Ajj Nama May -16- 2021 | Latest Punjabi Poetry | Ik Soch
Connect with us [email protected]

ਅੱਜ-ਨਾਮਾ

ਅੱਜ-ਨਾਮਾ-16 ਮਈ 2021

Published

on

ajjnama

ਸੁਣਿਆ ਬਾਹਲੀ ਸ਼ੈਤਾਨ ਆ ਰਾਜਨੀਤੀ,
ਮੁੱਦਾ ਨਿੱਤ ਕੁਝ ਨਵਾਂ ਜਿਹਾ ਫੜੇ ਬੇਲੀ।
ਸਿਆਸੀ ਮੁੱਦਾ ਕੋਈ ਲੱਭ ਹੈ ਆਮ ਜਾਂਦਾ,
ਨਾ ਕੋਈ ਲੱਭਣ ਤਾਂ ਜਾਂਦੇ ਆ ਘੜੇ ਬੇਲੀ।
ਕਿਹੜਾ ਦੇਊਗਾ ਕਦੋਂ ਕੁ ਸਾਥ ਕੀਹਦਾ,
ਰਹਿੰਦੇ ਤਿਆਰਪਿਆਦੇਨੇ ਖੜੇ ਬੇਲੀ।
ਚਾਰਾਜ਼ੋਈ ਲਈ ਕੋਈ ਹੈ ਖਿਸਕ ਜਾਂਦਾ,
ਕਿਧਰੇ ਜਾਵੇ ਕੋਈ ਘੇਰਿਆ ਰੜੇ ਬੇਲੀ।
ਚੱਲਣ ਲੱਗਾ ਹੈ ਨਵਾਂ ਕੋਈ ਗੇੜ ਸੁਣਿਆ,
ਹਿਲਜੁਲ ਸੁਣੀ ਮੁਹਾਲੀ ਵੱਲ ਹੋਈ ਬੇਲੀ।
ਅੰਬਰਸਰ ਵੱਲ ਸੁਣੀ ਕੁਝ ਤਾਰ ਜੁੜਦੀ,
ਲਾਹੁਣੀ ਕਿਸੇ ਦੀ ਸੁਣੀ ਆ ਲੋਈ ਬੇਲੀ।

  • ਤੀਸ ਮਾਰ ਖਾਂ

Continue Reading
Click to comment

Leave a Reply

Your email address will not be published. Required fields are marked *

ਅੱਜ-ਨਾਮਾ

ਅੱਜ-ਨਾਮਾ-13 ਜੂਨ 2021

Published

on

ajjnama

ਕਰ ਲਈ ਸਹਿਮਤੀ ਬਸਪਾ-ਅਕਾਲੀਆਂ ਨੇ,
ਮਿਲ ਕੇ ਚੋਣ ਉਹ ਲੱਗੇ ਹਨ ਲੜਨ ਮਿੱਤਰ।
ਮਾਇਆਵਤੀ ਨੇ ਕਰੀ ਨਹੀਂ ਪਹੁੰਚ ਕਹਿੰਦੇ,
ਅਕਾਲੀ ਹਾਥੀ ਦੀ ਪੂਛ ਗਏ ਫੜਨ ਮਿੱਤਰ।
ਪਾ ਲਿਆ ਭਾਜਪਾ ਨਾਲ ਜਿਉਂ ਬਹੁਤ ਰੱਫੜ,
ਉਹ ਵੀ ਲਾਗੇ ਨਹੀਂ ਲੱਗੀ ਹੈ ਖੜਨ ਮਿੱਤਰ।
ਦਿੱਤੀਆਂ ਬਸਪਾ ਨੂੰ ਸਿਰਫ ਹਨ ਵੀਹ ਸੀਟਾਂ,
ਸਿਕਸਰ ਜਿੱਤ ਦਾ ਚੱਲੇ ਇਹ ਜੜਨ ਮਿੱਤਰ।
ਲੜਦਿਆਂ ਚੋਣ ਤਾਂ ਕਦੇ ਕੋਈ ਜਾਣਦਾ ਨਹੀਂ,
ਕਿਸ ਦੀ ਜਿੱਤ ਹੋਊ, ਕਿਸ ਦੀ ਹਾਰ ਮਿੱਤਰ।
ਮੁਕਾਬਲਾ ਕਰਨਾ ਈ ਜਿਨ੍ਹਾਂ ਦੇ ਨਾਲ ਮਿੱਤਰ,
ਫਿਰਦੀਆਂ ਧਿਰਾਂ ਉਹ ਤਿੰਨ ਤਿਆਰ ਮਿੱਤਰ।

  • ਤੀਸ ਮਾਰ ਖਾਂ

Continue Reading

ਅੱਜ-ਨਾਮਾ

ਅੱਜ-ਨਾਮਾ-12 ਜੂਨ 2021

Published

on

ajjnama

ਮੁਕੁਲ ਮੁੜ ਆਇਆ ਮਮਤਾ ਕੈਂਪ ਵੰਨੀੰਂ,
ਮੋਦੀ ਟੀਮ ਲਈ ਮਾਰ ਗਿਆ ਚੋਟ ਬੇਲੀ।
ਆਖੇ, ਗਿਆ ਮਜਬੂਰੀ ਦਾ ਮਾਰਿਆ ਸਾਂ,
ਮਮਤਾ ਦੀਦੀ ਦੇ ਵਿੱਚ ਨਹੀਂ ਖੋਟ ਬੇਲੀ।
ਕਈਆਂ ਕੇਸਾਂ ਦੇ ਵਿੱਚ ਸੀ ਮੁਕੁਲ ਫਾਥਾ,
ਮਿਲਦੀ ਦਿੱਸੀ ਨਾ ਕਿਤੇ ਜਦ ਛੋਟ ਬੇਲੀ।
ਭਾਜਪਾ ਵਿੱਚ ਜਦ ਗਿਆ ਤਾਂ ਕੇਸ ਮੁੱਕੇ,
ਆ ਗਿਆ ਕੰਮ ਉਹਦਾ ਓਥੇ ਲੋਟ ਬੇਲੀ।
ਕੇਸਾਂ ਮਾਰਿਆ ਗਿਆ ਸੀ ਭਾਜਪਾ ਵਿੱਚ,
ਮੁੱਕੇ ਕੰਮ ਪਿੱਛੋਂ ਘਰ ਨੂੰ ਪਰ ਤਿਆਈ।
ਅਜੀਤ ਪਵਾਰ ਨੇ ਖੇਡਿਆ ਦਾਅ ਜਿੱਦਾਂ,
ਉਹੀ ਪੈਂਤੜਾ ਮੁਕੁਲ ਨੇ ਵਰਤਿਆ ਈ।

  • ਤੀਸ ਮਾਰ ਖਾਂ

Read More Latest Punjabi Poetry

Continue Reading

ਅੱਜ-ਨਾਮਾ

ਅੱਜ-ਨਾਮਾ-11 ਜੂਨ 2021

Published

on

ajjnama

ਰਾਮ ਰਹੀਮ ਲਈ ਮਿਲੀ ਪੈਰੋਲ ਜਿਹੜੀ,
ਕਈਆਂ ਧਿਰਾਂ ਦੀ ਓਧਰ ਆ ਅੱਖ ਬੇਲੀ।
ਉਸ ਦੇ ਕੋਲ ਆ ਵੋਟਾਂ ਦੀ ਲਾਈਨ ਵੱਡੀ,
ਜਿਸ ਦੇ ਮਗਰ ਚਾਹੇ, ਸਕਦਾ ਰੱਖ ਬੇਲੀ।
ਚੋਣ ਜਿੱਤਣ ਲਈ ਚਾਹੁੰਦੇ ਆ ਸਭ ਵੋਟਾਂ,
ਰੱਖਦਾ ਓਦੋਂ ਨਹੀਂ ਸੋਚ ਕੋਈ ਵੱਖ ਬੇਲੀ।
ਜਾ-ਜਾ ਡੇਰੇ ਵਿੱਚ ਚਰਨ-ਸਪਰਸ਼ ਕਰਦੇ,
ਪੈ ਜਾਏ ਸਭ ਨੂੰ ਇਹ ਮਾਰਨੀ ਝੱਖ ਬੇਲੀ।
ਜਿਹੜੇ ਲੋਕਾਂ ਵਿੱਚ ਮਾਰਦੇ ਬੜ੍ਹਕ ਲੀਡਰ,
ਉਹ ਵੀ ਮੱਥਾ ਕਈ ਲੈਂਦੇ ਹਨ ਟੇਕ ਬੇਲੀ।
ਥੱਈਆ-ਥੱਈਆ ਨਚਾਂਵਦਾ ਇਸ਼ਕ ਏਥੇ,
ਬਾਹਰੋਂ ਕਰਨਾ ਡਰਾਮਾ ਜਿਹਾ ਫੇਕ ਬੇਲੀ।

  • ਤੀਸ ਮਾਰ ਖਾਂ

Continue Reading

ਰੁਝਾਨ


Copyright by IK Soch News powered by InstantWebsites.ca