Ajj Nama November-12-2020 | Latest Punjabi Poetry
Connect with us [email protected]

ਅੱਜ-ਨਾਮਾ

ਅੱਜ-ਨਾਮਾ-ਨਵੰਬਰ 12, 2020

Published

on

ajjnama

ਸੰਨੀ ਦਿਉਲ ਵੀ ਆਖਰ ਵਿੱਚ ਚੁੱਪ ਤੋੜੀ,
ਚਿੱਠੀ ਲਿਖੀ, ਅਮਰਿੰਦਰ ਨੂੰ ਪਾਈ ਮੀਆਂ।
ਗੱਡੀਆਂ ਰੇਲ ਉਹ ਆਖਦਾ ਬੰਦ ਹੋਈਆਂ,
ਬੜੀ ਮੁਸ਼ਕਲ ਦੇ ਵਿੱਚ ਸਪਲਾਈ ਮੀਆਂ।
ਰੇਲਵੇ ਲਾਈਨਾਂ ਨੂੰ ਛੇਤੀ ਕਰਵਾਉ ਖਾਲੀ,
ਤਾਂ ਹੀ ਚੱਲ ਸਕਦੀ ਆਵਾ-ਜਾਈ ਮੀਆਂ।
ਮਹੀਨੇ ਦੋ ਨਾ ਕਿਤੇ ਉਹ ਨਜ਼ਰ ਆਇਆ,
ਕਿਧਰੇ ਦਿੱਤੀ ਨਹੀਂ ਓਸ ਦਿਖਾਈ ਮੀਆਂ।
ਬੋਲਿਆ ਜਦੋਂ ਪੰਜਾਬ ਲਈ ਬੋਲਿਆ ਨਹੀਂ,
ਭਾਜਪਾ ਵਾਲੀ ਸਭ ਬਾਤ ਦੁਹਰਾਈ ਮੀਆਂ।
ਜਿਹੜੇ ਲੋਕਾਂ ਨੇ ਬਖਸ਼ੀ ਸੀ ਜਿੱਤ ਉਸ ਨੂੰ,
ਔਕੜ ਉਨ੍ਹਾਂ ਦੀ ਯਾਦ ਨਹੀਂ ਆਈ ਮੀਆਂ।
-ਤੀਸ ਮਾਰ ਖਾਂ

Click Here To Read Punjabi Poetry

ਅੱਜ-ਨਾਮਾ

ਅੱਜ-ਨਾਮਾ-ਦਸੰਬਰ 02, 2020

Published

on

ajjnama

ਸੱਦਿਆ ਜਦੋਂ ਸਰਕਾਰ ਨੇ ਵਾਰਤਾ ਲਈ,
ਕਈਆਂ ਲੋਕਾਂ ਨੇ ਲਾਈ ਸੀ ਆਸ ਮੀਆਂ।
ਜਿੱਦਾਂ ਕਾਹਲੀ ਦੇ ਵਿੱਚ ਬੁਲਾਈ ਬੈਠਕ,
ਇਰਾਦਾ ਜਾਪਦਾ ਸਾਫ ਸੀ ਖਾਸ ਮੀਆਂ।
ਚੱਲ ਕੇ ਗਏ ਕਿਰਸਾਨ ਤਾਂ ਪਰਤ ਆਏ,
ਕੀਤੀ ਆਸ ਨਾ ਆਈ ਆ ਰਾਸ ਮੀਆਂ।
ਪਹੁੰਚੇ ਮੰਤਰੀ ਜਿਹੜੇ ਸਰਕਾਰ ਤਰਫੋਂ,
ਵੱਡੇ ਸਾਹਬ ਦੇ ਸਿਰਫ ਨੇ ਦਾਸ ਮੀਆਂ।
ਪੱਲੇ ਜਿਨ੍ਹਾਂਵਜ਼ੀਰਾਂ ਦੇ ਆਪ ਕੁਝ ਨਹੀਂ,
ਵੇਲਾ ਟਾਲਣ ਨੂੰ ਗਏ ਭਿਜਵਾਏ ਮੀਆਂ।
ਰਾਜਨਾਥ ਜਾਂ ਅਮਿਤ ਸ਼ਾਹ ਸੱਦ ਬੈਠਕ,
ਬੈਠਕਕਰਨ ਨੂੰ ਆਪਨਾ ਆਏ ਮੀਆਂ।
ਤੀਸ ਮਾਰ ਖਾਂ

Click Here To Read Latest Punjabi Poetry

Continue Reading

ਅੱਜ-ਨਾਮਾ

ਅੱਜ-ਨਾਮਾ-ਦਸੰਬਰ 01 2020

Published

on

ajjnama

ਸੱਦੀ ਕੇਂਦਰ ਨੇ ਸੁਣੀ ਆ ਫੇਰ ਮੀਟਿੰਗ,
ਖੇਤੀ ਬਿੱਲਾਂ’ਤੇ ਕਰਨ ਲਈ ਗੌਰ ਬੇਲੀ।
ਪਹਿਲਾਂ ਸੱਦੀਆਂ ਕੀਤੀਆਂ ਮੀਟਿਗਾਂ ਸੀ,
ਖਾਲੀ ਓਦੋਂ ਪਰ ਗਿਆ ਉਹ ਦੌਰ ਬੇਲੀ।
ਮੀਟਿੰਗ ਸੱਦੀ ਤੋਂ ਜਦੋਂ ਸਭ ਬੈਠਦੇ ਈ,
ਹੁੰਦਾ ਈ ਨਵਾਂ ਸਰਕਾਰ ਦਾ ਤੌਰ ਬੇਲੀ।
ਬਿਨਾਂ ਸਿੱਟੇ ਤੋਂ ਪੈਂਦਾ ਜਦ ਪਰਤਣਾ ਤਾਂ,
ਹਰ ਕੋਈ ਹੋਈ ਜਾਂਦਾ ਡੌਰ-ਭੌਰ ਬੇਲੀ।
ਮੀਟਿੰਗ ਫੇਰ ਹੈ ਸੱਦੀ, ਪਰ ਆਸ ਨਾਹੀਂ,
ਸਿੱਟੇ ਕਿਸੇ ‘ਤੇ ਪਹੁੰਚ ਜਾਊ ਗੱਲ ਬੇਲੀ।
ਮੋਦੀ ਭਾਸ਼ਣ ਹੀ ਉਲਟ ਆ ਕਰੀ ਜਾਂਦਾ,
ਕੱਢਿਆ ਜਾਵੇਗਾ ਕਿਵੇਂ ਕੁਝ ਹੱਲ ਬੇਲੀ।
-ਤੀਸ ਮਾਰ ਖਾਂ

Click Here To Read Punjabi Poetry 2020

Continue Reading

ਅੱਜ-ਨਾਮਾ

ਅੱਜ-ਨਾਮਾ-ਨਵੰਬਰ 29 2020

Published

on

ajjnama

ਕਰ ਲਈ ਅੜੀ ਕਿਸਾਨਾਂ ਨੇ ਪਹੁੰਚ ਦਿੱਲੀ,
ਬਹਿਣਾ ਮੱਲ ਕੇ ਅਸੀਂ ਆ ਸੜਕ ਮਿੱਤਰ।
ਮਾਰਿਆ ਦਾਬਾ ਸਰਕਾਰਾਂ ਦਾ ਝੱਲਣਾ ਨਹੀਂ,
ਅੱਗਿਓਂ ਅਸੀਂ ਵੀ ਮਾਰਾਂਗੇ ਬੜ੍ਹਕ ਮਿੱਤਰ।
ਸਰਦੀ ਵਾਲਾ ਨਾ ਸਹਿਮ ਬਰਸਾਤ ਦਾ ਹੀ,
ਬਿਜਲੀ ਕੜਕਦੀ ਤਾਂ ਪਵੇ ਕੜਕ ਮਿੱਤਰ।
ਕੁੱਟਣ-ਲੁੱਟਣ ਸਰਕਾਰ ਦਾ ਸੌਂਕ ਬਣਿਆ,
ਕੱਢਣੀ ਸਾਰੀ ਹੈ ਰਹਿੰਦੜੀ ਰੜਕ ਮਿੱਤਰ।
ਪੈਂਤੜਾ ਲਿਆ ਸਰਕਾਰ ਵੀ ਬਦਲ ਓਧਰ,
ਅਮਿਤ ਸ਼ਾਹ ਨੂੰ ਦਿੱਤੀ ਆ ਵਾਗ ਮਿੱਤਰ।
ਭਾਰਤ ਭਾਗ ਵਿਧਾਤਾ ਸੀਬੜਾ ਗਾਇਆ,
ਦਾਅ’ਤੇ ਜਾਪਦੇ ਭਾਰਤ ਦੇ ਭਾਗ ਮਿੱਤਰ।
ਤੀਸ ਮਾਰ ਖਾਂ

Click Here To Read Latest Punjabi Poetry

Continue Reading

ਰੁਝਾਨ