ਮਾਮਲਾ ਕਾਪੀਰਾਈਟ ਉਲੰਘਣਾ ਦਾ ਦੱਸਿਆ ਗਿਆ
ਮੁੰਬਈ, 12 ਮਾਰਚ, – ਸਥਾਨਕ ਪੁਲਿਸ ਨੇ ਐਕਟਰੈੱਸ ਕੰਗਨਾ ਰਣੌਤ ਦੇ ਖ਼ਿਲਾਫ਼ ਧੋਖਾਧੜੀ ਕਰਨ ਦਾ ਕੇਸ ਦਰਜ ਕੀਤਾ ਹੈ। ਇਹ ਕੇਸ ਅਦਾਲਤ ਵੱਲੋਂ‘ਦਿੱਦਾ: ਦਿ ਵਾਰੀਅਰ ਕੁਈਨ ਆਫ ਕਸ਼ਮੀਰ’ ਦੇ ਲੇਖਕ ਦੀ ਪਟੀਸ਼ਨ ਉੱਤੇ ਦਿੱਤੇ ਗਏ ਹੁਕਮ ਕਾਰਨ ਦਰਜ ਹੋਇਆ ਹੈ।
ਵਰਨਣ ਯੋਗ ਹੈ ਕਿ ਇਸ ਲੇਖਕ ਨੇ ਕੰਗਨਾ ਰਣੌਤ ਅਤੇ ਹੋਰਨਾਂ ਉੱਤੇ ਕਾਪੀ ਰਾਈਟ ਉਲੰਘਣਾ ਦਾ ਦੋਸ਼ ਲਾਇਆ ਸੀ।ਪੁਲਿਸ ਨੇ ਕੰਗਨਾ ਰਣੌਤ, ਕਮਲ ਕੁਮਾਰ ਜੈਨ, ਰੰਗੋਲੀ ਚੰਦੇਲ ਅਤੇ ਅਕਸ਼ਤ ਰਣੌਤ ਦੇ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਕਿਤਾਬ ਦੇ ਲੇਖਕ ਆਸ਼ੀਸ਼ ਕੌਲ ਨੇ ਦੋਸ਼ ਲਾਇਆ ਕਿ ਇਸ ਕਿਤਾਬ ਦਾ ਕਾਪੀਰਾਈਟ ਉਨ੍ਹਾਂ ਕੋਲ ਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਉਨ੍ਹਾਂ ਨੇ ਕਿਤਾਬ ਦੀ ਸਟੋਰੀ ਲਾਈਨ ਕੰਗਨਾ ਨੂੰ ਈਮੇਲ ਤੋਂ ਭੇਜੀ ਤਾਂ ਕੰਗਨਾ ਨੇ ਸਟੋਰੀ ਦਾ ਕੁਝ ਹਿੱਸਾ ਲੇਖਕ ਦੀ ਇਜਾਜ਼ਤ ਬਿਨਾਂ ਟਵੀਟ ਕਰ ਕੇ ਆਪਣੀ ਫਿਲਮ ਦਾ ਐਲਾਨ ਕਰ ਦਿੱਤਾ ਸੀ। ਲੇਖਕ ਦੀ ਸਿ਼ਕਾਇਤ ਉੱਤੇ ਮੁੰਬਈ ਦੇ ਬਾਂਦਰਾ ਮੈਟਰੋਪੋਲਿਟਨ ਮੈਜਿਸਟ੍ਰੇਟ ਦੇ ਹੁਕਮ ਉੱਤੇ ਕੰਗਨਾ ਰਣੌਤ ਦੇ ਖਿਲਾਫ਼ ਸਿ਼ਕਾਇਤ ਦਰਜ ਕਰ ਲਈ ਗਈ ਹੈ।

Read More India News in Punjabi