ਰਾਵੀ ਦਰਿਆ `ਤੇ ਸ਼ਾਹਪੁਰ ਕੰਢੀ ਡੈਮ ਦੀ ਉਸਾਰੀ 60 ਫ਼ੀਸਦੀ ਪੂਰੀ

Published

3 months ago

February 4, 2021

AP News Report

ਅਗਲੇ ਸਾਲ ਦਸੰਬਰ ਵਿੱਚ ਪਾਕਿਸਤਾਨ ਨੂੰ ਪਾਣੀ ਜਾਣਾ ਬੰਦ ਹੋਵੇਗਾ
ਚੰਡੀਗੜ੍ਹ, 4 ਫਰਵਰੀ – ਰਾਵੀ ਦਰਿਆ ਦੇ ਪਾਣੀ ਨੂੰ ਰੋਕ ਕੇ 600 ਮੈਗਾਵਾਟ ਬਿਜਲੀ ਸਮਰੱਥਾ ਵਾਲੇ ਰਣਜੀਤ ਸਾਗਰ ਡੈਮ ਤੋਂ 11 ਕਿਲੋਮੀਟਰ ਹੇਠਾਂ ਵੱਲ ਆਉਂਦੇ ਪਾਣੀ ਨੂੰ ਫਿਰ ਰੋਕ ਕੇ 204 ਮੈਗਾਵਾਟ ਬਿਜਲੀ ਬਣਾਉਣ ਲਈ ਸ਼ਾਹਪੁਰ ਕੰਢੀ ਡੈਮ ਦੀ ਉਸਾਰੀ 60 ਫ਼ੀਸਦੀ ਤੋਂ ਵੱਧ ਹੋ ਚੁੱਕੀ ਹੈ। ਅਗਲੇ ਸਾਲ ਦਸੰਬਰ ਤੱਕ ਇਹ ਡੈਮ ਪੂਰਾ ਜਾਵੇਗਾ ਅਤੇ ਪਾਕਿਸਤਾਨ ਨੂੰ ਬਿਨਾਂ ਵਜ੍ਹਾ ਜਾਂਦਾ ਪਾਣੀ ਬੰਦ ਕਰ ਦਿੱਤਾ ਜਾਵੇਗਾ।
ਪਠਾਨਕੋਟ ਨੇੜੇ ਮਾਧੋਪੁਰ ਕੋਲ ਸ਼ਾਹਪੁਰ ਕੰਢੀ ਤੋਂ ਪਾਣੀ ਲੈ ਕੇ ਜਾਣ ਵਾਲੀ ਹਾਈਡਲ ਚੈਨਲ ਦਾ 97 ਫ਼ੀਸਦੀ ਕੰਮ ਹੋ ਚੁੱਕਾ ਹੈ ਅਤੇ ਅਗਲੇ ਸਾਲ ਦਸੰਬਰ ਵਿੱਚ ਪੰਜਾਬ ਦੇ ਚਾਰ ਜ਼ਿਲ੍ਹਿਆਂ ਪਠਾਨਕੋਟ, ਗੁਰਦਾਸਪੁਰ, ਅੰਮ੍ਰਿਤਸਰ ਤੇ ਹੁਸ਼ਿਆਰਪੁਰ ਵਿੱਚ ਤਿੰਨ ਲੱਖ ਏਕੜ ਜ਼ਮੀਨ ਦੀ ਸਿੰਚਾਈ ਅਪਰ ਬਾਰੀ ਦੋਆਬ ਨਹਿਰ ਤੋਂ ਹੋਰ ਵੱਧ ਹੋ ਸਕੇਗੀ। ਇਸ 2716 ਕਰੋੜ ਦੇ ਵੱਡੇ ਪਣ ਬਿਜਲੀ ਪ੍ਰਾਜੈਕਟ ਤੇ 400 ਇੰਜੀਨੀਅਰਾਂ, ਤਕਨੀਕੀ ਵਰਕਰਾਂ ਤੇ 800 ਕਾਮਿਆਂ ਸਮੇਤ ਸੋਮਾ ਬੁਰੇਈਆ ਕੰਪਨੀ ਦੇ ਕੰਮਤੇ ਨਿਗਰਾਨੀ ਰੱਖਣ ਵਾਲੇ ਚੀਫ਼ ਇੰਜੀਨੀਅਰ ਐਸ ਕੇ ਸਲੂਜਾ ਨੇ ਦੱਸਿਆ ਕਿ ਕੇਂਦਰੀ ਜਲ ਸਰੋਤ ਮੰਤਰਾਲਾ ਇਸ ਪੱਖੋਂ ਬਹੁਤ ਗੰਭੀਰ ਹੈ ਕਿ ਪਾਕਿਸਤਾਨ ਨੂੰ ਅਜਾਈਂ ਜਾਂਦਾ ਪਾਣੀ ਰੋਕ ਕੇ ਜਲਦੀ ਪੰਜਾਬ ਤੇ ਜੰਮੂ ਕਸ਼ਮੀਰ ਦੇ ਲਈ ਵਰਤਣਾ ਚਾਹੁੰਦਾ ਹੈ।ਇੰਜੀਨੀਅਰ ਸਲੂਜਾ ਜੋ ਹਫ਼ਤੇ ਵਿੱਚ ਪੰਜ ਦਿਨ ਸ਼ਾਹਪੁਰ ਕੰਢੀ ਡੈਮ ਤੇ ਦਿਨ ਰਾਤ ਉਸਾਰੀ ਦਾ ਕੰਮ ਦੇਖਦੇਹਨ, ਨੇ ਦੱਸਿਆ ਕਿ ਪ੍ਰਧਾਨ ਮੰਤਰੀ ਦਫ਼ਤਰ ਵਿੱਚ ਇਸ ਪ੍ਰਾਜੈਕਟ ਦੀ ਮਾਨੀਟਰਿੰਗ ਹੋ ਰਹੀ ਹੈ ਅਤੇ ਛੇ ਮਹੀਨੇ ਪਹਿਲਾਂ ਕੇਦਰੀ ਜਲ ਸਰੋਤ ਮੰਤਰੀ ਖ਼ੁਦ ਮਾਹਰਾਂ ਦੀ ਟੀਮ ਨਾਲ ਇਸ ਦਾ ਨਿਰੀਖਣ ਕਰਨ ਆਏ ਸਨ। ਚੀਫ਼ ਇੰਜੀਨੀਅਰ ਦਾ ਕਹਿਣਾ ਹੈ ਕਿ ਕੋਰੋਨਾ ਵਾਇਰਸ ਦੇ ਕਾਰਨ ਲੇਬਰ ਤੇ ਤਕਨੀਕੀ ਕਾਮਿਆਂ ਵੱਲੋਂ ਕੰਮ ਰੋਕਿਆ ਗਿਆ ਸੀ, ਪਰ ਛੇ ਮਹੀਨੇ ਬਾਅਦ ਫਿਰ ਦਿਨ ਰਾਤ ਉਸਾਰੀ ਹੋ ਰਹੀ ਹੈ ਅਤੇ ਮਈ 2022 ਦੀ ਥਾਂ ਦਸੰਬਰ 2022 ਵਿੱਚ ਡੈਮ ਸਿਰੇ ਚੜ੍ਹ ਜਾਵੇਗਾ। ਉਨ੍ਹਾਂ ਦੱਸਿਆ ਕਿ 637 ਕਰੋੜ ਦੇ ਟੈਂਡਰ ਜਾਰੀ ਹੋ ਗਏ ਹਨ। ਭਵਿੱਖਚ ਰੋਜ਼ 1042 ਮਿਲੀਅਨ ਯੂਨਿਟ ਯਾਨੀ 10.4 ਕਰੋੜ ਯੂਨਿਟ ਬਿਜਲੀ ਪੈਦਾ ਹੋਵੇਗੀ। ਇਸ ਬਿਜਲੀ `ਤੇ ਪੂਰਾ ਅਧਿਕਾਰ ਪੰਜਾਬ ਦਾ ਹੋਵੇਗਾ ਅਤੇ ਪਾਣੀ ਤੇ ਬਿਜਲੀ ਤੋਂ ਸਾਲਾਨਾ 850 ਕਰੋੜ ਦਾ ਲਾਭ ਕੇਵਲ ਇਸ ਸੂਬੇ ਨੂੰ ਮਿਲੇਗਾ।

Up Next

ਜਗਤਾਰ ਸਿੰਘ ਹਵਾਰਾ ਦੀ ਜ਼ਮਾਨਤ ਅਰਜ਼ੀ ਰੱਦ, ਚਲਾਣ ਪੇਸ਼

Don't Miss

ਕੈਪਟਨ ਨੇ ਹੁਸ਼ਿਆਰਪੁਰ `ਚ ਬਣ ਰਹੇ ਆਰਮਡ ਫੋਰਸਿਜ਼ ਪ੍ਰੈਪਰੇਟਰੀ ਇੰਸਟੀਚਿਊਟ ਦਾ ਨੀਂਹ ਪੱਥਰ ਰੱਖਿਆ

Click to comment

ਕੋਰੋਨਾ ਦੀ ਰਿਕਾਰਡ ਤੋੜ ਮਾਰ ਦੌਰਾਨ ਪੰਜਾਬ ਦੇ ਚਾਰ ਵੱਡੇ ਡਾਕਟਰਾਂ ਵੱਲੋਂ ਅਸਤੀਫ਼ੇ

Published

9 hours ago

May 7, 2021

AP News Report

ਬਠਿੰਡਾ, 6 ਮਈ, – ਕੋਰੋਨਾ ਇਨਫੈਕਸ਼ਨ ਜਦੋਂ ਦੂਸਰੀ ਲਹਿਰਦੀ ਲਗਾਤਾਰ ਰਿਕਾਰਡ ਰਫ਼ਤਾਰ ਨਾਲ ਅੱਗੇ ਵਧ ਰਹੀ ਹੈ, ਓਦੋਂ ਬਠਿੰਡੇ ਦੇ ਤਿੰਨ ਅਤੇ ਮੁਕਤਸਰ ਦੇ ਇਕ ਡਾਕਟਰ ਦਾ ਅਸਤੀਫ਼ਾ ਪੰਜਾਬ ਦੇ ਸਿਹਤ ਵਿਭਾਗ ਲਈ ਵੱਡਾ ਝਟਕਾ ਸਾਬਤ ਹੋ ਸਕਦਾ ਹੈ। ਪਹਿਲਾਂ ਹੀ ਸਟਾਫ ਦੀ ਘਾਟ ਵਾਲੇ ਸਿਵਲ ਹਸਪਤਾਲ ਬਠਿੰਡਾ ਦੇ ਦੋ ਐੱਮ ਡੀ ਮੈਡੀਸਨ ਡਾਕਟਰਾਂ ਸਮੇਤ ਕੁੱਲ ਤਿੰਨ ਡਾਕਟਰਾਂ ਨੇ ਇੱਕੋ ਹਫ਼ਤੇ ਵਿੱਚ ਅਸਤੀਫ਼ਾ ਦੇ ਦਿੱਤਾ ਹੈ।
ਪਤਾ ਲੱਗਾ ਹੈ ਕਿ ਬਠਿੰਡਾ ਵਿੱਚ ਕੋਰੋਨਾ ਵਾਇਰਸ ਦੇ ਨੋਡਲ ਅਧਿਕਾਰੀ ਡਾ. ਜੈਅੰਤ ਅਗਰਵਾਲ ਨੇ ਇਕ ਹਫ਼ਤਾ ਪਹਿਲਾਂ ਅਸਤੀਫ਼ਾ ਦਿੱਤਾ ਅਤੇ ਕਿਹਾ ਸੀ ਕਿ ਮੇਰੇ ਉੱਤੇ ਪ੍ਰਸ਼ਾਸਨਿਕ ਦਬਾਅ ਬਣਿਆ ਹੋਇਆ ਸੀ, ਰਾਤ ਸਮੇਂ ਵੀ ਫੋਨ ਆਉਂਦੇ ਸਨ, ਮਾਨਸਿਕ ਪਰੇਸ਼ਾਨੀ ਮਹਿਸੂਸ ਹੁੰਦੀ ਸੀ। ਪਰਿਵਾਰ ਨੂੰ ਸਮਾਂ ਵੀ ਨਹੀਂ ਦੇ ਪਾ ਰਿਹਾ ਸੀ, ਇਸ ਕਾਰਨ ਮੈਨੂੰ ਅਸਤੀਫ਼ਾ ਦੇਣ ਲਈ ਸੋਚਣਾ ਪਿਆ ਅਤੇ ਮੈਂ ਇਕ ਪ੍ਰਾਈਵੇਟ ਹਸਪਤਾਲ ਜੁਆਇਨ ਕਰ ਲਿਆ ਹੈ।
ਮੁਕਤਸਰ ਸਿਵਲ ਹਸਪਤਾਲ ਵਿਚਲੇਐੱਮ ਡੀ ਮੈਡੀਸਨ ਡਾ. ਰਾਜੀਵ ਜੈਨ ਨੇ ਕਿਹਾ ਕਿ ਬਹੁਤ ਜ਼ਿਆਦਾ ਰੁਝੇਵੇਂ ਕਾਰਨ ਉਨ੍ਹਾਂਨੂੰ ਬਹੁਤ ਮਾਨਸਿਕ ਪਰੇਸ਼ਾਨੀ ਸੀ। ਡਿਊਟੀ ਲਈ ਕਦੇ ਮੁਕਤਸਰ ਅਤੇ ਕਦੇ ਫ਼ਰੀਦਕੋਟ ਜਾਣਾ ਪੈਂਦਾ ਸੀ। ਇਸ ਲਈ ਸਿਸਟਮ ਤੋਂ ਪਰੇਸ਼ਾਨ ਹੋ ਕੇ ਅਸਤੀਫ਼ਾ ਦਿੱਤਾ ਹੈ। ਬਠਿੰਡਾ ਦੇ ਐੱਮ ਡੀ ਮੈਡੀਸਨ ਮਹਿਲਾ ਡਾ. ਰਮਨ ਗੋਇਲ ਅਤੇ ਆਈ ਸਰਜਨ ਡਾ. ਦੀਪਕ ਗੁਪਤਾ ਨੇ ਵੀ ਅਸਤੀਫ਼ਾ ਦੇ ਦਿੱਤਾ ਹੈ। ਡਾ. ਦੀਪਕ ਨੂੰ ਏਅਰਫੋਰਸਦੀ ਨੌਕਰੀ ਮਿਲ ਗਈ ਹੈ। ਡਾ. ਰਮਨਦੀਪ ਗੋਇਲ ਨੇ ਕਿਹਾ ਕਿ ਉਨ੍ਹਾਂ ਨੇ ਨਵੰਬਰ 2020 ਵਿੱਚਸਿਹਤ ਵਿਭਾਗ ਨੂੰ ਨੌਕਰੀ ਛੱਡਣ ਲਈਨੋਟਿਸ ਭੇਜ ਦਿੱਤਾ ਸੀ। ਬਠਿੰਡੇ ਦੇ ਸਿਵਲ ਸਰਜਨ ਡਾ. ਤੇਜਵੰਤ ਸਿੰਘ ਢਿੱਲੋਂ ਨੇ ਕਿਹਾ ਕਿ ਇਸਵਕਤਡਾਕਟਰਾਂ ਦਾ ਨੌਕਰੀ ਛੱਡਣਾ ਮੰਦਭਾਗਾ ਹੈ, ਪਰਤਲਵੰਡੀ ਸਾਬੋ ਹਸਪਤਾਲ ਤੋਂ ਇਕ ਡਾਕਟਰ ਬਠਿੰਡੇ ਵਿੱਚਲਾਇਆ ਗਿਆ ਹੈ।
ਪੰਜਾਬ ਦੇ ਸਿਹਤ ਮੰਤਰੀ ਬਲਬੀਰ ਸਿੰਘ ਸਿੱਧੂ ਨੇ ਅਸਤੀਫ਼ਾ ਦੇਣ ਵਾਲੇ ਡਾਕਟਰਾਂ ਨੂੰ ਏਦਾਂ ਦੇ ਕਦਮ ਨਾ ਚੁੱਕਣ ਦੀ ਅਪੀਲ ਕੀਤੀ ਅਤੇ ਕਿਹਾ ਕਿ ਇਹ ਭੱਜਣ ਦਾ ਨਹੀਂ, ਕੋਰੋਨਾ ਖ਼ਿਲਾਫ਼ ਜੰਗ ਲੜ ਕੇ ਉਸ ਨੂੰ ਹਰਾਉਣ ਦਾ ਸਮਾਂ ਹੈ, ਸਰਕਾਰ ਤੁਹਾਡੇ ਜ਼ੋਰ ਉੱਤੇ ਲੜ ਰਹੀ ਹੈ ਤੇ ਲੋਕਾਂ ਨੂੰ ਤੁਹਾਡੇ ਤੋਂ ਉਮੀਦ ਹੈ। ਮੰਤਰੀ ਬਲਬੀਰ ਸਿੰਘ ਸਿੱਧੂ ਨੇ ਕਿਹਾ ਕਿ ਜੇ ਤੁਹਾਨੂੰ ਕਿਸੇ ਕਿਸਮ ਦੀ ਕੋਈ ਸ਼ਿਕਾਇਤ ਹੈ ਤਾਂ ਮੈਨੂੰ ਦੱਸੋ, ਉਸ ਦਾ ਹੱਲ ਕੀਤਾ ਜਾਵੇਗਾ, ਬਿਮਾਰ ਲੋਕਾਂ ਨੂੰ ਤੁਹਾਡੀ ਲੋੜ ਹੈ, ਇਸ ਲਈ ਇਸ ਜੰਗ ਦੇ ਵਿਚਾਲੇ ਮੈਦਾਨ ਛੱਡ ਕੇ ਨਾ ਜਾਓ।

ਕੋਰੋਨਾ ਵਾਇਰਸ ਨੇ ਰੂਟ ਬਦਲਿਆ, ਨਵਾਂ ਰੂਪ ਤੰਦਰੁਸਤ ਲੋਕਾਂ ਲਈ ਵੀ ਖਤਰਨਾਕ

Published

9 hours ago

May 7, 2021

AP News Report

ਯੂਨੀਸੈਫ ਵੱਲੋਂ ਭਾਰਤ ਦੀ ਕੋਰੋਨਾ ਸਥਿਤੀ ਭਿਆਨਕ ਦੱਸ ਕੇ ਚੇਤਾਵਨੀ
ਚੰਡੀਗੜ੍ਹ, 6 ਮਈ, – ਦੁਨੀਆ ਭਰ ਨੂੰ ਭਾਜੜ ਪਾਉਣ ਵਾਲਾ ਕੋਰੋਨਾ ਵਾਇਰਸ ਅੱਗੋਂ ਹੋਰ ਖਤਰਨਾਕ ਰੂਪ ਧਾਰਨ ਕਰਦਾ ਜਾਪਦਾ ਹੈ ਅਤੇ ਇਸ ਉਨ੍ਹਾਂ ਲੋਕਾਂ ਨੂੰ ਵੀ ਨਿਗਲਣਾ ਸ਼ੁਰੂ ਕਰ ਦਿੱਤਾ ਹੈ, ਜਿਨ੍ਹਾਂ ਨੂੰ ਕੋਈ ਗੰਭੀਰ ਜਾਂ ਪੁਰਾਣੀ ਬਿਮਾਰੀ ਨਹੀਂ ਸੀ। ਪੰਜਾਬ ਦੇ ਸਿਹਤ ਵਿਭਾਗ ਦੇ ਕੋਵਿਡ ਨੋਡਲ ਅਫ਼ਸਰ ਡਾਕਟਰ ਰਾਜੇਸ਼ ਭਾਸਕਰ ਮੁਤਾਬਕ ਤਾਜ਼ਾ ਸਟੱਡੀ ਮੁਤਾਬਕ ਅਜਿਹੇ 17 ਫੀਸਦੀ ਕੋਰੋਨਾ ਪੀੜਤ ਲੋਕਾਂ ਦੀ ਮੌਤ ਸਿਰਫ਼ ਕੋਰੋਨਾ ਕਾਰਨ ਹੁੰਦੀ ਹੈ ਜਿਹੜੇ ਇਸਤੋਂ ਪਹਿਲਾਂ ਬਿਲਕੁਲ ਤੰਦਰੁਸਤ ਸਨ ਤੇ ਕੋਈ ਵੀ ਹੋਰ ਬਿਮਾਰੀ ਨਹੀਂ ਸੀ।
ਵਰਨਣ ਯੋਗ ਹੈ ਕਿ ਇਸ ਤੋਂ ਪਹਿਲਾਂ ਸਰਕਾਰਾਂ ਤੇ ਸਿਹਤ ਵਿਭਾਗ ਵੱਲੋਂ ਲਗਾਤਾਰ ਦਾਅਵੇ ਕੀਤੇ ਜਾਂਦੇ ਸਨ ਕਿ ਜਿਨ੍ਹਾਂ ਲੋਕਾਂ ਦੀ ਮੌਤਾਂ ਹੁੰਦੀ ਹੈ, ਉਹ ਸਿਰਫ ਕੋਰੋਨਾ ਵਾਇਰਸ ਕਾਰਨ ਨਹੀਂ, ਪਹਿਲੀਆਂ ਹੋਰ ਬਿਮਾਰੀਆਂ ਹੋਣ ਕਰ ਕੇ ਮਰ ਰਹੇ ਹਨ।ਇਸ ਕਾਰਨ ਕਈ ਲੋਕ ਇਹ ਸੋਚ ਕੇ ਬੇਫਿਕਰ ਸਨ ਕਿ ਅਸੀਂ ਤੰਦਰੁਸਤ ਹਾਂ, ਸਾਨੂੰ ਖਾਸ ਡਰਨ ਦੀ ਲੋੜ ਨਹੀਂ, ਜੇ ਲਾਗ ਲੱਗੀ ਵੀ ਤਾਂ ਅਸਾਨੀ ਨਾਲ ਠੀਕ ਹੋ ਜਾਵਾਂਗੇ, ਪਰ ਨਵੀਂ ਜਾਣਕਾਰੀ ਪਿੱਛੋਂ ਹਰ ਇੱਕ ਨੂੰ ਸੁਚੇਤ ਹੋਣਾ ਪਏਗਾ ਕਿ ਵਾਇਰਸ ਕਿਸੇ ਨੂੰ ਵੀ ਆਪਣੀ ਚਪੇਟ ਵਿੱਚ ਲੈ ਸਕਦਾ ਹੈ।
ਦੂਸਰੇ ਪਾਸੇ ਯੂ ਐੱਨ ਦੀ ਸੰਸਥਾ ਯੂਨੀਸੈਫ ਨੇ ਕਿਹਾ ਹੈ ਕਿ ਭਾਰਤ ਵਿਚਲੀ ਕੋਵਿਡ-19 ਦੀ ਭਿਆਨਕ ਸਥਿਤੀ ਸਾਰਿਆਂ ਲਈ ਚੇਤਾਵਨੀ ਹੋਣੀ ਚਾਹੀਦੀ ਹੈ ਤੇ ਵਾਇਰਸ ਨਾਲ ਸਬੰਧਤ ਮੌਤਾਂ, ਵਾਇਰਸ ਵਿਚ ਨਵੀਂਆਂ ਤਬਦੀਲੀਆਂਤੇ ਮੁਕਾਬਲੇ ਦੇ ਸਾਮਾਨ ਦੀਸਪਲਾਈਵੱਲੋਂ ਦੇਰੀ ਕਾਰਨਇਸ ਦੀ ਗੂੰਜ ਇਸ ਖੇਤਰ ਵਿਚ ਅਤੇ ਸੰਸਾਰ ਵਿੱਚ ਉਦੋਂ ਤੱਕ ਸੁਣਾਈ ਦੇਵੇਗੀ, ਜਦੋਂ ਤੱਕ ਸਾਰੀ ਦੁਨੀਆ ਭਾਰਤ ਦੀ ਮਦਦ ਲਈ ਅੱਗੇ ਨਾ ਆਈ। ਬੱਚਿਆਂ ਬਾਰੇ ਇਸ ਯੂ ਐੱਨ ਦੀ ਏਜੰਸੀ ਦੇ ਮੁਖੀ ਨੇ ਭਾਰਤ ਨੂੰ ਜੀਵਨ ਬਚਾਊ ਸਮਾਨ ਦੀ ਸਪਲਾਈ ਵੀ ਕਰਵਾਈ ਹੈ, ਜਿਸ ਵਿਚ 20 ਲੱਖ ਫੇਸ ਸ਼ੀਲਡ ਤੇ ਦੋ ਲੱਖ ਮਾਸਕ ਸ਼ਾਮਲ ਹਨ। ਏਜੰਸੀ ਦੇ ਕਾਰਜਕਾਰੀ ਡਾਇਰੈਕਟਰ ਹੇਨਰੀਟਾ ਫੋਰ ਨੇ ਕਿਹਾ, ‘ਭਾਰਤ ਦੀ ਭਿਆਨਕ ਸਥਿਤੀ ਨੇ ਸਾਰਿਆਂ ਲਈ ਚੇਤਾਵਨੀ ਦੀ ਘੰਟੀ ਵਜਾ ਦਿੱਤੀ ਹੈ।’ ਉਨ੍ਹਾਂ ਕਿਹਾ, ‘ਜਦੋਂ ਤੱਕ ਭਾਰਤ ਦੀ ਮਦਦ ਲਈ ਸਾਰੀ ਦੁਨੀਆ ਕਦਮ ਨਹੀਂ ਚੁੱਕਦੀ, ਉਦੋਂ ਤੱਕ ਵਾਇਰਸ ਨਾਲ ਮੌਤਾਂ, ਵਾਇਰਸ ਵਿੱਚ ਤਬਦੀਲੀਅਤੇ ਸਪਲਾਈ ਵਿੱਚ ਦੇਰੀ ਦੇ ਕਾਰਨ ਇਸ ਦੀ ਗੂੰਜ ਇਸ ਖੇਤਰ ਅਤੇ ਪੂਰੀ ਦੁਨੀਆ ਵਿਚ ਸੁਣਾਈ ਦੇਵੇਗੀ।’

ਪੰਜਾਬ ਵਿੱਚ ਆਕਸੀਜਨ ਸਪੋਰਟ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਧਣ ਦੇ ਨਾਲ ਆਕਸੀਜਨ ਮੰਗ ਵਿੱਚ ਵਾਧਾ

Published

9 hours ago

May 7, 2021

AP News Report

ਮੁੱਖ ਮੰਤਰੀ ਨੇ ਕਾਂਗਰਸੀ ਐੱਮ ਪੀਜ਼ ਨੂੰ ਮਦਦ ਲਈ ਆਖਿਆ
ਚੰਡੀਗੜ੍ਹ, 6 ਮਈ, – ਪੰਜਾਬ ਵਿੱਚ ਕੋਰੋਨਾ ਦੇ ਵਧਦੇ ਕੇਸਾਂ ਨਾਲ ਆਕਸੀਜਨ ਦੀ ਮੰਗ ਵੀ ਵਧੀ ਜਾਂਦੀ ਹੈ। ਪਿਛਲੇ ਚਾਰ ਦਿਨਾਂ ਤੋਂ 225 ਤੋਂ 230 ਟਨ ਤਕ ਰਹਿਣ ਵਾਲੀ ਮੰਗ ਅੱਜ ਵੀਰਵਾਰ ਨੂੰ 250 ਟਨ ਤੋਂ ਵੱਧ ਗਈ, ਕਿਉਂਕਿ ਆਕਸੀਜਨ ਸਪੋਰਟ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਿਚ ਲਗਾਤਾਰ ਵਾਧਾ ਹੋ ਰਿਹਾ ਹੈ।
ਪਤਾ ਲੱਗਾ ਹੈ ਕਿ ਪੰਜਾਬ ਵਿਚ ਰੋਜ਼ ਅਜਿਹੇ ਮਰੀਜ਼ਾਂ ਦੀ ਗਿਣਤੀ ਵਿਚ 500 ਤੋਂ ਵੱਧ ਦਾ ਵਾਧਾ ਹੋ ਰਿਹਾ ਹੈ ਤੇ ਪੰਜ ਮਈ ਤਕ ਰਾਜ ਵਿਚ 8457 ਮਰੀਜ਼ਾਂ ਨੂੰ ਆਕਸੀਜਨ ਅਤੇ 240 ਨੂੰ ਵੈਂਟੀਲੇਟਰ ਦੀ ਲੋੜ ਸੀ, ਜਦਕਿ ਚਾਰ ਮਈ ਨੂੰ ਇਹ ਗਿਣਤੀ ਅਜੇ 8265 ਸੀ। ਕੇਂਦਰ ਸਰਕਾਰ ਨੇ ਬੋਕਾਰੋ ਪਲਾਂਟ ਤੋਂ ਪੰਜਾਬ ਦਾ ਕੋਟਾ ਵਧਾਇਆ ਹੈ, ਪਰ ਓਥੋਂ ਦੇ ਆਕਸੀਜਨ ਟੈਂਕਰ ਪੰਜਾਬ ਪੁੱਜਣ ਨੂੰ ਤਿੰਨ ਦਿਨ ਲੱਗਦੇ ਹਨ। ਪੰਜਾਬ ਨੂੰ ਕੇਂਦਰ ਸਰਕਾਰ ਤੋਂ 60, ਪਾਣੀਪਤ ਤੋਂ 20, ਰੁੜਕੀ ਤੋਂ 15, ਦੇਹਰਾਦੂਨ ਤੋਂ 10 ਅਤੇ ਬੋਕਾਰੋ ਪਲਾਂਟ ਤੋਂ 90 ਟਨ ਸਪਲਾਈ ਦਾ ਕੋਟਾ ਮਿਲਿਆ ਹੈ। ਰਾਜ ਸਰਕਾਰ ਦਾ ਦਾਅਵਾ ਹੈ ਕਿ ਇਨ੍ਹਾਂ ਸਾਰੇ ਪਲਾਂਟਾਂ ਤੋਂ ਪੰਜਾਬ ਨੂੰ ਮਸਾਂ 140 ਟਨ ਸਪਲਾਈ ਮਿਲਦੀ ਹੈ ਅਤੇ ਇਸ ਦਾ ਮੁੱਖ ਕਾਰਨ ਬੋਕਾਰੋ ਤੋਂ ਮਿਲਦੀ ਸਪਲਾਈ ਵਿਚ ਦੇਰੀ ਹੈ। ਥੋੜ੍ਹੀ ਰਾਹਤ ਦੀ ਗੱਲ ਇਹ ਹੈ ਕਿ ਆਕਸੀਜਨ ਦੀ ਉਤਪਾਦਨ ਸਮਰੱਥਾ ਦਾ ਪੰਜਾਬ ਵਿਚ ਵਾਧਾ ਹੋਇਆ ਅਤੇ 80 ਟਨ ਹੋਣ ਲੱਗ ਪਈ ਹੈ।
ਇਸ ਦੌਰਾਨ ਪੰਜਾਬ ਦੇ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਸ ਰਾਜ ਦੇ ਕਾਂਗਰਸੀ ਪਾਰਲੀਮੈਂਟ ਮੈਂਬਰਾਂ ਨੂੰ ਕਿਹਾ ਹੈ ਕਿ ਉਹ ਆਕਸੀਜਨ, ਟੈਂਕਰਾਂ, ਵੈਕਸੀਨ ਅਤੇ ਜ਼ਰੂਰੀ ਦਵਾਈਆਂ ਦੀ ਲੋੜੀਂਦੀ ਸਪਲਾਈ ਲਈ ਕੇਂਦਰ ਉਤੇ ਦਬਾਅ ਬਣਾਉਣ ਤਾਂ ਜੋ ਕੋਰੋਨਾ ਮਹਾਂਮਾਰੀ ਦੀ ਦੂਸਰੀ ਖਤਰਨਾਕ ਲਹਿਰ ਦਾ ਪ੍ਰਭਾਵਸ਼ਾਲੀ ਢੰਗ ਨਾਲ ਮੁਕਾਬਲਾ ਕਰਨ ਲਈ ਰਾਜ ਸਰਕਾਰ ਦੀ ਮਦਦ ਹੋ ਸਕੇ। ਪਾਰਲੀਮੈਂਟ ਮੈਂਬਰਾਂ ਨੂੰ ਰਾਜ ਦੇ ਆਕਸੀਜਨ ਕੋਟੇ ਨੂੰ ਵਧਾਉਣ ਅਤੇ ਰੋਜ਼ ਪੂਰਾ 195 ਮੀਟਰਿਕ ਟਨ ਅਲਾਟ ਕੋਟਾ ਚੁੱਕਣ ਲਈ ਪਹਿਲ ਦੇ ਆਧਾਰ ਉੱਤੇ ਵਾਧੂ ਟੈਂਕਰ ਭੇਜਣ ਲਈ ਭਾਰਤ ਸਰਕਾਰ ਨੂੰ ਪ੍ਰੇਰਿਤ ਕਰਨ ਦੇ ਦੌਰਾਨਮੁੱਖ ਮੰਤਰੀ ਨੇ ਕਿਹਾ ਕਿ ਕੋਵਿਡ ਦੇ ਖਿਲਾਫ ਜੰਗ ਵਿੱਚ ਜ਼ਰੂਰੀ ਲੋੜੀਂਦੀ ਸਪਲਾਈ ਕਰਨ ਦੇ ਲਈ ਪੰਜਾਬ ਨਾਲ ਕੇਂਦਰ ਵੱਲੋਂ ਮਤਰੇਈ ਮਾਂ ਵਾਲਾ ਵਿਹਾਰ ਕੀਤਾ ਜਾ ਰਿਹਾ ਹੈ।
ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਨੇ ਇਹ ਵੀ ਇਸ਼ਾਰਾ ਕੀਤਾ ਕਿ ਭਾਜਪਾ ਸਰਕਾਰ ਵਾਲੇਰਾਜ ਹਰਿਆਣਾ ਨੂੰ ਪੰਜਾਬ ਤੋਂ ਵੱਧ ਆਕਸੀਜਨ ਕੋਟਾ ਤੇ ਟੈਂਕਰ ਮਿਲਦੇ ਹਨ।ਇਸਬਾਰੇ ਗੰਭੀਰਤਾ ਵੇਖ ਕੇਪਾਰਲੀਮੈਂਟ ਦੇ ਦੋਵੇਂ ਸਦਨਾਂ ਦੇਪੰਜਾਬ ਦੇ ਕਾਂਗਰਸੀਮੈਂਬਰਾਂ ਨੇ ਵਾਅਦਾ ਕੀਤਾ ਕਿ ਉਨ੍ਹਾਂ ਦੇ ਪਾਰਲੀਮੈਂਟ ਮੈਂਬਰ ਹਲਕਾ ਵਿਕਾਸ ਫੰਡ (ਐਮ ਪੀ ਲੈਡ ਫੰਡ) ਦੀ ਵਰਤੋਂ ਸਰਕਾਰੀ ਹਸਪਤਾਲਾਂ ਵਿੱਚ ਆਕਸੀਜਨ ਉਤਪਾਦਨ ਪਲਾਂਟ ਲਾਉਣ ਲਈ ਕੀਤੀ ਜਾਵੇ ਤਾਂ ਜੋ ਪੰਜਾਬ ਵਿੱਚ ਇਲਾਜ ਲਈ ਗੁਆਂਢੀ ਰਾਜਾਂ ਤੋਂ ਮਰੀਜ਼ਾਂ ਦੇ ਇਲਾਜ ਲਈ ਆਉਣ ਨਾਲਵੱਧ ਭਾਰ ਵਾਲੀ ਸਥਿਤੀ ਨਾਲ ਨਜਿੱਠਣ ਲਈ ਰਾਜ ਸਰਕਾਰ ਦੀ ਮਦਦ ਹੋ ਸਕੇ।ਮੁੱਖ ਮੰਤਰੀ ਨੇ ਕਿਹਾ ਕਿ ਆਕਸੀਜਨ, ਟੈਂਕਰਾਂ, ਵੈਕਸੀਨ ਅਤੇ ਦਵਾਈਆਂ ਦੀ ਘਾਟ ਤੋਂ ਬਿਨਾਂ ਪੰਜਾਬ ਵੈਂਟੀਲੇਟਰਾਂ ਵੱਲੋਂ ਵੀ ਤੰਗ ਹੈ, ਕਿਉਂਕਿ ਕੇਂਦਰ ਸਰਕਾਰ ਵੱਲੋਂ ਮਿਲੇ 809 ਵੈਂਟੀਲੇਟਰਾਂ ਵਿੱਚੋਂ 108 ਨੂੰ ਲਾਉਣ ਲਈਅਜੇ ਸੰਬੰਧਤ ਕੰਪਨੀ ਬੀ ਈ ਐਲ ਦਾ ਇੰਜਨੀਅਰ ਨਹੀਂ ਹੈ। ਕੈਪਟਨ ਅਮਰਿੰਦਰ ਨੇ ਪਾਰਲੀਮੈਂਟ ਮੈਂਬਰਾਂ ਨੂੰ ਦੱਸਿਆ ਕਿਵਾਰ-ਵਾਰ ਬੇਨਤੀਆਂ ਅਤੇ ਪ੍ਰਧਾਨ ਮੰਤਰੀ ਅਤੇ ਗ੍ਰਹਿ ਮੰਤਰੀ ਨੂੰ ਉਨ੍ਹਾਂ ਵਲੋਂ ਆਕਸੀਜਨ ਕੋਟੇ ਵਿੱਚ 50 ਮੀਟਰਿਕ ਟਨ ਵਾਧੇ ਲਈ ਨਿੱਜੀ ਤੌਰ ਉੱਤੇ ਪੱਤਰ ਲਿਖਣ ਪਿੱਛੋਂ ਵੀ ਪੰਜਾਬ ਆਕਸੀਜਨ ਦੀ ਘਾਟ ਵੱਲੋਂ ਤੰਗ ਹੈ। ਉਨ੍ਹਾਂ ਦੱਸਿਆ ਕਿ ਰਾਜਦੀਮੌਜੂਦਾ ਲੋੜ ਪੂਰੀ ਕਰਨ ਲਈ 195 ਮੀਟਰਿਕ ਟਨ ਦਾ ਕੋਟਾ ਨਾਕਾਫੀ ਹੈ ਅਤੇ ਟੈਂਕਰਾਂ ਦੀ ਘਾਟ ਕਾਰਨ ਇਸ ਕੋਟੇ ਦੀ ਆਕਸੀਜਨ ਦੀ ਵੀ ਪੂਰੀ ਤਰ੍ਹਾਂ ਲਿਫਟਿੰਗ ਨਹੀਂ ਹੋ ਸਕਦੀ। ਉਨ੍ਹਾਂ ਕਿਹਾ ਕਿਪੰਜਾਬਦਾ ਨੇੜਲੇ ਸਰੋਤਾਂ (ਦੇਹਰਾਦੂਨ, ਪਾਣੀਪਤ, ਰੁੜਕੀ) ਵੱਲ 120 ਮੀਟਰਿਕ ਟਨ ਬੈਕਲਾਗ ਹੋਣ ਕਾਰਨ ਸਥਿਤੀ ਬਹੁਤ ਗੰਭੀਰ ਹੈ ਅਤੇ ਇਸ ਨਾਲ ਛੇਤੀ ਨਿਪਟਣਾ ਪੈਣਾ ਹੈ।

ਇਕ ਸੋਚ

ਰਾਵੀ ਦਰਿਆ `ਤੇ ਸ਼ਾਹਪੁਰ ਕੰਢੀ ਡੈਮ ਦੀ ਉਸਾਰੀ 60 ਫ਼ੀਸਦੀ ਪੂਰੀ

ਪੰਜਾਬੀ ਖ਼ਬਰਾਂ

ਰਾਵੀ ਦਰਿਆ `ਤੇ ਸ਼ਾਹਪੁਰ ਕੰਢੀ ਡੈਮ ਦੀ ਉਸਾਰੀ 60 ਫ਼ੀਸਦੀ ਪੂਰੀ

Leave a Reply

ਪੰਜਾਬੀ ਖ਼ਬਰਾਂ

ਕੋਰੋਨਾ ਦੀ ਰਿਕਾਰਡ ਤੋੜ ਮਾਰ ਦੌਰਾਨ ਪੰਜਾਬ ਦੇ ਚਾਰ ਵੱਡੇ ਡਾਕਟਰਾਂ ਵੱਲੋਂ ਅਸਤੀਫ਼ੇ

Read More Latest Punjabi News

ਪੰਜਾਬੀ ਖ਼ਬਰਾਂ

ਕੋਰੋਨਾ ਵਾਇਰਸ ਨੇ ਰੂਟ ਬਦਲਿਆ, ਨਵਾਂ ਰੂਪ ਤੰਦਰੁਸਤ ਲੋਕਾਂ ਲਈ ਵੀ ਖਤਰਨਾਕ

Read More Today News in Punjabi

ਪੰਜਾਬੀ ਖ਼ਬਰਾਂ

ਪੰਜਾਬ ਵਿੱਚ ਆਕਸੀਜਨ ਸਪੋਰਟ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਧਣ ਦੇ ਨਾਲ ਆਕਸੀਜਨ ਮੰਗ ਵਿੱਚ ਵਾਧਾ

Read More Latest Punjabi News

ਹਾਲੀਆ ਪੋਸਟਾਂ

ਰੁਝਾਨ

ਇਕ ਸੋਚ

ਰਾਵੀ ਦਰਿਆ `ਤੇ ਸ਼ਾਹਪੁਰ ਕੰਢੀ ਡੈਮ ਦੀ ਉਸਾਰੀ 60 ਫ਼ੀਸਦੀ ਪੂਰੀ

You may like

Leave a Reply

ਪੰਜਾਬੀ ਖ਼ਬਰਾਂ

ਕੋਰੋਨਾ ਦੀ ਰਿਕਾਰਡ ਤੋੜ ਮਾਰ ਦੌਰਾਨ ਪੰਜਾਬ ਦੇ ਚਾਰ ਵੱਡੇ ਡਾਕਟਰਾਂ ਵੱਲੋਂ ਅਸਤੀਫ਼ੇ

Read More Latest Punjabi News

ਪੰਜਾਬੀ ਖ਼ਬਰਾਂ

ਕੋਰੋਨਾ ਵਾਇਰਸ ਨੇ ਰੂਟ ਬਦਲਿਆ, ਨਵਾਂ ਰੂਪ ਤੰਦਰੁਸਤ ਲੋਕਾਂ ਲਈ ਵੀ ਖਤਰਨਾਕ

Read More Today News in Punjabi

ਪੰਜਾਬੀ ਖ਼ਬਰਾਂ

ਪੰਜਾਬ ਵਿੱਚ ਆਕਸੀਜਨ ਸਪੋਰਟ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਧਣ ਦੇ ਨਾਲ ਆਕਸੀਜਨ ਮੰਗ ਵਿੱਚ ਵਾਧਾ

Read More Latest Punjabi News

ਹਾਲੀਆ ਪੋਸਟਾਂ

ਰੁਝਾਨ