Business car falls into Panipat canal due to fog
Connect with us [email protected]

ਕਾਰੋਬਾਰ

ਧੁੰਦ ਕਾਰਨ ਕਾਰੋਬਾਰੀ ਦੀ ਕਾਰ ਪਾਣੀਪਤ ਨਹਿਰ ਵਿੱਚ ਡਿੱਗੀ

Published

on

fog

ਸਮਾਲਖਾ, 20 ਜਨਵਰੀ – ਸਮਾਲਖਾ ਦੇ ਪਿੰਡ ਨਾਰਾਇਣਾ ਨੇੜੇ ਸੋਮਵਾਰ ਰਾਤ ਧੁੰਦ ਕਾਰਨ ਰੋਹਤਕ ਦੇ ਵਪਾਰੀ ਰਾਜੇਸ਼ ਦੀ ਕਾਰ ਪਾਣੀਪਤ ਲਿੰਕ ਨਹਿਰ ਵਿੱਚ ਡਿੱਗ ਗਈ ਅਤੇ ਕਾਰ ਵਿੱਚ ਉਨ੍ਹਾਂ ਦੀ ਮੌਤ ਹੋ ਗਈ। ਮੋਬਾਈਲ ਦੀ ਲੋਕੇਸ਼ਨ ਦੇ ਆਧਾਰ ਤੇ ਸਵੇਰੇ ਪਰਵਾਰਕ ਮੈਂਬਰ ਨਹਿਰ ਤੱਕ ਪਹੁੰਚ ਗਏ। ਪੁਲਸ ਨੇ ਕਰੇਨ ਦੀ ਮਦਦ ਨਾਲ ਕਾਰ ਕਢਵਾ ਲਈ ਅਤੇ ਕਾਰ ਦੇ ਅੰਦਰ ਕਾਰੋਬਾਰੀ ਦੀ ਲਾਸ਼ ਮਿਲ ਗਈ। ਸ਼ਾਮੜੀ ਬਾਜਨਾ, ਸੋਨੀਪਤ ਦੇ ਵਸਨੀਕ ਸੁੰਦਰ ਸਿੰਘ ਨੇ ਦੱਸਿਆ ਕਿ ਰੋਹਤਕ ਦੇ ਪਿੰਡ ਮਹਿਮ ਦੇ ਵਾਸੀ ਅਤੇ ਉਨ੍ਹਾਂ ਦੇ 33 ਸਾਲਾ ਸਾਲੇ ਰਾਜੇਸ਼ ਕੁਮਾਰ ਦਾ ਕੱਪੜੇ ਦਾ ਕਾਰੋਬਾਰ ਸੀ। ਫੈਕਟਰੀ ਸਨੌਲੀ ਰੋਡਤੇ ਹੈ। ਸੋਮਵਾਰ ਰਾਤ ਕਰੀਬ 10.30 ਵਜੇ ਰਾਜੇਸ਼ ਨੇ ਉਨ੍ਹਾਂ ਨੂੰ ਫੋਨ ਕੀਤਾ ਤੇ ਕਿਹਾ ਸੀ ਕਿ ਉਹ ਉਨ੍ਹਾਂ ਦੇ ਕੋਲ ਆ ਰਿਹਾ ਹੈ ਤੇ ਉਹ ਰਾਤ 11 ਵਜੇ ਸ਼ਾਮੜੀ ਪਹੁੰਚ ਜਾਏਗਾ। ਇੰਤਜ਼ਾਰ ਕਰਦੇ-ਕਰਦੇ ਉਹ ਸੌਂ ਗਏ। ਤੜਕੇ ਕਰੀਬ ਚਾਰ ਵਜੇ ਉਨ੍ਹਾਂ ਦੀ ਅੱਖ ਖੁੱਲ੍ਹੀ। ਉਸ ਵਕਤ ਤੱਕ ਰਾਜੇਸ਼ ਨਹੀਂ ਆਇਆ ਸੀ। ਇਹ ਦੇਖ ਕੇ ਉਨ੍ਹਾਂ ਨੂੰ ਚਿੰਤਾ ਹੋਣ ਲੱਗੀ। ਰਾਜੇਸ਼ ਦੇ ਨੰਬਰ ਤੇ ਫੋਨ ਕੀਤਾ ਤਾਂ ਉਹ ਬੰਦ ਸੀ। ਉਨ੍ਹਾਂ ਨੇ ਆਪਣੇ ਸਹੁਰਿਆਂ ਨੂੰ ਫੋਨ ਕਰ ਕੇ ਰਾਜੇਸ਼ ਦੇ ਬਾਰੇ ਪੁੱਛਿਆ, ਪਰ ਉਨ੍ਹਾਂ ਨੇ ਉਸ ਦੇ ਉਥੇ ਪਹੁੰਚਣ ਤੋਂ ਇਨਕਾਰ ਕਰ ਦਿੱਤਾ। ਸੁੰਦਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਆਪਣੇ ਬੇਟੇ ਤੋਂ ਰਾਜੇਸ਼ ਦੇ ਮੋਬਾਈਲ ਦੀ ਆਖਰੀ ਲੋਕੇਸ਼ਨ ਕਢਵਾਈ। ਇਹ ਲੋਕੇਸ਼ਨ ਪਿੰਡ ਨਾਰਾਇਣ ਦੇ ਨੇੜੇ ਮਿਲੀ। ਉਹ ਘਰਦਿਆਂ ਨਾਲ ਪਿੰਡ ਨਾਰਾਇਣ ਨੂੰ ਗਏ ਅਤੇ ਤਲਾਸ਼ ਸ਼ੁਰੂ ਕਰ ਦਿੱਤੀ। ਕੁਝ ਦੇਰ ਬਾਅਦ ਉਨ੍ਹਾਂ ਦੀ ਨਜ਼ਰ ਲਿੰਕ ਨਹਿਰ ਵਿੱਚ ਸਵਿਫਟ ਡਿਜ਼ਾਇਰ ਕਾਰ ਉਤੇ ਗਈ। ਕਾਰ ਦਾ ਹੇਠਲਾ ਹਿੱਸਾ ਪਾਣੀ ਵਿੱਚ ਡੁੱਬਿਆ ਸੀ। ਸੂਚਨਾ ਦੇਣਤੇ ਸਮਾਲਖਾ ਪੁਲਸ ਆ ਗਈ। ਪੁਲਸ ਨੇ ਕ੍ਰੇਨ ਦੀ ਮਦਦ ਨਾਲ ਕਾਰ ਨੂੰ ਬਾਹਰ ਕੱਢਿਆ। ਡਰਾਈਵਰ ਸੀਟ `ਤੇ ਸੀਟ ਰਾਜੇਸ਼ ਮ੍ਰਿਤਕ ਹਾਲਤ ਵਿੱਚ ਪਿਆ ਸੀ।

ਕਾਰੋਬਾਰ

ਪ੍ਰਧਾਨ ਮੰਤਰੀ ਮੋਦੀ ਨੇ ਕਹਿ ਦਿੱਤਾ ‘ਕਾਰੋਬਾਰ ਕਰਨਾ ਸਰਕਾਰ ਦਾ ਕੰਮ ਨਹੀ’

Published

on

ਕਈ ਸਰਕਾਰੀ ਕੰਪਨੀਆਂ ਵੇਚਣ ਦੀ ਯੋਜਨਾ ਤਿਆਰ
ਨਵੀਂ ਦਿੱਲੀ, 25 ਫਰਵਰੀ – ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਗੈਰ ਰਣਨੀਤਕ ਖੇਤਰ ਵਿਚਲੀਆਂ ਸਰਕਾਰੀ ਕੰਪਨੀਆਂ ਦੇ ਨਿੱਜੀਕਰਨ ਦੀ ਪੈਰਵੀ ਕਰਦਿਆਂ ਥੋੜ੍ਹੇ ਸ਼ਬਦਾਂ ਵਿੱਚ ਕਿਹਾ ਹੈ ਕਿ ਕਾਰੋਬਾਰ ਕਰਨਾ ਸਰਕਾਰ ਦਾ ਕੰਮ ਨਹੀਂ ਹੈ ਅਤੇ ਸਰਕਾਰ ਘਾਟੇ ਵਿੱਚ ਚੱਲਦੇ ਅਦਾਰਿਆਂ (ਪੀ ਐਸ ਯੂ) ਨੂੰ ਬਚਾਉਣ ਲਈ ਲੋਕਾਂ ਦਾ ਪੈਸਾ ਨਹੀਂ ਖਰਚ ਕਰ ਸਕਦੀ। ਇਸ ਪੈਸੇ ਦਾ ਵਰਤੋਂ ਦੂਸਰੇ ਲੋਕ ਭਲਾਈ ਕਦੇ ਕੰਮਾਂ ਉੱਤੇ ਕੀਤੀ ਜਾ ਸਕਦੀ ਹੈ।
ਨਿਜੀਕਰਨ ਬਾਰ ਨਿਵੇਸ਼ ਅਤੇ ਜਨਤਕ ਪ੍ਰਾਪਰਟੀ ਪ੍ਰਬੰਧ ਵਿਭਾਗ ਵੱਲੋਂ ਕਰਵਾਏ ਵੈਬੀਨਾਰ ਵਿੱਚ ਨਰਿੰਦਰ ਮੋਦੀ ਨੇ ਕਿਹਾ, ‘ਕੰਪਨੀਆਂ ਅਤੇ ਕਾਰੋਬਾਰ ਨੂੰ ਮਦਦ ਦੇਣਾ ਸਰਕਾਰ ਦਾ ਕੰਮ ਹੈ, ਪਰ ਇਹ ਜ਼ਰੂਰੀ ਨਹੀਂ ਹੈ ਕਿ ਸਰਕਾਰ ਖੁਦ ਕੰਪਨੀਆਂ ਖੋਲ੍ਹੇ ਅਤੇ ਉਨ੍ਹਾਂ ਨੂੰ ਚਲਾਏ।’ ਉਨ੍ਹਾ ਨੇ ਕਿਹਾ ਕਿ ਅਸੀਂ ਇੱਕ ਨੈਸ਼ਨਲ ਏਸੈਟ ਮੋਨੇਟਾਈਜੇਸ਼ਨ ਪਾਈਪਲਾਈਨ ਦਾ ਐਲਾਨ ਕੀਤਾ ਹੈ ਅਤੇ ਤੇਲ, ਗੈਸ ਅਤੇ ਊਰਜਾ ਸਮੇਤ ਕਈ ਸੈਕਟਰਾਂ ਵਿੱਚ ਕਰੀਬ 100 ਏਸੈਟਸ ਨੂੰ ਮੋਨੇਟਾਈਜ਼ ਕਰਨ ਦਾ ਟੀਚਾ ਹੈ। ਮੋਦੀ ਨੇ ਕਿਹਾ ਕਿ ਪ੍ਰਾਈਵੇਟ ਸੈਕਟਰ ਦੀ ਭੂਮਿਕਾ ਨਿੱਜੀਕਰਨ ਵਿੱਚ ਹੀ ਨਹੀਂ, ਮਹਾਮਾਰੀ ਦੇ ਦੌਰ ‘ਚੋਂ ਅਰਥਵਿਵਸਥਾ ਨੂੰ ਬਾਹਰ ਕੱਢਣ ਲਈ 111 ਲੱਖ ਕਰੋੜ ਦੀ ਨੈਸ਼ਨਲ ਇਨਫਰਾਸਟ੍ਰਕਚਰ ਪਾਈਪਲਾਈਨ ਵਿੱਚ ਵੀ ਨਿੱਜੀ ਖੇਤਰ ਅਹਿਮ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰੀ ਕੰਪਨੀਆਂ ਵਿੱਚ ਹਿੱਸੇ ਵੇਚ ਕੇ ਮਿਲਿਆ ਪੈਸਾ ਜਲ, ਸਵੱਛਤਾ, ਸਿੱਖਿਆ ਅਤੇ ਸਿਹਤ ਨਾਲ ਜੁੜੀਆਂ ਜਨ ਕਲਿਆਣ ਦੀਆਂ ਯੋਜਨਾਵਾਂ ਵਿੱਚ ਇਸਤੇਮਾਲ ਹੋਵੇਗਾ।
ਇਸ ਮੌਕੇ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਰਕਾਰ ਨੇ ਫਸਲਾਂ ਦੇ ਘੱਟੋ-ਘੱਟ ਸਮਰਥਨ ਮੁੱਲ (ਐਮ ਐਸ ਪੀ) ਵਿੱਚ ਇਤਿਹਾਸਕ ਵਾਧਾ ਕੀਤਾ ਹੈ ਅਤੇ ਕਿਸਾਨਾਂ ਦੀ ਆਮਦਨ ਦੁੱਗਣੀ ਕਰਨ ਲਈ ਹਰ ਸੰਭਵ ਕਦਮ ਚੁੱਕਣ ਨੂੰ ਤਿਆਰ ਹੈ। ਉਨ੍ਹਾਂ ਕਿਹਾ, ‘ਮਿਹਨਤੀ ਕਿਸਾਨਾਂ ਦੇ ਸਨਮਾਨ ਤੇ ਖੁਸ਼ਹਾਲੀ ਲਈ ਦੋ ਸਾਲ ਪਹਿਲਾਂ ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਸ਼ੁਰੂ ਕੀਤੀ ਗਈ ਸੀ। ਕਿਸਾਨਾਂ ਦੀ ਰਾਤ-ਦਿਨ ਦੀ ਮਿਹਨਤ ਨਾਲ ਹੀ ਦੇਸ਼ ਨੂੰ ਭੋਜਨ ਮਿਲਦਾ ਹੈ।’ ਇੱਕ ਦੇ ਬਾਅਦ ਇੱਕ ਟਵੀਟ ਕਰ ਕੇ ਮੋਦੀ ਨੇ ਬਿਹਤਰ ਸਿੰਚਾਈ ਦੀਆਂ ਯੋਜਨਾਵਾਂ ਤੋਂ ਲੈ ਕੇ ਟੈਕਨਾਲੋਜੀ ਨੂੰ ਹੱਲਾਸ਼ੇਰੀ ਦੇਣ ਅਤੇ ਕਿਸਾਨਾਂ ਦੇ ਲਈ ਕਰਜ਼ੇ ਦੀ ਉਪਲਬਧਤਾ ਯਕੀਨੀ ਕਰਨ ਵਰਗੇ ਕਦਮਾਂ ਦਾ ਜ਼ਿਕਰ ਕੀਤਾ।

Read More Latest Indian Political News

Continue Reading

ਕਾਰੋਬਾਰ

ਏਅਰ ਇੰਡੀਆ ਉਤੇ ਤਿੰਨ ਤੇਲ ਕੰਪਨੀਆਂ ਦੇ 3000 ਕਰੋੜ ਰੁਪਏ ਬਕਾਇਆ

Published

on

ਮੁੰਬਈ, 24 ਫਰਵਰੀ – ਸਰਕਾਰੀ ਹਵਾਬਾਜ਼ੀ ਕੰਪਨੀ ਏਅਰ ਇੰਡੀਆ ਉਤੇ ਤਿੰਨ ਤੇਲ ਕੰਪਨੀਆਂ ਦਾ 3000 ਕਰੋੜ ਰੁਪਏ ਦਾ ਬਕਾਇਆ ਹੈ। ਇਹ ਗੱਲ ਇਸ ਮਾਮਲੇ ਨਾਲ ਜੁੜੇ ਦੋ ਲੋਕਾਂ ਨੇ ਦੱਸੀ ਹੈ। ਉਨ੍ਹਾਂ ਵਿੱਚੋਂ ਇੱਕ ਜਾਣਾ ਇੱਕ ਸੂਬੇ ਵੱਲੋਂ ਸੰਚਾਲਿਤ ਤੇਲ ਮਾਰਕੀਟਿੰਗ ਕੰਪਨੀ (ਓ ਐਮ ਸੀ) ਦਾ ਸੀਨੀਅਰ ਅਧਿਕਾਰੀ ਹੈ। ਉਸ ਨੇ ਕਿਹਾ ਕਿ ਕੰਪਨੀ ਉੱਤੇ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਟਿਡ ਦਾ 2,000 ਕਰੋੜ, ਭਾਰਤ ਪੈਟਰੋਲੀਅਮ ਕਾਰਪੋਰੇਸ਼ਨ ਲਿਮਟਿਡ ਅਤੇ ਹਿੰਦੁਸਤਾਨ ਪੈਟਰੋਲੀਅਮ ਲਿਮਟਿਡ ਦਾ 1,000 ਕਰੋੜ ਰੁਪਏ ਦਾ ਬਕਾਇਆ ਹੈ।
ਇਸ ਅਧਿਕਾਰੀ ਨੇ ਕਿਹਾ ਕਿ ਅਸੀਂ ਮਹਾਮਾਰੀ ਦੌਰਾਨ ਵੀ ਏਅਰ ਇੰਡੀਆ ਨੂੰ ਤੇਲ ਦੀ ਸਪਲਾਈ ਕਰਦੇ ਰਹੇ ਹਾਂ। ਓ ਐਮ ਸੀ ਨੇ ਏਅਰ ਇੰਡੀਆ ਨੂੰ ਲਿਖਿਆ ਕਿ ਕੌਮਾਂਤਰੀ ਕੱਚੇ ਤੇਲ ਦੀਆਂ ਵਧਦੀਆਂ ਕੀਮਤਾਂ ਕਾਰਨ ਬਕਾਇਆ ਦਿੱਤਾ ਜਾਵੇ। ਏਅਰ ਇੰਡੀਆ ਓ ਐਮ ਸੀ ਤੋਂ ਰੋਜ਼ 5-6 ਕਰੋੜ ਰੁਪਏ ਦਾ ਤੇਲ ਖਰੀਦਦੀ ਹੈ। ਇਸ ਏਅਰਲਾਈਨ ਨੂੰ ਪਹਿਲਾਂ 90 ਦਿਨ ਦੀ ਕੈ੍ਰਡਿਟ ਲਿਮਿਟ ਦਿੱਤੀ ਗਈ ਸੀ, ਪਰ ਬਕਾਇਆ ਰਾਸ਼ੀ ਵਿੱਚ ਲੰਮੇ ਸਮੇਂ ਦੀ ਦੇਰੀ ਨੇ ਓ ਐਮ ਸੀ ਕੰਪਨੀ ਨੂੰ ਕੈਸ਼-ਐਂਡ-ਕੈਰੀ ਆਧਾਰ ਉੱਤੇਤੇਲ ਲੈਣ ਨੂੰ ਪ੍ਰੇਰਿਤ ਕੀਤਾ।ਏਅਰ ਇੰਡੀਆ ਦੇ ਇੱਕ ਅਧਿਕਾਰੀ ਨੇ ਕਿਹਾ ਕਿ ਏਅਰਲਾਈਨ ਵਿੱਚ ਵਰਕਿੰਗ ਕੈਪੀਟਲ ਦਾ ਕਰੰਚ ਹੈ, ਜਿਸ ਕਾਰਨ ਓ ਐਮ ਸੀ ਲਈ ਪੈਡਿੰਗ ਬਕਾਏ ਦੀ ਦੇਰੀ ਹੋ ਰਹੀ ਹੈ, ਇਸ ਬਕਾਏ ਦਾ ਭੁਗਤਾਨ ਕੀਤਾ ਹੀ ਜਾਏਗਾ। ਇਸ ਤੋਂ ਇਲਾਵਾ ਏਅਰ ਇੰਡੀਆ ਅਤੇ ਓ ਐਮ ਸੀ ਦੋਵੇ ਸਰਕਾਰ ਦੀ ਮਾਲਕੀ ਵਿੱਚ ਹਨ, ਅਜਿਹੀਆਂ ਸਥਿਤੀਆਂ ਨੂੰ ਛੇਤੀ ਹੱਲ ਕਰ ਲਿਆ ਜਾਵੇਗਾ।

Read More Today Exclusive Breaking News

Continue Reading

ਕਾਰੋਬਾਰ

ਬਿਟਕੁਆਇਨ ਮਾਰਕੀਟ ਕੈਪ ਪਹਿਲੀ ਵਾਰ ਟਿ੍ਰਲੀਅਨ ਡਾਲਰ ਤੋਂ ਪਾਰ

Published

on

ਨਵੀਂ ਦਿੱਲੀ, 21 ਫਰਵਰੀ – ਦੁਨੀਆ ਦੀ ਸਭ ਤੋਂ ਵੱਡੀ ਅਤੇ ਲੋਕਪ੍ਰਿਯ ਕ੍ਰਿਪਟੋਕਰੰਸੀ ਬਿਟਕੁਆਇਨ ਨੇ ਏਸ਼ੀਆਈ ਕਾਰੋਬਾਰ ਵਿੱਚ ਇੱਕ ਨਵਾਂ ਰਿਕਾਰਡ ਦਰਜ ਕੀਤਾ ਹੈ। ਬਿਟਕੁਆਇਨ ਦੀ ਕੀਮਤ 56,620 ਡਾਲਰ ਉੱਤੇ ਪਹੁੰਚ ਗਈ ਤੇ ਇਸ ਦਾ ਮਾਰਕੀਟ ਕੈਪ ਪਹਿਲੀ ਵਾਰ ਇੱਕ ਟਿ੍ਰਲੀਅਨ ਡਾਲਰ ਤੋਂ ਪਾਰ ਪਹੁੰਚ ਗਿਆ।
ਬੀਤੇ ਸ਼ੁੱਕਰਵਾਰ ਨੂੰ ਬਿਟਕੁਆਇਨ ਦੀ ਕੀਮਤ ਅੱਠ ਫੀਸਦੀ ਦੀ ਤੇਜ਼ੀ ਨਾਲ 56399.99 ਡਾਲਰ ਉੱਤੇ ਪਹੁੰਚ ਗਈ ਸੀ। ਇਸ ਹਫਤੇ ਇਸ ਵਿੱਚ 14 ਫੀਸਦੀ ਅਤੇ ਇਸ ਮਹੀਨੇ ਹੁਣ ਤੱਕ ਸੱਤਰ ਫੀਸਦੀ ਦਾ ਉਛਾਲ ਆਇਆ ਹੈ।ਲੋਕਪ੍ਰਿਯ ਕ੍ਰਿਪਟੋਕਰੰਸੀ 56,620 ਡਾਲਰ ਦੇ ਰਿਕਾਰਡ ਪੱਧਰ ਉੱਤੇ ਪਹੁੰਚ ਗਈ ਹੈ, ਜਿਸ ਦਾ ਹਫਤਾਵਾਰੀ ਲਾਭ 18 ਫੀਸਦੀ ਹੋ ਗਿਆ। ਇਸ ਸਾਲ ਇਸ ਵਿੱਚ 92 ਫੀਸਦੀ ਤੋਂ ਜ਼ਿਆਦਾ ਵਾਧਾ ਹੋਇਆ ਹੈ। ਬੀਤੇ ਵੀਰਵਾਰ ਕਾਰਡ ਪੇਮੈਂਟ ਕੰਪਨੀ ਮਾਸਟਰਕਾਰਡ ਅਤੇ ਬੈਂਕ ਆਫ ਨਿਊ ਯਾਰਕ ਮੇਲਾਨ ਕਾਰਪ ਨੇ ਐਲਾਨ ਕੀਤਾ ਸੀ ਕਿ ਉਹ ਆਪਣੇ ਗਾਹਕਾਂ ਨੂੰ ਕ੍ਰਿਪਟੋਕਰੰਸੀ ਰਾਹੀਂ ਪੇਮੈਂਟ ਦੀ ਸਹੂਲਤ ਦੇ ਐਲਾਨ ਤੋਂ ਬਾਅਦ ਇਸ ਵਿੱਚ ਜ਼ੋਰਦਾਰ ਤੇਜ਼ੀ ਦੇਖਣ ਨੂੰ ਮਿਲੀ।ਇਸ ਤੋਂ ਪਹਿਲਾਂ ਇਲੈਕਟ੍ਰੋਨਿਕ ਕਾਰ ਬਣਾਉਣ ਵਾਲੀ ਅਮਰੀਕੀ ਕੰਪਨੀ ਟੈਸਲਾ ਵਲੋਂ ਬਿਟਕੁਆਇਨ ਵਿੱਚ ਕਰੀਬ 1.5 ਅਰਬ ਡਾਲਰ ਦੇ ਨਿਵੇਸ਼ ਦੀ ਖਬਰ ਤੋਂ ਬਾਅਦ ਸੋਮਵਾਰ ਨੂੰ ਬਿਟਕੁਆਇਨ ਨਵੇਂ ਉਚ ਪੱਧਰ ਉੱਤੇ ਪਹੁੰਚ ਗਿਆ ਸੀ। ਟੈਸਲਾ ਸਮੇਤ ਕਈ ਕੰਪਨੀਆਂ ਨੇ ਬਿਟਕੁਆਇਨ ਨੂੰ ਡਿਜੀਟਲ ਕਰੰਸੀ ਦੇ ਤੌਰ ਉੱਤੇ ਮਨਜ਼ੂਰੀ ਦੇ ਦਿੱਤੀ ਹੈ।

Continue Reading

ਰੁਝਾਨ


Copyright by IK Soch News powered by InstantWebsites.ca