Ajj Nama Februaury-15-2021 | Latest Punjabi Poetry 2021
Connect with us [email protected]

ਅੱਜ-ਨਾਮਾ

ਅੱਜ-ਨਾਮਾ-ਫਰਵਰੀ 15,2021

Published

on

ਜਿਹੜਾ ਸ਼ੱਕ ਸੀ, ਅੰਤ ਵਿੱਚ ਓਹੀ ਹੋਈ,
ਹਿੰਸਾ ਚੋਣ ਵਿੱਚ ਭਾਰੂ ਫਿਰ ਰਹੀ ਮੀਆਂ।
ਚੁੱਕਿਆ ਸਿਰ ਨਹੀਂ ਚੋਣ ਅਧਿਕਾਰੀਆਂ ਨੇ,
ਪ੍ਰਕਿਰਿਆ ਚੋਣ ਦੀ ਲੀਹੋਂ ਸੀ ਲਹੀ ਮੀਆਂ।
ਚੰਡੀਗੜ੍ਹ ਤੋਂ ਜੀਹਦੇ ਲਈ ਤਾਰ ਖੜਕੀ,
ਅਫਸਰਾਂ ਮੰਨੀ ਹੈ ਓਸੇ ਦੀ ਕਹੀ ਮੀਆਂ।
ਜਿਸ ਦੇ ਨਾਲ ਬਦਮਾਸ਼ਾਂ ਦੀ ਧਾੜ ਤਕੜੀ,
ਉਸ ਨੇ ਗਲਤ ਵੀ ਕੀਤਾ ਤਾਂ ਸਹੀ ਮੀਆਂ।
ਰੌਲਾ-ਗੌਲਾ ਇਹ ਪਾਉਣ ਦੀ ਲੋੜ ਕੀ ਆ,
ਲੋਕਾਂ ਨੂੰ ਖੱਜਲ ਕਰਾਉਣ ਦੀ ਲੋੜ ਕੀ ਆ।
ਨਾਮਜ਼ਦ ਮੈਂਬਰ ਹੀ ਕਾਹਤੋਂ ਨਾ ਕਰੇ ਜਾਂਦੇ,
ਦੂਸ਼ਣ ਲਾਉਣ-ਲਵਾਉਣ ਦੀ ਲੋੜ ਕੀ ਆ।

  • ਤੀਸ ਮਾਰ ਖਾਂ

Click Here To Read Latest Punjabi Poetry

Continue Reading
Click to comment

Leave a Reply

Your email address will not be published. Required fields are marked *

ਅੱਜ-ਨਾਮਾ

ਅੱਜ-ਨਾਮਾ-21 ਜੂਨ 2021

Published

on

Ajjnama

ਰਮਜ਼ਾਂ ਮਾਰਦੀ ਜਿੱਦਣ ਵੀ ਰਾਜਨੀਤੀ,
ਵੱਡੇ-ਵੱਡੇ ਵੀ ਜਾਣ ਫਿਰ ਡੋਲ ਮੀਆਂ।
ਬਣਿਆ ਪਿਆ ਵੱਕਾਰ ਆ ਛੱਡ ਦੇਂਦੇ,
ਬਹਿੰਦੇ ਆਗੂਆਂ ਦੇ ਗੋਡੇ ਕੋਲ ਮੀਆਂ।
ਛੋਟੇ ਹੋਇ ਕੇ ਮੰਗਣ ਫਿਰ ਮੰਗ ਵੱਡੀ,
ਲੀਡਰ ਹਾਂ ਕਰਦਾ ਗੱਲੀਂ ਗੋਲ ਮੀਆਂ।
ਵਿੱਚੋਂ ਹਾਂ ਨਿਕਲੀ, ਜਾਂ ਕਿ ਨਾਂਹ ਹੋਈ,
ਕਰਨਾ ਬਹੁਤ ਔਖਾ ਹੁੰਦਾ ਤੋਲ ਮੀਆਂ।
ਡੁੱਬਦਾ ਬੰਦਾ ਵੀ ਛੱਡੇ ਨਹੀਂ ਰਾਜਨੀਤੀ,
ਰਮਜ਼ਾਂ ਫੋਕੀਆਂ ਵੀ ਕਾਫੀ ਲਾਏ ਮੀਆਂ।
ਅੱਗੇ ਲੰਘਣ ਦਾ ਲੱਭਦਾ ਰਾਹ ਕੋਈ ਨਾ,
ਬੰਦਾ ਪਿੱਛੇ ਵੀ ਪਰਤਨਾ ਜਾਏ ਮੀਆਂ।

  • ਤੀਸ ਮਾਰ ਖਾਂ

Continue Reading

ਅੱਜ-ਨਾਮਾ

ਅੱਜ-ਨਾਮਾ-20 ਜੂਨ 2021

Published

on

ajjnama

ਵਧੀ ਜਾਂਦਾ ਪਰਦੂਸ਼ਣ ਹੈ ਬਿਨਾਂ ਰੁਕਿਆਂ,
ਹਟਦੇ ਲੋਕ ਨਹੀਂ ਪਾਉਣ ਤੋਂ ਗੰਦ ਬੇਲੀ।
ਜਿਹੜੇ ਗੰਗਾ ਦਾ ਕਰਨ ਸਤਿਕਾਰ ਵੱਡਾ,
ਹਟਦੇ ਚਾੜ੍ਹਨ ਤੋਂ ਉਹੋ ਨਹੀਂ ਚੰਦ ਬੇਲੀ।
ਪਾਣੀ ਸ਼ੁੱਧ ਨੂੰ ਸ਼ੁੱਧ ਨਹੀਂ ਰਹਿਣ ਦਿੱਤਾ,
ਕੀਤੇ ਸੀਵਰ ਵੀ ਗਏ ਨਹੀਂ ਬੰਦ ਬੇਲੀ।
ਦਾਅਵੇ ਕੀਤੇ ਸੁਧਾਰ ਲਈ ਬਹੁਤ ਜਾਂਦੇ,
ਜੁੜਦੀ ਕੰਮਾਂ ਦੀ ਕਦੇ ਨਹੀਂ ਤੰਦ ਬੇਲੀ।
ਜਿਨ੍ਹਾਂ ਗੰਗਾ ਵੀ ਸਾਫ ਨਾ ਰਹਿਣ ਦਿਤੀ,
ਬਣਦੇ ਦੂਜਿਆਂ ਤੋਂ ਬਹੁਤੇ ਭਗਤ ਬੇਲੀ।
ਦਾਅਵੇ ਹੋਰ, ਪਰ ਕੰਮ ਜਦ ਹੋਰ ਹੁੰਦਾ,
ਸਾਨੂੰ ਵੇਖ ਕੇ ਹੱਸੇ ਪਿਆ ਜਗਤ ਬੇਲੀ।

  • ਤੀਸ ਮਾਰ ਖਾਂ

Continue Reading

ਅੱਜ-ਨਾਮਾ

ਅੱਜ-ਨਾਮਾ-19 ਜੂਨ 2021

Published

on

Ajjnama

ਬਾਜਵਾ-ਕੈਪਟਨ ਦੇ ਜੋੜ ਦੀ ਖਬਰ ਆਈ,
ਹਲਚਲ ਹਰ ਥਾਂ ਪੰਜਾਬ ਵਿੱਚ ਹੋਈ ਬੇਲੀ।
ਕੀਤੀ ਦੋਵਾਂ ਇਹ ਬੈਠਕ ਸੀ ਰੱਖ ਓਹਲਾ,
ਗਈ ਇਹ ਬੈਠਕ ਨਾ ਫੇਰ ਲੁਕੋਈ ਬੇਲੀ।
ਚੱਲਦਾ ਜਿਹੜਾ ਵਿਰੋਧ ਸੀ ਰਿਹਾ ਪਹਿਲਾਂ,
ਉਹ ਤਾਂ ਮੈਲ ਨਹੀਂ ਜਾਣੀ ਹੈ ਧੋਈ ਬੇਲੀ।
ਬਹਿੰਦੇ ਜੁੜ ਕੇ ਇਕੱਠੇ ਨਹੀਂ ਦੋਏ ਆਗੂ,
ਮਿਲਦੀ ਚੋਣਾਂ ਦੇ ਵਿੱਚ ਨਹੀਂ ਢੋਈ ਬੇਲੀ।
ਪਰਦੇ ਕੱਜਣ ਲਈ ਪਾਈ ਆ ਸਾਂਝ ਭਾਵੇਂ,
ਜਾਣੀ ਅੰਦਰ ਦੀ ਛੇਤੀ ਨਹੀਂ ਕੌੜ ਬੇਲੀ।
ਅਗਲੀ ਚੋਣ ਵਿੱਚ ਜਿੱਤ ਦੀ ਝਾਕ ਰੱਖੀ,
ਵੱਡੀ ਕੁਰਸੀ ਲਈ ਦੋਵਾਂ ਦੀ ਦੌੜ ਬੇਲੀ।

  • ਤੀਸ ਮਾਰ ਖਾਂ

Continue Reading

ਰੁਝਾਨ


Copyright by IK Soch News powered by InstantWebsites.ca