ਜਲੰਧਰ, 2 ਅਪ੍ਰੈਲ – ਅਮਰੀਕਾ ਵਿੱਚ ਰਹਿਣ ਵਾਲੇ ਸੁਚਾ ਸਿੰਘ ਨਾਮੀ ਵਿਅਕਤੀ ਨੂੰ 15 ਸਾਲ ਤੋਂ ਲੱਖਾਂ ਰੁਪਏ ਦਾ ਚੂਨਾ ਲਾਉਣ ਦੇ ਦੋਸ਼ ਵਿੱਚ ਐਸ ਏ ਐਸ ਨਗਰ (ਮੋਹਾਲੀ) ਵਿੱਚ ਉਸ ਦੀ ਭੈਣ ਹਰਮੀਤ ਕੌਰ ਅਤੇ ਜੀਜਾ ਹਰਬੰਸ ਸਿੰਘ ਦੇ ਖ਼ਿਲਾਫ਼ ਧੋਖਾਧੜੀ ਦਾ ਕੇਸ ਦਰਜ ਕੀਤਾ ਗਿਆ ਹੈ।
ਜਲੰਧਰ ਦੇ ਥਾਣਾ ਡਿਵੀਜਨ ਨੰਬਰ ਛੇ ਦੀ ਪੁਲਸ ਨੂੰ ਸੁੱਚਾ ਸਿੰਘ ਨੇ ਦੱਸਿਆ ਕਿ ਉਹ ਅਮਰੀਕਾ ਵਿੱਚ ਰਹਿੰਦਾ ਹੈ। ਸਾਲ 2001 ਵਿੱਚ ਉਸਦੀ ਭੈਣ ਹਰਮੀਤ ਕੌਰ ਅਤੇ ਜੀਜਾ ਹਰਬੰਸ ਸਿੰਘ ਨੇ ਉਸ ਨੂੰ ਜ਼ਮੀਨ ਲੈ ਕੇ ਦਿੱਤੀ ਸੀ ਅਤੇ ਦੋਵੇਂ ਉਸ ਦੀ ਜ਼ਮੀਨ ਦੇ ਕੇਅਰਟੇਕਰ ਬਣੇ ਅਤੇ ਉਸਦੀ ਜ਼ਮੀਨ ਦੀ ਠੇਕਾ ਰਾਸ਼ੀ ਵੀ ਲੈਂਦੇ ਸੀ। ਇਸਦੇ ਬਾਅਦ ਸੁਚਾ ਸਿੰਘ ਨੇ ਮਾਡਲ ਟਾਊਨ ਵਿੱਚ 12 ਮਰਲੇ 55 ਵਰਗ ਦੀ ਜ਼ਮੀਨ ਖਰੀਦੀ ਸੀ। 2003 ਵਿੱਚ ਜ਼ਮੀਨ ਖਰੀਦਣ ਦੇ ਬਾਅਦ ਤਿੰਨ ਮੰਜ਼ਿਲਾ ਇਮਾਰਤ ਬਣਵਾਈ, ਜਿਸ ਵਿੱਚ ਦੁਕਾਨਾਂ ਬਣਾਈਆਂ ਸੀ। ਇਹ ਜ਼ਮੀਨ ਵੀ ਉਸ ਨੇ 2004 ਵਿੱਚ ਨਿਊ ਵਿਜੈ ਨਗਰ ਨਿਵਾਸੀ ਅਮਰਜੀਤ ਸਿੰਘ ਨੂੰ ਸੰਭਾਲਣ ਲਈ ਦਿੱਤੀ ਸੀ। 2005 ਨੂੰ ਉਸ ਨੇ ਇਹ ਅਟਾਰਨੀ ਰੱਦ ਕਰਵਾ ਕੇ ਆਪਣੀ ਮਾਤਾ ਬੰਤ ਕੌਰ ਦੇ ਨਾਮ ਕਰਵਾ ਦਿੱਤੀ ਸੀ। ਇਸ ਦੇ ਬਾਅਦ ਫਿਰ ਪਾਵਰ ਅਟਾਰਨੀ ਕੈਂਸਲ ਕਰਵਾ ਕੇ ਭੈਣ ਹਰਮੀਤ ਕੌਰ ਨੇ ਨਾਮ ਉੱਤੇ ਕਰ ਦਿੱਤੀ। ਹਰਮੀਤ ਕੌਰ 2008 ਤੱਕ ਦੇਖਭਾਲ ਕਰਦੀ ਰਹੀ, ਜਿਸ ਦੇ ਬਾਅਦ ਉਸ ਨੇ ਸਾਰੀ ਪ੍ਰਾਪਰਟੀ ਦੀ ਪਾਵਰ ਅਟਾਰਨੀ ਆਪਣੇ ਪਤੀ ਹਰਬੰਸ ਸਿੰਘ ਨੇ ਨਾਮ ਕਰ ਦਿੱਤੀ। 2019 ਵਿੱਚ ਪਾਵਰ ਅਟਾਰਨੀ ਕੈਂਸਲ ਕਰਵਾ ਕੇ ਅਮਰਜੀਤ ਸਿੰਘ ਦੇ ਨਾਮ ਉੱਤੇ ਕਰ ਦਿੱਤੀ। ਇਸ ਮੌਕੇ ਉਸ ਨੇ ਆਪਣੀ ਭੈਣ ਹਰਮੀਤ ਕੌਰ ਦੇ ਨਾਲ ਇੱਕ ਸਾਂਝਾ ਅਕਾਉਂਟ ਵੀ ਖੁਲਵਾਇਆ ਸੀ, ਜਿਸ ਵਿੱਚ ਠੇਕੇ ਅਤੇ ਕਿਰਾਏ ਦੇ ਪੈਸੇ ਜਮ੍ਹਾ ਹੁੰਦੇ ਸੀ। 2019 ਵਿੱਚ ਪਤਾ ਚਲਿਆ ਕਿ ਉਸ ਦੇ ਖਾਤੇ ਵਿੱਚ ਪੈਸੇ ਆਏ ਹੀ ਨਹੀਂ, ਹਰਮੀਤ ਕੌਰ ਤੇ ਹਰਬੰਸ ਸਿੰਘ ਨੇ ਫਰਜੀ ਦਸਤਾਵੇਜ਼ ਤੇ ਫਰਜ਼ੀ ਖਰਚੇ ਲਾ ਕੇ ਸਾਰੇ ਪੈਸੇ ਕਢਾ ਲਏ ਅਤੇ ਜਿਸ ਨਾਲ ਉਸ ਨੂੰ ਲੱਖਾਂ ਰੁਪਇਆਂ ਦਾ ਨੁਕਸਾਨ ਹੋਇਆ। ਦੋਨਾਂ ਪਤੀ-ਪਤਨੀ ਨੇ ਸਾਜਿਸ਼ ਦੇ ਤਹਿਤ ਉਸ ਦੇ ਨਾਲ ਲੱਖਾਂ ਰੁਪਇਆਂ ਦਾ ਧੋਖਾ ਕੀਤਾ ਹੈ

Read More Latest Crime News