ਅੱਜ-ਨਾਮਾ

ਅੱਜ-ਨਾਮਾ-ਫਰਵਰੀ 04, 2021

Published

3 weeks ago

February 4, 2021

ਖੇਤੀ ਮੰਤਰੀ ਕੇਂਦਰ ਦਾ ਬੋਲ ਪਿਆ ਈ,
ਆਖੇ ਬੈਠਕ ਲਈ ਅਸੀਂ ਤਿਆਰ ਬੇਲੀ।
ਬਣਾਏ ਖੇਤੀ ਲਈ ਅਸੀਂ ਕਾਨੂੰਨ ਸੋਹਣੇ,
ਕਰਨੀ ਭਾਰਤ ਦੀ ਬੇੜੀ ਆ ਪਾਰ ਬੇਲੀ।
ਜਿਹੜੀ ਗੱਲ ਦੇ ਉੱਤੇ ਨਾ ਰਾਏ ਰਲਦੀ,
ਉਹਦੀ ਕਰ ਲਾਂ`ਗੇ ਫੇਰ ਵਿਚਾਰ ਬੇਲੀ।
ਵੇਖਣੀ ਔਖੀ ਕਿਸਾਨਾਂ ਦੀ ਬੁਰੀ ਹਾਲਤ,
ਕਰਨਾ ਇਹਦਾ ਹੈ ਸਿਰਫ ਸੁਧਾਰ ਬੇਲੀ।
ਕਰਨੀ ਬੈਠਕ ਤਾਂ ਮੰਤਰੀ ਠੀਕ ਕਹਿੰਦਾ,
ਚਿੱਠੀ ਕਿਸੇ ਨੂੰ ਕੋਈ ਨਹੀਂ ਪਾਈ ਬੇਲੀ।
ਗੱਲੀਂ-ਬਾਤੀਂ ਤਿਆਰ ਸਰਕਾਰ ਸੁਣਦੀ,
ਗਈ ਨਾ ਕਿਸੇ ਨੂੰ ਤਾਰ ਮਿਲਾਈ ਬੇਲੀ।

ਤੀਸ ਮਾਰ ਖਾਂ

Click Here To Read More Latest Punjabi Poetry

Up Next

ਅੱਜ-ਨਾਮਾ-ਫਰਵਰੀ 05, 2021

Don't Miss

ਅੱਜ-ਨਾਮਾ-ਫਰਵਰੀ 03, 2021

Click to comment

ਅੱਜ-ਨਾਮਾ

ਅੱਜ-ਨਾਮਾ-ਫਰਵਰੀ 24 2021

Published

14 hours ago

February 24, 2021

AP News Report

ਆਇਆ ਜਦੋਂ ਕੋਰੋਨਾ ਤਾਂ ਪਈ ਦਹਿਸ਼ਤ,
ਆਉਂਦੇ ਘਰੋਂ ਨਾ ਬਾਹਰ ਸੀ ਲੋਕ ਮਿੱਤਰ।
ਜਾਂਦਾ ਕੋਈ ਜੇ ਮਾਸਕ ਸੀ ਨਹੀਂ ਲਾਉਂਦਾ,
ਉਸ ਨੂੰ ਦਿੰਦੇ ਸੀ ਲੋਕ ਕਈ ਟੋਕ ਮਿਤਰ।
ਹਟ ਗਏ ਜਾਣ ਤੋਂ ਲੋਕ ਸੀ ਸ਼ਾਦੀਆਂ`ਤੇ,
ਜਾਂਦੇ ਕਰਨ ਨਾ ਮ੍ਰਿਤਕ ਦਾ ਸ਼ੋਕ ਮਿੱਤਰ।
ਹਾਲਤ ਸੁਧਰੀ ਤਾਂ ਲੋਕ ਬੇਫਿਕਰ ਹੋ ਗਏ,
ਮਰ ਗਈ ਜਿਵੇਂ ਕੋਰੋਨਾ ਦੀ ਜੋਕ ਮਿੱਤਰ।
ਲੱਗਿਆ ਫੇਰ ਇਹ ਵਧਣ ਆ ਦੇਸ਼ ਅੰਦਰ,
ਲੱਗਿਆ ਸਿੱਧਾ ਪੰਜਾਬ ਨੂੰ ਆਉਣ ਮਿੱਤਰ।
ਕਰੋ ਬਈ ਚੌਕਸੀ, ਢਿੱਲ ਨਾ ਕਿਤੇ ਕਰਿਓ,
ਕਰਿਓ ਆਪ ਹੀ ਬਚਣ-ਬਚਾਉਣ ਮਿੱਤਰ।

-ਤੀਸ ਮਾਰ ਖਾਂ

ਅੱਜ-ਨਾਮਾ-ਫਰਵਰੀ 23 2021

Published

2 days ago

February 23, 2021

AP News Report

ਕਿਹਾ ਸੀ ਕੈਲੇ ਨੇ ਕੱਲ੍ਹ ਨਸੀਬ ਸੋਂਹ ਨੂੰ,
ਰਹਿੰਦਾ ਚੋਣਾਂ ਦਾ ਇੱਕ ਆ ਸਾਲ ਬੇਲੀ।
ਸੁਣਿਆ ਹਾਲ ਤਾਂ ਮੰਦਾ ਹੈ ਕਾਂਗਰਸ ਦਾ,
ਹਰ ਕੋਈ ਦਿੱਸੇ ਕਮਾ ਰਿਹਾ ਮਾਲ ਬੇਲੀ।
ਜਿੱਦਾਂ ਹਾਰੇ ਅਕਾਲੀ ਸਨ ਸਾਲ ਪਿਛਲੇ,
ਸੁਧਰਿਆ ਜਾਪਦਾ ਅਜੇ ਨਾ ਹਾਲ ਬੇਲੀ।
ਕੇਜਰੀਵਾਲ ਦੇ ਚੇਲੇ ਪਏ ਲਾਉਣ ਦੌੜਾਂ,
ਕੀਤੀ ਤਿੱਖੀ ਬਈ ਜਾਪਦੀ ਚਾਲ ਬੇਲੀ।
ਹੱਸ ਕੇ ਕਿਹਾ ਸੀ ਅੱਗੋਂ ਨਸੀਬ ਸੋਂਹ ਨੇ,
ਲੋਕੀਂ ਕਹਿਣ ਨਾ ਅੰਦਰ ਦੀ ਗੱਲ ਬੇਲੀ।
ਜਦ ਤੱਕ ਚੋਣ ਨਾ ਬੂਹੇ `ਤੇ ਆਣ ਪੁੱਜੀ,
ਦੱਸਣਾ ਕਿਸੇ ਨਾ ਕੀਹਦੇ ਹੈ ਵੱਲ ਬੇਲੀ।

-ਤੀਸ ਮਾਰ ਖਾਂ

ਅੱਜ-ਨਾਮਾ-ਫਰਵਰੀ 22 2021

Published

3 days ago

February 22, 2021

AP News Report

ਹਰ ਕੋਈ ਪੁੱਛਦਾ ਇਹੋ ਕਿ ਬਣੇਗਾ ਕੀ,
ਮੁੱਦਾ ਹੋਊ ਕਿਸਾਨੀ ਦਾ ਹੱਲ ਕਿ ਨਹੀਂ।
ਖਾਲੀ ਦਾਅਵਾ ਸਰਕਾਰ ਆ ਕਰੀ ਜਾਂਦੀ,
ਕਰਨੀ ਨਾਲ ਕਿਸਾਨਾਂ ਦੇ ਗੱਲ ਕਿ ਨਹੀਂ।
ਟੁੱਟਾ ਸਬਰ ਕਿਸਾਨ ਜੇ ਭੜਕ ਪਏ ਤਾਂ,
ਵਗੇ ਵਹਿਣ ਨੂੰ ਸਕੂਗੀ ਝੱਲ ਕਿ ਨਹੀਂ।
ਭੁਗਤਗੇ ਉਹਦੇ ਖਿਲਾਫ ਜਦ ਚੋਣ ਅੰਦਰ,
ਰੰਗ ਮੋਦੀ ਦਾ ਸਕੇਗਾ ਕਿ ਚੱਲ ਕਿ ਨਹੀਂ।
ਵਧਦੀ ਗਿਣਤੀ ਸਵਾਲਾਂ ਦੀ ਰੋਜ਼ ਜਾਂਦੀ,
ਮਿਲਦਾ ਕਿਸੇ ਦਾ ਕੋਈ ਜਵਾਬ ਹੈ ਨਹੀਂ।
ਪਾ-ਪਾ ਵੋਟਾਂ ਤੇ ਦਿੱਤਾ ਇਹ ਮਾਣ ਲੋਕਾਂ,
ਆਖਰ ਆਗੂ ਹੈ, ਮੋਦੀ ਨਵਾਬ ਹੈ ਨਹੀਂ।

-ਤੀਸ ਮਾਰ ਖਾਂ