Ajj Nama March-4-2021 | Latst Punjabi Poetry | Ik Soch Punjabi
Connect with us [email protected]

ਅੱਜ-ਨਾਮਾ

ਅੱਜ-ਨਾਮਾ-ਮਾਰਚ 4 2021

Published

on

ajj nama

ਪੰਜਾਂ ਸੀਟਾਂ ਲਈ ਦਿੱਲੀ ਵਿੱਚ ਚੋਣ ਹੋਈ,
ਪਾਰਟੀ ‘ਆਪ’ ਨੇ ਜਿੱਤੀਆਂ ਚਾਰ ਭਾਈ।
ਸਿੱਟਾ ਆਇਆ ਅਜਬ ਜਿਹਾ ਪੰਜਵੀਂ ਦਾ,
ਕਾਂਗਰਸ ਪਾਰਟੀ ਦਾਅ ਗਈ ਮਾਰ ਭਾਈ।
ਸੀਟ ਇੱਕ ਵੀ ਆਈ ਨਹੀਂ ਭਾਜਪਾ ਦੀ,
ਸਾਰੇ ਥਾਂਈਂ ਹੀ ਗਈ ਇਹ ਹਾਰ ਭਾਈ।
ਰਾਜਧਾਨੀ ਵਿੱਚ ਖਿਸਕ ਰਹੇ ਪੈਰ ਜਾਪਣ,
ਸਾਰੇ ਮੁਲਕ ਵਿੱਚ ਸ਼ੂਕ ਰਹੀ ਡਾਰ ਭਾਈ।
ਕਹਿ ਰਿਹਾ ਕੋਈ ਕਿਸਾਨ ਹਨ ਜੜ੍ਹੀਂ ਬੈਠੇ,
ਕਹਿੰਦਾ ਕੋਈ ਮਹਿੰਗਾਈ ਨੇ ਮਾਰਿਆ ਈ।
ਜਿਹੜਾ ਲਾਵੇ ਪਿਆ ਦੌੜ ਬੰਗਾਲ ਤੀਕਰ,
ਛਾਵੇਂ ਤਖਤ ਦੇ ਪਿਆ ਬਈ ਹਾਰਿਆ ਈ।


-ਤੀਸ ਮਾਰ ਖਾਂ

Read More Latest Punjabi Poetry 2021

Continue Reading
Click to comment

Leave a Reply

Your email address will not be published. Required fields are marked *

ਅੱਜ-ਨਾਮਾ

ਅੱਜ-ਨਾਮਾ-18 ਅਪ੍ਰੈਲ 2021

Published

on

ajjnama

ਪਹਿਲਾਂ ਮਾਰੀ ਸਰਕਾਰ ਸੀ ਸੱਟ ਭਾਰੀ,
ਬੈਠਾ ਧਰਨਿਆਂ ਵਿੱਚ ਕਿਰਸਾਨ ਬੇਲੀ।
ਪਿੱਛੋਂ ਪਈ ਸੀ ਕੁਦਰਤੀ ਮਾਰ ਇਹਨੂੰ,
ਘਟੇ ਝਾੜ ਸੀ ਖਿੱਚ ਲਈ ਜਾਨ ਬੇਲੀ।
ਪਈ ਮੰਡੀ ਵਿੱਚ ਫਸਲ ਨਾ ਹੋਏ ਬੋਲੀ,
ਅਫਸਰ ਅੱਜ ਦੇ ਬਣੇ ਸੁਲਤਾਨ ਬੇਲੀ।
ਉੱਤੋਂ ਆ ਗਿਆ ਸ਼ੂਕਦਾ ਫੇਰ ਬੱਦਲ,
ਇਹ ਵੀ ਕਰੂਗਾ ਕੁਝ ਨੁਕਸਾਨ ਬੇਲੀ।
ਉੱਤਮ ਖੇਤੀ ਨਾ ਰਹੀ ਹੈ ਕਹਿਣ ਜੋਗੀ,
ਐਵੇਂ ਈ ਕਹਿਣ ਨੂੰ ਹਨ ਅਖਾਣ ਬੇਲੀ।
ਫਸਿਆ ਪਿਆ ਚੁਫੇਰੇ ਤੋਂ ਅੰਨ-ਦਾਤਾ,
ਉਹਦੇ ਦਰਦ ਤੋਂ ਦੇਸ਼ ਅਣਜਾਣ ਬੇਲੀ।

  • ਤੀਸ ਮਾਰ ਖਾਂ

Click Here To Read More Latest Punjabi Poetry

Continue Reading

ਅੱਜ-ਨਾਮਾ

ਅੱਜ-ਨਾਮਾ-17 ਅਪ੍ਰੈਲ 2021

Published

on

Ajj Nama

ਅਫਸਰ ਵੱਡਾ ਰਿਟਾਇਰ ਜੋ ਹੋਣ ਵਾਲਾ,
ਜਦ ਵੀ ਬੋਲੇ, ਇਸ਼ਾਰੇ ਜਿਹੇ ਕਰੇ ਬੇਲੀ।
ਤਕੜੀ ਪੈਨਸ਼ਨ ਬੇਸ਼ੱਕ ਹੈ ਮਿਲਣ ਵਾਲੀ,
ਗੁਜ਼ਾਰਾ ਪੈਨਸ਼ਨ ਦੇ ਨਾਲ ਨਾ ਸਰੇ ਬੇਲੀ।
ਵਿਹੜੇ ਪਹੁੰਚ ਕੇ ਵਕਤ ਦੇ ਹਾਕਮਾਂ ਦੇ,
ਹਾਜ਼ਰੀ ਸੁਬਹਾ ਤੇ ਸ਼ਾਮ ਨੂੰ ਭਰੇ ਬੇਲੀ।
ਕਿਸੇ ਵੀ ਬੋਰਡ ਜਾਂ ਕਿਸੇ ਅਥਾਰਟੀ ਦੀ,
ਕੁਰਸੀ ਲੈਣ ਲਈ ਅਰਜ਼ੀਆਂ ਧਰੇ ਬੇਲੀ।
ਫਸਿਆ ਵੇਖਦੇ ਜਦੋਂ ਫਿਰ ਘਾਗ ਲੀਡਰ,
ਉਲਟੀ-ਸਿੱਧੀ ਵੀ ਪਾਉਣ ਵਗਾਰ ਬੇਲੀ।
ਅੱਗੇ ਰੱਖ ਕੇ ਫਸੀ ਹੋਈ ਫਾਈਲ ਕੋਈ,
ਕਹਿੰਦੇ, ਘੁੱਗੀ ਤਾਂ ਜ਼ਰਾ ਕੁ ਮਾਰ ਬੇਲੀ।
-ਤੀਸ ਮਾਰ ਖਾਂ

Click Here To Read More Latest Punjabi Poetry

Continue Reading

ਅੱਜ-ਨਾਮਾ

ਅੱਜ-ਨਾਮਾ-16 ਅਪ੍ਰੈਲ 2021

Published

on

Ajj Nama

ਹੋਈ ਕੈਪਟਨ ਤੇ ਕੁੰਵਰ ਦੀ ਕੱਲ੍ਹ ਬੈਠਕ,
ਉਲਝਣ ਓਦਾਂ ਦੀ ਓਦਾਂ ਹੈ ਰਹੀ ਮੀਆਂ।
ਕੈਪਟਨ ਕੋਸਿ਼ਸ਼ ਮਨਾਉਣ ਦੀ ਬੜੀ ਕੀਤੀ,
ਮਨ ਦੀ ਗੱਲ ਫਿਰ ਕੁੰਵਰ ਨੇ ਕਹੀ ਮੀਆਂ।
ਦੋਵਾਂ ਧਿਰਾਂ ਦੀ ਮੁਸ਼ਕਲ ਸੀ ਬੱਸ ਇੱਕੋ,
ਲੱਗਦਾ ਦੋਵਾਂ ਨੂੰ ਅਸੀਂ ਹਾਂ ਸਹੀ ਮੀਆਂ।
ਲਹਿ ਗਈ ਗੱਡੀ ਜੋ ਪਟੜੀਉਂ ਇੱਕ ਵਾਰੀ,
ਚੜ੍ਹਨੋਂ ਰਹੀ ਤੇ ਰਹਿਣੀ ਫਿਰ ਲਹੀ ਮੀਆਂ।
ਓਧਰ ਚੋਭਾਂ ਪਈ ਲਾਉਂਦੀ ਆ ਰਾਜਨੀਤੀ,
ਲਾਉਣ ਦੇਂਦੀ ਨਾ ਸਿਰੇ ਕੋਈ ਬਾਤ ਮੀਆਂ।
ਕਈ ਹਨ ਬੁੱਕਲ ਦੇ ਸੱਪ ਸਰਗਰਮ ਹੋਏ,
ਕਰਦੇ ਅੰਦਰ ਤੋਂ ਪੂਰੀ ਉਹ ਘਾਤ ਮੀਆਂ।
-ਤੀਸ ਮਾਰ ਖਾਂ

Click Here To Read More Latest Punjabi Poetry

Continue Reading

ਰੁਝਾਨ


Copyright by IK Soch News powered by InstantWebsites.ca