ਪੰਜਾਬ ਵਿੱਚ ਕੋਰੋਨਾ ਦਾ ਨਵਾਂ ਰੂਪ ਮਿਲਿਆ, ਡੀਐੱਸਪੀ ਸਣੇ 20 ਮੌਤਾਂ ਪਾਕਿ ਵਿੱਚਅੱਜ ਤੋਂ ਸਖਤ ਲਾਕਡਾਊਨ ਲਾਗੂ
ਪੈਰਿਸ, 14 ਮਾਰਚ, – ਕੋਰੋਨਾ ਵਾਇਰਸ ਦੇ ਕੇਸਾਂ ਵਿਚ ਕੁਝ ਖੜੋਤ ਨਾਲ ਜਦੋਂ ਜਿ਼ੰਦਗੀ ਲੀਹ ਉੱਤੇ ਆਉਣ ਵਾਲੀ ਸੀ ਤਾਂ ਇਸ ਦੇ ਨਵੇਂ ਰੂਪਨਾਲ ਕੋਰੋਨਾ ਦੇ ਕੇਸਾਂ ਦੀ ਗਿਣਤੀ ਵਿਚ ਅਚਾਨਕ ਵਧਣ ਲੱਗ ਪਈ ਤੇ ਫਰਾਂਸ ਵਿੱਚ ਕੋਰੋਨਾ ਦੇ ਵਧਦੇ ਕੇਸਾਂ ਕਾਰਨ ਹਸਪਤਾਲਾਂ ਵਿਚ ਆਈ ਸੀ ਯੂ ਦੇ ਪ੍ਰਬੰਧ ਘਟਣ ਲੱਗੇ ਹਨ।
ਇਸ ਹਫਤੇ ਦੇ ਅਖੀਰ ਵਿਚ ਫਰਾਂਸ ਵਿੱਚ ਵਿਸ਼ੇਸ਼ ਮੈਡੀਕਲ ਜਹਾਜ਼ਾਂ ਰਾਹੀਂ ਮਰੀਜ਼ਾਂ ਨੂੰ ਘੱਟ ਪ੍ਰਭਾਵਤ ਖੇਤਰਾਂ ਦੇ ਵੱਲ ਭੇਜਿਆ ਜਾਣ ਲੱਗਾ ਸੀ ਅਤੇ ਅੱਜ ਐਤਵਾਰ ਨੂੰ ਨੈਸ਼ਨਲ ਸਿਹਤ ਏਜੰਸੀ ਦੇ ਮੁਖੀ ਜੇਰੋਮ ਸੋਲੋਮੋਨ ਨੇ ਕਿਹਾ ਕਿ ਜੇ ਸਾਨੂੰ ਮੁੜ ਕੇ ਲਾਕਡਾਊਨ ਲਾਉਣਾ ਪਿਆ ਤਾਂ ਉਹ ਵੀ ਕਰਾਂਗੇ, ਕਿਉਂਕਿ ਹਾਲਾਤ ਮੁਸ਼ਕਲ ਹਨ ਅਤੇ ਪੈਰਿਸ ਖੇਤਰ ਵਿਚ ਇਹ ਹੋਰ ਵਿਗੜਦੇ ਜਾਂਦੇ ਹਨ। ਸੋਲੋਮੋਨ ਨੇ ਮੰਨਿਆ ਕੋਰੋਨਾ ਵਾਇਰਸ ਰੋਕਣ ਲਈ ਕੁਝ ਖੇਤਰਾਂ ਵਿਚ ਲੱਗਾ ਕਰਫਿਊ ਕਾਫੀ ਨਹੀਂ, ਕਿਉਂਕਿ ਬ੍ਰਿਟੇਨ ਤੋਂ ਸਾਹਮਣੇ ਆਏ ਨਵੇਂ ਰੂਪਕਾਰਨ ਮੁਸ਼ਕਲ ਵਧ ਗਈ ਹੈ।ਵਰਨਣ ਯੋਗ ਹੈ ਕਿ ਫਰਾਂਸ ਵਿਚ ਅੱਜਤੱਕ ਕੋਰੋਨਾ ਦੇ ਕਾਰਨ90,429ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।
ਏਧਰ ਭਾਰਤ ਵਿੱਚ ਕੇਰਲ, ਮਹਾਰਾਸ਼ਟਰ ਤੇ ਆਂਧਰਾ ਪ੍ਰਦੇਸ਼ ਤੋਂ ਪਿੱਛੋਂ ਪੰਜਾਬ ਵਿਚ ਕੋਰੋਨਾ ਦੇ ਨਵੇਂ ਰੂਪਐੱਨ-440 ਦੇ ਦੋ ਕੇਸਪਤਾ ਲੱਗੇ ਹਨ। ਸਿਹਤ ਵਿਭਾਗ ਦੇ ਪ੍ਰਿੰਸੀਪਲ ਸੈਕਟਰੀ ਹੁਸਨ ਲਾਲ ਨੇ ਇਸ ਬਾਰੇ ਕਿਹਾਕਿ ਦਿੱਲੀਦੇ ਇੰਸਟੀਚਿਊਟ ਫਾਰ ਜੀਨੋਮਿਕਸ ਐਂਡ ਇੰਟੀਗ੍ਰੇਟਿਵ ਬਾਇਓਲਾਜੀ (ਆਈਜੀਆਈਬੀ) ਤੋਂ ਇਸ ਦੀ ਬਾਕਾਇਆ ਰਿਪੋਰਟ ਨਹੀਂ ਮਿਲੀ।ਦੋਵੇਂ ਕੇਸ ਪਟਿਆਲਾ ਲੈਬ ਤੋਂ ਭੇਜੇ ਗਏ ਸੈਂਪਲਾਂ ਤੋਂ ਮਿਲੇ ਹਨ। ਉਨ੍ਹਾਂ ਕਿਹਾ ਕਿ ਵਿਭਾਗ ਨੇ ਪਟਿਆਲੇ ਤੋਂ ਭੇਜੇ ਗਏ ਸਾਰੇ ਸੈਂਪਲਾਂ ਵਾਲੇ ਮਰੀਜ਼ ਅਤੇ ਉਨ੍ਹਾਂ ਦੇ ਸੰਪਰਕ ਟਰੇਸ ਕਰ ਲਏ ਹਨ।
ਇਸ ਦੌਰਾਨ ਪੰਜਾਬ ਵਿਚ ਲਗਾਤਾਰ ਦੂਸਰੇ ਦਿਨ ਕੋਰੋਨਾ ਦੇ 1500 ਤੋਂ ਵੱਧਕੇਸਮਿਲੇ ਤੇ 20 ਲੋਕਾਂ ਦੀ ਮੌਤ ਹੋਈ ਹੈ। ਸਭ ਤੋਂ ਵੱਧਸੱਤ ਮੌਤਾਂ ਜਲੰਧਰ ਵਿਚ ਹੋਈਆਂ ਤੇ ਇਸ ਜ਼ਿਲ੍ਹੇ ਵਿੱਚ ਸਬ ਡਵੀਜ਼ਨ ਸ਼ਾਹਕੋਟ ਦੇ ਡੀਐੱਸਪੀ ਵਰਿੰਦਰਪਾਲ ਸਿੰਘ ਦੀ ਵੀ ਕੋਰੋਨਾ ਨਾਲਮੌਤ ਹੋ ਗਈ ਹੈ। ਉਨ੍ਹਾਂ ਦਾ ਇਲਾਜ ਲੁਧਿਆਣੇ ਦੇ ਹਸਪਤਾਲ ਤੋਂਚੱਲਦਾ ਸੀ। ਬੀਤੇ ਚੌਵੀ ਘੰਟਿਆਂ ਵਿੱਚ ਜਲੰਧਰ ਵਿਚ ਸੱਤ, ਪਟਿਆਲਾ ਵਿਚ ਚਾਰ, ਸੰਗਰੂਰ ਵਿਚ ਤਿੰਨ, ਹੁਸ਼ਿਆਰਪੁਰ ਅਤੇ ਤਰਨਤਾਰਨ ਵਿਚ ਦੋ-ਦੋ ਅਤੇ ਮੋਹਾਲੀ ਤੇ ਕਪੂਰਥਲਾ ਵਿਚ ਇਕ-ਇਕ ਕੋਰੋਨਾ ਮਰੀਜ਼ ਦੀ ਮੌਤ ਹੋ ਗਈ ਹੈ।
ਓਧਰ ਗਵਾਂਢੀ ਦੇਸ਼ ਪਾਕਿਸਤਾਨ ਵਿੱਚ ਕੋਰੋਨਾ ਦੀ ਤੀਸਰੀ ਲਹਿਰ ਕਾਰਨ ਪੰਜਾਬ ਸੂਬੇ ਦੇ ਸੱਤ ਸ਼ਹਿਰਾਂ ਵਿੱਚਇਸ ਸੋਮਵਾਰ ਤੋਂ ਸਖਤ ਲਾਕਡਾਊਨ ਦਾ ਐਲਾਨ ਹੋ ਗਿਆ ਹੈ। ਇਨ੍ਹਾਂ ਸ਼ਹਿਰਾਂ ਵਿੱਚ ਲਾਹੌਰ, ਰਾਵਲਪਿੰਡੀ, ਸਰਗੋਧਾ, ਫੈਸਲਾਬਾਦ, ਮੁਲਤਾਨ, ਗੁੱਜਰਾਂਵਾਲਾ ਤੇ ਗੁਜਰਾਤ ਸ਼ਾਮਲ ਹਨ। ਇਸ ਲਾਕਡਾਊਨ ਮੌਕੇ ਇਨ੍ਹਾਂ ਸ਼ਹਿਰਾਂ ਵਿੱਚ ਸਮਾਜਿਕ ਅਤੇ ਧਾਰਮਿਕ ਗਤੀਵਿਧੀਆਂ ਉੱਤੇ ਪਾਬੰਦੀ ਰਹੇਗੀ ਅਤੇ ਰੈਸਟੋਰੈਂਟਾ ਦੇ ਅੰਦਰ ਤੇ ਬਾਹਰ ਬੈਠ ਕੇ ਖਾਣ ਉੱਤੇ ਵੀ ਰੋਕ ਰਹੇਗੀ। ਮੈਰਿਜ ਹਾਲ ਬੰਦ ਅਤੇ ਸਾਰੀਆਂ ਖੇਡਾਂ ਤੇ ਸਭਿਆਚਾਰਕ ਗਤੀਵਿਧੀਆਂ ਉੱਤੇ ਰੋਕ ਰਹੇਗੀ।ਪਾਕਿਸਤਾਨ ਦੀ ਰਾਜਧਾਨੀ ਇਸਲਾਮਾਬਾਦ ਵਿੱਚ ਜਨਤਕ ਥਾਵਾਂ ਉੱਤੇ ਮਾਸਕ ਪਾਉਣਾ ਲਾਜ਼ਮੀ ਕੀਤਾ ਗਿਆ ਹੈ ਅਤੇ ਮਾਸਕ ਨਾ ਪਾਉਣ ਵਾਲਿਆਂ ਵਿਰੁੱਧ ਕਾਰਵਾਈ ਕੀਤੀ ਜਾਵੇਗੀ। ਇਹ ਨਿਯਮ ਦੋ ਮਹੀਨੇ ਲਾਗੂ ਰਹਿਣਗੇ।