਹਾਂ ਕਿਹਾ, ‘ਸ਼ਰਦ ਪਵਾਰ ਅਤੇ ਕਾਂਗਰਸ ਹਮੇਸ਼ਾਂ ਖੇਤੀ ਸੁਧਾਰਾਂ ਦੀ ਵਕਾਲਤ ਕਰਦੇ ਰਹੇ ਸਨ। ਇਹ ਕਰ ਸਕੇ ਜਾਂ ਨਹੀਂ, ਇਹ ਵੱਖਰਾ ਮਾਮਲਾ ਹੈ, ਪਰ ਇਸ ਦਾ ਹਮੇਸ਼ਾ ਬਿਆਨ ਦਿੱਤਾ। ਅਚਾਨਕ ਤੁਸੀਂ ਯੂ-ਟਰਨ ਲੈ ਲਈ। ਇਹ ਰਾਜਨੀਤੀ ਲਈ ਜ਼ਰੂਰੀ ਹੋਵੇਗਾ, ਪਰ ਕਿਸਾਨਾਂ ਨੂੰ ਕਹਿੰਦੇ ਕਿ ਤਬਦੀਲੀ ਜ਼ਰੂਰੀ ਹੈ।’ਮੋਦੀ ਨੇ ਕਿਹਾ, ‘ਸਦਨ ਵਿੱਚ ਕਿਸਾਨ ਅੰਦੋਲਨ ਦੀ ਕਾਫ਼ੀ ਚਰਚਾ ਹੋਈ ਹੈ। ਮੁੱਢਲੀ ਗੱਲ ਹੈ ਕਿ ਇਸ ਬਾਰੇ ਵਿਚਾਰ ਹੁੰਦੀ ਤਾਂ ਚੰਗਾ ਰਹਿੰਦਾ। ਖੇਤੀਬਾੜੀ ਮੰਤਰੀ ਨੇ ਇਸ ਬਾਰੇ ਵਿਸਥਾਰ ਨਾਲ ਗੱਲ ਕੀਤੀ ਹੈ। ਚੌਧਰੀ ਚਰਨ ਸਿੰਘ ਨੇ ਹਮੇਸ਼ਾ ਆਪਣੇ ਭਾਸ਼ਣ ਵਿੱਚ ਛੋਟੇ ਕਿਸਾਨਾਂ ਦਾ ਜਿ਼ਕਰ ਕੀਤਾ ਸੀ।”
  ਕਿਸਾਨ ਅੰਦੋਲਨ ਬਾਰੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰਾਜ ਸਭਾ ਵਿੱਚ ਅੱਜ ਕਿਹਾ ਕਿ ਉਨ੍ਹਾਂ ਦੇਭਾਸ਼ਣ ਵਿੱਚ ਕੇਵਲ ਖੇਤੀ ਸੁਧਾਰ ਸ਼ਾਮਲ ਨਹੀਂ, ਸਗੋਂ ਉਨ੍ਹਾਂ ਨੇ ਕਈ ਦੂਜੇ ਖੇਤਰਾਂ ਬਾਰੇ ਵੀ ਇਸ ਵਿੱਚ ਇਹੋ ਗੱਲ ਕੀਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਵਿਰੋਧੀ ਕਦੀ ਕਿਸਾਨਾਂ ਦੇ ਹੱਕ ਦੀ ਗੱਲ ਕਰਦੇ ਸੀ, ਅੱਜ ਉਹੀ ਸਰਕਾਰ ਵੱਲੋਂ ਕੀਤੇ ਗਏ ਖੇਤੀ ਸੁਧਾਰਾਂ ਦਾ ਵਿਰੋਧ ਕਰਦੇ ਹਨ, ਇਹ ਸਿਰਫ਼ ਰਾਜਨੀਤੀ ਲਈ ਕੀਤਾ ਜਾ ਰਿਹਾ ਹੈ।
  ਮੋਦੀ ਨੇ ਕਿਹਾ ਕਿ ਮਜ਼ਦੂਰਾਂਅਤੇ ਬੁੱਧੀਜੀਵੀਆਂ ’ਚ ਇਕ ਨਵੀਂ ਜਮਾਤ ਲੱਭਦੀ ਹੈ, ਜਿਨ੍ਹਾਂ ਦਾ ਨਾਂ ਅੰਦੋਲਨਜੀਵੀ ਹੈ। ਵਿਦਿਆਰਥੀਆਂ ਦਾ ਅੰਦੋਲਨ ਹੋਵੇ ਜਾਂ ਕਿਸਾਨਾਂ ਦਾ ਜਾਂ ਕੋਈ ਹੋਰ, ਇਹ ਹਰ ਥਾਂਚਲੇ ਜਾਂਦੇ ਹਨ। ਉਨ੍ਹਾਂ ਕਿਹਾ ਕਿ ਇਹ ਅੰਦੋਲਨਜੀਵੀ ਲੋਕਾਂ ਨੂੰ ਗੁੰਮਰਾਹ ਕਰਦੇ ਹਨ। ਨਰਿੰਦਰ ਮੋਦੀ ਨੇ ਕਿਸਾਨਾਂ ਦਾ ਸਮਰਥਨ ਦੇਣ ਵਾਲੇ ਵਿਦੇਸ਼ੀਆਂ ’ਤੇ ਵੀ ਨਿਸ਼ਾਨਾ ਸਾਧਿਆ ਅਤੇ ਕਿਹਾ ਕਿ ਐਫਡੀਆਈ, ਜੋ ਫਾਰੇਨ ਡਿਸਟ੍ਰਕਿਟਵ ਆਈਡੀਆਲੋਜੀ ਹੈ, ਤੋਂ ਬਚਣ ਦੀ ਭਾਰਤ ਨੂੰ ਸਖ਼ਤ ਲੋੜ ਹੈ। ਵਰਨਣ ਯੋਗ ਹੈ ਕਿ ਕਿਸਾਨਾਂ ਦੇ ਸਮਰਥਨ ’ਚ ਕਈ ਵਿਦੇਸ਼ੀ ਹਸਤੀਆਂ ਵੱਲੋਂਟਿਪਣੀਆਂ ਕਰਨ ਦੇ ਬਾਅਦ ਭਾਜਪਾ ਅਤੇ ਸਰਕਾਰ ਵਿਚਲੇ ਹੋਰ ਲੋਕ ਗੁੱਸੇ ਵਿੱਚ ਹਨ।
  ਇਸ ਮੌਕੇ ਪ੍ਰਧਾਨ ਮੰਤਰੀ ਮੋਦੀ ਕਾਂਗਰਸ ਦੇ ਪਾਰਲੀਮੈਂਟ ਮੈਂਬਰ ਪ੍ਰਤਾਪ ਸਿੰਘ ਬਾਜਵਾ ਦੇ ਕਹੇ ਗਏ ਸ਼ਬਦਾਂ ’ਤੇ ਚੋਟ ਕਰਦੇ ਹੋਏਕਿਹਾ ਕਿ ਜਦੋਂ ਉਹ ਉਨ੍ਹਾਂ ਨੂੰ ਸੁਣ ਰਹੇ ਸੀ ਤਾਂ ਲੱਗਾ ਕਿ ਉਹ ਸ਼ਾਇਦ ਐਮਰਜੈਂਸੀ ਅਤੇ ਸਿੱਖ ਵਿਰੋਧੀ ਹਿੰਸਾ ਦੀ ਵੀ ਗੱਲ ਕਰਨਗੇ। ਮੋਦੀ ਨੇ ਇਸ ਦੌਰਾਨ ਨੇਤਾਜੀ ਦਾ ਉਹ ਬਿਆਨ ਵੀ ਸਦਨ ’ਚ ਪੜ੍ਹਿਆ, ਜਿਸ ਵਿੱਚ ਉਨ੍ਹਾਂ ਨੇ ਕਿਹਾ ਸੀ ਕਿ ਭਾਰਤ ਪੱਛਮੀ ਸੱਭਿਅਤਾ ਤੋਂ ਪ੍ਰਭਾਵਿਤ ਨਹੀਂ ਰਿਹਾ, ਭਾਰਤ ਦਾ ਇਤਿਹਾਸ ਇਸ ਦਾ ਗਵਾਹ ਰਿਹਾ ਹੈ, ਅੱਜ ਭਾਰਤ ਨੂੰ ਆਪਣੇ ਉਪਰ ਹੁੰਦੇ ਹਮਲੇ ਤੋਂ ਬਚਣ ਦੀ ਲੋੜ ਹੈ। ਉਨ੍ਹਾ ਕਿਹਾ ਕਿ ਚੋਣਾਂ ਦੇ ਦੌਰਾਨ ਕਰਜ਼ਮੁਆਫੀ ਦੇ ਐਲਾਨ ਛੋਟੇ ਕਿਸਾਨ ਲਈ ਨਹੀਂ ਆਉਂਦੇ, ਇਸ ’ਚ ਸਿਰਫ਼ ਰਾਜਨੀਤੀ ਹੰੁਦੀ ਹੈ। ਏਦਾਂ ਦੇ ਐਲਾਨ ਵਿੱਚ ਇਨ੍ਹਾਂ ਦਾ ਕੁਝ ਫਾਇਦਾ ਨਹੀਂ ਹੁੰਦਾ। ਉਨ੍ਹਾਂ ਕਿਹਾ ਕਿ 2014 ਤੋਂ ਬਾਅਦ ਕਿਸਾਨਾਂ ਨੂੰ ਲਾਭ ਦੇਣ ਲਈ ਸਰਕਾਰ ਨੇ ਫਸਲ ਬੀਮਾ ਯੋਜਨਾ ਦਾ ਦਾਇਰਾ ਵਧਾਇਆ ਅਤੇ 90 ਹਜ਼ਾਰ ਕਰੋੜ ਰੁਪਏ ਦਾ ਕਲੇਮ ਕਿਸਾਨਾਂ ਨੂੰ ਦਿੱਤਾ ਗਿਆ ਹੈ। ਕਿਸਾਨ ਕ੍ਰੈਡਿਟ ਕਾਰਡ ਦਾ ਘੇਰਾ ਵਧਾਇਆ ਤਾਂ ਪੌਣੇ ਦੋ ਕਰੋੜ ਕਿਸਾਨ ਇਸ ਦਾ ਲਾਭ ਉਠਾ ਰਹੇ ਹਨ।

Read More Latest Political News Today