ਰੋਹਤਕ, 13 ਫਰਵਰੀ – ਏਥੋਂ ਦੀ ਦੇਵ ਕਾਲੋਨੀ ਵਿੱਚ ਕੁਸ਼ਤੀ ਅਖਾੜੇ ਤੋਂ ਸ਼ੁਰੂ ਹੋਈ ਪੁਰਾਣੀ ਰੰਜਿਸ਼ ਕਾਰਨ ਗੈਂਗਵਾਰ ਵਿੱਚ ਦੋ ਔਰਤਾਂ ਅਤੇ ਪੰਜ ਪਹਿਲਵਾਨਾਂ ਦੀ ਮੌਤ ਹੋ ਗਈ ਹੈ। ਕੱਲ੍ਹ ਸ਼ਾਮ ਪੌਣੇ ਨੌਂ ਵਜੇ ਹਮਲਾਵਰ ਕੋਚ ਨੇ ਜਿਮਨੇਜ਼ੀਅਮ ਹਾਲ ਵਿੱਚ ਵੜ ਕੇ ਨੈਸ਼ਨਲ ਖ਼ਿਡਾਰੀ ਅਤੇ ਕੋਚ ਜੋੜੇ ਉੱਤੇ ਗੋਲੀਆਂ ਚਲਾ ਦਿੱਤੀਆਂ। ਇਸ ਕਾਰਨ ਬਚਾਅ ਨੂੰ ਆਏ ਪੰਜ ਪਹਿਲਵਾਨਾਂ ਦੀ ਮੌਤ ਹੋ ਗਈ ਅਤੇ ਦੋ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਜ਼ਖਮੀਆਂ ਵਿੱਚ ਇੱਕ ਤਿੰਨ ਸਾਲ ਦਾ ਬੱਚਾ ਵੀ ਹਨ। ਪੁਲਸ ਮੁੱਖ ਦੋਸ਼ੀ ਕੋਚ ਸੁਖਵਿੰਦਰ ਦੀ ਤਲਾਸ਼ ਕਰ ਰਹੀ ਹੈ।
ਐਸ ਪੀ ਰਾਹੁਲ ਸ਼ਰਮਾ ਨੇ ਦੱਸਿਆਾ ਕਿ ਮ੍ਰਿਤਕਾਂ ਵਿੱਚ ਕੋਚ ਮਨੋਜ,ਉਸ ਦੀ ਪਤਨੀ ਸਾਸ਼ੀ ਨਿਵਾਸੀ ਸੁਰਗਥਲ ਸੋਨੀਪਤ, ਸਤੀਸ਼ ਦਲਾਲ ਨਿਵਾਸੀ ਮਾਂਡੌਠੀ, ਪੂਜਾ ਨਿਵਾਸੀ ਮਥੂਰਾ ਯੂਪੀ, ਪ੍ਰਦੀਪ ਮਲਿਕ ਉਰਫ ਫੌਜੀ ਨਿਵਾਸੀ ਮੋਖਰਾ ਦੇ ਨਾਮ ਸ਼ਾਮਲ ਹਨ। ਮ੍ਰਿਤਕ ਜੋੜੇ ਦੇ ਤਿੰਨ ਸਾਲ ਬੇਟੇ ਸਰਤਾਜ ਦੀ ਹਾਲਤ ਨਾਜੁਕ ਹੈ।ਪੀ ਜੀ ਆਈ ਰੋਹਤਕ ਦੇ ਅਧਿਕਾਰੀਆਂ ਨੇ ਦੱਸਿਆ ਕਿ ਇਸ ਗੋਲੀਕਾਂਡ ਵਿੱਚ ਜ਼ਖ਼ਮੀ ਪੰਜ ਲੋਕ ਰਾਤ ਸਾਢੇ ਨੌਂ ਵਜੇ ਤੱਕ ਟ੍ਰਾਮਾ ਸੇਂਟਰ ਵਿੱਚ ਆ ਗਏ, ਪਰ ਡਾਕਟਰਾਂ ਨੇ ਸਾਰਿਆਂ ਨੂੰ ਮ੍ਰਿਤ ਐਲਾਨ ਕਰ ਦਿੱਤਾ ਹੈ। ਗੰਭੀਰ ਜ਼ਖ਼ਮੀ ਤਿੰਨ ਸਾਲ ਬੱਚੇ ਨੂੰ ਪੀਕੂ ਵਾਰਡ ਵਿੱਚ ਵੇਂਟੀਲੇਟਰ ਉੱਤੇ ਭਰਤੀ ਕਰਵਾਇਆ ਗਿਆ ਹੈ। ਇਸ ਦੇ ਇਲਾਵਾ ਇੱਕ ਪਹਿਲਵਾਨ ਅਮਰਜੀਤ ਦੀ ਹਾਲਤ ਵੀ ਗੰਭੀਰ ਬਣੀ ਹੈ, ਜਿਸ ਉੱਤੇ ਡਾਕਟਰਾਂ ਦੀ ਟੀਮ ਨਜ਼ਰ ਰੱਖ ਰਹੀ ਹੈ।