Ask for Rs 25 lakh for divorce after getting married by declaring a virgin
Connect with us [email protected]

ਅਪਰਾਧ

ਕੁਆਰੀ ਦੱਸ ਕੇ ਵਿਆਹ ਕਰਾਉਣ ਪਿਛੋਂ ਤਲਾਕ ਦੇ 25 ਲੱਖ ਮੰਗੇ

Published

on

divorce

ਫਿਰੋਜ਼ਪੁਰ, 25 ਜਨਵਰੀ – ਜ਼ਿਲ੍ਹਾ ਪਟਿਆਲਾ ਦੇ ਪਿੰਡ ਦਫਤਰੀ ਵਾਲਾ ਦੇ ਇੱਕ ਪਰਵਾਰ ਨੇ ਆਪਣੀ ਵਿਆਹੁਤਾ ਲੜਕੀ ਦਾ ਪਹਿਲਾਂ ਨਾਂਅ ਬਦਲਿਆ, ਫਿਰ ਉਸ ਨੂੰ ਕੁਆਰੀ ਦੱਸ ਕੇ ਫਿਰੋਜ਼ਪੁਰ ਦੇ ਪਿੰਡ ਬੋਘੇਵਾਲਾ ਦੇ ਇੱਕ ਨੌਜਵਾਨ ਨਾਲ ਵਿਆਹ ਕਰਵਾ ਦਿੱਤਾ। ਲੜਕੇ ਵਾਲਿਆਂ ਨੂੰ ਪਤਾ ਲੱਗਾ ਤਾਂ ਲੜਕੀ ਦੇ ਪਰਵਾਰ ਨੇ ਝਗੜਾ ਕਰ ਕੇ ਪਹਿਲਾਂ ਦਿੱਤਾ ਸਾਮਾਨ ਵਾਪਸਲਿਆ ਅਤੇ ਫਿਰ ਤਲਾਕ ਦੇ ਨਾਂਅ ਤੇ 25 ਲੱਖ ਰੁਪਏ ਦੀ ਮੰਗ ਕਰਨ ਲੱਗੇ। ਥਾਣਾ ਜ਼ੀਰਾ ਪੁਲਸ ਨੇ ਪੀੜਤ ਦੀ ਸ਼ਿਕਾਇਤਤੇ ਪਰਵਾਰ ਦੇ ਛੇ ਮੈਂਬਰਾਂ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।
ਸ਼ਿਕਾਇਤਕਰਤਾ ਗੁਰਪ੍ਰੀਤ ਸਿੰਘ ਪੁੱਤਰ ਪਰਮਜੀਤ ਸਿੰਘ ਪਿੰਡ ਬੋਘੇਵਾਲਾ ਨੇ ਪੁਲਸ ਨੂੰ ਦੱਸਿਆ ਕਿ ਉਸ ਦੀ ਪਤਨੀ ਸਰਬਜੀਤ ਕੌਰ ਉਰਫ ਨਮਨਪ੍ਰੀਤ ਕੌਰ ਦਾ ਤਲਾਕ ਹੋ ਚੁੱਕਾ ਹੈ। ਦੋਸ਼ੀ ਭਗਵਾਨ ਸਿੰਘ, ਰਾਜਵਿੰਦਰ ਕੌਰ ਪਤਨੀ ਭਗਵਾਨ ਸਿੰਘ, ਹਰਪਾਲ ਸਿੰਘ ਪੁੱਤਰ ਭਗਵਾਨ ਸਿੰਘ ਵਾਸੀ ਦਫਤਰੀ ਵਾਲਾ ਪਟਿਆਲਾ, ਇੰਦਰਜੀਤ ਸਿੰਘ ਪੁੱਤਰ ਸਤਨਾਮ ਸਿੰਘ ਅਤੇ ਬਲਜੀਤ ਕੌਰ ਪਤਨੀ ਇੰਦਰਜੀਤ ਸਿੰਘ ਪਿੰਡ ਸੋਹਲ ਜ਼ਿਲ੍ਹਾ ਤਰਨ ਤਾਰਨ ਨੇ ਲੜਕੀ ਨੂੰ ਕੁਆਰੀ ਦੱਸ ਕੇ ਉਸ ਦਾ ਵਿਆਹ ਕਰਵਾ ਦਿੱਤਾ। ਵਿਆਹ ਦੇ ਬਾਅਦ ਉਸ ਦੀ ਪਤਨੀ ਉਸ ਦੇ ਨਾਲ ਝਗੜਾ ਕਰਨ ਲੱਗੀ ਅਤੇ ਦੋਸ਼ੀਆਂ ਨਾਲ ਮਿਲ ਕੇ ਘਰ ਵਿੱਚ ਪਏ ਗਹਿਣੇ, ਬੁਲੇਟ ਮੋਟਰ ਸਾਈਕਲ ਲੈ ਗਈ। ਇਸ ਪਿੱਛੋਂ ਉਸ ਦੀ ਪਤਨੀ ਦੋਸ਼ੀਆਂ ਦੇ ਨਾਲ ਮਿਲ ਕੇ ਉਸ ਤੋਂ ਤਲਾਕ ਅਤੇ 25 ਲੱਖ ਰੁਪਏ ਦੀ ਮੰਗ ਕਰ ਰਹੀ ਹੈ।
ਇੱਕ ਹੋਰ ਕੇਸ ਵਿੱਚ ਫਿਰੋਜ਼ਪੁਰ ਦੇ ਹੀ ਪਿੰਡ ਭੂਤੀਵਾਲਾ ਦੇ ਗੁਰਮੀਤ ਸਿੰਘ ਨੂੰ ਅਖਬਾਰ ਵਿੱਚ ਇਸ਼ਤਿਹਾਰ ਦੇਖ ਕੇ ਲੜਕੀ ਨਾਲ ਵਿਆਹ ਕਰਨਾ ਮਹਿੰਗਾ ਪੈ ਗਿਆ। ਵਿਆਹ ਦੇ ਦੋ ਸਾਲ ਬਾਅਦ ਨੌਜਵਾਨ ਨੇ ਜ਼ਮੀਨ ਗਹਿਣੇ ਰੱਖ ਕੇ 20 ਲੱਖ ਰੁਪਏ ਖਰਚ ਕੇ ਪਤਨੀ ਨੂੰ ਵਿਦੇਸ਼ ਭੇਜਿਆ, ਪਰ ਪਤਨੀ ਨੇ ਵਿਦੇਸ਼ ਜਾ ਕੇ ਸਾਥ ਛੱਡ ਦਿੱਤਾ।ਪੁਲਸ ਨੇ ਦੋ ਮਹੀਨੇ ਜਾਂਚ ਦੇ ਬਾਅਦ ਗੁਰਮੀਤ ਦੀ ਪਤਨੀ ਕੁਲਦੀਪ ਕੌਰ, ਉਸ ਦੇ ਪਿਤਾ ਜਗਤਾਰ ਸਿੰਘ ਅਤੇ ਮਾਂ ਪ੍ਰਭਜੋਤ ਕੌਰ ਦੇ ਖਿਲਾਫ ਕੇਸ ਦਰਜ ਕੀਤਾ ਹੈ। ਗੁਰਮੀਤ ਨੇ ਦੱਸਿਆ ਕਿ ਉਹ ਖੇਤੀ ਕਰਦਾ ਹੈ। ਛੇ ਜਨਵਰੀ 2018 ਨੂੰ ਉਸ ਨੇ ਅਖਬਾਰ ਵਿੱਚ ਇਸ਼ਤਿਹਾਰ ਦੇਖਿਆ, ਜਿਸ ਵਿੱਚ ਜਗਤਾਰ ਸਿੰਘ ਨੇ ਦੱਸਿਆ ਸੀ ਕਿ ਉਸ ਦੀ 23 ਸਾਲਾ ਬੇਟੀ ਕੁਲਦੀਪ ਕੌਰ ਨੇ ਨਰਸਿੰਗ ਦਾ ਕੋਰਸ ਤੇ ਆਈਲੈਟਸ ਕੀਤੀ ਹੈ। ਫਿਰ ਰਿਸ਼ਤਾ ਤੈਅ ਹੋਇਆ ਤੇ ਤਿੰਨ ਮਹੀਨੇ ਬਾਅਦ ਵਿਆਹ ਹੋ ਗਿਆ। ਫਿਰ ਪਰਵਾਰ ਨੇ ਚਾਰ ਏਕੜ ਜ਼ਮੀਨ ਗਹਿਣੇ ਰੱਖ ਕੇ ਵੀਹ ਲੱਖ ਰੁਪਏ ਖਰਚ ਕਰ ਕੇ ਕੁਲਦੀਪ ਨੂੰ ਆਸਟਰੇਲੀਆ ਭੇਜ ਦਿੱਤਾ। ਦੋ ਮਹੀਨੇ ਪਹਿਲਾਂ ਕੁਲਦੀਪ ਦਾ ਫੋਨ ਆਉਣਾ ਬੰਦ ਹੋ ਗਿਆ ਤੇ ਉਸ ਨੇ ਰਿਸ਼ਤਾ ਵੀ ਤੋੜ ਲਿਆ।

ਅਪਰਾਧ

ਰੰਜਿਸ਼ ਕਾਰਨ ਗੋਲੀ ਮਾਰ ਕੇ ਨੌਜਵਾਨ ਦੀ ਹੱਤਿਆ

Published

on

pistal

ਬੇਗੋਵਾਲ, 20 ਜੂਨ – ਕਸਬਾ ਬੇਗੋਵਾਲ ਵਿੱਚ ਸਕੂਟਰੀ ਸਵਾਰ ਦੋ ਹਥਿਆਰਬੰਦ ਨੌਜਵਾਨਾਂ ਵੱਲੋਂ ਬੀਤੀ ਰਾਤ ਰੰਜਿਸ਼ ਕਾਰਨ ਇੱਕ ਨੌਜਵਾਨ ਦੀ ਇੱਕ ਨੌਜਵਾਨ ਨੂੰ ਗੋਲੀ ਮਾਰ ਕੇ ਮਾਰ ਦਿਤਾ ਗਿਆ। ਇਸ ਦੀ ਸੂਚਨਾ ਮਿਲਦੇ ਸਾਰ ਥਾਣਾਬੇਗੋਵਾਲ ਦੇ ਮੁਖੀ ਸਬ ਇੰਸਪੈਕਟਰ ਰਮਨ ਕੁਮਾਰ ਮੌਕੇ ਉੱਤੇ ਪੁੱਜੇ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਬੇਗੋਵਾਲ ਪੁਲਸ ਨੇ ਇਸ ਬਾਰੇ ਚਾਰ ਵਿਅਕਤੀਆਂ ਵਿਰੁੱਧ ਕੇਸ ਦਰਜ ਕੀਤਾ ਹੈ।
ਮ੍ਰਿਤਕ ਮੁਕੁਲ (23) ਦੇ ਪਿਤਾ ਅਸ਼ੋਕ ਕੁਮਾਰ ਨੇ ਦੱਸਿਆ ਕਿ ਰਾਤ ਲਗਭਗ ਨੌਂ ਵਜੇ ਮੇਰੇ ਘਰ ਦਾ ਦਰਵਾਜ਼ਾ ਕਿਸੇ ਨੇ ਖੜਕਾਇਆ ਤੇ ਮੈਂ ਬਾਹਰ ਜਾ ਕੇ ਦੇਖਿਆ ਤਾਂ ਚਿੱਟੇ ਰੰਗ ਦੀ ਐਕਟਿਵਾ ਉੱਤੇ ਮੰਗਲ ਸਿੰਘ ਪੁੱਤਰ ਸਰੂਪ ਸਿੰਘ ਵਾਸੀ ਜੱਬੋਵਾਲ, ਦਲਜੀਤ ਸਿੰਘ ਸ਼ੇਰਾ ਵਾਸੀ ਰੱਜਬ ਥਾਣਾ ਕਰਤਾਰਪੁਰ ਖੜ੍ਹੇ ਸਨ, ਜੋ ਮੇਰੇ ਲੜਕੇ ਦੇ ਪਹਿਲੇ ਤੋਂ ਵਾਕਫ ਸਨ। ਉਨ੍ਹਾਂ ਨੇ ਮੇਰੇ ਲੜਕੇ ਮੁਕੁਲ ਬਾਰੇ ਪੁੱਛਿਆ। ਮੈਂ ਦੱਸਿਆ ਕਿ ਉਹ ਗਰਾਊਂਡ ਵਿੱਚ ਖੇਡਣ ਗਿਆ ਹੈ। ਇਸ ਤੋਂ ਕੁਝ ਸਮਾਂ ਬਾਅਦ ਚੜ੍ਹਦੀ ਪੱਤੀਰੌਲਾ ਪੈ ਗਿਆ ਕਿ ਗੋਲੀ ਚੱਲ ਗਈ। ਉਸ ਸਮੇਂ ਮੁਕੁਲ ਦਾ ਦੋਸਤ ਸ਼ਮਸ਼ੇਰ ਸਿੰਘ ਸ਼ੇਰਾ ਮੇਰੇ ਘਰ ਵਿੱਚ ਸੀ, ਜਿਸ ਨੂੰ ਨਾਲ ਲੈ ਕੇ ਗੁਰਦੁਆਰਾ ਸਾਹਿਬ ਕੋਲ ਗਏ ਤਾਂ ਉਥੇ ਬਹੁਤ ਰੌਲਾ ਪਿਆ ਕਿ ਐਕਟਿਵਾ ਸਵਾਰ ਦੋ ਨੌਜਵਾਨ ਤੇ ਹੋਰ ਵਹੀਕਲਾਂ ਉੱਤੇ ਸਵਾਰ ਨੌਜਵਾਨ ਮੁਕੁਲ ਨੂੰ ਮਾਰ ਗਏ ਹਨ। ਜਦੋਂ ਅਸੀਂ ਆਪਣੇ ਲੜਕੇ ਪਾਸ ਪੁੱਜੇ ਤਾਂ ਉਹ ਗੋਲੀ ਲੱਗਣ ਨਾਲ ਤੜਫ ਰਿਹਾ ਸੀ। ਇਸੇ ਦੌਰਾਨ ਮੇਰੇ ਲੜਕੇ ਨੇ ਦੱਸਿਆ ਕਿ ਮੰਗਲ, ਸ਼ੇਰਾ ਤੇ ਲਵਲੀ ਨੇ ਮੇਰੇ ਉੱਤੇ ਗੋਲੀਆਂ ਚਲਾਈਆਂ ਹਨ ਅਤੇ ਕਹਿੰਦੇ ਸਨ ਕਿ ਅਸੀਂ ਇਹ ਕਾਰਾ ਪ੍ਰਿੰਸ ਦੇ ਕਹਿਣ ਉੱਤੇ ਕੀਤਾ ਹੈ। ਉਨ੍ਹਾਂ ਇਹ ਵੀ ਦੱਸਿਆ ਕਿ ਮੇਰੇ ਲੜਕੇ ਨੂੰ ਜ਼ਖਮੀ ਹਾਲਤ ਵਿੱਚ ਸ਼ਮਸੇਰ ਸਿੰਘ ਸ਼ੇਰਾ ਲੈ ਕੇ ਪਹਿਲਾਂ ਬੇਗੋਵਾਲ ਤੇ ਫਿਰ ਜਲੰਧਰ ਲਈ ਗਿਆ, ਪਰ ਭੁਲੱਥ ਦੇ ਨੇੜੇ ਰਸਤੇ ਵਿੱਚ ਉਸ ਦੀ ਮੌਤ ਹੋ ਗਈ। ਇਸ ਬਾਰੇ ਏ ਐਸ ਪੀ ਭੁਲੱਥ ਨੇਦੱਸਿਆ ਕਿ ਚਾਰ ਦੋਸ਼ੀਆਂ ਖਿਲਾਫ ਮਾਮਲਾ ਦਰਜ ਕਰ ਲਿਆ ਗਿਆ ਹੈ ਤੇ ਦੋਸ਼ੀ ਜਲਦੀ ਹੀ ਗ੍ਰਿਫਤਾਰ ਕਰ ਲਏ ਜਾਣਗੇ।

Continue Reading

ਅਪਰਾਧ

ਚਾਕੂ ਦੀ ਨੋਕ ਉਤੇ ਘਰ ਵਿੱਚੋਂ ਦਿਨ ਦਿਹਾੜੇ ਸੋਨੇ-ਚਾਂਦੀ ਦੇ ਗਹਿਣੇ ਤੇ ਨਕਦੀ ਲੁੱਟੀ

Published

on

knife

ਮੰਡੀ ਗੋਬਿੰਦਗੜ੍ਹ, 20 ਜੂਨ – ਗਾਂਧੀ ਨਗਰ ਮੰਡੀ ਗੋਬਿੰਦਗੜ੍ਹ ਦੀ ਸੰਘਣੀ ਆਬਾਦੀ ਵਾਲੇ ਖੇਤਰ ਵਿੱਚ ਕੱਲ੍ਹ ਇੱਕ ਮੋਟਰ ਸਾਈਕਲ ਉੱਤੇ ਸਵਾਰ ਤਿੰਨ ਨੌਜਵਾਨਾਂ ਨੇ ਇੱਕ ਘਰ ਵਿੱਚਤਿੰਨ ਔਰਤਾਂ ਕੋਲੋਂ ਸੋਨੇ ਦੀਆਂ ਦੋ ਚੇਨਾਂ, ਇੱਕ ਚਾਂਦੀ ਦੀ ਚੇਨ, ਇੱਕ ਚਾਂਦੀ ਦਾ ਕੜਾ, ਸੋਨੇ ਦੀਆਂ ਵਾਲੀਆਂ ਤੇ 10 ਹਜ਼ਾਰ ਰੁਪਏ ਨਕਦੀ ਲੁੱਟ ਲਈ।
ਸਰਬਜੀਤ ਕੌਰ (70) ਪਤਨੀ ਜਸਪਾਲ ਸਿੰਘ ਨੇ ਦੱਸਿਆ ਕਿ ਉਸ ਦੀਆਂ ਦੋਹਤੀਆਂ ਲਖਵਿੰਦਰ ਕੌਰ (28) ਪਤਨੀ ਜਸਪਾਲ ਸਿੰਘ ਅਤੇ ਕਿਰਨਜੀਤ ਕੌਰ (24) ਪੁੱਤਰੀ ਕੁਲਦੀਪ ਸਿੰਘ ਆਈਆਂ ਹਨ। ਉਨ੍ਹਾਂ ਦੱਸਿਆ ਕਿ ਦੁਪਹਿਰੇ ਕਰੀਬ 2.15 ਵਜੇ ਇੱਕ ਮੋਟਰ ਸਾਈਕਲ ਉੱਤੇ ਤਿੰਨ ਨੌਜਵਾਨ, ਜਿਨ੍ਹਾਂ ਦੇ ਮੁੰਹ ਢੱਕੇ ਹੋਏ ਸਨ, ਆਏ ਅਤੇ ਦਰਵਾਜ਼ਾ ਖੜਕਾਇਆ। ਦਰਵਾਜ਼ਾ ਖੋਲ੍ਹਣ ਉੱਤੇ ਤਿੰਨੇ ਨੌਜਵਾਨ ਘਰ ਅੰਦਰ ਆ ਗਏ ਤੇ ਉਸ ਦੀ ਗਰਦਨ ਉੱਤੇ ਚਾਕੂ ਰੱਖ ਦਿੱਤਾ। ਉਸ ਦੀਆਂ ਦੋਵੇਂ ਦੋਹਤੀਆਂ ਨੂੰ ਵੀ ਚਾਕੂਆਂ ਦੀ ਨੋਕ ਉੱਤੇ ਬੰਦੀ ਬਣਾ ਕੇ ਉਸ ਕੋਲੋਂ ਅਲਮਾਰੀ ਦੀਆਂ ਚਾਬੀਆਂ ਲੈ ਕੇ ਉਸ ਵਿੱਚ ਰੱਖੇ 10 ਹਜ਼ਾਰ ਰੁਪਏ, ਗੱਲੇ ਵਿੱਚ ਪਈ ਸੋਨੇ ਦੀ ਚੇਨ, ਕੰਨਾਂ ਦੀਆਂ ਵਾਲੀਆਂ, ਦੋਹਤੀ ਦੇ ਗਲੇ ਵਿਚਲੀ ਸੋਨੇ ਦੀ ਚੇਨ ਸਮੇਤ ਦੋ ਸੋਨੇ ਦੀਆਂ ਚੇਨਾਂ, ਇੱਕ ਚਾਂਦੀ ਦੀ ਚੇਨ ਅਤੇ ਇੱਕ ਚਾਂਦੀ ਦਾ ਕੜਾ ਲੁੱਟ ਕੇ ਲੈ ਗਏ। ਉਨ੍ਹਾਂ ਦੱਸਿਆ ਕਿ ਲੁਟੇਰਿਆਂ ਨੇ ਧਮਕੀ ਦਿੱਤੀ ਕਿ ਜੇ ਰੌਲਾ ਪਾਇਆ ਤਾਂ ਜਾਨੋਂ ਮਾਰ ਦਿੱਤਾ ਜਾਵੇਗਾ। ਘਟਨਾ ਦੀ ਸੂਚਨਾ ਮਿਲਦੇ ਸਾਰ ਡੀ ਐਸ ਪੀ ਅਮਲੋਹ ਸੁਖਵਿੰਦਰ ਸਿੰਘ ਘਟਨਾ ਸਥਾਨ ਉੱਤੇ ਪਹੁੰਚ ਗਏ।ਉਨ੍ਹਾਂ ਦੱਸਿਆ ਕਿ ਘਟਨਾ ਦੀਜਾਂਚ ਸੀ ਸੀ ਟੀ ਵੀ ਫੁਟੇਜ ਦੀ ਮਦਦ ਨਾਲ ਕੀਤੀ ਜਾ ਰਹੀ ਹੈ।

Read More Latest Crime News

Continue Reading

ਅਪਰਾਧ

ਨਾਭਾ ਜੇਲ੍ਹ ਵਿੱਚ ਮੋਬਾਈਲ ਸਪਲਾਈ ਕਰਦਾ ਥਾਣੇਦਾਰ ਗ੍ਰਿਫਤਾਰ

Published

on

arrested

ਨਾਭਾ, 20 ਜੂਨ – ਏਥੇ ਬਣੀ ਹੋਈ ਹਾਈ ਸਕਿਓਰਟੀ ਜੇਲ੍ਹ ਲਗਾਤਾਰ ਗੈਰ ਕਾਨੂੰਨੀ ਸਮੱਗਰੀ ਨਸ਼ਾ ਤੇ ਮੋਬਾਈਲ ਮਿਲਣ ਕਾਰਨ ਸੁਰਖੀਆਂ ਵਿੱਚ ਰਹਿੰਦੀ ਹੈ। ਉਸੇ ਜੇਲ੍ਹ ਵਿੱਚ ਸੁਰੱਖਿਆ ਦੀ ਡਿਊਟੀ ਕਰਦੇ ਏ ਐਸ ਆਈ ਗੁਰਜਿੰਦਰ ਸਿੰਘ ਨੂੰ ਪੰਜਾਬ ਪੁਲਸ ਨੇ ਇੱਕ ਕੈਦੀ ਕਰਮਜੀਤ ਸਿੰਘ ਨਾਲ ਮਿਲ ਕੇ ਮੋਬਾਈਲ ਸਪਲਾਈ ਕਰਨ ਦੇ ਜੁਰਮ ਵਿੱਚ ਗ੍ਰਿਫਤਾਰ ਕੀਤਾ ਅਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਡੀ ਐਸ ਪੀ ਨਾਭਾ ਰਾਜੇਸ਼ ਕੁਮਾਰ ਛਿੱਬਰ ਨੇ ਦੱਸਿਆ ਕਿ ਜੇਲ੍ਹ ਸੁਪਰਡੈਂਟ ਨੇ ਅਰਜ਼ੀ ਦਿੱਤੀ ਸੀ ਕਿ ਇੱਕ ਕੈਦੀ ਕਰਮਜੀਤ ਸਿੰਘਨੂੰ ਪਿਛਲੇ ਦਿਨੀਂ ਇੱਕ ਕੇਸ ਬਾਰੇ ਜਦੋਂ ਗ੍ਰਿਫਤਾਰ ਕੀਤਾ ਤਾਂ ਪੁੱਛਗਿੱਛ ਦੌਰਾਨ ਉਸ ਦਾ ਮੋਬਾਈਲ, ਜੋ ਕਰਮਜੀਤ ਕੋਲੋਂ ਫੜਿਆ ਗਿਆ ਸੀ, ਨੂੰ ਫੋਲਣ ਉੱਤੇ ਭੇਦ ਖੁੱਲ੍ਹਾ ਕਿ ਉਸ ਦੀ ਏ ਐੱਸ ਆਈ ਗੁਰਜਿੰਦਰ ਸਿੰਘ ਦੇ ਨਾਲ ਵਾਟਸਐਪ ਉੱਤੇ ਚੈਟ ਚਲਦੀ ਹੈ ਅੇ ਗੁਰਜਿੰਦਰ ਸਿੰਘ ਬਾਹਰੋਂ ਮੋਬਾਈਲ ਲੈ ਕੇ ਕੈਦੀ ਕਰਮਜੀਤ ਨੂੰ ਦਿੰਦਾ ਸੀ, ਜਿਹੜਾ ਅੱਗੇ ਮੋਬਾਈਲ ਸਪਲਾਈ ਕਰਨ ਦਾ ਕੰਮ ਜੇਲ੍ਹ ਅੰਦਰ ਕਰਦਾ ਸੀ। ਗੁਰਜਿੰਦਰ ਸਿੰਘ ਇੱਕ ਮੋਬਾਈਲ ਸਪਲਾਈ ਕਰਨ ਦੇ 10 ਹਜ਼ਾਰ ਰੁਪਏਲੈਂਦਾ ਸੀ। ਕੈਦੀ ਕਰਮਜੀਤ ਸਿੰਘ ਉਤੇ 12 ਦੇ ਕਰੀਬ ਕੇਸਹਨ। ਉਹ ਪਿੰਡ ਬੱਲਮਗੜ੍ਹ ਥਾਣਾ ਸਦਰ ਸਮਾਣਾ ਦਾ ਵਸਨੀਕ ਹੈ। ਗੁਰਜਿੰਦਰ ਸਿੰਘ ਪਿੰਡ ਮੱਲਵਾਲੀਏਵਾਲਾ ਥਾਣਾ ਮੱਲਾਂਵਾਲਾ, ਫਿਰੋਜ਼ਪੁਰ ਦਾ ਵਾਸੀ ਅਤੇ ਫਸਟ ਆਈ ਆਰ ਬੀ ਦਾ ਮੁਲਾਜ਼ਮ ਹੈ। ਦੋਵਾਂ ਨੂੰ ਨਾਭਾ ਕੋਤਵਾਲੀ ਵਿਖੇ ਕੇਸ ਦਰਜ ਕਰ ਕੇ ਗ੍ਰਿਫਤਾਰ ਕਰ ਲਿਆ ਅਤੇ ਅਦਾਲਤਪੇਸ਼ੀ ਮਗਰੋਂ ਕਰਮਜੀਤ ਨੂੰ ਜੇਲ੍ਹ ਭੇਜ ਅਤੇ ਗੁਰਜਿੰਦਰ ਸਿੰਘ ਦਾ ਤਿੰਨ ਦਿਨਾਂ ਦਾ ਪੁਲਸ ਰਿਮਾਂਡ ਹੈ।

Read More Latest Punjabi News

Continue Reading

ਰੁਝਾਨ


Copyright by IK Soch News powered by InstantWebsites.ca