ਅੱਜ-ਨਾਮਾ

ਅੱਜ-ਨਾਮਾ-ਫਰਵਰੀ 10 2021

Published

3 weeks ago

February 10, 2021

ਆਈ ਖਬਰ ਇਹ ਪਾਕਿ ਦੀ ਅੱਜ ਤਾਜ਼ੀ,
ਹੋਇਆ ਏ ਮੰਦਰਾਂ ਦਾ ਮਾੜਾ ਹਾਲ ਬੇਲੀ।
ਸਰਕਾਰੀ ਮਹਿਕਮਾ ਕਿਸੇ ਨੂੰ ਰੋਕਦਾ ਨਹੀਂ,
ਮਾਫੀਆ ਵਾਲਿਆਂ ਨੇ ਬੁਣਿਆ ਜਾਲ ਬੇਲੀ।
ਜਿੱਥੇ ਕਿਤੇ ਵੀ ਉਨ੍ਹਾਂ ਦੀ ਨਜ਼ਰ ਪੈ ਜਾਏ,
ਮਾਫੀਆ ਮੰਦਰ ਉਹ ਲਵੇ ਸੰਭਾਲ ਬੇਲੀ।
ਥਾਣੇ ਵਿੱਚ ਸਿ਼ਕਾਇਤ ਕੋਈ ਕਰਨ ਜਾਂਦਾ,
ਬਣਦੀ ਪੁਲਸ ਨਾ ਪੀੜਤ ਦੀ ਢਾਲ ਬੇਲੀ।
ਪਹੁੰਚਦੀ ਸੂਚਨਾ ਪਾਕਿ ਸਰਕਾਰ ਤੀਕਰ,
ਲਾਰੇ ਲਾਈ ਜਾਵੇ, ਕਰਦੀ ਕੱਖ ਹੈ ਨਹੀਂ।
ਕੱਟੜਪੰਥੀਆਂ ਦਾ ਬਾਹਲਾ ਦਬਦਬਾ ਈ,
ਲਵੇ ਪੀੜਤਾਂ ਦਾ ਕੋਈ ਵੀ ਪੱਖ ਹੈ ਨਹੀਂ।

ਤੀਸ ਮਾਰ ਖਾਂ

Click Here To Read More Latest Punjabi Poetry

Up Next

ਅੱਜ-ਨਾਮਾ-ਫਰਵਰੀ 11, 2021

Don't Miss

ਅੱਜ-ਨਾਮਾ-ਫਰਵਰੀ 09, 2021

Click to comment

ਅੱਜ-ਨਾਮਾ

ਅੱਜ-ਨਾਮਾ-ਮਾਰਚ 1 2021

Published

2 hours ago

March 1, 2021

AP News Report

ਪੁੱਛਿਆ ਜਾਂਦਾ ਸਵਾਲ ਇਹ ਕਈ ਵਾਰੀ,
ਮਿਲਦਾ ਕਿਤੋਂ ਜਵਾਬ ਨਹੀਂ ਠੋਸ ਮੀਆਂ।
ਕਰਦੀ ਗੱਲ ਨਾ ਮੋਦੀ ਸਰਕਾਰ ਕਾਹਤੋਂ,
ਆਮ ਲੋਕਾਂ ਦੇ ਅੰਦਰ ਇਹ ਰੋਸ ਮੀਆਂ।
ਲੋਕਤੰਤਰ ਵਿੱਚ ਲੋਕਾਂ ਦੀ ਕਦਰ ਨਾਹੀਂ,
ਹੋਵੇ ਕਿੱਦਾਂ ਨਹੀਂ ਭਲਾ ਅਫਸੋਸ ਮੀਆਂ।
ਮੰਤਰੀ ਕੇਂਦਰ ਦੇ ਗੱਲ ਟਰਕਾਈ ਜਾਂਦੇ,
ਕਰਨੀ ਬਾਤ ਕੁਝ ਏਸ ਕਿ ਓਸ ਮੀਆਂ।
‘ਮਨ ਕੀ ਬਾਤ’ ਦਾ ਬੜਾ ਸ਼ੌਕੀਨ ਮੋਦੀ,
ਗਾਵੇ ਏਧਰ ਜਾਂ ਓਧਰ ਦਾ ਰਾਗ ਮੀਆਂ।
‘ਭਾਰਤ ਭਾਗ ਵਿਧਾਤਾ’ ਨੂੰ ਰਹੇ ਸੁਣਦੇ,
ਜਾਗਣਾ ਦੇਸ਼ ਦਾ ਕਦੋਂ ਈ ਭਾਗ ਮੀਆਂ।

-ਤੀਸ ਮਾਰ ਖਾਂ

Click Here To Read Latest Punjabi Poetry

ਅੱਜ-ਨਾਮਾ

ਅੱਜ-ਨਾਮਾ-ਫਰਵਰੀ 28 2021

Published

1 day ago

February 28, 2021

AP News Report

ਰਾਹੁਲ ਗਾਂਧੀ ਦਾ ਸਮਾਂ ਨਹੀਂ ਰਿਹਾ ਚੰਗਾ,
ਨਵੀਂਉਂ ਨਵੀਂ ਮੁਸ਼ਕਲ ਹੁੰਦੀ ਖੜੀ ਬੇਲੀ।
ਆਉਂਦਾ ਰਾਸ ਨਾ ਕਦੇ ਵੀ ਕਦਮ ਉਸ ਦਾ,
ਕਰਦਾ ਕੋਸਿ਼ਸ਼ ਤਾਂ ਭਾਵੇਂ ਉਹ ਬੜੀ ਬੇਲੀ।
ਆਗੂ ਪਾਰਟੀ ਦੇ ਮੰਨਦੇ ਬਾਤ ਕੋਈਨਹੀਂ,
ਦਿੱਸਦੀ ਬਾਗੀਆਂ ਦੀ ਤਕੜੀ ਲੜੀ ਬੇਲੀ।
ਜਿਸ ਵੀ ਆਗੂ ਦੇ ਵੱਲ ਉਹ ਫੋਨ ਕਰਦਾ,
ਉਹ ਹੀ ਗੱਲ ਕਰਦਾ ਅਸਲੋਂ ਸੜੀ ਬੇਲੀ।
ਰਿਹਾ ਨਾ ਗਾਂਧੀ ਘਰਾਣੇ ਦਾ ਅਕਸ ਬੇਲੀ,
ਕਾਂਗਰਸ ਮੰਚ ਤੋਂ ਤਿਲਕਦੀ ਜਾਏ ਬੇਲੀ।
ਚਸਕਾਚੌਧਰ ਦਾ ਰਾਹੁਲ ਦਾ ਛੁੱਟਦਾਨਾ,
ਕਿਹੜਾ ਅਕਲ ਦਾ ਸਬਕ ਪੜ੍ਹਾਏ ਬੇਲੀ।

-ਤੀਸ ਮਾਰ ਖਾਂ

Click Here To Read Latest Punjabi Poetry

ਅੱਜ-ਨਾਮਾ

ਅੱਜ-ਨਾਮਾ-ਫਰਵਰੀ 27 2021

Published

2 days ago

February 27, 2021

AP News Report

ਹੋ ਗਿਆ ਚੋਣਾਂ ਦਾ ਨਵਾਂ ਐਲਾਨ ਮੀਆਂ,
ਵੰਡਿਆ ਦੇਸ਼ ਦਾ ਜਾਊ ਧਿਆਨ ਮੀਆਂ।
ਪੰਜਾਂ ਰਾਜਾਂ ਦੇ ਲੋਕਾਂ ਹਨ ਵੋਟ ਪਾਉਣੇ,
ਆਗੂਆਏ ਫਿਰ ਵਿੱਚ ਮੈਦਾਨ ਮੀਆਂ।
ਸੁੱਟਦੇ ਚਿੱਕੜ ਦੇ ਬੁੱਕ ਨੇ ਦੂਜਿਆਂ `ਤੇ,
ਤੀਰਾਂ ਵਾਂਗ ਪਏ ਛੱਡਣ ਬਿਆਨ ਮੀਆਂ।
ਚੱਲੇ ਲੋਕਾਂ ਨੂੰ ਉਹ ਹਨ ਅਕਲ ਵੰਡਣ,
ਖੁਦ ਨੂੰ ਆਪ ਨਾ ਕੱਖ ਗਿਆਨ ਮੀਆਂ।
ਤਾਮਿਲ ਨਾਡੂ ਜਾਂ ਪੱਛਮ ਬੰਗਾਲ ਹੋਵੇ,
ਕੇਰਲਾ ਹੋਵੇ ਜਾਂ ਭਲਾ ਆਸਾਮ ਮੀਆਂ।
ਪਾਂਡੀਚਰੀ ਦਾ ਨਿੱਕਾ ਹੈ ਰਾਜ ਬੇਸ਼ੱਕ,
ਕੂੜ ਪ੍ਰਚਾਰ ਹੀ ਚੱਲਣਾ ਆਮ ਮੀਆਂ।

-ਤੀਸ ਮਾਰ ਖਾਂ