Ajj Nama June -29- 2021 | Latest Punjabi Poetry | Ik Soch
Connect with us [email protected]

ਅੱਜ-ਨਾਮਾ

ਅੱਜ-ਨਾਮਾ-29 ਜੂਨ 2021

Published

on

ajjnama

ਪਾ ਲਈ ਸਾਂਝ ਜਦ ਨਾਲ ਅਕਾਲੀਆਂ ਦੇ,
ਬਸਪਾ ਅੰਦਰ ਹਨ ਛਿੜੇ ਵਿਵਾਦ ਬੇਲੀ।
ਸਾਬਕਾ ਗਿਆ ਪ੍ਰਧਾਨ ਹੈ ਰੁੱਸ ਸੁਣਿਆ,
ਕੀਤੀ ਮੀਟਿੰਗ ਦਾ ਪਿਆ ਫਸਾਦ ਬੇਲੀ।
ਮਾਇਆਵਤੀ ਨੂੰ ਕਿਸੇ ਜਾ ਖਬਰ ਕੀਤੀ,
ਉਹਨੇ ਕੀਤਾ ਨਾ ਵਕਤ ਬਰਬਾਦ ਬੇਲੀ।
ਕੱਢਿਆ ਸਾਬਕ ਪ੍ਰਧਾਨ ਹੈ ਪਾਰਟੀ `ਚੋਂ,
ਸੁਣੀ-ਪੁੱਛੀ ਨਾ ਦਾਦ-ਫਰਿਆਦ ਬੇਲੀ।
ਡਟੇ ਹਾਲੇ ਵੀ ਵਰਕਰ ਹਨ ਪਾਰਟੀ ਦੇ,
ਕਹਿੰਦੇ ਚੋਣ ਲਈ ਲਾਵਾਂਗੇ ਜ਼ੋਰ ਬੇਲੀ।
ਮਿਲੇ ਚਾਂਸ ਨੂੰ ਜੇ ਨਹੀਂ ਸਾਂਭ ਹੋਇਆ,
ਵਕਤ ਦੇਵਣਾ ਚਾਂਸਨਹੀਂ ਹੋਰ ਬੇਲੀ।

  • ਤੀਸ ਮਾਰ ਖਾਂ

ਅੱਜ-ਨਾਮਾ

ਅੱਜ-ਨਾਮਾ-01 ਅਗਸਤ 2021

Published

on

Punjabi Poetry

ਮਾੜੀ ਆਦਤ ਨਾ ਪਾਕਿ ਦੀ ਜਾਏ ਹਾਲੇ,
ਪੁੱਠੇ ਕੰਮਾਂ ਤੋਂ ਬਾਜ਼ ਨਹੀਂ ਆਏ ਮੀਆਂ।
ਧਿਰਾਂ ਦੋ ਅਫਗਾਨੀ ਤਾਂ ਲੜਨ ਪਈਆਂ,
ਪਾਸਿਓਂ ਪਾਕਿ ਵੀ ਟੰਗ ਅੜਾਏ ਮੀਆਂ।
ਤਾਲਿਬਾਨ ਦੀ ਮਦਦ ਲਈ ਲੜਨ ਓਥੇ,
ਪਾਕਿਸਤਾਨ ਨੇ ਫੌਜੀ ਭਿਜਵਾਏ ਮੀਆਂ।
ਕਾਰਗਿਲ ਵੇਲੇ ਸੀ ਖੇਡਿਆ ਖੇਡ ਇਹੀ,
ਜਿਹੜੀ ਅੱਜ ਵੀ ਉਹ ਦੁਹਰਾਏ ਮੀਆਂ।
ਵਾਰਸ ਸ਼ਾਹ ਨਹੀਂ ਆਦਤਾਂ ਜਾਂਦੀਆਂ ਈ,
ਪੋਰੀਆਂ ਵਾਂਗ ਭਾਵੇਂ ਦੇਈਏ ਕੱਟ ਮੀਆਂ।
ਚੱਜਦਾ ਕੰਮ ਨਹੀਂ ਪਾਕਿ ਨੇ ਕਦੀ ਕੀਤਾ,
ਹਰ ਥਾਂ ਲੈਂਦਾ ਬਦਨਾਮੀ ਹੀ ਖੱਟ ਮੀਆਂ।

  • ਤੀਸ ਮਾਰ ਖਾਂ

Continue Reading

ਅੱਜ-ਨਾਮਾ

ਅੱਜ-ਨਾਮਾ-31 ਜੁਲਾਈ 2021

Published

on

ajjnama

ਹੁੰਦੀ ਚੜ੍ਹਤ ਜਾਂਦੀ ਹਰ ਥਾਂ ਗੁੰਡਿਆਂ ਦੀ,
ਪੈਂਦੀ ਜਾ ਰਹੀ ਸਰਕਾਰ ਕਮਜ਼ੋਰ ਮੀਆਂ।
ਮਾਰਿਆ ਇੱਕ ਨੂੰ ਕੱਲ੍ਹ, ਫਿਰ ਅੱਜ ਦੂਜਾ,
ਭਲਕ ਨੂੰ ਮਾਰ ਸੁੱਟਣਾ ਕੋਈ ਹੋਰ ਮੀਆਂ।
ਫੜੂਗਾ ਕਾਤਲ ਜਾਂ ਡਾਕੂ ਵੀ ਕੌਣ ਆ ਕੇ,
ਫੜੇ ਜਦ ਜਾਣ ਲੁਟੇਰੇ ਨਹੀਂ ਚੋਰ ਮੀਆਂ।
ਫੜਿਆ ਚੋਰ ਵੀ ਛੁੱਟ ਜਾਏ ਖਰਚ ਦੇ ਕੇ,
ਅਮਲਾ ਬਹੁਤ ਜਿੱਥੇ ਰਿਸ਼ਵਤਖੋਰ ਮੀਆਂ।
ਜਿਊਣਾ ਝੂਠ ਹੋਇਆ, ਮੌਤ ਸੱਚ ਹੋ ਗਈ,
ਤ੍ਰਹਿਕਿਆ ਫਿਰਦਾ ਹੈ ਕੁੱਲ ਸਮਾਜ ਮੀਆਂ।
ਬਹਿ ਕੇ ਮਹਿਫਲਾਂ ਵਿੱਚ ਉਹ ਮੌਜ ਕਰਦੇ,
ਸੌਂਪਿਆ ਜਿਨ੍ਹਾਂ ਨੂੰ ਗਿਆ ਸੀ ਰਾਜ ਮੀਆਂ।

  • ਤੀਸ ਮਾਰ ਖਾਂ

Continue Reading

ਅੱਜ-ਨਾਮਾ

ਅੱਜ-ਨਾਮਾ-30 ਜੁਲਾਈ 2021

Published

on

ajjnama

ਠੇਡੇ ਖਾਂਦਿਆਂ ਤੋਂ, ਮਿਹਣੇ ਵੱਜਦਿਆਂ ਤੋਂ,
ਵਧਦੀ ਹਾਕੀ ਦੀ ਗਈ ਆ ਟੀਮ ਮਿੱਤਰ।
ਆਖਰੀ ਅੱਠਾਂ ਦੇ ਅੰਦਰ ਇਹ ਜਾ ਪਹੁੰਚੀ,
ਅਗਲੀ ਲਾਉਣੀ ਵੀ ਪਊ ਸਕੀਮ ਮਿੱਤਰ।
ਚੰਗਾ ਖੇਡ ਗਈ ਸਿੰਧੂ ਵੀ ਚਿੜੀ-ਛਿੱਕਾ,
ਖੇਡ ਰਹੀ ਕੁੜੀ ਹੈ ਖੇਡ ਅਜ਼ੀਮ ਮਿੱਤਰ।
ਬਾਕਸਿੰਗ ਵਿੱਚ ਨੇ ਮੁੰਡਾ ਤੇ ਕੁੜੀ ਚਮਕੇ,
ਵਧ ਰਹੀ ਟੀਮ ਦੀ ਦਿੱਸੇ ਕਰੀਮ ਮਿੱਤਰ।
ਲਾਇਆ ਜ਼ੋਰ ਪਿਆ ਸਾਰਾ ਖਿਡਾਰੀਆਂ ਨੇ,
ਮਿਹਨਤ ਕਰੀ ਦਾ ਦਿੱਸਦਾ ਅਸਰ ਮਿੱਤਰ।
ਬਹਿ ਕੇ ਬੰਨੇ `ਤੇ ਅਸਾਂ ਵੀ ਜ਼ੋਰ ਲਾਇਆ,
ਨੁਕਸ ਕੱਢਣ ਦੀ ਛੱਡੀ ਨਾ ਕਸਰ ਮਿੱਤਰ।

  • ਤੀਸ ਮਾਰ ਖਾਂ

Continue Reading

ਰੁਝਾਨ


Copyright by IK Soch News powered by InstantWebsites.ca