Ajj Nama November -7-2020 | Punjabi Poetry | Ik soch Punjabi
Connect with us [email protected]

ਅੱਜ-ਨਾਮਾ

ਅੱਜ-ਨਾਮਾ-ਨਵੰਬਰ 07, 2020

Published

on

ajjnama

ਚੱਲਣ ਲੱਗੀਆਂ ਰੇਲਾਂ ਫਿਰ ਰੁਕ ਗਈਆਂ,
ਬਿੱਲੀ ਰਾਹ ਫਿਰ ਗਈ ਕੋਈ ਕੱਟ ਬੇਲੀ।
ਸੁਣਦੀ ਨਹੀਂ ਸਰਕਾਰ ਕੋਈ ਚੀਕ ਬੇਲੀ,
ਰੁਲ ਗਏ ਧਰਨਿਆਂ ਵਿੱਚ ਨੇ ਜੱਟ ਬੇਲੀ।
ਕਣਕਾਂ ਬੀਜਣ ਨੂੰ ਵੱਤਰ ਜ਼ਮੀਨ ਓਧਰ,
ਪਾਸਾ ਘੋਲਾਂ ਤੋਂ ਸਕਣ ਨਹੀਂ ਵੱਟ ਬੇਲੀ।
ਹੋਈ ਡਾਢੀ ਬੇਰਹਿਮ ਸਰਕਾਰ ਦਿੱਸਦੀ,
ਮਾਰਦੀ ਪਈ ਉਹ ਸੱਟ ‘ਤੇ ਸੱਟ ਬੇਲੀ।
ਉਂਜ ਤੇ ਆਖਣ ਕਿਸਾਨਾਂ ਨੂੰ ਅੰਨ-ਦਾਤੇ,
ਬੁਰਾ ਨੰਗਾਂ ਤੋਂ ਕੀਤਾ ਪਿਆ ਹਾਲ ਬੇਲੀ।
ਮਿਹਣੇ-ਚੋਭਾਂ ਵੀ ਲਾਏ ਨੇ ਬਹੁਤ ਜਾਂਦੇ,
ਦਿੱਤਾ ਕਿਰਸਾਨ ਨੂੰ ਆਖ ਦਲਾਲ ਬੇਲੀ।
-ਤੀਸ ਮਾਰ ਖਾਂ

Continue Reading
Click to comment

Leave a Reply

Your email address will not be published. Required fields are marked *

ਅੱਜ-ਨਾਮਾ

ਅੱਜ-ਨਾਮਾ-ਨਵੰਬਰ 29 2020

Published

on

ajjnama

ਕਰ ਲਈ ਅੜੀ ਕਿਸਾਨਾਂ ਨੇ ਪਹੁੰਚ ਦਿੱਲੀ,
ਬਹਿਣਾ ਮੱਲ ਕੇ ਅਸੀਂ ਆ ਸੜਕ ਮਿੱਤਰ।
ਮਾਰਿਆ ਦਾਬਾ ਸਰਕਾਰਾਂ ਦਾ ਝੱਲਣਾ ਨਹੀਂ,
ਅੱਗਿਓਂ ਅਸੀਂ ਵੀ ਮਾਰਾਂਗੇ ਬੜ੍ਹਕ ਮਿੱਤਰ।
ਸਰਦੀ ਵਾਲਾ ਨਾ ਸਹਿਮ ਬਰਸਾਤ ਦਾ ਹੀ,
ਬਿਜਲੀ ਕੜਕਦੀ ਤਾਂ ਪਵੇ ਕੜਕ ਮਿੱਤਰ।
ਕੁੱਟਣ-ਲੁੱਟਣ ਸਰਕਾਰ ਦਾ ਸੌਂਕ ਬਣਿਆ,
ਕੱਢਣੀ ਸਾਰੀ ਹੈ ਰਹਿੰਦੜੀ ਰੜਕ ਮਿੱਤਰ।
ਪੈਂਤੜਾ ਲਿਆ ਸਰਕਾਰ ਵੀ ਬਦਲ ਓਧਰ,
ਅਮਿਤ ਸ਼ਾਹ ਨੂੰ ਦਿੱਤੀ ਆ ਵਾਗ ਮਿੱਤਰ।
ਭਾਰਤ ਭਾਗ ਵਿਧਾਤਾ ਸੀਬੜਾ ਗਾਇਆ,
ਦਾਅ’ਤੇ ਜਾਪਦੇ ਭਾਰਤ ਦੇ ਭਾਗ ਮਿੱਤਰ।
ਤੀਸ ਮਾਰ ਖਾਂ

Click Here To Read Latest Punjabi Poetry

Continue Reading

ਅੱਜ-ਨਾਮਾ

ਅੱਜ-ਨਾਮਾ-ਨਵੰਬਰ 28, 2020

Published

on

ajjnama

ਲੌਂਗੋਵਾਲ ਦੀ ਗੁੱਡੀ ਗਈ ਅੱਜ ਕੱਟੀ,
ਅਹੁਦਾ ਲਿਆ ਹੈ ਮੱਲ ਜਗੀਰ ਬੀਬੀ।
ਚੋਖੇ ਚਿਰਾਂ ਤੋਂ ਦੂਰ ਰਹੀ ਲੀਡਰੀ ਤੋਂ,
ਸੀ ਉਡੀਕਦੀ ਬੈਠੀ ਤਕਦੀਰ ਬੀਬੀ।
ਗੱਲ ਅੰਦਰਲੀ ਕਿਸੇ ਨਾ ਬਾਹਰ ਕੱਢੀ,
ਕਿੰਜ ਘੜੀ ਹੈ ਆਪ ਤਦਬੀਰ ਬੀਬੀ।
ਬਾਤ ਦਾਅ ਜਾਂ ਪੇਚ ਦੀ ਰਹੀ ਕਿਧਰੇ,
ਲੀਡਰ ਪੰਥ ਦੀ ਬਣੀ ਅਖੀਰ ਬੀਬੀ।
ਪਿਛਲਾ ਸਮਾਂ ਨਾ ਕਿਸੇ ਨੂੰ ਯਾਦ ਆਵੇ,
ਰਹਿੰਦਾਯਾਦ ਹੈ ਮਸਾਂ ਹੀ ਅੱਜਭਾਈ।
ਲੌਂਗੋਵਾਲ ਦੀ ਗੁੱਡੀ ਗਈ ਅੱਜ ਕੱਟੀ,
ਡੰਕਾ ਬੀਬੀ ਦਾ ਗਿਆ ਹੈ ਵੱਜ ਭਾਈ।
-ਤੀਸ ਮਾਰ ਖਾਂ

Click Here To Read Latest Punjabi Poetry

Continue Reading

ਅੱਜ-ਨਾਮਾ

ਅੱਜ-ਨਾਮਾ-ਨਵੰਬਰ 27 2020

Published

on

ajjnama

ਸਾਰੇ ਈ ਰਾਹ ਜਦ ਦਿੱਲੀ ਨੂੰ ਵਹਿਣ ਲੱਗੇ,
ਸਰਕਾਰ ਹੋਈ ਹਰਿਆਣੇ ਦੀ ਗਰਮ ਬੇਲੀ।
ਚਾੜ੍ਹ’ਤੇ ਲਸ਼ਕਰ ਕਿਸਾਨਾਂ ਨੂੰ ਘੇਰਨੇ ਲਈ,
ਖਿਝਿਆ ਪਿਆ ਕਿਸਾਨ ਨਹੀਂ ਨਰਮ ਬੇਲੀ।
ਚੱਲ ਰਹੀ ਡਾਂਗ ਪਈ ਅੱਥਰੂ ਗੈਸ ਵਰ੍ਹਦੀ,
ਕਰਦੀ ਨਹੀਂ ਸਰਕਾਰ ਕੋਈ ਸ਼ਰਮ ਬੇਲੀ।
ਲੋਕਤੰਤਰ ਵਿੱਚ ਲੋਕ ਕੁੱਟਵਾਏ ਮੁੜ-ਮੁੜ,
ਸਿਰ ਵਿੱਚ ਹਊਮੈ ਦਾ ਚੰਦਰਾ ਜਰਮ ਬੇਲੀ।
ਅੱਜ ਤੇ ਫਿਕਰ ਨਹੀਂ ਜਾਪਦਾ ਹਾਕਮਾਂ ਨੂੰ,
ਦਿੱਤੀਆਂ ਪਲਟਣਾਂ ਉਹਨੇ ਆ ਝੋਕ ਬੇਲੀ।
ਅਗਲੀ ਚੋਣ ਜਦ ਆਈ ਤਾਂ ਸਮਝ ਆਊ,
ਭਾਜੀਆਂ ਮੋੜਨਗੇ ਓਦੋਂ ਇਹ ਲੋਕ ਬੇਲੀ।
-ਤੀਸ ਮਾਰ ਖਾਂ

Read More Latest Punjab Poetry

Continue Reading

ਰੁਝਾਨ