ਨਵੀਂ ਦਿੱਲੀ, 5 ਫਰਵਰੀ – ਦਿੱਲੀ ਪੁਲਸ ਨੇ ਸੋਸ਼ਲ ਮੀਡੀਆ ਤੇ ਕਿਸਾਨ ਪੱਖੀ ਪ੍ਰਦਰਸ਼ਨਾਂ ਲਈ ਜਾਰੀ ‘ਟੂਲਕਿੱਟ’ਬਾਰੇ ਅਣਪਛਾਤਿਆਂ ਦੇ ਖ਼ਿਲਾਫ਼ ਅਪਰਾਧਕ ਸਾਜਿਸ਼, ਦੇਸ਼ਧ੍ਰੋਹ ਤੇ ਹੋਰ ਦੋਸ਼ਾਂ ਦਾ ਕੇਸ ਦਰਜ ਕੀਤਾ ਹੈ ਅਤੇ ‘ਟੂਲਕਿੱਟ’ ਨੂੰ ਭਾਰਤ ਸਰਕਾਰ ਖ਼ਿਲਾਫ਼ ਸਮਾਜਿਕ, ਸੱਭਿਆਚਾਰਕ ਤੇ ਆਰਥਿਕ ਯੁੱਧ ਕਰਾਰ ਦਿੱਤਾ ਹੈ। ਵਰਨਣ ਯੋਗ ਹੈ ਕਿ ਵਿਸ਼ਵ ਪ੍ਰਸਿੱਧ ਉਘੀ ਵਾਤਾਵਰਨ ਕਾਰਕੁੰਨ ਗ੍ਰੇਟਾ ਥਨਬਰਗ ਅਤੇ ਹੋਰਾਂ ਵੱਲੋਂ ਟਵਿੱਟਰ ‘ਤੇ ‘ਟੂਲਕਿੱਟ’ ਨੂੰ ਜਾਰੀ ਕਰਦਿਆਂ ਕਿਹਾ ਗਿਆ ਸੀ ਕਿ ਕਿਸਾਨ ਪੱਖੀ ਪ੍ਰਦਰਸ਼ਨਾਂ ਲਈ ਮੁੱਢਲੀ ਜਾਣਕਾਰੀ ਤੇ ਵੇਰਵੇ ਇਸਚ ਮੌਜੂਦ ਹਨ। ਦਿੱਲੀ ਪੁਲਸ ਨੇ ਸ਼ੱਕ ਜ਼ਾਹਰ ਕੀਤਾ ਹੈ ਕਿ ‘ਟੂੁਲਕਿੱਟ’ਬਣਾਉਣ ਪਿੱਛੇ ਖ਼ਾਲਿਸਤਾਨ ਪੱਖੀ ਗਰੁੱਪਾਂ ਦਾ ਹੱਥ ਹੈ। ਪ੍ਰੈਸ ਕਾਨਫ਼ਰੰਸ ਵਿੱਚ ਦਿੱਲੀ ਪੁਲਸ ਦੇ ਉਚ ਅਧਿਕਾਰੀ ਨੂੰ ਇਹ ਪੁੱਛੇ ਜਾਣ ਤੇ ਕਿ ਕੀ ਥਨਬਰਗ ਖ਼ਿਲਾਫ਼ ਕੇਸ ਦਰਜ ਕੀਤਾ ਗਿਆ ਹੈ, ਉਨ੍ਹਾਂ ਕਿਹਾ ਕਿ ਐਫ ਆਈ ਆਰਚ ਕਿਸੇ ਦਾ ਨਾਂਅ ਸ਼ਾਮਲ ਨਹੀਂ ਹੈ।