ਅੱਜ-ਨਾਮਾ

ਅੱਜ-ਨਾਮਾ-ਦਸੰਬਰ 29, 2020

Published

3 weeks ago

December 29, 2020

ਨਾਜਰ ਸਿੰਘ ਨੇ ਕਿਹਾ ਕੁਲਵੰਤ ਸਿਹੁੰ ਨੂੰ,
ਹਾਮੀ ਸਰਕਾਰ ਨੇ ਬੈਠਕ ਦੀ ਭਰੀ ਬੇਲੀ।
ਬਦਨਾਮੀ ਸਾਰੇ ਸੰਸਾਰ ਵਿੱਚ ਹੋਣ ਮਗਰੋਂ,
ਸੁਣਿਆ ਗਿਆ ਸਰਕਾਰ ਕੁਝ ਡਰੀ ਬੇਲੀ।
ਫਿਰ ਵੀ ਅੰਦਰੋਂ ਕੌੜ ਨਾ ਗਈ ਦਿੱਸਦੀ,
ਜੜ੍ਹ ਜ਼ਹਿਰ ਵਾਲੀ ਓਦਾਂ ਈ ਹਰੀ ਬੇਲੀ।
ਜਿਹੜੀ ਲਿਖੀ ਕਿਰਸਾਨਾਂ ਨੇ ਮਿਤੀ ਹੈਸੀ,
ਇੱਕ ਦਿਨ ਓਸ ਤੋਂ ਅੱਗੇ ਦੀ ਕਰੀ ਬੇਲੀ।
ਮਿਤੀ ਬਦਲਣ ਦੀ ਨਿਰੀ ਨਹੀਂ ਬਾਤ ਬੇਲੀ,
ਦਿੱਸਦੀ ਇਹਦੇ `ਚੋਂ ਅਸਲ ਆ ਗੱਲ ਬੇਲੀ।
ਮੰਨਦੀ ਦਿੱਸੇ ਸਰਕਾਰ ਨਹੀਂ ਅਸਲੀ ਮੰਗਾਂ,
ਲਾਹੁੰਦੀ ਰਹਿਣਾ ਫਿਰ ਵਾਲ ਦੀ ਖੱਲ ਬੇਲੀ।
-ਤੀਸ ਮਾਰ ਖਾਂ

Click Here To Read Latest Punjabi Poetry

Related Topics:Ajj nama daily politics poetry in punjabi.Ik Soch Punjabi iksochnews

Up Next

ਅੱਜ-ਨਾਮਾ-ਦਸੰਬਰ 30, 2020

Don't Miss

ਅੱਜ-ਨਾਮਾ-ਦਸੰਬਰ 27, 2020

Click to comment

ਅੱਜ-ਨਾਮਾ

ਅੱਜ-ਨਾਮਾ-ਜਨਵਰੀ 18, 2021

Published

11 hours ago

January 18, 2021

AP News Report

ਚੁੱਕੀਏ ਕਲਮ ਤਾਂ ਲਿਖਣ ਨੂੰ ਕੀ ਲਿਖੀਏ,
ਲਿਖਣੋਂ ਕਲਮ ਵੀ ਕਦਮ ਅਟਕਾਏ ਬੇਲੀ।
ਰੁਲਦਾ ਫਿਰਦਾ ਈ ਮੁਲਕ ਦਾ ਅੰਨ-ਦਾਤਾ,
ਉਹਦੀ ਸੁਣੀ ਫਰਿਆਦ ਨਹੀਂ ਜਾਏ ਬੇਲੀ।
ਪੈਲੀਆਂ ਛੱਡ ਉਹ ਦਿੱਲੀ ਦੇ ਬਾਹਰ ਬੈਠਾ,
ਦਿੱਲੀ ਅਜੇ ਤੱਕ ਤਰਸ ਨਹੀਂ ਖਾਏ ਬੇਲੀ।
ਘੋਗਲ ਕੰਨੀ ਜਿਹੀ ਬਣੀ ਸਰਕਾਰ ਲੱਗਦੀ,
ਅਸਲੀਅਤ ਨਾਲ ਨਾ ਨਜ਼ਰ ਮਿਲਾਏ ਬੇਲੀ।
ਲੰਮੀਆਂ ਤਾਣ ਕੇ ਸੁੱਤਾ ਪਿਆ ਲੋਕਤੰਤਰ,
ਬਣਿਆ ਚਾਕਰ ਆ ਵੱਡੇ ਘਰਾਣਿਆਂ ਦਾ।
ਹੋ ਗਏ ਕਾਬੂ ਤੋਂ ਬਾਹਰ ਹਾਲਾਤ ਜਿੱਦਣ,
ਆਖਿਆ ਆਊਗਾ ਯਾਦ ਸਿਆਣਿਆਂ ਦਾ।

ਤੀਸ ਮਾਰ ਖਾਂ

ਅੱਜ-ਨਾਮਾ- ਜਨਵਰੀ 17, 2021

Published

1 day ago

January 17, 2021

AP News Report

ਲੱਗਣਾ ਟੀਕਾ ਕੋਰੋਨਾ ਦਾ ਸ਼ੁਰੂ ਹੋਇਆ,
ਚੰਗਾ ਕੋਈ ਤੇ ਮਾੜਾ ਕੋਈ ਕਹੇ ਮੀਆਂ।
ਟਿਪਣੀ ਕਰਨ ਦੇ ਆਦੀ ਨੇ ਬਹੁਤ ਸਾਰੇ,
ਹੁੱਝਾਂ ਮਾਰਨ ਤੋਂ ਕੋਈ ਨਹੀਂ ਰਹੇ ਮੀਆਂ।
ਯੱਕੜ ਮਾਰ ਕੇ ਕੋਈ ਜਾਂ ਨਿਕਲ ਜਾਂਦਾ,
ਸਾਰਾ ਪਿੰਡ ਫਿਰ ਓਧਰ ਨੂੰ ਵਹੇ ਮੀਆਂ।
ਹੁੰਦਾ ਚੋਭ ਦੇ ਹਸ਼ਰ ਦਾ ਫਿਕਰ ਨਹੀਉਂ,
ਭਾਵੇਂ ਗੱਡੀ ਵੀ ਲੀਹੋਂ ਪਈ ਲਹੇ ਮੀਆਂ।
ਕਹਿੰਦਾ ਅਕਲ ਦੀ ਜਦੋਂ ਵੀ ਗੱਲ ਕੋਈ,
ਕਰਦੇ ਬਾਹਲੇ ਨਾ ਲੋਕ ਆ ਗੌਰ ਮੀਆਂ।
ਲੱਭਿਆ ਮਸਾਂ ਇਲਾਜ ਤਾਂ ਹੋਣ ਦੇਈਏ,
ਚੱਲਦਾ ਐਵੇਂ ਅਫਵਾਹ ਦਾ ਦੌਰ ਮੀਆਂ।

ਤੀਸ ਮਾਰ ਖਾਂ

ਅੱਜ-ਨਾਮਾ-ਜਨਵਰੀ 16 2021

Published

2 days ago

January 16, 2021

AP News Report

ਲੜਦੇ ਹੱਕਾਂ ਲਈ ਪਏ ਕਿਰਸਾਨ ਦਿੱਲੀ,
ਲੱਗਦੀ ਕਿਸੇ ਵੀ ਬੰਨੇ ਨਹੀਂ ਬਾਤ ਬੇਲੀ।
ਕਰਦੀ ਬੈਠਕ ਸਰਕਾਰ ਆ ਰਸਮ ਵਾਂਗੂੰ,
ਮੁੱਕਦਿਆਂ ਤੱਕ ਹੋ ਜਾਂਦੀ ਹੈ ਰਾਤ ਬੇਲੀ।
ਸੱਜੇ-ਖੱਬੇ ਦੀਆਂ ਮੰਤਰੀਪਾਉਣ ਬਾਤਾਂ,
ਗੱਲੀਂ ਖਾਣੀ ਕਿਸਾਨਾਂ ਨਹੀਂ ਮਾਤ ਬੇਲੀ।
ਨਿਕਲਦਾ ਕਦੇ ਨਾ ਕੱਖ ਵੀ ਮੀਟਿਗਾਂਚੋਂ, ਹੋਈਆਂ ਬੈਠਕਾਂ ਤੇ ਪਾ ਲਓ ਝਾਤ ਬੇਲੀ।
ਲੋਕ ਸੋਚ ਰਹੇ ਮੰਗ ਜਦ ਮੰਨਣੀ ਨਹੀਂ,
ਬੈਠਕਾਂ ਬਾਰੇ ਸਰਕਾਰ ਕੀ ਸੋਚਦੀ ਆ।
ਲੱਗੇ ਏਦਾਂ ਕਿ ਗੱਲੀਂ ਕਿਰਸਾਨ ਲਾ ਕੇ,
ਗੁੱਝੀ ਚਾਲਜਿਹੀ ਚੱਲਣੀ ਲੋਚਦੀ ਆ।