ਅੰਬਾਨੀਆਂ ਦਾ ਨੇੜੂ ਰਹਿ ਚੁੱਕਾ ਸੀ ਅਨੂੰ ਟੰਡਨ ਦਾ ਪਰਵਾਰ
ਨਵੀਂ ਦਿੱਲੀ, 18 ਮਾਰਚ, – ਕਾਂਗਰਸ ਪਾਰਟੀ ਦੀ ਸਾਬਕਾ ਪਾਰਲੀਮੈਂਟ ਮੈਂਬਰ ਅਨੂ ਟੰਡਨ ਨੂੰ ਦੋ ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ। ਉਸ ਨੂੰ ਇਹ ਸਜ਼ਾ ਧਰਨਾ-ਪ੍ਰਦਰਸ਼ਨ ਕਰਨ ਵੇਲੇ ਟਰੇਨ ਰੋਕਣ ਕਾਰਨ ਹੋਈ ਹੈ। ਓਦੋਂ ਦੇ ਉੱਤਰ ਪ੍ਰਦੇਸ਼ ਦੇ ਜਿ਼ਲਾ ਉਨਾਵ ਦੇ ਕਾਂਗਰਸ ਪ੍ਰਧਾਨ ਸੂਰਿਆ ਨਾਰਾਇਣ ਯਾਦਵ, ਸਿਟੀ ਪ੍ਰਧਾਨ ਅਮਿਤ ਸ਼ੁਕਲਾ, ਯੂਥ ਕਾਂਗਰਸ ਦੇ ਪ੍ਰਦੇਸ਼ ਪ੍ਰਧਾਨ ਅੰਕਿਤ ਤਿਆਗਣਾ ਨੂੰ ਵੀ ਦੋਸ਼ੀ ਕਰਾਰ ਦੇ ਕੇ ਦੋ-ਦੋ ਸਾਲ ਦੀ ਸਜ਼ਾ ਸੁਣਾਈ ਗਈ ਹੈ। ਕੋਰਟ ਨੇ ਇਨ੍ਹਾਂ ਸਾਰਿਆਂ ਉੱਤੇ 25-25 ਹਜ਼ਾਰ ਰੁਪਏ ਜ਼ੁਰਮਾਨਾ ਵੀ ਲਾਇਆ ਹੈ। ਐੱਮ ਪੀ, ਐੱਮ ਐੱਲ ਏ ਕੋਰਟ ਦੇ ਜੱਜ ਪਵਨ ਰਾਏ ਨੇ ਇਨ੍ਹਾਂ ਸਾਰੇ ਦੋਸ਼ੀਆਂ ਨੂੰ ਇਹ ਸਜ਼ਾ ਸੁਣਾਈ ਹੈ।
ਵਰਨਣ ਯੋਗ ਹੈ ਕਿ 12 ਜੂਨ 2017 ਨੂੰ ਰੇਲਵੇ ਪ੍ਰੋਟੈਕਸ਼ਨ ਫੋਰਸ (ਆਰ ਪੀ ਐੱਫ) ਨੇ ਸਿ਼ਕਾਇਤਕੀਤੀ ਸੀ ਕਿ ਇਹ ਸਾਰੇ ਪ੍ਰਦਰਸ਼ਨਕਾਰੀ ਉਨਾਵ ਸਟੇਸ਼ਨ ਦੇ ਪੂਰਬੀ ਕੰਢੇ ਉੱਤੇ ਟ੍ਰੇਨ ਦੇ ਇੰਜਣ ਉੱਤੇ ਜਾ ਚੜ੍ਹੇ ਸਨ, ਜਿਸ ਕਾਰਨ ਟਰੇਨ 12 ਮਿੰਟ ਲੇਟ ਹੋ ਗਈ ਸੀ। ਇਨ੍ਹਾਂ ਸਾਰੇ ਪ੍ਰਦਰਸ਼ਕਾਰੀਆਂ ਦੀ ਅਗਵਾਈ ਅਨੂ ਟੰਡਨ ਕਰ ਰਹੀ ਸੀ।
ਬਾਅਦ ਵਿੱਚ ਇਹ ਕੇਸ 2018 ਵਿੱਚ ਕੋਰਟ ਵਿੱਚਪੇਸ਼ ਹੋਇਆ ਅਤੇ ਸੁਣਵਾਈ ਤੋਂ ਬਾਅਦ ਆਰ ਪੀ ਐੱਫ ਦੇ ਸਬ-ਇੰਸਪੈਕਟਰ ਮਿਥਿਲੇਸ਼ ਕੁਮਾਰ ਯਾਦਵ ਨੇ ਇਨ੍ਹਾਂ ਦੋਸ਼ੀਆਂ ਦੇ ਖਿਲਾਫ ਰੇਲਵੇ ਐਕਟ ਹੇਠ ਦੋਸ਼ ਪੱਤਰ ਪੇਸ਼ ਕੀਤਾ ਸੀ, ਜਿਸ ਪਿੱਛੋਂ ਅਗਸਤ 2018 ਵਿੱਚ ਕੋਰਟ ਨੇ ਦੋਸ਼ ਪੱਤਰਦਾ ਨੋਟਿਸ ਲੈਂਦੇ ਹੋਏ ਕੇਸ ਦੀ ਸੁਣਵਾਈ ਸ਼ੁਰੂ ਕੀਤੀ ਸੀ।ਅਨੂ ਟੰਡਨ ਨੇ ਪਿੱਛੇ ਜਿਹੇ ਕਾਂਗਰਸ ਪਾਰਟੀ ਦੀ ਮੁੱਢਲੀ ਮੈਂਬਰੀ ਛੱਡਦਿੱਤੀ ਤੇ ਸਮਾਜਵਾਦੀ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਤੇ ਸਾਬਕਾ ਮੁੱਖ ਮੰਤਰੀ ਅਖਿਲੇਸ਼ ਯਾਦਵ ਦੀ ਹਾਜ਼ਰੀ ਵਿੱਚਸਮਾਜਵਾਦੀ ਪਾਰਟੀ ਵਿੱਚ ਸ਼ਾਮਲ ਹੋ ਗਈ ਸੀ।
ਵਰਨਣ ਯੋਗ ਹੈ ਕਿ ਅਨੂੰ ਟੰਡਨ ਦਾ ਪਤੀ ਕਿਸੇ ਸਮੇਂ ਤਾਕਤਵਰ ਅੰਬਾਨੀ ਘਰਾਣੇ ਦਾ ਨੇੜੂ ਰਹਿ ਚੁੱਕਾ ਸੀ ਅਤੇ ਉਹ ਇੱਕ ਵੱਡੇ ਸਕੈਂਡਲ ਨੂੰ ਫੜਨ ਮਗਰੋਂ ਟੈਕਸੇਸ਼ਨ ਵਿਭਾਗ ਵਿੱਚ ਨੌਕਰੀ ਛੱਡ ਕੇ ਅੰਬਾਨੀ ਘਰਾਣੇ ਦੇ ਰਿਲਾਇੰਸ ਦਾ ਕਾਰੋਬਾਰ ਸੰਭਾਲਣ ਵਿੱਚ ਮਦਦ ਕਰਨ ਲੱਗ ਪਿਆ ਸੀ।

Read More Politics Breaking News Online