ਅੱਜ-ਨਾਮਾ

ਅੱਜ-ਨਾਮਾ-ਫਰਵਰੀ 05, 2021

Published

3 weeks ago

February 5, 2021

ਕੰਗਨਾ ਕਰਨੋਂ ਕੁਪੱਤ ਨਹੀਂ ਕਦੇ ਰਹਿੰਦੀ,
ਛੱਡਦੀ ਰਹਿੰਦੀ ਆ ਨਿੱਤ ਬਿਆਨ ਭਾਈ।
ਵਰਤਦੀ ਲਫਜ਼ ਵੀ ਏਦਾਂ ਦਾ ਬਹੁਤ ਭੈੜਾ,
ਜਿਸ ਦੇ ਮਤਲਬ ਦਾ ਨਹੀਂ ਗਿਆਨ ਭਾਈ।
ਦਿੱਤੀ ਖੁੱਲ੍ਹ ਜਿਹੀ ਕੇਂਦਰ ਦੇ ਹਾਕਮਾਂ ਨੇ,
ਵਿਗੜੀ ਉਹਦੀ ਹੈ ਜਿਵੇਂ ਜ਼ਬਾਨ ਭਾਈ।
ਅਗਲੀ ਚੋਣ ਤੇ ਟਿਕੀ ਹੈ ਨਜ਼ਰ ਉਹਦੀ,

ਐੱਮ ਪੀ ਬਣਨ ਦਾ ਸਾਫ ਧਿਆਨ ਭਾਈ।

ਆਪਣੀ ਇੱਜ਼ਤ ਦਾ ਰੱਖੇ ਨਾ ਫਿਕਰ ਭੋਰਾ,

ਲਾਹੁੰਦੀ ਦੂਜਿਆਂ ਦੀ ਇੱਜ਼ਤ ਜਾਏ ਭਾਈ।

ਆਉਂਦੀ ਸ਼ਰਮ ਹੈ ਮੁਲਕ ਦੇ ਹਾਕਮਾਂਤੇ,
ਜੀਹਨਾਂ ਇਹੋ ਜਿਹੇ ਲੋਕ ਮਛਰਾਏ ਭਾਈ।

ਤੀਸ ਮਾਰ ਖਾਂ

ਅੱਜ-ਨਾਮਾ-ਫਰਵਰੀ 24 2021

Published

23 hours ago

February 24, 2021

AP News Report

ਆਇਆ ਜਦੋਂ ਕੋਰੋਨਾ ਤਾਂ ਪਈ ਦਹਿਸ਼ਤ,
ਆਉਂਦੇ ਘਰੋਂ ਨਾ ਬਾਹਰ ਸੀ ਲੋਕ ਮਿੱਤਰ।
ਜਾਂਦਾ ਕੋਈ ਜੇ ਮਾਸਕ ਸੀ ਨਹੀਂ ਲਾਉਂਦਾ,
ਉਸ ਨੂੰ ਦਿੰਦੇ ਸੀ ਲੋਕ ਕਈ ਟੋਕ ਮਿਤਰ।
ਹਟ ਗਏ ਜਾਣ ਤੋਂ ਲੋਕ ਸੀ ਸ਼ਾਦੀਆਂ`ਤੇ,
ਜਾਂਦੇ ਕਰਨ ਨਾ ਮ੍ਰਿਤਕ ਦਾ ਸ਼ੋਕ ਮਿੱਤਰ।
ਹਾਲਤ ਸੁਧਰੀ ਤਾਂ ਲੋਕ ਬੇਫਿਕਰ ਹੋ ਗਏ,
ਮਰ ਗਈ ਜਿਵੇਂ ਕੋਰੋਨਾ ਦੀ ਜੋਕ ਮਿੱਤਰ।
ਲੱਗਿਆ ਫੇਰ ਇਹ ਵਧਣ ਆ ਦੇਸ਼ ਅੰਦਰ,
ਲੱਗਿਆ ਸਿੱਧਾ ਪੰਜਾਬ ਨੂੰ ਆਉਣ ਮਿੱਤਰ।
ਕਰੋ ਬਈ ਚੌਕਸੀ, ਢਿੱਲ ਨਾ ਕਿਤੇ ਕਰਿਓ,
ਕਰਿਓ ਆਪ ਹੀ ਬਚਣ-ਬਚਾਉਣ ਮਿੱਤਰ।

-ਤੀਸ ਮਾਰ ਖਾਂ

ਅੱਜ-ਨਾਮਾ-ਫਰਵਰੀ 23 2021

Published

2 days ago

February 23, 2021

AP News Report

ਕਿਹਾ ਸੀ ਕੈਲੇ ਨੇ ਕੱਲ੍ਹ ਨਸੀਬ ਸੋਂਹ ਨੂੰ,
ਰਹਿੰਦਾ ਚੋਣਾਂ ਦਾ ਇੱਕ ਆ ਸਾਲ ਬੇਲੀ।
ਸੁਣਿਆ ਹਾਲ ਤਾਂ ਮੰਦਾ ਹੈ ਕਾਂਗਰਸ ਦਾ,
ਹਰ ਕੋਈ ਦਿੱਸੇ ਕਮਾ ਰਿਹਾ ਮਾਲ ਬੇਲੀ।
ਜਿੱਦਾਂ ਹਾਰੇ ਅਕਾਲੀ ਸਨ ਸਾਲ ਪਿਛਲੇ,
ਸੁਧਰਿਆ ਜਾਪਦਾ ਅਜੇ ਨਾ ਹਾਲ ਬੇਲੀ।
ਕੇਜਰੀਵਾਲ ਦੇ ਚੇਲੇ ਪਏ ਲਾਉਣ ਦੌੜਾਂ,
ਕੀਤੀ ਤਿੱਖੀ ਬਈ ਜਾਪਦੀ ਚਾਲ ਬੇਲੀ।
ਹੱਸ ਕੇ ਕਿਹਾ ਸੀ ਅੱਗੋਂ ਨਸੀਬ ਸੋਂਹ ਨੇ,
ਲੋਕੀਂ ਕਹਿਣ ਨਾ ਅੰਦਰ ਦੀ ਗੱਲ ਬੇਲੀ।
ਜਦ ਤੱਕ ਚੋਣ ਨਾ ਬੂਹੇ `ਤੇ ਆਣ ਪੁੱਜੀ,
ਦੱਸਣਾ ਕਿਸੇ ਨਾ ਕੀਹਦੇ ਹੈ ਵੱਲ ਬੇਲੀ।

-ਤੀਸ ਮਾਰ ਖਾਂ

ਅੱਜ-ਨਾਮਾ-ਫਰਵਰੀ 22 2021

Published

3 days ago

February 22, 2021

AP News Report

ਹਰ ਕੋਈ ਪੁੱਛਦਾ ਇਹੋ ਕਿ ਬਣੇਗਾ ਕੀ,
ਮੁੱਦਾ ਹੋਊ ਕਿਸਾਨੀ ਦਾ ਹੱਲ ਕਿ ਨਹੀਂ।
ਖਾਲੀ ਦਾਅਵਾ ਸਰਕਾਰ ਆ ਕਰੀ ਜਾਂਦੀ,
ਕਰਨੀ ਨਾਲ ਕਿਸਾਨਾਂ ਦੇ ਗੱਲ ਕਿ ਨਹੀਂ।
ਟੁੱਟਾ ਸਬਰ ਕਿਸਾਨ ਜੇ ਭੜਕ ਪਏ ਤਾਂ,
ਵਗੇ ਵਹਿਣ ਨੂੰ ਸਕੂਗੀ ਝੱਲ ਕਿ ਨਹੀਂ।
ਭੁਗਤਗੇ ਉਹਦੇ ਖਿਲਾਫ ਜਦ ਚੋਣ ਅੰਦਰ,
ਰੰਗ ਮੋਦੀ ਦਾ ਸਕੇਗਾ ਕਿ ਚੱਲ ਕਿ ਨਹੀਂ।
ਵਧਦੀ ਗਿਣਤੀ ਸਵਾਲਾਂ ਦੀ ਰੋਜ਼ ਜਾਂਦੀ,
ਮਿਲਦਾ ਕਿਸੇ ਦਾ ਕੋਈ ਜਵਾਬ ਹੈ ਨਹੀਂ।
ਪਾ-ਪਾ ਵੋਟਾਂ ਤੇ ਦਿੱਤਾ ਇਹ ਮਾਣ ਲੋਕਾਂ,
ਆਖਰ ਆਗੂ ਹੈ, ਮੋਦੀ ਨਵਾਬ ਹੈ ਨਹੀਂ।

-ਤੀਸ ਮਾਰ ਖਾਂ