Firing at police at trying to break the barrier, two men arrested
Connect with us [email protected]

ਅਪਰਾਧ

ਨਾਕਾ ਤੋੜਨ ਦੀ ਕੋਸ਼ਿਸ਼ `ਚ ਪੁਲਸ `ਤੇ ਫਾਇਰਿੰਗ, ਦੋ ਜਣੇ ਕਾਬੂ

Published

on

arrest

ਅੰਮ੍ਰਿਤਸਰ, 2 ਫਰਵਰੀ – ਥਾਣਾ ਖਿਲਚੀਆਂ ਦੀ ਪੁਲਸ ਨੇ ਨਾਕਾਬੰਦੀ ਦੌਰਾਨ ਪੁਲਸ ਤੇ ਗੋਲੀਆਂ ਚਲਾ ਕੇ ਭੱਜਣ ਦੀ ਕੋਸ਼ਿਸ਼ ਕਰਦੇ ਚਾਰ ਮੁਲਜ਼ਮਾਂ ਚੋਂ ਦੋ ਨੂੰ ਫੜ ਲਿਆ, ਪਰ ਦੋ ਜਣੇ ਫਰਾਰ ਹੋ ਗਏ।
ਮਿਲੀ ਜਾਣਕਾਰੀ ਅਨੁਸਾਰ ਐਤਵਾਰ ਨੂੰ ਥਾਣਾ ਖਿਲਚੀਆਂ ਦੇ ਐਸ ਐਚ ਓ ਅਜੈਪਾਲ ਸਿੰਘ ਨੂੰ ਗੁਪਤ ਸੂਚਨਾ ਮਿਲੀ ਸੀ ਕਿ ਸਫੈਦ ਰੰਗ ਦੀ ਸਵਿਫਟ ਕਾਰ ਵਿੱਚ ਚਾਰ ਸ਼ੱਕੀ ਨੌਜਵਾਨ ਘੁੰਮ ਰਹੇ ਹਨ ਤੇ ਇੱਕ ਕਾਰ ਪਿੰਡ ਧੂਲਕਾ ਤੋਂ ਖਿਲਚੀਆਂ ਵੱਲ ਜਾ ਰਹੀ ਹੈ। ਇਸ ਤੇ ਅਜੈਪਾਲ ਸਿੰਘ ਨੇ ਟੀਮ ਨਾਲ ਧੂਲਕਾ ਰੋਡ ਨੇੜੇ ਐਫ ਸੀ ਆਈ ਗੋਦਾਮਾਂ ਅੱਗੇ ਨਾਕੇਬੰਦੀ ਕਰ ਕੇ ਗੱਡੀਆਂ ਦੀ ਚੈਕਿੰਗ ਸ਼ੁਰੂ ਕਰ ਦਿੱਤੀ। ਕੁਝ ਦੇਰ ਬਾਅਦ ਪੁਲਸ ਨੇ ਰੁਕਣ ਦਾ ਇਸ਼ਾਰਾ ਕੀਤਾ ਤਾਂ ਕਾਰ ਚਾਲਕ ਨੇ ਗੱਡੀ ਭਜਾਉਣ ਦੀ ਕੋਸ਼ਿਸ਼ ਕੀਤੀ ਅਤੇ ਨਾਲ ਦੀ ਸੀਟਤੇ ਬੈਠੇ ਨੌਜਵਾਨ ਨੇ ਪੁਲਸ ਮੁਲਾਜ਼ਮਾਂ ਤੇ ਫਾਇਰਿੰਗ ਕਰ ਦਿੱਤੀ। ਤੇਜ਼ ਰਫਤਾਰ ਗੱਡੀ ਬੇਕਾਬੂ ਹੋ ਕੇ ਟੋਏਚ ਜਾ ਡਿੱਗੀ। ਜਦੋਂ ਪੁਲਸ ਨੇ ਕਾਰ ਨੂੰ ਘੇਰਾ ਪਾਉਣਾ ਚਾਹਿਆ ਤਾਂ ਦੋ ਜਣੇ ਹਵਾਈ ਫਾਇਰ ਕਰਦੇ ਹੋਏ ਮੌਕੇ ਤੋਂ ਫਰਾਰ ਹੋ ਗਏ, ਪਰ ਦੋ ਮੁਲਜ਼ਮਾਂ ਨੂੰ ਪੁਲਸ ਨੇ ਕਾਬੂ ਕਰ ਲਿਆ। ਫੜੇ ਗਏ ਮੁਲਜ਼ਮਾਂ ਦੀ ਪਛਾਣ ਹਰਪ੍ਰੀਤ ਸਿੰਘ ਉਰਫ ਹੈਪੀ ਵਾਸੀ ਅਲਾਦੀਨਪੁਰ ਜ਼ਿਲ੍ਹਾ ਤਰਨ ਤਾਰਨ ਤੇ ਵਿਕਰਮਜੀਤ ਸਿੰਘ ਉਰਫ ਵਿੱਕੀ ਵਾਸੀ ਮੁਹੱਲਾ ਨਾਨਕਸਰ ਤਰਨ ਤਾਰਨ ਵਜੋਂ ਹੋਈ ਹੈ। ਤਲਾਸ਼ੀ ਲੈਣ `ਤੇ ਹਰਪ੍ਰੀਤ ਸਿੰਘ ਉਰਫ ਹੈਪੀ ਕੋਲੋਂ 32 ਬੋਰ ਪਿਸਤੌਲ, ਮੈਗਜ਼ੀਨ ਤੇ ਚਾਰ ਕਾਰਤੂਸ, ਵਿਕਰਮਜੀਤ ਸਿੰਘ ਉਰਫ ਵਿੱਕੀ ਤੋਂ 32 ਬੋਰ ਪਿਸਤੌਲ, ਮੈਗਜ਼ੀਨ ਤੇ ਪੰਜ ਕਾਰਤੂਸ ਅਤੇ ਦੋ ਗਰਾਮ ਹੈਰੋਇਨ ਮਿਲੀ ਹੈ। ਕਾਰ ਦੀ ਚੈਕਿੰਗ ਦੌਰਾਨ ਇੱਕ ਖੋਲ ਵੀ ਬਰਾਮਦ ਹੋਇਆ ਹੈ। ਥਾਣਾ ਖਿਲਚੀਆਂ ਦੀ ਪੁਲਸ ਨੇ ਮਾਮਲਾ ਦਰਜ ਕਰ ਕੇ ਫਰਾਰ ਮੁਲਜ਼ਮਾਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

ਅਪਰਾਧ

ਉਤਰ ਪ੍ਰਦੇਸ਼ ਵਿਧਾਨ ਭਵਨ ਵਿੱਚ ਤਾਇਨਾਤ ਸਬ-ਇੰਸਪੈਕਟਰ ਵੱਲੋਂ ਆਤਮ-ਹੱਤਿਆ

Published

on

ਲਖਨਊ, 5 ਮਾਰਚ – ਉਤਰ ਪ੍ਰਦੇਸ਼ ਵਿਧਾਨ ਭਵਨ ਅੱਗੇ ਸੁਰੱਖਿਆ ਡਿਊਟੀ ਉੱਤੇ ਇੱਕ ਪੁਲਸ ਸਬ-ਇੰਸਪੈਕਟਰ ਨੇ ਆਪਣੀ ਸਰਕਾਰੀ ਪਿਸਤੌਲ ਨਾਲ ਗੋਲੀ ਮਾਰ ਕੇ ਆਤਮ-ਹੱਤਿਆ ਕਰ ਲਈ ਹੈ।
ਲਖਨਊ ਦੇ ਪੁਲਸ ਕਮਿਸ਼ਨਰ ਨੇ ਦੱਸਿਆ ਕਿ ਬੰਬਰਾ ਥਾਣੇ ਵਿਚਲੇ 53 ਸਾਲਾ ਸਬ-ਇੰਸਪੈਕਟਰ ਨਿਰਮਲ ਕੁਮਾਰ ਚੌਬੇ ਦੀ ਡਿਊਟੀ ਵਿਧਾਨ ਭਵਨ ਦੇ ਗੇਟ ਨੰਬਰ ਸੱਤ ਉੱਤੇ ਸੀ। ਕੱਲ੍ਹ ਬਾਅਦ ਦੁਪਹਿਰ ਲੱਗਭਗ ਤਿੰਨ ਵਜੇ ਉਸਨੇ ਖੁਦ ਨੂੰ ਗੋਲੀ ਮਾਰ ਲਈ। ਚੌਬੇ ਨੂੰ ਹਸਪਤਾਲ ਵਿੱਚ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ। ਉਸ ਕੋਲੋਂ ਮਿਲੇ ਸੂਸਾਈਡ ਨੋਟ ਵਿੱਚ ਉਸ ਨੇ ਮੁੱਖ ਮੰਤਰੀ ਨੂੰ ਲਿਖਿਆ ਸੀ ਕਿ ਉਹ ਬੀਮਾਰ ਹੈ ਤੇ ਜਾ ਰਿਹਾ ਹੈ।

Read More Latest News Updates

Continue Reading

ਅਪਰਾਧ

ਪ੍ਰਾਪਰਟੀ ਠੱਗੀ ਕੇਸ ਵਿੱਚ ਡੀ ਐਸ ਪੀ ਰਾਮਗੋਪਾਲ ਦਾ ਭਰਾ ਸਤਪਾਲ ਵੀ ਗ੍ਰਿਫਤਾਰ

Published

on

ਚੰਡੀਗੜ੍ਹ, 5 ਮਾਰਚ – ਸੈਕਟਰ 37 ਵਿੱਚ ਕੋਠੀ ਉੱਤੇ ਕਬਜ਼ਾ ਕਰਨ ਅਤੇ ਫਰਜ਼ੀ ਤਰੀਕੇ ਨਾਲ ਉਸ ਨੂੰ ਵੇਚਣ ਦੇ ਮਾਮਲੇ ਵਿੱਚ ਪੁਲਸ ਨੇ ਕੱਲ੍ਹ ਇੱਕ ਹੋਰ ਦੋਸ਼ੀ ਨੂੰ ਗ੍ਰਿਫਤਾਰ ਕੀਤਾ। ਗ੍ਰਿਫਤਾਰ ਦੋਸ਼ੀ ਡੀ ਐਸ ਪੀ ਰਾਮਗੋਪਾਲ ਦਾ ਭਰਾ ਸਤਪਾਲ ਡਾਗਰ ਹੈ, ਜੋ ਪ੍ਰਾਪਰਟੀ ਡੀਲਰ ਹੈ। ਪੁਲਸ ਇਸ ਕੇਸ ਵਿੱਚ ਪੱਤਰਕਾਰ ਸੰਜੀਵ ਮਹਾਜਨ, ਪ੍ਰਾਪਰਟੀ ਡੀਲਰ ਮਨੀਸ਼ ਗੁਪਤਾ ਅਤੇ ਸਤਪਾਲ ਨੂੰ ਪਹਿਲਾਂ ਗ੍ਰਿਫਤਾਰ ਕਰ ਚੁੱਕੀ ਹੈ।
ਕੱਲ੍ਹ ਰਾਤ ਪੁਲਸ ਨੇ ਸੈਕਟਰ 38 ਵਿੱਚ ਪ੍ਰਾਪਰਟੀ ਡੀਲਰ ਮਨੀਸ਼ ਦੀ ਕੋਠੀ ਉੱਤੇ ਛਾਪਾ ਮਾਰ ਕੇ ਕਈ ਅਹਿਮ ਦਸਤਾਵੇਜ਼ ਜ਼ਬਤ ਕੀਤੇ। ਸਾਲ 2017 ਵਿੱਚ ਕੋਠੀ ਉੱਤੇ ਕਬਜ਼ੇ ਦਾ ਪੂਰਾ ਕੇਸ ਸ਼ੁਰੂ ਹੋਇਆ ਸੀ। ਸੰਜੀਵ ਮਹਾਜਨ ਅਤੇ ਬਾਊਂਸਰ ਸੁਰਜੀਤ ਨੇ ਕੋਠੀ ਦੀ ਇੱਕ ਮੰਜ਼ਿਲ ਉੱਤੇ ਕਬਜ਼ਾ ਕਰਨ ਪਿੱਛੋਂ ਕੋਠੀ ਦੀ ਜਨਰਲ ਪਾਵਰ ਆਫ ਅਟਾਰਨੀ (ਜੀ ਪੀ ਏ) ਸ਼ਰਾਬ ਕਾਰੋਬਾਰੀ ਅਰਵਿੰਦ ਸਿੰਗਲਾ ਤੇ ਪ੍ਰਾਪਰਟੀ ਡੀਲਰ ਖਲਿੰਦਰ ਸਿੰਘ ਕਾਦਿਆਨ ਦੇ ਨਾਂਅ ਕਰਵਾਈ ਸੀ। ਸਾਲ 2019 ਵਿੱਚ ਇਸ ਵਿੱਚ ਡੀ ਐਸ ਪੀ ਰਾਮਗੋਪਾਲ ਦਾ ਭਰਾ ਸਤਪਾਲ ਡਾਗਰ ਸ਼ਾਮਲ ਹੋਇਆ। ਸਤਪਾਲ ਸੁਖਨਾ ਕੈਚਮੈਂਟ ਏਰੀਆ ਦੇ ਮਕਾਨ ਵਿੱਚ ਰਹਿੰਦਾ ਹੈ। ਸਿ਼ਕਾਇਤ ਅਨੁਸਾਰ ਡੀ ਐਸ ਪੀ ਦੇ ਦਫਤਰ ਵਿੱਚ ਮੀਟਿੰਗ ਹੋਣ ਦੇ ਬਾਅਦ ਕੋਠੀ ਵੇਚਣ ਦਾ ਫੈਸਲਾ ਲਿਆ ਗਿਆ ਸੀ।

Continue Reading

ਅਪਰਾਧ

ਈ ਐਸ ਐਸ ਗਲੋਬਲ ਦੇ ਨਾਂਅ ਉਤੇ ਠੱਗੀ ਦੇ ਕੇਸ ਵਿੱਚ ਕੰਪਨੀ ਦੀ ਔਰਤ ਮੈਨੇਜਰ ਸਮੇਤ ਦੋ ਕਾਬੂ

Published

on

ਜਲੰਧਰ, 5 ਮਾਰਚ – ਜਲੰਧਰ ਦੀ ਇੰਜੈਕਸ਼ਨ ਕੰਪਨੀ ਈ ਐਸ ਐਸ ਗਲੋਬਲ ਦੇ ਨਾਂਅ ਉੱਤੇ ਕਰਨਾਲ ਵਿੱਚ ਲੱਖਾਂ ਦੀ ਠੱਗੀ ਦੇ ਮਾਮਲੇ ਵਿੱਚ ਥਾਣਾ ਬਾਰਾਦਰੀ ਦੀ ਪੁਲਸ ਔਰਤ ਮੈਨੇਜਰ ਅਤੇ ਕੌਂਸਲਰ ਨੂੰ ਗ੍ਰਿਫਤਾਰ ਕਰ ਕੇ ਜਲੰਧਰ ਲਿਆਈ ਹੈ, ਜਿਸ ਦੀ ਪਛਾਣ ਪ੍ਰੇਰਨਾ ਅਰੋੜਾ ਅਤੇ ਕੌਂਸਲਰ ਕੇਸ਼ਵ ਸ਼ਰਮਾ ਵਜੋਂ ਹੋਈ ਹੈ, ਜਦ ਕਿ ਇੱਕ ਹੋਰ ਔਰਤ ਈਨਾ ਕੱਕੜ ਇਸ ਮਾਮਲੇ ਵਿੱਚ ਅਜੇ ਤੱਕ ਭਗੌੜੀ ਹੈ।
ਥਾਣਾ ਬਾਰਾਦਰੀ ਦੇ ਮੁਖੀ ਇੰਸਪੈਕਟਰ ਰਵਿੰਦਰ ਕੁਮਾਰ ਨੇ ਦੱਸਿਆ ਕਿ ਜਲੰਧਰ ਦੀ ਈ ਐਸ ਐਸ ਗਲੋਬਲ ਕੰਪਨੀ ਦੇ ਡਾਇਰੈਕਟਰ ਰੋਹਿਤ ਸੇਠੀ ਨੇ ਸ਼ਿਕਾਇਤ ਦਿੱਤੀ ਸੀ ਕਿ ਉਨ੍ਹਾਂ ਦੀ ਕੰਪਨੀ ਦੀ ਕਰਨਾਲ ਬ੍ਰਾਂਚ ਦੀ ਮੈਨੇਜਰ ਪ੍ਰੇਰਨਾ ਅਰੋੜਾ ਅਤੇ ਕੌਂਸਲਰ ਕੇਸ਼ਵ ਸ਼ਰਮਾ ਤੇ ਉਨ੍ਹਾਂ ਨਾਲ ਈਨਾ ਕੱਕੜ ਕੰਮ ਕਰਦੇ ਸਨ। ਸ਼ਿਕਾਇਤ ਅਨੁਸਾਰ ਉਨ੍ਹਾਂ ਨੇ ਕੰਪਨੀ ਦੇ ਨਾਂਅ ਉੱਤੇ ਵਿਦਿਆਰਥੀਆਂ ਤੋਂ ਵੱਖ-ਵੱਖ ਸਮੇਂ ਕਰੀਬ 54 ਲੱੱਖ ਰੁਪਏ ਲੈ ਲਏ ਅਤੇ ਕੁਝ ਲੋਕਾਂ ਦਾ ਵੀਜ਼ਾ ਵੀ ਨਹੀਂ ਲਵਾਇਆ। ਇਸ ਜਾਅਲਸਾਜ਼ੀ ਦਾ ਭੇਤ ਉਦੋਂ ਖੁੱਲ੍ਹਿਆ ਜਦੋਂ ਪੀੜਤਾਂ ਨੇ ਕੰਪਨੀ ਦੇ ਹੈਡ ਆਫਿਸ ਫੋਨ ਕਰ ਕੇ ਸ਼ਿਕਾਇਤ ਦਿੱਤੀ। ਇਸ ਪਿੱਛੋਨ ਕੰਪਨੀ ਦੇ ਡਾਇਰੈਕਟਰ ਰੋਹਿਤ ਸੇਠੀ ਨੇ ਉਨ੍ਹਾਂ ਨੂੰ ਸੱਦਿਆ ਤਾਂ ਉਹ ਨਹੀਂ ਆਏ, ਜਿਸ ਦੇ ਬਾਅਦ ਜਾਂਚ ਕਰਨ ਉੱਤੇ ਪਤਾ ਲੱਗਾ ਕਿ ਉਕਤ ਲੋਕਾਂ ਨੇ ਠੱਗੀ ਕੀਤੀ ਹੈ ਅਤੇ ਅਜਿਹੇ ਵਿੱਚ ਕੰਪਨੀ ਨੇ ਆਪਣੀ ਸਾਖ ਬਚਾਉਣ ਦੇ ਲਈ ਸਾਰੇ ਵਿਦਿਆਰਥੀਆਂ ਨੂੰ ਪੈਸੇ ਮੋੜ ਦਿੱਤੇ।

Read More Punjab Crime Latest Breaking News

Continue Reading

ਰੁਝਾਨ


Copyright by IK Soch News powered by InstantWebsites.ca